|  |  |  | 

Спорт Шоу-бизнис Әлеумет

Жанашыр азамат Молдияр Нұрбаев Мамания мектебін қайта жаңалады

 

WhatsApp Image 2019-09-11 at 6.29.25 PM-2
Еліміздің әр аймағындағы ауылдарда тозығы жетіп қаңырап қалған нысандар жетерлік. Содан ба кезінде тіршіліктің қыз-қыз қайнаған ордасына айналған өлкелер бұл күнде сұрқай тартып, суықтанып бара жатыр. Әрине, оны қайта тірілту, өңі қашқан өлкенің шырайын кіргізу – біз бен сіздің, ел азаматтарының міндеті. «Елім маған не береді емес, мен еліме не беремін» де­­ген ұстаным, осы жолы да ал­дан шығады. Мемлекет қам­­қорлығы жетпей жатқан шал­ғай ауылдарға сол жерден шық­қан, бүгінде кәсібі мен нәсібі тасыған азаматтар кө­мек қолын созып жатса, бұл әл­бетте, құптарлық іс.WhatsApp Image 2019-09-11 at 6.29.24 PM

Елбасы «Болашаққа бағдар: рухани жаңғыру» бағдарламасында «қазақ «Туған жерге туыңды тік» деп бекер айтпаған. Пат­рио­тизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен баста­ла­ды. Сол себепті, мен «Туған жер» бағдарламасын қолға алуды ұсынамын» деген еді. Елбасының осынау ұсынысын ту еткен кәсіпкер Молдияр Нұр­баев Ақсу ауданы Ақсу ауы­лындағы 55 жылдан бері жөндеу көрмеген мектепті күрделі жөндеуден өткізіп берді. Әрі қарай мектеп жанынан спорт кешенін салу да жоспарында бар. Оқушылар да биыл жаңа оқу жылын азып-тозған ескі ғи­ма­ратта емес, еңсесі биік жа­ңа мектепте қарсы алып жа­ды­рап қалды. – Осы жерде туып-өстім. Ата-бабаларым да осында жер­лен­ген. Өзім осы мектепте оқып, 1967 жылы бітіріп шық­тым. Біздің кезде мыңға жуық бала оқитын. Кейін уа­қыт өте келе ауылдан адам­дар көшіп, жағдай тіпті мүш­­­кілденген. Бірде аудан әкі­­мі­мен сөйлесіп қалып, мек­­теп жағдайының нашар еке­­нін естідім. Содан ойлана келе туған ауылыма, өзіміз оқы­ған мектепке аз да болса кө­мек берейік деген байламға кел­дік. Ең бірінші балаларға жағ­дай жасалуы керек. Олар­ға көмектесу, солардың келе­ше­гі үшін қызмет ету – біздің азаматтық міндет. Жолдың нашарлығына қарамай, құ­ры­­­лыс материалдарын Алма­ты­дан тасыдық. Жалпы ал­ған­да, мектептің қасбеті то­лық өз­геріп, шатыры, едені, тере­зе­лері, жылу құбырлары түгел­дей жаңартылды. Мұнда шү­кір, ауызсу бар. Бірақ ауызсу мәсе­лесі қиындау екен. Соны да реттестіріп, су тарттық. Атқа­ры­латын шаруа әлі де көп, – дейді Молдияр Қылшықұлы. WhatsApp Image 2019-09-11 at 6.29.25 PM-3Кәсіпкер мектепке арнап жаңа көлік те сатып алып бе­ріп­ті. Одан бөлек оқушыларға он компьютер, интерактивті тақ­та, түрлі оқу құралдары да сыйға тартылған. Мұндай сый-сияпаттан ұстаздар да кен­де қалған жоқ. Оларға да бір­­неше ноутбук беріліп, әкім­ші­лік кабинеттері заманға сай жасақталды. – Төрт балам да осы Мамания мектебінде оқиды. Үлкен екі ба­лам оқушы болса, кішілері ба­лабақшаға барып жүр. Мек­теп суық болғандықтан ба­ла­лардың денсаулығын ой­лап сабаққа жиі жібермей қа­латынбыз. Мен ғана емес, көбі солай істейтін. Сабаққа бара қалса, киімдерін шешпей, баскиімдерін киіп отыратын. Жаңбыр жауса, төбеден су аға ма деп қорқатын едік. Қазір соның бәрінен ада болдық. Ағамыз мектепті толықтай жаңалап, балалардың еш алаңсыз білім алуына жағдай жасап отыр. Алғысымыз зор, – дейді ата-ана Арай Серікқызы. WhatsApp Image 2019-09-11 at 6.29.25 PMАудан басшылығының ай­­туынша, туған жеріне ке­ліп дәл мұндай жақсылық жа­­сау – үлкен мәрттік, дара дег­­дарлықтың көрінісі. Жер­лес­терінің жақсылығына риза болған ауылдықтар өз кезегінде Молдияр Нұрбаевтың кеудесіне арнайы төсбелгі тағып, алғысын жеткізді. Мамания мектебін Жетісудің атақты байы Маманның балалары Тұрысбек, Сейітбаттал және Есенқұл қажылар XX ғасырдың басында салдырған. Оның архитектурасы мен оқу жүйесі Уфадағы «Ғалия медресесіне» ұқсатылған екен. Алаш қайраткері, ақын Ілияс Жансүгіров те – осы Мамания мектебінің түлегі. 1940 жылдардың бас кезінен мектепке Ыбырай Алтынсарин есімі берілді. – Молдияр ағамыз мектепке жаңа көлік сыйлады. Бау-бақ­ша жайқалсын деп су тарт­қы­зып берді. Келесі жылы спорт кешенін ашсам деп жос­пар­лап отыр. Осының бәрі, әрине, игілікті шаруа. Көмек қолын созған азаматтардың арқа­сын­да жаңа оқу жылына 100 пайыз дайын болдық, – деді мектеп директоры Алпамыс Қазбанбетов. Кәсіпкердің өзі «ауыл көр­кей­се, ел-жұрт қайта оралар, суы-нуы жайқалған баяғы дәу­ре­ні қайта келер» деп үміт етеді. Бір айдан соң өзінің тікелей бастамасымен Ақсу ауданында әйгілі ақын Ілияс Жансүгіровтің ескерткіші бой көтермек. Аудан әкімдігінің дерегіне сүйенсек, қазір аудандағы 41 мектептің 11-і әбден ескірген. Бір сөзбен айтқанда, дәл осын­дай жомарт жандардың кө­ме­гіне мұқтаж деген сөз. Ал демеуші қолын тілеп тұрған оқу ордалары еліміз бойынша қаншама десеңізші?! «Туған жер­ге туыңды тік» ұстанымын серік еткен азаматтар өз ауылдарына кө­мек­тессе, еліміз жайқалып-ақ кетер еді. Ал Мамания мек­­тебінің оқушылары мен ұс­таз­да­ры жаңа оқу жылына тың сер­пінмен кірісері сөзсіз.

Kerey.kz

Related Articles

  • “Саяси ұпай жинауға тырысып жатыр”. Сарапшы Тоқаевтың ЕАЭО жиынында айтқаны жайлы

    Аян ҚАЛМҰРАТ Қазақстан президенті Қасым-Жомарт Тоқаев видеоконференция арқылы өткен ЕАЭО жиынына қатысып отыр. 19 мамыр 2020 жыл. Мамырдың 19-ында Еуразия экономикалық одағына (ЕАЭО) мүше елдердің президенттері видеоконференция арқылы өткен жиында ұйымның алдағы бес жылға арналған даму стратегиясын қабылдаған жоқ. Жиын кезінде Қазақстан президенті Қасым-Жомарт Тоқаевтың стратегия жобасын «ел үкіметтері мен парламентінің дербестігін шектейді» деп, кейбір тұсын қайта қарау қажет деген ұсыныс айтты. Тәуекелді бағалау тобының директоры, саясаттанушы Досым Сәтпаев Азаттыққа берген сұхбатында экономикалық кеңес отырысындағы Тоқаев сөзінің астары жайлы, Нұрсұлтан Назарбаевтың ақыры таяған дәуірі, Еуразия экономикалық одағы ішіндегі қордаланып қалған қайшылықтар жайлы айтты.  ЕАЭО ішіндегі Жоғарғы Еуразиялық экономикалық кеңестің отырысында Қазақстан президенті Қасым-Жомарт Тоқаев жобаның ішінде “Еуразиялық экономикалық интеграцияның 2025

  • Сардоба, Рогун, АЭС. 

    Алапат апат болып, қалың ел суға кетіп жатқанда билік ойнап жатқандар Өзбекстанға нота жібереміз бе, жоқ па дегенді де ақылдаспапты. Нотамызды дайындап қойдық деген вице-министрдің сөзіне қарағанда, шекарада салынып жатқан су қоймасы жөнінде Қазақстан “бірнеше рет” сұраса да Өзбекстан жөндем жауап бермепті. Бірі келіп, бірі кетіп жатқан шенеуніктер сірә, “біз сұрадық, міндетімізден құтылдық” деп жылы жауып қойса керек. Табандап тұрмаған, жеріне жеткізбеген. Әйтпесе, халықаралық заң нормасын бұзды деп Біріккен ұлттар ұйымына арызданар еді, әлемнен бейтарап сарапшы шақырар еді. Іздедім, ондай жоқ. Сардоба салынса, тым болмағанда Сырдария суалмай ма, Кіші Аралға зар болмаймыз ба деген де есеп-қисап жоқ.  Сардобаның мәселесі екі жемқор жүйенің арасында жалған ағайынгершілікпен, бәлкім, сен іш, мен іш

  • Алматы облысында кәсіпкер 500 отбасын бес айлық азық-түлікпен қамтамасыз етті

    Әр отбасына 116 кг азық-түлік табысталды Фотолар: Әсет Құндақбаев Алматы облысында кәсіпкер төтенше жағдайға байланысты табыссыз қалған, күнкөрісі төмен 500 отбасын азық-түлікпен қамтамасыз етті, деп хабарлайды Azattyq Rýhy тілшісі. «Қайырымдылық керуені» атты ауыр жүк көліктері азық-түлікті облыстың үш ауданына бір апта бойы тасыды. Алғашқы көмек шалғайдағы Ақсу ауданының әлеуметтік тұрғыда әлжуаз 200 отбасына теңдей бөліп берілді. «Басқа түскен қиыншылық кезінде ауылдан шыққан азаматтар елін ұмытпай, халыққа көмегін беріп жатыр. Мұнша азық-түлікті сатып алуға  әркімнің жағдайы келмейді. Сонау Алматыдан осыншама мол дүние келеді деп ойламаппын. Көмек жіберген Молдияр Нұрбаев деген азаматқа ауыл тұрғындарының атынан алғыс білдіреміз», – деді Бикен Баетова. Қос көлікке тиеліп жеткен өнімдер әр отбасына бірнеше айға жетеді. Әр отбасына жалпы

  • Менің көріксіз қытай әйелім

    Көп адамдар менен шексіз байлық иесі бола тұра неге қытайлық әрі әдемі емес (олардың ойынша) қалыңдық таңдағанымды сұрайды. Мен (олардың ойынша) кәзіргі әйелім Присилла Чаннан да “артық” әйелмен үйлене алады екенмін. Ең алдымен бұл сұраққа жауап бермес бұрын сұлу әйел деген қандай және сұлу емес әйелдің қандай болатынын талқылағым келеді. Шындығында, менің әдемі әйелдермен кездесу мүмкіндігім көп, олардың көбісі менің жарым болғысы келеді. Алайда, “сұлу” әйелдердің көбісінің жүрегі шағылып қалатын әйнек тәрізді. Егер сен ханның қызындай тәкаппар ашушаң болып аурып тұрсаң оның сенімен шаруасы жоқ брақ бай бола тұра неге машинаңды ауыстырмайсың деп сұраумен болады. Олар менің жарым болғылары келуінің мақсаты тік ұшақтарыммен мақтану. Одан кейнгі кезекте олардың байдың әйелі

  • Отандық спортшылар дәрігерлер мен әскери қызметкерлерге алғыс айтты

      Еліміздің атын әлемдік ареналарда танытып, әнұранымызды асқақтатып   жүрген спортшылар қауымы дәл қазіргі қиын кезеңде жұмыста қалып, ел үшін қызмет етіп  жатқан мамандарға шынайы ықыластарын жеткізді. “Отандастарымыздың амандығы үшін өз өмірін қауіпке тігіп жүрген ақ халатты абзал жандар мен әскери қызметкерлерге құрметімізді білдіреміз”- делінген спортшылар үндеуінде. https://www.instagram.com/p/B-wQguapjwv/?igshid=1cn1z56sxuhgy   https://www.instagram.com/tv/B_SqcxPhRMs/?igshid=1ux784e6u3xi8   https://www.instagram.com/tv/B_UOVWAJ_Sk/?igshid=uaxs4ahqajnw Айбек Нұғымаров, Елдос Сметов, Нұрбақыт Теңізбаев, Александр Винокуров, Мөлдір Мекенбаева, Дархан Нортаев сынды әлем чемпионаттарының жүлдегерлері мен олимпиада чемпиондары отандастарымызды үйде болуға және карантин уақытын тиімді пайдалануға шақырады. Естеріңізге сала кетейік, қазіргі таңда Мәдениет және спорт министрлігінің бастамасымен танымал спортшылар мен спорт қайраткерлерінің қатысуымен онлайн-сабақтар, жаттығулар және дәрістері қамтылған #бізбіргеміз #алғақазақстан жобасы жүріп жатыр.  

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: