|  |  | 

Көз қарас Шоу-бизнис

Былқ-сылқ жауап… Былқ-сылқ істер…

5c61203dc9176105551737

Бұдан бұрын Мәжілістегі «Халықтық коммунистер» фракциясының атынан депутат
Айқын Қоңыровтың дәрі-дәрмек бағасын реттеу туралы Денсаулық сақтау министрі
Елжан Біртановқа жолдаған сауалы туралы жазған болатынбыз. («Дәрі-дәрмектің бағасы
қашан реттеледі, Біртанов мырза?»., «Керей кз, 18.04.2019 жыл.)
Онда депутат қолданыстағы заңнамаға дәрі-дәрмек бағасын мемлекеттік реттеу
бойынша өзгерістер енгізілгенін, осыған байланысты министрліктің қандай шаралар
қолданатыны сұралған. «Өткен жылдың алғашқы тоқсанымен салыстырғанда, 2019
жылдың бірінші тоқсанында дәрі-дәрмектер бағасы 8,4%-ға қымбаттаған. Бұл басқа
бағалардың өсуінен 1,7 есе артық. Бұл жағдай дәрі-дәрмектер бағасы қымбаттауының
объективті және субъективті себептерін шұғыл түрде анықтауды қажет етеді. Бұған қоса
бөлшектік нарықта пайда түсімі аз арзан дәрі-дәрмектерді ығыстырып, қымбат дәрі-
дәрмек саудасын дамыту қаупі да бар. Статистика комитетінің мәліметі бойынша, өткен
жылы орташа есеппен бір отбасы дәрі-дәрмектерге 26300 теңге жұмсаған. Жалпы
мемлекет бойынша бұл 120 миллиард теңге деген сөз. Алайда осының өзі төмен деп
санаймыз.
Дәрі-дәрмектермен қатар амбулаторлық қызметтің қымбаттауы да байқалып отыр.
Халықтың денсаулық сақтауға жұмсап отырған шығыны медицина саласы қызметкерлері
жалақыларының өсуіне әкеліп отырған жоқ. Бұл жағдайда нарық қатысушылары ғана
пайдаға кенеліп отыр» делінген еді сауалда. Сонымен қатар депутат теңге бағамының
бәсеңдеуі жағдайында импортталатын дәрі-дәрмектердің қымбаттауына жол бермеу
бойынша қандай ұсыныстар жасалатынын сұраған.
Осы сауалға министрдің міндетін атқарушы О.Әбішев қол қойған төмендегідей
жауап келді:
«Дәрілік заттардың бағаларын реттеу қағидаларын бекіту туралы» Министрліктің
2019 жылғы 19 сәуірдегі бұйрығы (бұдан әрі – Қағидалар) қабылданған. Осы
Қағидалармен дәрілік заттарды көтерме және бөлшек саудада өткізу, сондай-ақ тегін
медициналық көмектің кепілдік берілген көлемінің (бұдан әрі – ТМККК) және міндетті
әлеуметтік медициналық сақтандыру (бұдан әрі – МӘМС) шеңберінде баға белгілеу
механизмі белгіленген. Бағаларды реттеу механизмі референттік елдерде дәрілік түрін,
концентрациясын және дозасын ескере отырып, сондай-ақ әкелінетін бағаларын, ілеспелі
шығыстарын (көлік, кедендік, маркетингтік және қауіпсіздігі мен сапасын бағалау) және
регрессиялық шкала бойынша тиісті үстеме бағаны ескере отырып, бірдей белсенді заты

2
бар дәрілік затты өндірушінің бағасымен өндірушінің бағасын салыстырмалы талдауды
қамтиды.
Жоғарыда көрсетілгендей, көтерме және бөлшек сауда да өткізу үшін шекті бағалар
жылына екі рет, 10 шілдеге дейін және 10 қаңтарға дейін бекітіледі. Осыған байланысты,
қазіргі сәтте қабылданған Қағидалардың шеңберінде шекті бағаларды қалыптастыру үшін
фармацевтикалық қызметтің субъектілерінен бағаны талдау және құжаттарды қабылдау
жүзеге асырылады. Өндірушінің немесе тіркеу куәлігін ұстаушының бағаларды тіркеуі
референттік елдермен салыстырғанда бағаларды тіркеу кезеңінде жасанды арттыруға
мүмкіндік бермейді және регрессивтік шкалаға сәйкес белгілі бір көтерме және бөлшек
үстеме бағалар мен өткізілетін болады. Бұл шара бүкіл республика бойынша бірыңғай
бағаға әкеледі, сондай-ақ дәрілік заттың бәсекелестік бағасы бекітілген көтерме және
бөлшек үстемелерден төмен бағада өткізілуі мүмкін. Шекті бағаларды бекіткеннен кейін
оларды арттырмау бойынша әкімшілік әсер ету шаралары қабылданатын болады.
Дәрілік препараттардың бөлшек бағасы өндірушінің бағасына, көтерме және
бөлшек үстеме бағасына, сұранысына, логистикалық қызметтермен және препараттарды
тиісті сақтаумен байланысты шығындарға тәуелді болады. ТМККК шеңберінде және
МӘМС жүйесінде амбулаториялық деңгейде көрсетілетін медициналық қызметтер
амбулаториялық-емханалық көмектің базалық жан басына шаққандағы кешенді нормативі
бойынша қаржыландырылады, 2018 жылы қайта қаралып ол 819,21 теңгеге дейін
ұлғайтылған.
Теңгенің курсы төмендеген кезде импортталатын дәрілердің қымбаттауын
болдырмау үшін Қазақстанда барлық дәрілік заттарға бағаны мемлекеттік реттеу
өндірушінің бағасын қалыптастырудан, дистрибьютордың үстеме бағасынан және
дәріхананың үстеме бағасынан бастап бағаны белгілеудің ашық жүйесін белгілеу
мақсатын белгілейді. Осы Қағидалармен өтеу бағасын рефераттау және
фармаэкономикалық деректерді бағалау, сондай-ақ барлық мүдделі тұлғалар үшін бағалар
туралы ақпараттың қолжетімділігін қамтамасыз ету үшін шекті бағалардың тізілімін
жасау арқылы дәрілік препараттарға бағаның негізділігін экономикалық сараптау
күшейтілген.».
Біз жауаптың басындағы қолданыстағы заңдарды тізбелеген және ішіндегі кейбір
көбігін алып тастап, нақты айтылған тұстарын өзгертпей беріп отырмыз. Соның өзінен
былқ-сылқ жауап былқ-сылқ істің нәтижесі екені көрініп тұр. Нақты сұраққа нақты жауап
бере алмаудың өзі іскерліктің төмендігін көрсетіп тұр емес пе?

С.ЕЛЕУ, сарапшы

Kerey.kz

Related Articles

  • Жанашыр азамат Молдияр Нұрбаев Мамания мектебін қайта жаңалады

      Еліміздің әр аймағындағы ауылдарда тозығы жетіп қаңырап қалған нысандар жетерлік. Содан ба кезінде тіршіліктің қыз-қыз қайнаған ордасына айналған өлкелер бұл күнде сұрқай тартып, суықтанып бара жатыр. Әрине, оны қайта тірілту, өңі қашқан өлкенің шырайын кіргізу – біз бен сіздің, ел азаматтарының міндеті. «Елім маған не береді емес, мен еліме не беремін» де­­ген ұстаным, осы жолы да ал­дан шығады. Мемлекет қам­­қорлығы жетпей жатқан шал­ғай ауылдарға сол жерден шық­қан, бүгінде кәсібі мен нәсібі тасыған азаматтар кө­мек қолын созып жатса, бұл әл­бетте, құптарлық іс. Елбасы «Болашаққа бағдар: рухани жаңғыру» бағдарламасында «қазақ «Туған жерге туыңды тік» деп бекер айтпаған. Пат­рио­тизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген

  • Әкежан Қажыгелдин: “Назарбаев менен кешірім сұрады

    Қасым АМАНЖОЛ Қазақстанның бұрынғы премьер-министрі Әкежан Қажыгелдин (оң жақта) және журналист Қасым Аманжол. Скайп-сұхбат. 6 қыркүйек 2019 жыл. 1994-1997 жылдары Қазақстан премьер-министрі болып, 1998 жылы елден кеткен Әкежан Қажыгелдин Азаттыққа берген сұхбатында шетелде бірнеше рет Қазақстанның экс-президенті Нұрсұлтан Назарбаевпен кездескенін айтты. 6 қыркүйекте Алматыда «Ақиқат» жалпыұлттық социал-демократиялық партиясының 15-съезінде партия басшыcы Ермұрат Бапиға ЖСДП мүшелері сенімсіздік білдіріп, ақырында Бапи төрағалықтан кетіп, партиядан да шығарылды. Жиында кейбір партия мүшелері Бапидың биыл көктемде бір топ белсендімен Парижге барып, Қазақстанның бұрынғы премьері Әкежан Қажыгелдинмен партия рұқсатынсыз кездескенін айыптады. Бапидің орнына Асхат Рақымжанов партия жетекшісі болып сайланды. Дәл осы күні Нұр-Сұлтанда президент Қасым-Жомарт Тоқаевтың қатысуымен Ұлттық сенім кеңесінің алғашқы жиыны өтті. Бұл кеңесті Тоқаев халық пен

  • ҚЫТАЙ ЭКСПАНСИЯСЫНЫҢ ҚАТЕРІ

    Жазушы-публицист Марат Бәйділдәұлы (Тоқашбаев): Қытайлық 51 (55) зауытты Қазақстанға көшіру жобасы халқымызға мәңгі құтылмайтын бодандық қамытын кигізуі ықтимал. Қытай береді деп үміттеніп отырған 26,5 млрд доллар Қазақстан тағдырын тәлкекке салатын қақпан тілшігіндегі «дәмді сырға» ұқсайды. Қазақстанға көшірілетін 51 зауытпен келетін қытайлар қазақтарды байытады деу ақылға сыймайды! Іс жүзінде 51 қытай зауытын көшіріп келу Қазақстан үкіметінің ел экономикасын басқаруға мүлде қабілетсіз екендігін көрсететін дәрменсіз әрекет. Мемлекет рейдерлік басқыншылықсыз, коррупциясыз жағдай туғызып берсе өз бизнесмендеріміз-ақ 50 емес 500 зауыт салып беруге құмыл. Қазақстанда жалпы ішкі өнім неге жылдан жылға өрлемейді? Бұған осы кезге дейін бірде бір үкімет жауап берген емес. Бұрын ешқандай үкіметтік бағдарламаларда көзделмеген, ешқашан талқыланбаған «51 қытай компаниясын Қазақстанға көшіру

  • Түркістан облысының Түлкібас ауданында жаңа спорт кешені ашылды.

    «Ер Жәнібек» атындағы 240 адамға арналған шынықтыру-сауықтыру орталығы  Састөбе кентінде пайдалануға берілді.  Нысан мемлекеттік-жекеменшік әріптестік аясында жүзеге асты. Құны 454 млн теңге болатын спорт кешенінде бокс, дзюдо, үстел теннисі, баскетбол, еркін күрес және тағы да басқа спорт түрлерімен айналысуға болады. Келушілерге ыңғайлы болуы үшін киім ауыстырып, душ қабылдауға болады. Бұдан бөлек, бапкерлер мен медбикелерге арналған бөлмелермен де қамтылған. Түркістан облысы, Түлкібас ауданы, Састөбе елдімекенінде өткен “Ер Жәнібек” атындағы спорт кешенінің ашылу мерей тойына “Tuǵurul han” Halyqaralyq Qoǵamdyq Birlestıgınıń атынан: Қаржаубай Сартқожа – Президиум Басқармасының Төрағасы (құрылтайшы); Мамырбаев Рахимбек – Президиум Басқармасының мүшесі (құрылтайшы); Игбаев Нұржан – “Tuǵurul han” Halyqaralyq Qoǵamdyq Birlestıgınıń Президенті қатарлы азаматтар арнайы қатысып қайтты.   Салтанатты жиынның ашылуына

  • Қазақ патриот құрылысшысы

    11 тамыз күні, бұрынғы Кеңес Одағының аумағында құрылысшылардың кәсіби мерекесі атап өтілді. Еріксіз, менің досым Александр Владимирович Рязановты (1958-2009) еске алдым. Иә, биылғы тамыздың басында Одесса қаласына қысқа сапар шектім. Осы аймақта өмір сүретін Алекеңнің туысқандарымен қауыштым: бөле ағасы Александр Браилов, бөле қарындасы Оксана Позняк, бөле інісі Андрей Барбакар. Одесса аймағының құрамасындағы Измаил қаласында тұратын оның досы, журналис Александр Ободовскиймен сөйлестім. Зымырап өтетін уақыттың қарқыны соншама: биыл А.В. Рязановтың мезгілсіз қазасына дардай он жыл толды. Қайран Александр Владимирович әйгілі американдық эстрадалық әнші Майкл Джексондей (1958-2009) жарқыраған жұлдыздай өтті. Еліміздің құрылыс саласында Алекең де біртуар жұлдыз емей немене? Алайда, кең-байтақ мемлекетімізде күні бүгінгі дейін оның құрметіне бірде-бір көше, алаң, даңғыл аталмады.

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: