Ämirjan Qosanov
kerey.kz
Biografiya
Ämirjan Sağidrahmanwlı Qosanov (13 mamır 1964 jıl, Sapaq auılı, Aral audanı, Qızılorda oblısı) — qazaqstandıq sayasatker, qoyğam qayratkeri, jurnalist.
Otbası jäne balalıq şağı
1964-jılı 13-mamırda Qızılorda oblısı Aral audanınıñ Sapaq beketinde köpbalalı temirjolşınıñ otbasında düniege keldi.
1981-jılı Qızılorda oblısı Jañaqazalı stansasındağı №17 qazaq orta mektebin bitirdi.
1981-1982 jıldar – Jañaqazalı stansasındağı №716 qwrılıs-montaj poyızınıñ slesari.
1982-jıldan – QazMU jurnalistika fakul'tetiniñ studenti.
1983-1985-jıldarı – Keñes Armiyasınıñ qatarında qızmet atqardı (Mäskeu qalası).
1985-jılı oquın jalğastırdı. Fakul'tet komsomol komitetiniñ hatşısı bop saylandı. Lenindik stipendiya iegeri boldı.
1989-jılı universitetti üzdik tämamdadı.
Äkesi – Sağidrahman Ağıbetwlı Qosanov. Anası – Aqqız Nağaşıbayqızı Qosanova.
Jwbayı – Roza Mwratqızı Qosanova.
Balaları – Indira, Tomiris, Ğalımjan
Qızmet jolı jäne sayasi mansap
1989-jıldıñ naurızınan – respublikalıq «Socialistik Qazaqstan» (qazirgi «Egemen Qazaqstan») gazetiniñ tilşisi. 1990-jıldıñ mausımında balama negizde (4 ümitkerdiñ arasınan) Almatı qalası Frunze (qazirgi Medeu) audandıq komsomol komitetiniñ birinşisi hatşısı bop saylandı. Keyinirek – Qazaqstan LKJO Ortalıq komitetiniñ sayasat böliminiñ meñgeruşisi, QR Jastar isteri jönindegi Memlekettik komitetiniñ BAQ-pen jwmıs böliminiñ bastığı.
1993-jıldıñ säuirinen – Jastar isi jönindegi jastar komiteti törağasınıñ orınbasarı. 1994-jıldıñ naurızınan – QR Jastar isteri, turizm jäne sport ministriniñ orınbasarı.
1994-jıldıñ qırküyeginen 1997-jıldıñ qırküyegine deyin – QR Prem'er-ministriniñ baspasöz hatşısı – Ministrler Kabineti baspasöz qızmetiniñ jetekşisi.
1998-jıldıñ naurızınan – «Reforma» äleumettik-ekonomikalıq jäne qoğamdıq-sayasi bastamalar ortalığınıñ prezidenti.
1998-jıldıñ jeltoqsanınan – Qazaqstan Respublikalıq halıqtıq partiyası (QRHP) atqaru komiteti törağasınıñ orınbasarı. 2000-jıldan – QRHP atqaru komitetiniñ törağası, Qazaqstan demokratiyalıq küşteri Forumınıñ teñtörağası.
2006-jıldıñ säuirinen – «Ädiletti Qazaqstan üşin» (ÄQÜ) qozğalısınıñ bas hatşısı.
2006-jıldıñ qırküyeginen – Jalpıwlttıq social-demokratiyalıq partiyanıñ (JSDP) birinşi orınbasarı.
2009–2012- jıldarı – birikken oppoziciyalıq «AZAT» JSDP partiyasınıñ bas hatşısı.
2012-jıldan – täuelsiz sayasatker.
Sayasi közqarası üşin qılmıstıq ayıp tağılıp, bir jıl bas bostandığınan şarttı türde ayırılğan (2003 jıl).
Rwqsat etilmegen mitingiler wyımdastırıp, jürgizgeni üşin üş ret 15 täulikke abaqtığa qamalğan.
Onıñ özine jäne otbasına qarsı birneşe dürkin arandatular men ürkitu akciyaları wyımdastırılğan. 1998 jılı maska kiip, qolına şoqpar wstağan bir top adam tün işinde onı üyiniñ mañında ayağı auır jwbayınıñ közinşe ayausız soqqığa jıqtı. Ol auır jaraqat alıp, auruhanağa tüsti.
2000 jıldıñ basında tün jamılğan qasköyler päteriniñ esigin sırtınan betondap ketti. Terezesine tas laqtırdı. Tipti kelesi künge onıñ janazasın tağayındap, mäyitin alıp jüruge qajetti avtokölikke tapsırıs berilgen, jerleu räsiminiñ aqşası tölengen!
2018 jılı äriptesterimen birge «Jaña Qazaqstan» Forumın qwrdı. Onıñ qwramına tanımal qoğam qayratkerleri endi. Biraq Forum tirkeluden öte almadı.
2019 jılı 9 mausımda ötetin saylau aldında Qazaqstan Respublikası prezidenttigine kandijat retinde tirkeldi.
Marapattarı
- 1994-jılı Qazaq teledidarında jasağan avtorlıq habarlar cikli üşin Qazaqstan Jastar odağınıñ sıylığınıñ laureatı atandı.
- Qazaqstan Jurnalister Odağı sıylığınıñ laureatı.
- 2002-jılı Orta-Aziyalıq sayasi zertteuler agenttigi onı «Jıl sayasatkeri» atadı.
- Maqalaları baspasözde jii jariyalanıp jür, birqatar respublikalıq basılımdarda avtorlıq bağanalar jürgizip keledi.
- Öleñderi poeziyalıq jinaqtarda, ädebi jurnaldar men gazetterde jariyalanğan.
Pikir qaldıru