|  | 

سۇحباتتار

“دومبىرا تارتىپ، قازاقشا ءان سالاتىن بۋىننىڭ سوڭىمىز با دەپ قورقامىن”


گەرمانيانىڭ حاتتسەنپورت اۋىلىندا. سۋرەت اۆتورى - تالعار دالەلعازى.

گەرمانيانىڭ حاتتسەنپورت اۋىلىندا. سۋرەت اۆتورى – تالعار دالەلعازى.

تۇركيادا تۋىپ، فرانتسيادا تۇرعان، ارعى تەگى التايلىق قازاق ءومىر وزكالپ گەرمانيادا كاسىپكەرگە اينالدى. تۇركيادا – “ومەر”، فرانتسيادا – “ۆيكتور-زافەر” اتانعان ءومىر شەتتەگى قازاق جاستارىنىڭ انا تىلىنەن اجىراپ بارا جاتقانىن ايتىپ قىنجىلادى.

تۇركيانىڭ التاي اۋىلىندا تامىزدىڭ 30-ى – جەرگىلىكتى جەڭىس كۇنى تۋعان ءومىر وزكالپقا اتا-اناسى ازان شاقىرىپ، زافەر (تۇرىكشەدەن “جەڭىس” دەپ اۋدارىلادى – رەد.) دەپ ات قويعان. بىراق ءۇي-ءىشى مەن قۇرداستارى ءومىر دەپ اتاپ كەتكەن. مەكتەپكە بارعان كەزىندە قۇجاتىنداعى ەسىمى لاقاپ اتىنىڭ تۇرىكشە فورماسىندا “ومەر” دەپ جازىلىپ كەتكەن. كەيىن كاسىپ ىزدەپ ەۋروپاعا قونىس اۋدارعان ول فرانتسيا ازاماتتىعىن الار كەزدە “ۆيكتور” دەگەن ەسىم جالعاپ العان. مۇنىڭ دا ماعىناسى – “جەڭىس”.

قىتايدا كوممۋنيستەردىڭ قۋعىنىنا ۇشىراپ، گوبي مەن تاكلاماكان اسىپ، كاشميرگە وتكەن قازاقتاردىڭ ۇرپاعى ءۇشىن تۇركيادا ءبىلىم الىپ، فرانتسيادا تاجىريبە جيناپ، گەرمانيادا كاسىپكەر اتانۋ ۇلكەن ءبىر جەڭىس ىسپەتتى.

تەرىدەن كيىم تىگۋ

ءومىر اسكەري مىندەتىن ستامبۋل قالاسىندا وتەگەنىن ايتادى. ورتا مەكتەپتەن اسىپ ءارى وقىماعان. 1988 جىلى اسكەردەن ورالعان سوڭ جۇمىس ىزدەپ ەۋروپاعا اتتانعان. فرانتسياعا ورنىققان ۇلكەن ەكى اعاسىنىڭ تەرىدەن كيىم تىگەتىن كاسىپورنىندا جۇمىس ىستەپتى.

- اتالارىم قىتايدان قونىس اۋدارعان عوي. العاش تۇركيا جەرىنە كەلگەندە زاۋىتتان شىققان تەرىنىڭ قالدىقتارى تاۋ بولىپ ءۇيىلىپ جاتاتىن بولسا كەرەك. سولاردىڭ قيىندىسىن الىپ، قولعاپ، قۇلاقشىن سەكىلدى بۇيىمدار تىككەن. كەيىن بۇل ولاردىڭ كاسىبىنە اينالىپ كەتكەن. تەرى ونىمدەرىنەن كيىم تىگۋ ونەرىن فرانتسياعا كەلگەننەن كەيىن دە جالعاستىردىق، – دەيدى ول.

ءومىر وزكالپتىڭ ءدامحاناسىنىڭ ىشكى كورىنىسى. گەرمانيا، حاتتسەنپورت اۋىلى. فوتو اۆتورى – تالعار دالەلعازى.

ءومىردىڭ ايتۋىنشا، تەرىدەن كيىم تىگەتىن تسەحتار ەۋروپادا 1990 جىلداردىڭ ورتاسىنا قاراي جابىلا باستاعان. كوپتەگەن قازاق جۇمىسسىز قالعان. تەرىدەن كيىم تىگەتىن ىسمەر تۇركيا قازاقتارى ءۇشىن باسىندا فرانتسۋز ءتىلىن ۇيرەنۋ قاجەت ەمەستەي كورىنگەن. الايدا ءتىل بىلمەۋ جۇمىسسىز قالعان قازاقتاردىڭ باسقا قىزمەتكە ورنالاسۋىنا تۇساۋ بولعان. تۋىستارىنىڭ اراسىندا جۇمىسسىز رەتىندە تىركەلىپ، جاردەماقى الىپ وتىرعاندارى دا بولعان.

بىراق ءومىر فرانتسۋزشاسى ناشار كەزدە اۋەجايدا جولاۋشىلاردىڭ جۇگىن تاسۋدان باستاپ، عيماراتتاردى بوياپ، ارلەۋ سەكىلدى قارا جۇمىستىڭ بارلىعىن ىستەگەنىن ايتادى. ءبىر ۋاقىت تۇرىكتەردىڭ ءدامحاناسىندا دونەر پىسىرگەن. كەيىن ءتىلىن جەتىلدىرە كەلە مەيرامحانالاردا ءتۇرلى تاعام دايارلايتىن اسپازعا اينالعان.

موزەل جاعاسىنداعى قوناق ءۇي

2001 جىلى فرانتسيا ازاماتتىعىن العان سوڭ ءۇش جىلدان كەيىن ءومىر گەرمانياعا قىتايدىڭ ءۇرىمجى قالاسىنان وقۋعا كەلگەن نۇرگۇل ەسىمدى قازاق قىزىمەن باس قوسىپ، شاڭىراق كوتەرگەن. قازىر گەرمانيانىڭ وڭتۇستىك-باتىسىنداعى رەينلاند-پفالتس جەرىنىڭ حاتتسەنپورت اۋىلىندا تۇرادى. 700 تۇرعىنى بار اۋىلدا باسقا قازاق وتباسى جوق.

- ەكى سايدىڭ اراسىندا ورنالاسقان شاعىن قالاشىق، جانىندا موزەل وزەنى اعىپ جاتىر. جەرگىلىكتى جۇرت ءجۇزىم وسىرەدى، اتاقتى “موزەل” شارابى بىزدەن شىعادى. بۇل ءوزى ءبىر جاعى فرانتسيامەن، ەكىنشى جاعى بەلگيامەن شەكتەسكەن، ءۇشىنشى جاعى گوللانديامەن تۇيىسكەن، گەرمانيانىڭ شەكاراسىندا جاتقان اۋىل. كەلنگە جەڭىل كولىكپەن ءبىر-اق ساعاتتا جەتەمىن، – دەپ سيپاتتادى ءومىر قازىرگى مەكەنىن.

گەرمانيانىڭ حاتتسەنپورت اۋىلىندا تۇراتىن ەتنيكالىق قازاق ءومىر وزكالپ (ورتادا) قوناق ءۇيىنىڭ الدىندا تۋريستەرمەن سۋرەتكە ءتۇسىپ تۇر. سۋرەت اۆتورى - تالعار دالەلعازى.

گەرمانيانىڭ حاتتسەنپورت اۋىلىندا تۇراتىن ەتنيكالىق قازاق ءومىر وزكالپ (ورتادا) قوناق ءۇيىنىڭ الدىندا تۋريستەرمەن سۋرەتكە ءتۇسىپ تۇر. سۋرەت اۆتورى – تالعار دالەلعازى.

53 جاستاعى كاسىپكەر قازاق ءتورت جىل بۇرىن موزەل وزەنىنىڭ جاعاسىندا ورنالاسقان ءۇش قاباتتى عيماراتتى 90 مىڭ ەۋروعا اۋكتسيون ارقىلى ساتىپ الىپ، قوناق ءۇي مەن دامحاناعا اينالدىرعان.

- باسىندا ء“ۇي الامىن” دەگەن جوسپارىم بولعان ەدى. ول كەزدە كەلن قالاسىندا تۇراتىنبىز. ول جاقتا ءۇيدىڭ قۇنى ءبىر ميلليون ەۋرو تۇرادى. قازىرگى تۇرىپ جاتقان جەرىمىزدە دە ء[ۇيدى] كەم دەگەندە 700 مىڭ ەۋروعا الاسىڭ. مىناۋ بانكتە كەپىلدىكتە تۇرعان عيمارات ەكەن. ەشكىم پايدالانباعان. ەسىك-تەرەزەسى دە جوق. ءىشى قوقىسقا تولى بولاتىن. سونى جالعىز ءوزىم ەكى جىل بويى جوندەپ، رەتكە كەلتىردىم. مىنە، ەكى جىلدان بەرى سول بەينەتىمنىڭ زەينەتىن كورىپ جاتىرمىن، – دەدى ول ازاتتىققا.

ءومىر مەن نۇرگۇل كەلۋشىلەرگە ازيالىق تاعامدار ءمازىرىن ۇسىنادى. ولاردىڭ اراسىندا قازاقشا اسىلعان ەت پەن قۋىرداق تا بار. كليەنتتەرىنىڭ ءبىر بولىگى – سوۆەت وداعى قۇلاعان سوڭ قازاقستاننان گەرمانياعا قونىس اۋدارعان نەمىستەر مەن ورىستار.

- جۇبايىم ۇرىمجىدەن كەلگەننەن كەيىن اراسىندا ۇيعىرلاردىڭ دا، قىتايدىڭ دا تاماعىن جاسايدى، – دەيدى ءومىر.

گەرمانيانىڭ حاتتسەنپورت اۋىلىندا تۇراتىن ءومىر وزكالپتىڭ قوناق ءۇيىنىڭ ءدامحاناسى. سۋرەت اۆتورى - تالعار دالەلعازى.

گەرمانيانىڭ حاتتسەنپورت اۋىلىندا تۇراتىن ءومىر وزكالپتىڭ قوناق ءۇيىنىڭ ءدامحاناسى. سۋرەت اۆتورى – تالعار دالەلعازى.

قوناق ءۇيدىڭ كىرە بەرىسى مەن ءدامحانانىڭ ءىشىن قازاقشا ويۋ-ورنەكپەن بەزەندىرگەن كاسپكەر وسىلايشا ءبىر جاعىنان قوناقتاردى تارتىپ، ەكىنشىدەن تۋعان مادەنيەتىن جارنامالايتىنىن ايتادى.

- بۇكىل ەۋروپادان مەن سياقتى قازاقشا [ەركىن] سويلەيتىن ءبىر ادام تاپساڭدار قۋانار ەدىم، – دەيدى ول قۋاقىلانا.

“قازاقشا سويلەيتىندەر ازايىپ بارادى”

ءومىر راسىمەن دە قازاقشا وتە جاتىق سويلەيدى. بۇل قابىلەتىن “بالا كۇنىندە اتاسى بەرگەن تاربيەنىڭ ارقاسى” دەپ ءتۇسىندىردى. ونىڭ سوزىنشە، قازىر ەۋروپا تۇگىلى تۇركيادا تۇراتىن جاس قازاقتار دا انا ءتىلىن ۇمىتا باستاعان. ال ەۋروپادا قونىستانعان قازاقتاردىڭ باسىم بولىگى “تۇرىكتىڭ مەكتەبى مەن مەشىتىندە جينالادى”.

اۆسترياداعى قازاق مادەني ورتالىعى جەتەكشىسى قىزىرحان شولپان. سۋرەت جەكە مۇراعاتىنان الىندى.
وقي وتىرىڭىز

جاستاردىڭ انا ءتىلىن ۇيرەنۋىنە مۇمكىنشىلىك جوق

ۇيدە تەك قازاق تىلىندە سويلەۋدى تالاپ ەتەتىن ءومىر قىزىنىڭ “قازاق، نەمىس، اعىلشىن جانە فرانتسۋز تىلىندە سويلەيتىنىن” دە ءسوز اراسىنا قىستىرا كەتتى.

- ءوزىم ولەڭ ايتامىن، دومبىرا شەرتەمىن. اكەم دومبىراشى ەدى. ۇلكەن اعام دا دومبىرانى جاقسى تارتاتىن. قازىر ەۋروپاداعى قازاقتاردىڭ اراسىندا دومبىرا تارتىپ، قازاقشا ءان ايتاتىن بۋىننىڭ سوڭى ءبىز بە دەپ قورقامىن. ويتكەنى قازاقتىڭ دومبىراسى مەن كۇيى تۇگىلى ءتىلىن بىلەتىن ادام ازايىپ بارا جاتىر. ورتاسىن بىلاي قويعاندا وتباسىندا انا تىلىندە سويلەيتىندەر از، – دەدى ول.

تۇركيادا تۇراتىن قازاق عالىمى ابدۋاقاپ قارانىڭ دەرەگىنشە، شەتەلدەگى قازاقتار باتىسقا ەكى ءتۇرلى توپپەن بارعان. ءبىرىنشىسى – وتكەن عاسىردىڭ ورتاسىنا تامان قىتايدان تۇركياعا اۋىپ بارعان قازاقتار. ولاردىڭ كەيبىرى 1960 جىلداردان باستاپ تۇركيا مەن ەۋروپا ەلدەرى اراسىنداعى جۇمىسشى الماسۋ كەلىسىمى بويىنشا ۇلىبريتانيا، گەرمانيا، فرانتسيا، شۆەتسيا، گوللانديا مەن اۆسترياعا قونىستانعان. ەكىنشىسى – 1920-1930 جىلدارى قازاقستاننان اۋعانستان مەن يرانعا اۋىپ، 1980 جىلدارى ەۋروپاعا وتكەن قازاقتار.

فرانتسيادا وتكەن ەتنوفەستيۆالدە قازاقشا كيىنگەن بالالار. پاريج، 31 قازان 2014 جىل. كورنەكى سۋرەت.

فرانتسيادا وتكەن ەتنوفەستيۆالدە قازاقشا كيىنگەن بالالار. پاريج، 31 قازان 2014 جىل. كورنەكى سۋرەت.

قازىر ەۋروپا ەلدەرىندە ناقتى قانشا قازاق تۇراتىنىن ولاردىڭ وزدەرى دە، زەرتتەۋشىلەر دە ءدال ايتىپ بەرە المايدى. تاريحشى گۇلنار مەڭدىقۇلوۆا “ەۋروپادا بەس مىڭداي قازاق بار” دەپ ەسەپتەيدى. دۇنيەجۇزى قازاقتارى قاۋىمداستىعى توراعاسىنىڭ ورىنباسارى ءسۇلتانالى بالعاباەۆتىڭ دەرەگىنشە، گەرمانيادا – 300-دەي، فرانتسيادا – 200-دەن استام، شۆەتسيادا – 100-دەن استام، اۆستريادا 20 شاقتى قازاق وتباسى بار. ەۋروپا قازاقتارى ەڭ كوپ تۇراتىن گەرمانيادا، قازاقستانننىڭ ول ەلدەگى ەلشىلىگىنىڭ مالىمەتىنشە، ءبىر مىڭنان استام ەتنيكالىق قازاق بار.

ازات ەۋروپا / ازاتتىق راديوسى

Related Articles

  • مۇحتار ماعاۋين. “اڭىز ادام” جۋرنالىنا سۇحبات 

      – ءامىرحان، كوپكە ماعلۇم، ءوزىڭ دە بىلەسىڭ، مەن سۇحبات بەرگەندى جاقسى كورمەيمىن، ويتكەنى ءوزىم جازاتىن اداممىن. ەكىنشىدەن، سۇحبات العان ادامدار ءسوزدى بۇرمالاپ جىبەرەدى. 1990 جىلى سوۆەت وكىمەتى قۇلاماي تۇرىپ، ماسكەۋدەن جاڭادان شىعىپ جاتقان ورىس گازەتىنىڭ ءتىلشىسى ارنايى كەلىپ سۇحبات الدى، بىراق ءسوزىمنىڭ ءبارىن باسقاشا بۇرمالاپ جىبەرىپتى، سونان كەيىن ەشقايدا «سۇحبات بەرمەيمىن» دەپ شەشتىم. قازاقتاردان دا سۇحبات العاندار، مەنىڭ اڭگىمەمدى تىڭداعاندار باسقاشالاپ جاتادى. بۇدان سوڭ، جيىرما بەس جىلدىڭ ىشىندە ەكى-ءۇش رەت قانا سۇحبات بەرىپپىن. ساعان كوڭىلىم ءتۇسىپ وتىرعانى – قازاققا پايدالى، ءارى تانىمال باسىلىمعا قىزمەتكە كەلىپسىڭ، جاقسى كورەتىن، بىلگىر ءىنىمسىڭ، مەسەلدەڭ قايتپاسىن دەدىم. ونىڭ ۇستىنە، ماعان كورسەتۋگە «اڭىز ادام» جۋرنالىنىڭ بىرنەشە سانىن اكەلىپسىڭ: شىڭعىس حان، ابىلاي حان، اباي، شوقان، ءاليحان

  • دوسىم ساتپاەۆ: “ەسكى كادرلارمەن جۇيەنى جاڭارتۋ مۇمكىن ەمەس”

    پيوتر تروتسەنكو ساياساتتانۋشى دوسىم ساتپاەۆ. الماتى، 5 ماۋسىم 2019 جىل. تاۋەكەلدى باعالاۋ توبىنىڭ جەتەكشىسى دوسىم ساتپاەۆ ازاتتىققا بەرگەن سۇحباتىندا قازاقستاندا سايلاۋالدى ناسيحاتتىڭ قالاي وتكەنى جانە جاڭا پرەزيدەنتتى ىشكى جانە سىرتقى ساياساتتا قانداي سىناق كۇتىپ تۇرعانى تۋرالى ايتتى. ازاتتىق: قازاقستانداعى سايلاۋالدى ناسيحاتى تۇرلىشە باعالانىپ جاتىر. ءبىر جاق باسەكە مەن ساياسي بالاما بار دەيدى. ەقىۇ ميسسياسى باستاعان ەكىنشى جاق سايلاۋالدى ناسيحاتىن سۇرەڭسىز، ازىن-اۋلاق ۇران مەن بيلبوردتان اسپايتىن ناۋقان دەپ سيپاتتايدى. بۇل سايلاۋالدى ناسيحاتىن تارتىستى باسەكە دەۋگە كەلە مە؟ دوسىم ساتپاەۆ: بۇل سايلاۋ باقىلاۋ تىزگىنىن ۋىسىنان شىعارماعان ءبىرىنشى پرەزيدەنتتىڭ (نۇرسۇلتان نازارباەۆ – رەد.) بيلىكتى مۇراگەرگە تاپسىرۋ پروتسەسىن زاڭداستىرۋ ارەكەتى ەكەنىن نەگىزگە الۋ كەرەك. سوندىقتان سايلاۋ ويىنشىلاردىڭ ءبارى وزدەرىنە بەرىلگەن ءرولى مەن ورنىن جاقسى بىلەتىن سپەكتاكلگە

  • اەس سالۋ رەسەيدىڭ قالاۋى عانا – بوزىمباەۆ

     © تۇرار قازانعاپوۆ ەنەرگەتيكا ءمينيسترى قانات بوزىمباەۆ قازاقستانداعى اەس قۇرىلىسىنا قاتىستى پىكىر ءبىلدىردى، – دەپ حابارلايدى Tengrinews.kz ءتىلشىسى. بۇل تۋرالى ول پرەزيدەنت تەلەراديوكەشەنىنە بەرگەن سۇحباتىندا ايتتى. “قازىر قوعامدا وسى ماسەلە تۋرالى قىزۋ پىكىرتالاس ءجۇرىپ جاتقانىن تۇسىنەمىز. ارينە، سەمەي يادرولىق پوليگونىنا بايلانىستى قورقىنىش تۋىپ جاتىر. زارداپ شەككەن حالىق ول وقيعانى ۇمىتقان جوق. سونداي شەشىم قابىلدانىپ جاتسا، بارلىعى زاڭ بويىنشا قابىلدانادى. قانداي جاعداي بولسىن حالىق پىكىرى ەسكەرىلەدى. سەبەبى قوعامدىق تىڭدالىمدار وتەدى. جەرگىلىكتى اتقارۋشى ورگاندارمەن كەڭەس وتكىزىلەدى. ۆلاديمير ۆلاديميروۆيچ ءپۋتيننىڭ ايتقانى – رەسەيلىك تاراپتىڭ قالاۋى عانا. ءبىز وسى ماسەلە جايلى حالىققا ايتىپ وتىرامىز، بارلىعى ۇكىمەت باسشىلىعىنىڭ، سونداي-اق، مەملەكەت باسشىسىنىڭ باقىلاۋىندا بولادى”، – دەدى مينيستر سۇحباتىندا. ەسكە سالايىق، وسىعان دەيىن الماتى وبلىسىندا اەس قۇرىلىسىنا ارنالعان جەردىڭ انىقتالعانى جايلى

  • نازارباەۆتان كەيىنگى قازاقستان نە بولماق؟

    2018 جىلى ەلىمىزدىڭ ساياسي ومىرىندەگى كەي وقيعالار بيلىك ترانزيتىنە جان-جاقتى دايىندىق ءجۇرىپ جاتقانىن ايگىلەدى. ساياساتتانۋشى، تاۋەكەلدەردى باعالاۋ توبىنىڭ جەتەكشىسى دوسىم ساتباەۆ قازىرگى ترانزيت مەحانيزمى پرەزيدەنت ن.نازارباەۆ كوزى ءتىرى كەزدە عانا جۇمىس ىستەيدى، سوندىقتان بيلىكتىڭ قانداي جولمەن جانە كىمگە اۋىساتىنى بەلگىسىز دەپ ەسەپتەيدى. 2018 جىل اياقتالار تۇستا دوسىم ساتباەۆپەن باستى ساياسي وقيعالارعا تالداۋ جاساپ، نازارباەۆسىز قازاقستان تاپ بولاتىن ماسەلەلەرگە ءۇڭىلىپ كوردىك. ساياساتتانۋشى د.ساتباەۆ قاۋىپسىزدىك كەڭەسى ۇجىمدىق مۇراگەر بولا المايدى – دوسىم، بيىلعى ەلىمىزدىڭ ساياسي ومىرىندەگى ايتۋلى وقيعالاردىڭ ءبىرى ­– «قاۋىپسىزدىك كەڭەسى تۋرالى» زاڭنىڭ قابىلدانۋى. قاۋىپسىزدىك كەڭەسى كونسۋلتاتيۆتى-كەڭەسشىلىك ورگاننان كونستيتۋتسيالىق ورگانعا اينالدى، ال ءبىرىنشى پرەزيدەنتكە ونى ءومىر بويى باسقارۋ قۇقى بەرىلدى. كەيبىر ساراپشىلار بۇدان بيلىك ترانزيتىنە دايىندىقتىڭ نىشانىن بايقادى. ءسىزدىڭ ويىڭىزشا، بۇل

  • العاشقى تەڭگەگە نازارباەۆ بەينەسى قالاي تۇسپەي قالدى؟

    اسىلحان ماماشۇلى سەرىكبولسىن ءابدىلدين.  1993 جىلى قاراشانىڭ 15-ىندە قازاقستان ءوزىنىڭ ۇلتتىق ۆاليۋتاسى – تەڭگەنى اينالىمعا شىعاردى. سول كەزدە ەلدىڭ جوعارعى كەڭەسىن باسقارعان سەرىكبولسىن ءابدىلدين تەڭگەنىڭ قالاي باسىلعانى جايلى، ديزاينى قالاي دايىندالعانى تۋرالى ايتىپ بەردى. تەڭگە اينالىمعا شىقپاس بۇرىن قازاقستان سوڭعى ساتكە دەيىن رەسەيدىڭ رۋبل ايماعىندا قالۋعا تىرىستى. قازاقستان پرەزيدەنتى نۇرسۇلتان نازارباەۆ “عاسىرلار توعىسىندا” اتتى كىتابىندا ءرۋبلدى ساقتاپ قالۋعا دەگەن ۇمتىلىسىن “رۋبل ايماعىنىڭ بۇزىلۋى (ورتاق ۆاليۋتا – رەد.) تمد ەلدەرىنەن الشاقتاۋدى تەزدەتەر ەدى. ال قازاقستان بۇعان دايىن ەمەس ەدى” دەپ تۇسىندىرەدى. كىتاپتا نازارباەۆ “1992 جىلى رەسەيدە بارلىق باعا بوساتىلدى. سول كەزدە ىسكە كىرىستىك. مەن قازاقستان ۆاليۋتاسىن شىعارۋدى باستاۋ تۋرالى قۇپيا جارلىققا قول قويدىم” دەپ جازدى. الايدا ازاتتىق تىلشىسىمەن سۇقباتتاسقان جوعارعى كەڭەستىڭ

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: