|  |  | 

Көз қарас Спорт

Терроршыл Челахтың қайталанбауына кім кепіл?!

DSC03496

2019 жылдың 8-21 қыркүйегінің аралығында, ресейлік Екатеринбург
қаласында әуесқой бокстан кезекті әлем біріншілігі өтті. Мен осы жаһандық
додаға журналис ретінде аккредитацияланған едім. Алты медаль жеңіп алған
қазақ құрама командасы тағы да жер жүзіндегі жұдырықтасудың
көшбасшысы екендігін дәлелдеді. Сатқын қазы-билердің зымияндығы
болмаған жағдайда, Свердловск аймағы шаршы алаңындағы былғары қолғап
шеберлеріміздің жетістіктері одан әрі ұлғая түсер еді. Дегенмен, 81 келіге
дейін салмақ дәрежесіндегі жаңа әлем жеңімпазы, соққылары жойқын
маңғыстаулық Бекзат Нұрдәулетовтың қарқынды өрлеуіне ешкім тұсау сала
алмады. Әр қарсыласын есеңгіретіп жіберді жас чемпионымыз! Тіпті, аты
аңызға айналған кубалық Олимпия жеңімпазы Хулио Ла Крустың өзі біздің
боксшыдан ойсырата ұтылды. Бір қызығы, ширек финалындағы жеңісінен
кейін Ла Крустың қолтаңбасын алдым және ақтық сындағы жеңісінен кейін
Бекзат те маған автограф берді.
Аса ауыр салмақ дәрежесіндегі күміс жүлдегеріміз Қамшыбек
Қоңқабаевтың жүрек жұтқан тегеурінді жұдырықтасушы екендігіне көзіміз
жетті. Алайда, қызылордалық батырдың батыл шабуылдарына техникалық,
комбинациялық қасиеттердің жетіспеушілігі сезіледі. 91 келіге дейін салмақ
дәрежесінде өнер көрсететін қостанайлық ардагеріміз Василий Левиттің
таңғажайып тәжірибесіне ешбір күмәніміз жоқ. Бірақ, оның дөп тиетін
жойқын соққылардың аздығына орай, парақор қазылардың жымысқы
әрекеттерінің пайда болуына таң қалмайсың. Сонымен қатар, байрақты
бәсекенің басты ұйымдастырушыларының бірі, Свердловск аймағының әкімі
Евгений Владимирович Куйвашевпен бірнеше рет жүздесуге сәті түсті.
Әрине, осы жетекші еңбегінің арқасында да мынадай ірі халықаралық жарыс
тиісті дәрежеде өткізілді. Айтпақшы, көрнекті большевик Яков Михайлович
Свердловтың қазақтар үшін сіңген еңбегі – орасан зор. Өйткені, қас жаумыз –
казачествоны – Кеңес өкіметтің қаулысымен құртқан тұлға дәл осы Яков
Михайлович болып табылады.DSC03497
Бірақ, мынадай керемет спорт оқиғаға бара жолымда келеңсіз жағдайға
душар бодым. 2019 жылдың 17 қыркүйегінде, Ресейдің Троицк қаласының
қарама-қарсы тұсында орналасқан Қостанай аймағындағы қазақстандық
шекара бекетінде оның қызметкерлері Помазан Вадим және Байділдина
Айгүл менімен мемлекеттік тілімізде сөйлесе алмады. Олардың екеуіне де
айттым: «Ағылшын тілінде де сөйлей аламын. Алайда, Қазақстанда болған
соң, мемлекеттік тілде сөйлесуге тиіспіз». Тіпті, әлгі Вадим «Мемлекеттік
тілде сөйлеңіз!» менің талабыма ашуланып, мені «Нацист!» деп балағаттады.

2
Жауап ретінде оған былай айттым: «Сіз Ресейде орыс тілін білмесеңіз, тіпті
сыпырушының жұмысына орналаса алмайсыз. Ал, біздің елімізде қазақ тілін
білмей, керемет қызметке қол жеткіздіңіз». Осы қызметкерлер және басқа
шекарашылар да маған орынсыз сұрақтарды қойды: «Намаз оқисыз ба?»
Шекарашылар, кеденшілер жолаушылардың құжаттары мен багажын
тексерсе – бір жөн. Бірақ, пәлен кісінің діни ой-пікірлеріне қатысты
шекарашылардың қандай жұмысы бар?! Мен – атеистпін. Сондықтан,
ашықтан-ашық айттым: «Жоқ, намаз оқымаймын!» Тағы айта кетерлік жәйт,
олар шоқыншақтардан сұрамайды: «Шіркеуге барып тұрсыздар ба?» Иуда
балаларына да тиіспейді: «Синагогаға барып тұрсыздар ма?»
Олар менің атеист көзқарасыма ренжіген шығар. Әйтеуір, мені басқа
жолаушылардың арасынан жұлып алып, қызметтік бөлмеге жетектеді. Бүкіл
багажым, киім-кешегіме тінту жасады. Беттері былқ етпей, менің
қолжазбаларымды оқыды, қалтафонымдағы фото мен бейнематериалымды
қарап шықты. Ол ол ма, содан соң мені бастықтардың бөлмесіне апарды. Бұл
шекара бекеттің жетекшілері маған тесіле қарап, сұрады: «Неге құдайға
сенбейсіз?» Әйтеуір, түсінбедім: мен қай мекемеге түстім? Қазақстан
Республикасының шекара бекеті ме, әлде діни фанатиктердің жын ойнасы
ма? Тек қана, қалтафонымдағы кескіндердің арасында белгілі ақын Олжас
Сүлейменовтың менімен бірге Киевте түскен фотосуретін көрген соң, осы
заңсыз әрекеттерді доғарды айдаладағы біреулер. Әйтеуір, күтпеген жерден
Олжекеңнің де көмегі тиді.
Мынадай тәртіпсіздікке тап болғаннан соң, дана ақынымыз Ахмет
Байтұрсынұлының шерлі жолдары еріксіз есіме түседі:

Қинамайды абақтыға жапқаны,
Қиын емес дарға асқаны, атқаны.
Маған ауыр осылардың бәрінен,
Өз ауылымның иттері үріп, қапқаны!

Данияр НАУРЫЗ

kerey.kz

Related Articles

  • Ныгматуллинге хат

    Құрметті Нұрлан Зайруллаұлы! Түрік парламентінің спикері М.Шентоп мырза біздің елге келіп кеткеннен кейін біраз мәселенің әлі күнге дейін басы ашылмай қалып отыр. Қазірге дейін нұршылар мен гүленшілер сектасы туралы аз жазылған жоқ. Феткуллах Гүленнің жұмысына сараптама жасап қарасақ, оның жамағатындағы капиталдың жалпы көлемі 50 млрд доллардан асып кетеді екен. Бұл ақшаның бәрін олар заңды жолмен тауып отырған жоқ. «Нұршылардың» есірткі тасымалы мен қару- жарақ саудасы сияқты табысы көп кәсіпке де қатысы болуы мүмкін. Түрік баспасөзі осыған дейін олардың Түркиядағы бар капиталдың 30 пайызына («ислам капиталы») дейін иелік етіп отырғанын талай рет жазды. Мемлекет тарапынан қысым көргеннен кейін нұршылар астыртын әрекетке көшіп, спецслужбаға ұқсайтын арнаулы қызметті де құрыпты. Олар түркітілдес халықтар

  • Сібір жұрты немесе КӨШІМ хандығы құлағаннан кейін Батыс Сібір аймағында өзгеріске ұшыраған жер-сулардың байырғы атаулары.

    Шарлақ уезіндегі ел, жер, су атауларының шығу төркіні Қазіргі Солтүстік Қазақстан облысының Уәлиханов және Ақжар ауданының жері Совет үкіметі орнаған алғашқы жиырмасыншы жылдары Ақмола губерниясына қарасты Орехов ауданының негізінде құрылған Шарлақ уезінің қарамағына қарады. Оның құрамында он бес болыстық әкімшілік болды. Осы он бес болыстың ішінде Алабота, Қойтас, Қорған (кейіннен Қара Ой болысы атанды), Қызылағаш, Керей, Теке, Қарауыл (бұрынғы Николаев болысы) болыстарының негізгі бөлігі қазақтар болғандықтан көшпелі болыстар атанған еді. Бұл болыстар қазіргі көршілес Уәлиханов және Ақжар аудандарының аумағы. Қалғандары: Добровольская, Дробышев, Котельниково, Орехово, Покров, Русская Поляна, Степанов, Черноусов болыстары Омбы облысына берілді. Бұланбай ауылының тумасы Зейнолла Оспанұлын ауыл балалары «Зәкен әтәй» деп атайтын едік. Ел мен жердің тарихын, осыған

  • ДАУДЫҢ БАСЫ ДАЕШ-тен 2

    Eldes Orda Естеріңізде болса өткен жылдың қазан айында аталмыш тақырып аясында алғашқы постымды жариялаған едім. Одан бері бір жылдың көлемінде аймақтық стратегиялық саясатта көп өзгерістер түбегейлі орын алып жатыр… Сирия аумағындағы ДАЕШ-тің негізгі қарулы күштері дәл бүгінгі уақытта Ауғаныстан аймағына топталып болып қалды десек те болады. Сириядағы ДАЕШ күші соңғы кездері әлсіреді де, негізгі қарулы топтар Орталық Азияны бетке алып Ауған топырағына ағылып кете барды. ДАЕШ-тің Сирия аумағындағы осы бір өлара әлсіз тұсын жіті бақылап отырған Қазақстан “Жусан” жобасын ұйымдастыра қойды да өңірдегі қандастарымызды елге әкеліп алды. Бірақ, мынаны анық білуіміз керек, өңірдегі саяси ойын бұнымен біткен жоқ, өңірдегі саяси ойын енді басталуы бек мүмкін… 2017′ден бері Сирия аумағынан және

  • Жанашыр азамат Молдияр Нұрбаев Мамания мектебін қайта жаңалады

      Еліміздің әр аймағындағы ауылдарда тозығы жетіп қаңырап қалған нысандар жетерлік. Содан ба кезінде тіршіліктің қыз-қыз қайнаған ордасына айналған өлкелер бұл күнде сұрқай тартып, суықтанып бара жатыр. Әрине, оны қайта тірілту, өңі қашқан өлкенің шырайын кіргізу – біз бен сіздің, ел азаматтарының міндеті. «Елім маған не береді емес, мен еліме не беремін» де­­ген ұстаным, осы жолы да ал­дан шығады. Мемлекет қам­­қорлығы жетпей жатқан шал­ғай ауылдарға сол жерден шық­қан, бүгінде кәсібі мен нәсібі тасыған азаматтар кө­мек қолын созып жатса, бұл әл­бетте, құптарлық іс. Елбасы «Болашаққа бағдар: рухани жаңғыру» бағдарламасында «қазақ «Туған жерге туыңды тік» деп бекер айтпаған. Пат­рио­тизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген

  • Әкежан Қажыгелдин: “Назарбаев менен кешірім сұрады

    Қасым АМАНЖОЛ Қазақстанның бұрынғы премьер-министрі Әкежан Қажыгелдин (оң жақта) және журналист Қасым Аманжол. Скайп-сұхбат. 6 қыркүйек 2019 жыл. 1994-1997 жылдары Қазақстан премьер-министрі болып, 1998 жылы елден кеткен Әкежан Қажыгелдин Азаттыққа берген сұхбатында шетелде бірнеше рет Қазақстанның экс-президенті Нұрсұлтан Назарбаевпен кездескенін айтты. 6 қыркүйекте Алматыда «Ақиқат» жалпыұлттық социал-демократиялық партиясының 15-съезінде партия басшыcы Ермұрат Бапиға ЖСДП мүшелері сенімсіздік білдіріп, ақырында Бапи төрағалықтан кетіп, партиядан да шығарылды. Жиында кейбір партия мүшелері Бапидың биыл көктемде бір топ белсендімен Парижге барып, Қазақстанның бұрынғы премьері Әкежан Қажыгелдинмен партия рұқсатынсыз кездескенін айыптады. Бапидің орнына Асхат Рақымжанов партия жетекшісі болып сайланды. Дәл осы күні Нұр-Сұлтанда президент Қасым-Жомарт Тоқаевтың қатысуымен Ұлттық сенім кеңесінің алғашқы жиыны өтті. Бұл кеңесті Тоқаев халық пен

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: