|  |  |  | 

سۋرەتتەر سويلەيدى شوۋ-بيزنيس الەۋمەت

تالدىقورعان-وسكەمەن تاس جولى «تاسباقاعا» ارنالعان با؟

رەسپۋبليكالىق ماڭىزى بار اۆتوموبيل جولىنىڭ  313,5 شاقىرىمى  الماتى وبلىسىنا تيەسىلى. «قازاۆتوجول» ۇك» اق» وبلىستىق فيليالى باسشىلىعى جول ۇستىندە جىلدامدىقتى ساعاتىنا 40 كيلومەتردەن اسىرماۋ كەرەك دەپ وتىر.

تالدىقورعان-وسكەمەن تاس جولى شىعىستا الاكولمەن شەكتەسەدى. وسى باعىتتا  «قازاۆتوجول» ۇك» اق» الماتى وبلىستىق فيليالىنىڭ تاپسىرىسىمەن  ۋاقىتشا جول سالىنعان. ۋاقىتشا دەگەن اتى بولماسا، ويدىم-ويدىم جولمەن جولاۋشىلار بەس جىل جۇرە تۇرۋى ءتيىس. بىلتىر توسەلگەن جاڭا جول ارقىلى كۇنىنە ورتاشا ەسەپپەن 3 جارىم مىڭ كولىك وتەدى ەكەن. ساپارعا شىققاندار دىتتەگەن جەرىنە دىڭكەسى قۇرىپ ارەڭ جەتەدى. كوپشىلىگى الاكولدىڭ شيپالى سۋىنا شومىلۋعا اسىققان تۋريستەر. «قازاۆتوجول» ۇك» اق» الماتى وبلىستىق فيليالىنىڭ ديرەكتورى جاناباي قوبىلانديننىڭ سوزىنە سەنسەك، كولىك جۇرگىزۋشىلەرى جول بويىنا قويىلعان بەلگىلەردى ەسكەرۋى ءتيىس.

«سىزدەر بىرىنشىدەن جۋرناليست بولساڭىز ءوزىڭىزدىڭ ماشيناڭىزعا وتىرىڭىز دا، ءجۇرىپ كورىڭىز. انا جەردە نە دەپ تۇر؟ ۋاقىتشا جول. ول جولدا ساعاتىنا 40 كم جىلدامدىقپەن ءجۇرۋ كەرەك. سپيدومەتردى 40 كم قويىڭىز دا ءجۇرىپ كورىڭىز. سول باعىتتا اينالما جول سالىنعان. ەندى، سول جولمەن كىم جۇرمەي جاتىر؟!  ءبارى جۇرەدى. سالماقتى اۋىر سالىپ الىپ تا جۇرەدى. بارلىعى 100, 120 كم جىلدامدىقپەن جۇرگىسى كەلەدى. ەگەردە ءبارى كورسەتىلگەن بەلگىمەن  جۇرسە ەشقانداي پروبلەما بولمايدى»،- دەدى شامدانىپ قالعان جاناباي قوبىلاندين.

كۇرە جولدىڭ قيىندىعىنان قۇتىلار كۇن قايدا؟

قۇنى 105,3 ملرد تەڭگەگە باعالانعان جاڭا اۆتوموبيل 2022 جىلى قولدانىسقا بەرىلەدى. جۇمىس بىلتىر باستالعان. جول قىتايلىق ينۆەستيتسيا ەسەبىنەن جۇزەگە اسىپ جاتقان كورىنەدى. باستى مەردىگەر مەكەمە – CITIC Construction Co, LTD. «قازاۆتوجول» ۇلتتىق كومپانياسى ءباسپاسوز قىزمەتىنىڭ مالىمەتىنشە، جولدى ءۇش بىردەي مەردىگەر كومپانيانىڭ كونسورتسيۋمى سالىپ جاتىر.

«ولار – قىتايلىق، يتاليالىق جانە ءوزىمىزدىڭ كومپانيا. وندا 21 جاساندى نىسان، 100-دەن استام قۇبىر، ءارتۇرلى دەڭگەيدەگى 2 اينالما جول قاراستىرىلعان. ونىڭ 32,3 شاقىرىمىن  I-ب تەحنيكالىق ساناتقا، 281,2 شاقىرىمىن II تەحنيكالىق ساناتقا جەتكىزۋ جوسپارلانىپ وتىر. «تالدىقورعان-قالباتاۋ-وسكەمەن» جولىنىڭ 287-615 شاقىرىم ارالىعى 5 بولىككە ءبولىنىپ، جولدىڭ بويىندا قۇرىلىس الاڭدارى مەن كەڭسەلەر قويىلعان. جىلدامدىقتى تومەندەتۋ تۋرالى ءجيى-ءجيى شىعا بەرەتىن بەلگىلەر قوزعالىس قاۋىپسىزدىگىن ازايتۋ ماقساتىندا ارنايى قويىلعان»، – دەدى اتالعان مەكەمە وكىلى.

بيىل سۋعا ءتۇسۋ مۋسىمى كەزىندە الاكولگە 2 ملن-داي تۋريست بارادى دەپ بولجانعان. ساياحاتشىلار دەمالىس ورنىنا شىعىس قازاقستان جانە الماتى وبلىسى ارقىلى جەتەدى. دوللار باعامى شارىقتاپ كەتكەلى قازاقستاندىقتار جەرورتا ءھام قىزىل تەڭىزدىڭ قىزىققا تولى جاعالاۋلارىنا الىستان قول بۇلعاپ قالا بەردى. تۇركيانىڭ بالاماسى بولادى دەلىنگەن الاكولگە، تۋريستەر بۇگىندە جول ازابىنا قاراماستان اۆتوكولىكپەن 15 ساعاتتاي ءجۇرىپ بارادى. اراقاشىقتىق جوعارىدا جازىپ كەتكەن 313 شاقىرىم.

ءامىربولات قۇسايىنۇلى، الماتى

Related Articles

  • الماتىدا ءزىلزالا بولسا، ەڭ الدىمەن قانداي ۇيلەر قيراۋى مۇمكىن؟ ساۋلەتشى ايدار ەرعاليمەن سۇحبات

    پيوتر تروتسەنكو الماتىنىڭ جوعارعى جاعىنداعى كوپقاباتتى عيماراتتار. 18 شىلدە، 2022 جىل قازاقستاندىق ساۋلەتشى ايدار ەرعالي ەگەر كۇشتى جەر سىلكىنىسى بولسا، سەيسميكالىق قاۋىپتى ايماقتا ورنالاسقان الماتى قالاسى قانداي قيىندىقپەن بەتپە-بەت كەلەتىنىن، سوۆەت كەزىندە سالىنعان ۇيلەر قازىرگى زامانعى كوپقاباتتى عيماراتتارمەن سالىستىرعاندا جەر سىلكىنىسىنە توتەپ بەرۋگە نەلىكتەن ءالسىز ەكەنىن ايتتى. 23 قاڭتار كۇنى الماتىدا جەر ادەتتەگىدەن قاتتىراق سىلكىنىپ، ەلدى دۇرلىكتىردى. بۇل وقيعا كەڭ اۋقىمداعى تابيعي اپاتقا قالا بيلىگى مەن تۇرعىندار قانشالىقتى دايىن دەگەن اڭگىمەنى قايتا قوزدىردى. جۇرت اسىرەسە توتەنشە جاعدايلار جونىندەگى دەپارتامەنتتىڭ ەرتە حابارلاۋ جۇيەسى دۇرىس جۇمىس ىستەمەگەنىن، سمس-حابارلامالار دەر كەزىندە تۇسپەگەنىن دە سىنعا الدى. جەر ءبىرىنشى رەت سىلكىنگەن ساتتە الماتى تۇرعىندارى جاپا-تارماعاي ۇيدەن سىرتقا قاراي جۇگىردى، كەيبىرى ءتىپتى سىرت كيىمىن دە كيمەگەن

  • شاعىن ساراپتاما:شىڭجاڭ ولكەلىك ۇكىمەتى، شەتەلگە وقۋشى جىبەرۋ جۇمىسى

    شاعىن ساراپتاما 1934-35 جىلى جاڭا شىڭجاڭ ولكەلىك ۇكىمەتى قۇرىلعان سوڭ شەتەلدەن وقۋ، شەتەلگە وقۋشى جىبەرۋ جۇمىسى كەشەندى جۇزەگە استى. سونىڭ نەگىزىندە ولكەلىك ۇكىمەت سوۆەت وداعىنان وقيتىن جاس تالاپكەرلەرگە كونكۋرس جاريالاپ ارنايى ۇكىمەتتىڭ وقۋ ستيپەندياسىن ءبولدى، ناتيجەسىندە 1935-39 جىلدارى ۇزىن سانى 300-گە تارتا ستۋدەنت سوۆەت وداعىندا ءبىلىم الدى. 1935 جىلدارى شىعىس تۇركىستاندىق ستۋدەنتتەردىڭ ەڭ كوپ وقۋعا تۇسكەن ءبىلىم ورداسى- تاشكەندەگى ساگۋ ەدى، اتاپ ايتقاندا ورتالىق ازيا مەملەكەتتىك ۋنيۆەرسيتەتى. تاشكەننەن وقىعان شىڭجاڭدىق ستۋدەنتتەر شىعىس تۇركىستاننىڭ بارلىق ايماقتارىندا ءتۇرلى قىزمەتتە جۇمىس ىستەدى، ولاردى كەيىن “تاشكەنتشىلدەر” دەپ تە اتادى. 1939 جىلدان كەيىن ماسكەۋ مەن شىڭجاڭ ولكەلىك ۇكىمەتتىڭ اراسى ديپلوماتيالىق داعدارىسقا ۇشىرادى، سونىڭ كەسىرىنەن رەسمي ءۇرىمجى سوۆەت وداعى قۇرامىنداعى ستۋدەنت ازاماتتاردى ەلگە شاقىرتىپ الدى. ءبىلىم

  • ءتسيفرلى تەڭگە “جاڭا ەكونوميكا” قۇرۋعا كومەكتەسپەك

    بلوكچەين تەحنولوگيالارى قازاقستاندى جەمقورلىقتان بارىنشا تازارتىپ شىعا الادى. بۇگىن مەملەكەت باسشىسى بيۋدجەت قاراجاتىنىڭ جۇمسالۋىن باقىلاۋ ءۇشىن تسيفرلىق تەڭگەنى پايدالانا وتىرىپ، اقشانى تاڭبالاۋ كىلتى تۋرالى ايتىپ ءوتتى. ءتسيفرلى تەڭگەنىڭ ەڭ مىقتى جەرى وسى. پروگراممالانعان توكەن بولعاندىقتان اقشا كىمنەن كىمنىڭ قولىنا ءوتتى، باقىلاپ وتىرا الامىز. مىسالى، مەملەكەتتىك تەندەرلەردىڭ بارلىعىن ءتسيفرلى تەڭگەگە اۋىستىرىپ، وسى تەندەرلىك ءتسيفرلى تەڭگەنى قولما-قول اقشا رەتىندە شەشىپ الۋ مۇمكىن بولمايتىنداي جاساپ قويۋعا بولادى. سوندا ءبىز تەندەر جەڭىمپازىنىڭ اقشانى قالاي جۇمساعانىن، كىمنەن تاۋار العانىن، كىمدەرگە قانشا ايلىق تولەگەنىن كورىپ، سودان ۇلكەن BIG Data بازاسىن قۇرايمىز. ءدال وسى كەزدە، مەملەكەتتىك اقشاعا مۇمكىندىگىنشە قازاقستاندىق تاۋار الىنعاندىعىن باقىلاپ، ماجبۇرلەپ وتىرۋعا مۇمكىندىك بار. وسى ارقىلى جەمقورلىقتى اتىمەن جويىپ، وتاندىق بيزنەسكە مىقتى قولداۋ كورسەتە الماقپىز.

  • چۋنتسيندەگى كەزدەسۋ

    تاريحي سۋرەت ۋاقىتى: 28 تامىز 1945 ج.; ورىنى: چۋنتسين (重慶) ق-سى; تۇسىنىكتەمە: تاريحي سۋرەتتە اقش-تىڭ قىتايداعى وكىلەتتى ەلشىسى پاتريك حەرلي جانە قىتاي پرەزيدەنتى چان كايشي مەن قكپ توراعاسى ماو. چۋنتسيندەگى كەزدەسۋ كەزىندە ديالوگقا كەلە باستاعان قىتايلىق پارتيا وكىلدەرى الپاۋىت ەل اقش پەن سوۆەت وداعىنىڭ “قىتاي ساياساتىن” جاڭا داعدارىسقا اكەلدى. كورىنىستە ازاماتتىق سوعىستى توقتاتىپ بۇكىلقىتايلىق ماسەلەنى شەشۋ بولعانىمەن ۇلكەن قاستاندىقتىڭ باسى سودان باستالدى. الپاۋىت تاراپتار قىتاي كارتاسىن وزگەرتەتىن جاڭا ديالوگتاردى قىزۋ تالقىلاپ جاتقاندا شىعىس تۇركىستان اۋماعىندا ءبىر ۋاقىتتا ءۇش بىردەي ۋاقىتشا ۇكىمەت ءومىر ءسۇردى. ولار: ءبىرىنشى، وتستاۆكاداعى شەن شيتساي كلانى; ەكىنشى، ۆۋ چجۋنسيننىڭ ۋاقىتشا ۇكىمەتى; ءۇشىنشى، شىعىس تۇركىستان ۋاقىتشا ۇكىمەتى. اقش-تىڭ قىتايداعى وكىلەتتى ەلشىسى پاتريك حەرلي شىعىس تۇركىستان اۋماعىن نازارعا الا

  • جەر سىلكىندى، ال سانامىز سىلكىنە مە؟

    ءبىرىنشى، الماتى جەر سىلكىنىس بەلدەۋى ايماعىنا جاتادى، ول عىلىمدا الدەقاشان دالەلدەنگەن، وعان قۇمالاق اشىپ جاڭالىق ايتۋدىڭ كەرەگى جوق. ورتالىق ازيانىڭ قاۋىپتى سىلكىنىس بەلدەۋىنىڭ ءبىر جولاعى قازاقستاننىڭ ءبىراز ايماعىن قامتىپ جاتىر. جەر كەشە سىلكىنگەن، بۇگىن سىلكىندى، ءتۇپتىڭ تۇبىندە ەرتەڭ دە سىلكىنەدى جانە سىلكىنە بەرەدى. جەر- كۇنانىڭ كوپتىگى ءۇشىن سىلكىندى دەپ اڭىراعان جۇرتقا قۇرعاق اقىل ايتاتىن قايمانا ۋاعىز قاي قوعامدا بولسىن تابىلادى، جەر- اتەيست پەن تاڭىرشىلگە “اللاھتى ەسكە سالدى” دەيتىن مىسكىن وي، اسىعىس تۇسپال قاي جاماعاتتا بولسىن تابىلادى، بىراق تابىلماي تۇرعانى عىلىم، ءمان بەرىلمەي تۇرعانى دا وسى. ەكىنشى، جەردى كىم سىلكىسە دە مەيلى، ماڭىزدىسى ول ەمەس، ونسىز دا سىلكىنىس بەلدەۋىندە تۇرىپ جاتىرمىز، “ۇيقىداعى” سىلكىنىس پەن جانار تاۋ بىزدە ونسىز دا بارشىلىق. ماسەلە

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: