|  |  |  | 

ساياسات سۋرەتتەر سويلەيدى الەۋمەت

قاستاندىقپەن ولتىرىلگەن بەلسەندى عالى باقتىباەۆتىڭ اۋىلى


عالى باقتىباەۆتىڭ تۋىستارى بەلسەندى اتىپ ولتىرىلگەن ءۇيدىڭ الدىندا وتىر. قاراعاندى وبلىسى، اتاسۋ اۋىلى، 1 ماۋسىم 2019 جىل.

عالى باقتىباەۆتىڭ تۋىستارى بەلسەندى اتىپ ولتىرىلگەن ءۇيدىڭ الدىندا وتىر. قاراعاندى وبلىسى، اتاسۋ اۋىلى، 1 ماۋسىم 2019 جىل.

اتاسۋ اۋىلى تۇرعىندارىن قوعام بەلسەندىسى عالى باقتىباەۆتىڭ قاتىگەزدىكپەن ءولتىرىلۋى شوشىتتى. جەرگىلىكتى جۇرت مارقۇمدى “باتىل، شىنشىل” ءارى “اۋىل تۇرعىندارىنىڭ ماسەلەسى جايلى ءجيى شاعىم جازاتىن ادام ەدى” دەپ ەسكە الادى. ازاتتىق ءتىلشىسى اتاسۋدا بولىپ، بەلسەندىنىڭ تۋىستارى جانە اۋىلداستارىمەن سويلەسىپ قايتتى.

اتاسۋ تۇرعىندارىن دۇرلىكتىرگەن وقيعا

قاراعاندىدان ەكى ءجۇز شاقىرىم جەردە ورنالاسقان اتاسۋ اۋىلىندا 14 مىڭنان استام ادام تۇرادى. ازاتتىق تىلشىسىنە مامىردىڭ 28-ىنە قاراعان ءتۇنى وسى اۋىلدا اتىپ ولتىرىلگەن جەرگىلىكتى بەلسەندى عالى باقتىباەۆ تۇرعان ءۇيدى بىردەن تابۋ مۇمكىن بولمادى. كوشەدە كەزدەسكەن ادامدار بەلسەندىنىڭ ۇيىنە قالاي بارۋعا بولاتىنىن تۇسىندىرە الماعانىمەن، عالى باقتىباەۆتى جاقسى بىلەتىنىن، ونىڭ اۋىلداستارىنا زاڭ ماسەلەلەرى بويىنشا كومەكتەسكەنىن ايتىپ، تەزىرەك كەتۋگە اسىقتى.

- پوليتسيا جۇرتتى تەرگەپ جاتىر: بولىمشەدە كەزەك كوپ، پوليتسيا قىزمەتكەرلەرى ءۇي-ءۇيدى ارالاپ ءجۇر. عالىنى كورشىم ءارى وتە كوپ جازاتىن ادام رەتىندە جاقسى بىلەتىنمىن. وعان كومەك سۇراپ كەلۋشىلەر كوپ ەدى. عالىنىڭ قاجەت ورىندارعا جازعان وتىنىشتەرى جاۋاپسىز قالمايتىن، سوت بولاتىن، تاعىسىن تاعى… وسىلاي ءجۇرىپ، بىرەۋدىڭ جولىن كەسكەن سياقتى، سونىسى ءۇشىن جاپا شەكتى، – دەدى ازاتتىق تىلشىسىنە كوشەدە كەزدەسكەن، ءوزىن تانىستىرۋدان باس تارتقان قارت ادام.

اتاسۋ اۋىلىنداعى ۇيلەر. قاراعاندى وبلىسى، 1 ماۋسىم 2019 جىل.

اتاسۋ اۋىلىنداعى ۇيلەر. قاراعاندى وبلىسى، 1 ماۋسىم 2019 جىل.

عالى باقتىباەۆتىڭ قازاسىنا بايلانىستى پوليتسيانىڭ بىرنەشە كۇننەن بەرى اۋىل تۇرعىندارىنان جاۋاپ الىپ جاتقانى، الايدا قىلمىسقا كۇدىكتىلەردىڭ ءالى تابىلماعانى ازاتتىق تىلشىسىنە كەيىنىرەك ءمالىم بولدى. باقتىباەۆتىڭ ءۇيىن كورسەتۋگە كەلىسكەن ءبىر تۇرعىن بەلسەندىنىڭ “وتە قاتىگەزدىكپەن ءولتىرىلۋى بۇكىل اۋىلدى ءدۇر سىلكىندىرگەنىن” ايتتى. ءوز اتى-ءجونىن اتاعىسى كەلمەگەن بۇل تۇرعىن جۋرناليستكە ىزدەگەن ءۇيدى كورسەتكەننەن كەيىن كەتكەنشە اسىق بولدى.

ءۇيىنىڭ الدىندا اتىپ ولتىرگەن

باقتىباەۆتار وتباسى 1956 جىلى سالىنعان وتە قاراپايىم ەسكى ۇيدە تۇرادى ەكەن. بۇل ءۇي عالىعا اكەسىنەن قالعان. وتباسىنىڭ قاراپايىم تۇرمىس كەشەتىنى كورىنىپ تۇر. عالى باقتىباەۆ ەكىنشى توپتاعى مۇگەدەك بولعانى ءۇشىن جاردەماقى الىپ كەلگەن. ەندى اناسىنا تىرەۋ بولاتىن بەلسەندىنىڭ 19 جاستاعى ۇلى جۇك تاسۋشى بوپ جۇمىسقا تۇرعان. ول ازاتتىق تىلشىسىنە سوڭعى ۋاقىتتا اكەسىنە قوقان-لوقى كورسەتۋ جيىلەگەندە، ودان بۇل جۇمىسىن توقتاتۋىن سۇراعانىن ايتادى.

- اكەم باستاعان ءىسىن سوڭىنا دەيىن جەتكىزەتىنىن ايتتى. ول وتە باتىل ءارى جىگەرلى كىسى ەدى، ەشكىمنەن، ەشتەڭەدەن قورىقپايتىن، ەندى ونى ءولتىرىپ كەتتى. ولارعا اكەم عانا كەرەك بولعان، سونىڭ جانىن الۋعا عانا كەلگەن، – دەيدى ەلدار.

عالى باقتىباەۆ (سول جاقتا) ۇلىمەن بىرگە.

عالى باقتىباەۆ (سول جاقتا) ۇلىمەن بىرگە.

عالى باقتىباەۆتىڭ جاقىندارى بەلسەندىگە قوقان-لوقى كورسەتۋ 2017 جىلدىڭ سوڭىنان باستالعانىن جەتكىزدى. بۇل كەزدە عالى اۋدانداعى سالدىر-سالاقتىق، جەمقورلىق جانە الاياقتىققا بايلانىستى بىرقاتار ىسكە قوعامدىق زەرتتەۋ جۇرگىزۋمەن اينالىسىپ جۇرگەن.

- ول وتە ءادىل، ادال، جۇمىسىن جان-تانىمەن بەرىلىپ ىستەيتىن ادام ەدى. بىرەۋدىڭ جەمقورلىق جاساعانىن بىلسە، بىردەن كۇرەسكە ۇمتىلاتىن. بىرنەشە ادامنىڭ جۇمىستان بوساتىلۋىنا قول جەتكىزدى: ولاردىڭ اراسىندا پوليتسيا، اۋداندىق ءبىلىم ءبولىمى مەن جەرگىلىكتى كوللەدج قىزمەتكەرلەرى دە بار، – دەيدى جەكە باسىنىڭ قاۋىپسىزدىگى ءۇشىن اتى-ءجونىن كورسەتپەۋدى سۇراعان عالى باقتىباەۆتىڭ دوسى.

عالى باقتىباەۆتىڭ جاس كەزىندەگى سۋرەتى. بەلسەندىلەردىڭ تۋىستارى بەرگەن فوتو.

عالى باقتىباەۆتىڭ جاس كەزىندەگى سۋرەتى. بەلسەندىلەردىڭ تۋىستارى بەرگەن فوتو.

العاش رەت عالىعا ەسكەرتۋ جاساعاندار بەلسەندى ءۇيىنىڭ ەكى تەرەزەسىن پنەۆماتيكالىق مىلتىقتان اتىپ سىندىرعان. ءبىراز ۋاقىتتان كەيىن بەلگىسىز بىرەۋ عالى ورناتقان كوشەگە جارىق بەرەتىن پروجەكتوردى سىندىرىپ كەتكەن. 2019 جىلدىڭ اقپانىندا عالىعا شابۋىل جاسالعان: كەشقۇرىم بەتپەردە كيگەن ەكى ادام عالىنىڭ بەتىنە سۇيىق گاز شاشىپ، ونى تەمىر تاياقپەن ۇرىپ-سوققان. وسىنىڭ ءبارى عالىنىڭ ءۇيىنىڭ الدىندا بولعان. ول كەزدە جارىق ءسونىپ تۇرعان. عالىنىڭ تۋىستارى الگى قىلمىسكەرلەردىڭ سول كۇيى تابىلماعانىن ايتادى. بۇل ەكىنشى ەسكەرتۋ بولاتىن.

ال مامىردىڭ 28-ىنە قاراعان ءتۇنى ىمىراعا كونبەگەن بەلسەندىنى اقىرى ءولتىرىپ تىنعان. الدىن الا مالىمەت بويىنشا، بەلسەندىنى قوساۋىز مىلتىقتان اتقان.

عالى باقتىباەۆتىڭ ءۇيىنىڭ اۋلاسى. بەلسەندىنى وسى جەردە اتىپ ولتىرگەن. قاراعاندى وبلىسى، اتاسۋ اۋىلى، 1 ماۋسىم 2019 جىل.

عالى باقتىباەۆتىڭ ءۇيىنىڭ اۋلاسى. بەلسەندىنى وسى جەردە اتىپ ولتىرگەن. قاراعاندى وبلىسى، اتاسۋ اۋىلى، 1 ماۋسىم 2019 جىل.

- قىلمىسكەر قورشاۋدان سەكىرىپ ءوتىپ، ءۇي بۇرىشىندا تىم جاقىن جەردە تىعىلىپ وتىرعان سياقتى. بايلاۋداعى ءيتىمىز سول جاققا قاراپ ۇرە بەردى. مەن ۇيدە ەدىم. عالىعا قاقپانى اشتىم. ول اۋلاعا كىرىپ، قاقپانى ىشىنەن قۇلىپتاپ، ۇيگە ەندى كىرە بەرگەنىندە تۋ سىرتىنان بىتىراي ۇشقان وق ءتيدى. ءۇيدىڭ ىشىندە، دالىزدە، اس ۇيدەگى پەشتىڭ قابىرعاسىندا، ەسىك جاقتاۋىندا بىتىرا ىزدەرى بار. اينەكتەر سىندى. ول جەرگە ەتپەتتەي قۇلادى، مەن ايعايلاپ، ونى ۇيگە كىرگىزىپ الدىم. ەسىكتى جاۋىپ، پوليتسيا شاقىردىم، – دەيدى ۇيدەگى بىتىرا وق ىزدەرىن كورسەتكەن عالى باقتىباەۆتىڭ جەسىرى رابيعا.

وق ىزدەرى شىنىمەن كوپ ەكەن: قاقپادا، قورشاۋدا، تەرەزە مەن ءۇيدىڭ ىشكى جانە سىرتقى قابىرعالارىندا، ءۇي الدىنداعى اۋلانى جاپقان شاتىردا قالعان. تۋىستارى عالىنى ولتىرۋگە كىمنىڭ قاتىسى بارىن بىلمەيدى، ولار پوليتسيا ۇيدەن الىپ كەتكەن قۇجاتتاردى: شاعىمدار، حاتتار، سوت شەشىمدەرى مەن باسقالارىن مۇقيات زەرتتەيدى دەپ ۇمىتتەنەدى.

عالى باقتىباەۆتىڭ ۇيىندە قارۋدان اتىلعان بىتىرا ءىزى كوپ كەزدەسەدى. اتاسۋ اۋىلى، قاراعاندى وبلىسى، 1 ماۋسىم 2019 جىل.

عالى باقتىباەۆتىڭ ۇيىندە قارۋدان اتىلعان بىتىرا ءىزى كوپ كەزدەسەدى. اتاسۋ اۋىلى، قاراعاندى وبلىسى، 1 ماۋسىم 2019 جىل.

عالى باقتىباەۆتىڭ ءىسى

جاقىندارىنىڭ سوزىنشە، عالى باقتىباەۆ جيىرما جىلعا جۋىق قوعامدىق ىسپەن اينالىسىپ، اۋىل تۇرعىندارىن تولعاندىرعان ماسەلەلەردى كوتەرىپ كەلگەن.

- قاراعاندىدان كەلگەن پوليتسيا قىزمەتكەرلەرى بارلىق قاعاز-قۇجاتتاردى الىپ كەتتى. وندا عالىنىڭ كىمدەرگە كومەكتەسكەنى، قانداي شاعىمدارمەن جۇمىس ىستەگەنى انىق كورىنىپ تۇر. ول ءبارىن حالىق ءۇشىن جاسادى، جەمقورلىققا قارسى كۇرەستى، – دەيدى بەلسەندىنىڭ اپكەسى راۋشان.

پوليتسيا اكەتكەن قۇجاتتار ىشىندە ءبىر كومپانيادان “سوت شەشىمىمەن وندىرىلگەن 300 ميلليون تەڭگە ارناۋلى اشىق شوتقا اۋدارىلسىن” دەپ قول قويعان اۋىل تۇرعىندارىنىڭ ءوتىنىشى دە بولعان. عالىنىڭ تۋىستارى مەن دوستارىنىڭ ايتۋىنشا، بۇل اقشانى اۋىلعا ەلەكتر جەلىسىن جۇرگىزۋگە جۇمساۋ جوسپارلانعان. جوباسى دا جاسالعان. ەندى بەلسەندى ولىمىنەن كەيىن عالىنىڭ تۋىستارى مەن اۋىل تۇرعىندارى “بۇل ىسپەن ەندى كىم اينالىسىپ، باستامانى سوڭىنا دەيىن جەتكىزەدى؟” دەپ الاڭدايدى.

بەلسەندىنىڭ جەسىرى رابيعا باقتىباەۆا جۇبايىنا قارۋدان اتىلعان بىتىرا ىزدەرىن كورسەتىپ تۇر. قاراعاندى وبلىسى، اتاسۋ اۋىلى، 1 ماۋسىم 2019 جىل.

بەلسەندىنىڭ جەسىرى رابيعا باقتىباەۆا جۇبايىنا قارۋدان اتىلعان بىتىرا ىزدەرىن كورسەتىپ تۇر. قاراعاندى وبلىسى، اتاسۋ اۋىلى، 1 ماۋسىم 2019 جىل.

جاقىندارى عالىنىڭ سوڭعى ءۇش كۇندە ماۋسىمنىڭ 9-ى كۇنى وتەتىن كەزەكتەن تىس پرەزيدەنت سايلاۋىنا ءتۇسىپ جاتقان كانديدات ءامىرجان قوسانوۆتىڭ سايلاۋ شتابىندا ەرىكتى بولىپ جۇمىس ىستەگەنىن ايتادى.

بەلسەندى سوڭعى كەزدە ءوز تۋىسىنا جەزقازعانداعى پاتەرگە بايلانىستى الاياقتىق فاكتىسى بويىنشا قىلمىستىق ءىستى قايتا قوزعاۋعا كومەكتەسىپ جۇرگەن. بۇل ىسكە بىرنەشە كىسىنىڭ ارالاسى بار. سوتتىڭ سوزىلىپ كەتكەنىنە، سوت اكتىلەرىنىڭ تۇسىنىكسىز جاسالعانى جايلى شاعىم تۇسىرگەن. عالى وسى ىسكە قاتىسى بار ادامداردى جاۋاپقا تارتپاقشى بولعان.

- عالى ءارتۇرلى ادامدارعا وتە كوپ شاعىم جازىپ ءجۇرىپ، بيىل اقپاندا الاياقتىق فاكتىسى بويىنشا قىلمىستىق ءىستى قايتا باستاۋعا قول جەتكىزگەن ەدى. بىراق سودان بەرى حابار جوق. مەنىڭ پاتەرىم باسقا ادامعا تىركەلگەن بوپ شىقتى. عالىنىڭ كوزى كەتكەن سوڭ، قىلمىستىق ءىستى قايتا توقتاتىپ تاستاي ما دەپ قورقامىن. بۇل ىسكە قۇزىرلى ورگانداردىڭ نازار اۋدارعانىن قالايمىن، – دەيدى عالىنىڭ تۋىسى زاۋرە.

باقتىباەۆتار ءۇيىنىڭ بىتىرا تەسىپ وتكەن تەرەزەسى. قاراعاندى وبلىسى، اتاسۋ اۋىلى، 1 ماۋسىم 2019 جىل.

باقتىباەۆتار ءۇيىنىڭ بىتىرا تەسىپ وتكەن تەرەزەسى. قاراعاندى وبلىسى، اتاسۋ اۋىلى، 1 ماۋسىم 2019 جىل.

بەلسەندى قازاسىنا بايلانىستى تەرگەۋ

جاڭاارقا اۋداندىق اكىمدىگىندە عالى باقتىباەۆتى ءوتىنىش-شاعىمدى كوپ جازاتىن، اۋداننىڭ الەۋمەتتىك ماسەلەرىنە بەي-جاي قارامايتىن اسا بەلسەندى ازامات بولعان ەدى دەپ ەسكە الدى.

عالى باقتىباەۆتىڭ ۇلى مەن جەسىرى بەلسەندىگە جاڭاارقا اۋدانى اكىمى بەرگەن العىس حاتتاردى كورسەتىپ وتىر. قاراعاندى وبلىسى، اتاسۋ اۋىلى، 1 ماۋسىم 2019 جىل.

عالى باقتىباەۆتىڭ ۇلى مەن جەسىرى بەلسەندىگە جاڭاارقا اۋدانى اكىمى بەرگەن العىس حاتتاردى كورسەتىپ وتىر. قاراعاندى وبلىسى، اتاسۋ اۋىلى، 1 ماۋسىم 2019 جىل.

جاڭاارقا اۋداندىق پوليتسيا بولىمشەسىندە عالى باقتىباەۆتىڭ قازاسى تۋرالى ازاتتىق تىلشىسىمەن سويلەسۋدەن باس تارتىپ، قاراعاندى وبلىستىق پوليتسيا دەپارتامەنتىنە سىلتەدى. بىرنەشە كۇن بۇرىن وبلىستىق دەپارتامەنت “مامىردىڭ 28-ءى كۇنى وق ءتيىپ قازا بولعان اتاسۋ اۋىلىنىڭ 59 جاستاعى تۇرعىنى تابىلدى” دەپ حابارلاعان. قىلمىستىق كودەكستىڭ 99-بابى (“كىسى ءولتىرۋ”) بويىنشا قىلمىستىق ءىس قوزعالعان.

“تەرگەۋ بارىسىن وبلىس پروكۋراتۋراسى مەن پوليتسيا باسشىلىعى ءوز باقىلاۋىنا الدى. قىلمىستىق-پروتسەستىك كودەكستىڭ 201-بابىنا (“سوتقا دەيىنگى تەرگەپ-تەكسەرۋ دەرەكتەرiن جاريا ەتۋگە جول بەرمەۋ” – رەد.) سايكەس وزگە اقپارات جاريالاۋعا بولمايدى” دەپ مالىمدەدى پوليتسيا دەپارتامەنتىنىڭ ءباسپاسوز قىزمەتى.

تۇرعىنداردىڭ ايتۋىنشا، اتاسۋ اۋىلىندا بەلسەندىنىڭ قازاسىنا بايلانىستى تەرگەۋ جالعاسىپ جاتىر. وقيعا ورنىنان تابىلعان زاتتاي ايعاقتارعا ساراپتاما تاعايىندالعان. تۋىستارى تەرگەۋگە كومەكتەسەتىن اقپارات بەرگەن ادامعا سىياقى تاعايىندالعانىن ەستىگەندەرىن ايتادى. بىراق ازىرگە ونى راستايتىن رەسمي اقپارات جوق. تەرگەۋ بارىسى تۋرالى وسىعان دەيىن رەسمي ورىندار جاريالاعان مالىمەتتەن وزگە اقپارات ايتىلمايدى.

اتاسۋ اۋىلىندا 14 مىڭنان اسا ادام تۇرادى. قاراعاندى وبلىسى، 1 ماۋسىم 2019 جىل.

اتاسۋ اۋىلىندا 14 مىڭنان اسا ادام تۇرادى. قاراعاندى وبلىسى، 1 ماۋسىم 2019 جىل.

اتاسۋ اۋىلىنان شىعا بەرىستە ازاتتىق ءتىلشىسى مىنگەن كولىكتى جول شەتىندە تۇرعان پاترۋلدىك پوليتسيا توقتاتتى. امانداسىپ، جۇرگىزۋشى كۋالىگى مەن تەحنيكا قۇجاتىن مۇقيات قاراپ شىققان سوڭ جىبەردى.

عالى باقتىباەۆتى مامىردىڭ 30-ى كۇنى اتاسۋ اۋىلىنا جەرلەدى. سول كۇنى Transparency Kazakhstan قوعامدىق قورى قازاقستان بيلىگىن قىلمىستى اشىق، ساپالى، ءادىل تەرگەۋگە شاقىردى. قوعامدىق ۇيىم بەلسەندىنىڭ قازاسىن “قازاقستاننىڭ ازاماتتىق قوعامىنا سوققى” دەپ اتاپ، “مۇنداي وقيعالاردان كەيىن ادامدار قوعامداعى زاڭسىزدىقتار مەن ماسەلەلەر جايلى اشىق ايتۋعا قورقادى” دەپ مالىمەدى.

ازات ەۋروپا / ازاتتىق راديوسى

Related Articles

  • “ساياسي ۇپاي جيناۋعا تىرىسىپ جاتىر”. ساراپشى توقاەۆتىڭ ەاەو جيىنىندا ايتقانى جايلى

    ايان قالمۇرات قازاقستان پرەزيدەنتى قاسىم-جومارت توقاەۆ ۆيدەوكونفەرەنتسيا ارقىلى وتكەن ەاەو جيىنىنا قاتىسىپ وتىر. 19 مامىر 2020 جىل. مامىردىڭ 19-ىندا ەۋرازيا ەكونوميكالىق وداعىنا (ەاەو) مۇشە ەلدەردىڭ پرەزيدەنتتەرى ۆيدەوكونفەرەنتسيا ارقىلى وتكەن جيىندا ۇيىمنىڭ الداعى بەس جىلعا ارنالعان دامۋ ستراتەگياسىن قابىلداعان جوق. جيىن كەزىندە قازاقستان پرەزيدەنتى قاسىم-جومارت توقاەۆتىڭ ستراتەگيا جوباسىن «ەل ۇكىمەتتەرى مەن پارلامەنتىنىڭ دەربەستىگىن شەكتەيدى» دەپ، كەيبىر تۇسىن قايتا قاراۋ قاجەت دەگەن ۇسىنىس ايتتى. تاۋەكەلدى باعالاۋ توبىنىڭ ديرەكتورى، ساياساتتانۋشى دوسىم ساتپاەۆ ازاتتىققا بەرگەن سۇحباتىندا ەكونوميكالىق كەڭەس وتىرىسىنداعى توقاەۆ ءسوزىنىڭ استارى جايلى، نۇرسۇلتان نازارباەۆتىڭ اقىرى تاياعان ءداۋىرى، ەۋرازيا ەكونوميكالىق وداعى ىشىندەگى قوردالانىپ قالعان قايشىلىقتار جايلى ايتتى.  ەاەو ىشىندەگى جوعارعى ەۋرازيالىق ەكونوميكالىق كەڭەستىڭ وتىرىسىندا قازاقستان پرەزيدەنتى قاسىم-جومارت توقاەۆ جوبانىڭ ىشىندە “ەۋرازيالىق ەكونوميكالىق ينتەگراتسيانىڭ 2025

  • شارقي تۇركىستان رەسپۋبيليكاسىنىڭ تارقاۋى تۋرالى

    1944- جىلدىڭ قاراشا ايىندا قۇلجا قالاسىندا قۇرىلعان شارقي تۇركىستان رەسپۋبيليكاسى 1946- جىلعا كەلگەندە ۇكىمەتتىڭ رەسمي تۇردە تاراعانىن جانە بۇدان بىلاي شىڭجاڭ ولكەسىمەن بىرىككەن كواليتسيالى ۇكىمەت قۇرماق نيەتىن بىلدىرە وتىرىپ، ۋاقىتشا ۇكىمەتتىڭ ورگان گازەتى “ازات شارقي تۇركىستاندا” ارنايى ماقالا جاريالاعان-دى. نەبارى ءبىر جارىم جىل ءومىر سۇرگەن قۇلجاداعى شارقي تۇركىستان ۇكىمەتى، 1946- شى جىلعا كەلگەندە رەسمي توقتادى. 1944- جىلدىڭ قاراشا ايىندا ۋاقىتشا ۇكىمەت جاريا ەتىلگەن سوڭ، ۇكىمەتتىڭ ورگان گازەتى “ازات شارقي تۇركىستان” دەپ اتالدى. گازەت ۇيعىر، قازاق، ورىس، موڭعول جانە قىتاي تىلىندە جارىق كوردى. گازەتتىڭ قازاقشا بولىمىندە بۇقارا تىشقانباەۆ، قۇرمانالى وسپانۇلى باسشىلىق ەتتى جانە گازەتتىڭ رەداكتسيا قۇرامىندا اۋەسقان نارىنبايۇلى، راحمەتوللا اپشەۇلى، قۇرمانباي تولىبايۇلى، ابدىبەك، الاديار، اسانباي، سىرايىل، قالي قاتارلى كىسىلەر رەداكتور، اۋدارماشى،

  • ساردوبا، روگۋن، اەس. 

    الاپات اپات بولىپ، قالىڭ ەل سۋعا كەتىپ جاتقاندا بيلىك ويناپ جاتقاندار وزبەكستانعا نوتا جىبەرەمىز بە، جوق پا دەگەندى دە اقىلداسپاپتى. نوتامىزدى دايىنداپ قويدىق دەگەن ۆيتسە-ءمينيستردىڭ سوزىنە قاراعاندا، شەكارادا سالىنىپ جاتقان سۋ قويماسى جونىندە قازاقستان “بىرنەشە رەت” سۇراسا دا وزبەكستان جوندەم جاۋاپ بەرمەپتى. ءبىرى كەلىپ، ءبىرى كەتىپ جاتقان شەنەۋنىكتەر ءسىرا، ء“بىز سۇرادىق، مىندەتىمىزدەن قۇتىلدىق” دەپ جىلى جاۋىپ قويسا كەرەك. تابانداپ تۇرماعان، جەرىنە جەتكىزبەگەن. ايتپەسە، حالىقارالىق زاڭ نورماسىن بۇزدى دەپ بىرىككەن ۇلتتار ۇيىمىنا ارىزدانار ەدى، الەمنەن بەيتاراپ ساراپشى شاقىرار ەدى. ىزدەدىم، ونداي جوق. ساردوبا سالىنسا، تىم بولماعاندا سىرداريا سۋالماي ما، كىشى ارالعا زار بولمايمىز با دەگەن دە ەسەپ-قيساپ جوق.  ساردوبانىڭ ماسەلەسى ەكى جەمقور جۇيەنىڭ اراسىندا جالعان اعايىنگەرشىلىكپەن، بالكىم، سەن ءىش، مەن ءىش

  • ماۋلەن اشىمباەۆ پارلامەنتى سەناتىنىڭ دەپۋتاتى بولىپ تاعايىندالدى

    مەملەكەت باسشىسىنىڭ جارلىعىمەن ماۋلەن ساعاتحانۇلى اشىمباەۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى. بۇل تۋرالى 4 مامىردا ءتۇس كەزىندە اقوردا سايتى حابارلادى. ماۋلەن ساعاتحانۇلى اشىمباەۆ (28 قاڭتار 1971 جىل، الماتى) – ەكونوميست، قوعام قايراتكەرى، قازاقستان رەسپۋبليكاسى پارلامەنتى ءماجىلىسىنىڭ V شاقىرىلىمىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ توراعاسى بولعان، “نۇر وتان” پارتياسى توراعاسىنىڭ ءبىرىنشى ورىنباسارى.  ال-فارابي اتىنداعى قازاق ۇلتتىق ۋنيۆەرسيتەتىنىڭ ەكونوميكا جانە سوتسيولوگيا فاكۋلتەتىن بىتىرگەن (1993), ەكونوميست، پوليتەكونوميا وقىتۋشىسى. ساياساتتانۋ عىلىمدارىنىڭ كانديداتى(ديسسەرتاتسيا تاقىرىبى “پوليتيچەسكي ترانزيت ۆ كازاحستانە ۆ كونتەكستە پروتسەسسوۆ گلوبالنوي دەموكراتيزاتسي”، 2001). «قۇرمەت» وردەنىمەن ماراپاتتالعان.  ۋنيۆەرسيتەتتى بىتىرگەننەن سوڭ 1993-1994 جىلدارى باسپاسوز جانە بۇقارالىق اقپارات مينيسترلىگىنىڭ جۇيەسىندە جۇمىس ىستەدى. 1994-1995 جىلدارى – قازاقستان رەسپۋبليكاسى جوعارعى كەڭەس دەپۋتاتىنىڭ كومەكشىسى. 1995 جىلعى ماۋسىم - قاراشا ارالىعىندا – قاۋىپسىزدىك كەڭەسى اپپاراتىنىڭ كونسۋلتانتى. 1995-1999 جىلدار ارالىعىندا قازاقستان رەسپۋبليكاسى

  • توقاەۆ داريعا نازارباەۆانىڭ وكىلەتىن نەگە توقتاتتى؟

    اسىلحان ماماشۇلى ايان قالمۇرات ماسكا تاققان داريعا نازارباەۆا سەنات وتىرىسىندا. 9 ءساۋىر 2020 جىل. قازاقستان پرەزيدەنتى قاسىم-جومارت توقاەۆ پارلامەنت سپيكەرى داريعا نازارباەۆانىڭ وكىلەتىن توقتاتقانىن ساياساتتانۋشىلار «بيلىك ترانزيتىنە اسەرى بار قادام» دەپ سانايدى. بۇرىنعى پرەمەر-مينيستر اكەجان قاجىگەلدين «ساياسي داعدارىس» دەپ ەسەپتەيدى. “بيلىكتەگى بەلگىسىزدىك” قازاقستان پرەزيدەنتى قاسىم-جومارت توقاەۆتىڭ سەنات ءتورايىمى داريعا نازارباەۆانىڭ دەپۋتاتتىق وكىلەتىن توقتاتقانى جايلى بۇگىن، 2 مامىردا تۇستە جاريالاعان جارلىعى الۋان ءتۇرلى پىكىر تۋدىردى. بيلىكتىڭ ءوزى بۇل شەشىمگە بايلانىستى ەشقانداي تۇسىنىكتەمە نەمەسە اقپارات تاراتقان جوق. جارلىقتى الەۋمەتتىك جەلىدە جاريالاعان پرەزيدەنت ءباسپاسوز قىزمەتىنىڭ جەتەكشىسى بەرىك ءۋالي ارادا ءبىر ساعات وتكەن سوڭ توقاەۆتىڭ داريعا نازارباەۆاعا العىس ايتقانى تۋرالى تۆيتتەر پاراقشاسىنا جازعانىن بولىسۋمەن شەكتەلدى. ساياسي ساراپشىلار قاسىم-جومارت توقاەۆ داريعا نازارباەۆانىڭ وكىلەتىن نۇرسۇلتان نازارباەۆتىڭ كەلىسىمىمەن توقتاتتى

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: