|  | 

Twlğalar

Jaqiya qajı – imani joldıñ jarşısı

scale_600-1
Aspandı äuelep wşqan qıran qws jılı wyasına qaytıp oraldı. Sarı auız balapandarı qanattarı qataymağandıqtan, mamıq jaydan alısqa wzay alar emes. Anaları qaşan tamaq äkelgenşe janarların kök aspanğa qadap, wzaq kütken edi. Auızına tistegen qoregimen när jalğatıp, balapandarınıñ mäz-mäyram bolğanın körip, analıq qws ta quanışqa bölendi.
Osı bir jılı körinisterdi wzaqtan beri qadağalap twrğan Jaqiya ömirde izgilik ataulınıñ qalay payda bolğanın oylap, bas qatırdı. Atası aytıp otıratın äñgime de oyına oraldı. Bükil jahandı jaratqan bir Alla degen sözdiñ astarına üñilgisi keldi. Biraq, Jaratuşı Qwday turalı kimnen swrarın bilmey tosıldı. Jarıtıp aytar adam bolsa şe? Auıldağı moldağa barayın dese, qazir olardıñ da qarası azaydı. Joqtıñ qası dese de boladı. Molda ataulınıñ soñına şıraq alıp tüsken keñes ökimeti «din –apiın» dep talayınıñ közin qwrtıp, temir torğa toğıtıp tındı.
Bwl otızınşı jıldardıñ ayaq şeni edi. Qaymana qazağın aştıq näubeti qarpıp, qatigez tağdırdıñ aşı zapıranın jwtqan qım-quıt kezeñde öziniñ düniege kelip, eñseni ezgen eleske tolı säbi künderin de emis-emis biledi. Endi mine, sol balğın balalıq şaqtıñ auılınan wzamay jatıp, ğalamnıñ jaratılısı jaylı qalıñ oydıñ qarmauına tüsti. San saual sanasın kezip, san-saqqa jügirtedi. Biraq, Jaratılıs jaylı osı bir saualğa jauap taba alar emes. Säbilik päk sezim şıñırau qwzdıñ da, şıñı biik asudıñ da köz aldınan kölbeñdegen sağım körinisterine jeteley berdi…
Ombınıñ irgesindegi auılına kelgen bir meyman Jaqiyanıñ üyinde qonaq boldı. Qonaq degeni bolmasa, Jaqiyanıñ da ata-anası jwtañ ömirdiñ küyki tirliginen öz meymanına asta-tök dastarhan jaya almadı. Aq peyilmen işilgen qara şay da meymannıñ mereyin tasıttı. Jaqiya özin tolğandırğan köp saualğa sol küni jauap taptı. Alla tağala jäne onıñ uahi sözderi jazılğan Qwran jaylı köp mağlwmat alıp, tanımın joğarılattı. Bala jüregi Allağa degen süyispenşilikti alğaş ret şınayı sezingen kezi de osı edi.
Äke bayğws balasına Alla jaylı bolğan bwl äñgime turasında eşkimge tis jarıp aytpaudı qattı tapsırdı. Al, özin Jaratuşı qwdiretke degen sırğa tolı älemmen qauıştırğan adamnıñ kim ekenin bilgen de emes. Üyine moldanı qondırğanı üşin talay adam naqaqtan-naqaq jazalanğan zaman edi ğoy. Bala Jaqiyağa äkesi onı saqtandıru üşin de meymanınıñ esimin jasırğan şığar-au.
Mine, sol Jaqiya eseye kele özin jaratqan Alla tağalanıñ süyikti qwlı bolamın dep bar ömirin imandılıq jolına arnadı. Bala küninde aq jol nwsqağan auızı uäli sol atasınıñ: «Dinşil bolsañ, şınşıl bol, özimşil bolsañ, oñbaysıñ» degen sözin qaperinen eş şığarğan emes.
«Din dese, auıldağı şal-şauqannıñ şala qayırğan «qwlhuallası» oyğa keletin bwrın. Sosın… änebir bayağıda janarmay ortalığı bolğan orındardı sol atalar «selsebetke» kirgiştep jürip, swrap alğan eki bölmeli eski meşit eske tüsetin. Bizdiñ sol bala tüsinik «din» söziniñ mağınası bwzılğan bir dübärä kezeñniñ soqqısına wşıradı. Bwl kezeñniñ adamdarı Qwdayğa sendi, biraq, qwlşılıqtı zeynetke şıqqannan keyingi josparına kirgizdi.
Haqqa senim şelpek pisirip, ölgen adamğa janaza asın berumen şekteldi. Qwran kärim törden, biikten orın aldı, häm sol biiginen tömendemey, şegege ilingen qalpı qalıp qoydı. Şañ bastı… «ata-babamız»degenge sayatın däyeksiz äñgimeler sol soqqığa wşırağan wğımnıñ saldarı edi. Qazaq asa qadir twtatın, dara twlğalı danışpan , «Allanıñ özi de ras, sözi de ras» dep jırlağan Abay qayda qaldı?» dep tolğanadı Jaqiya qajı bir esteliginde.
Mine, sol islam danalığın nasihattağan Jaqiya qajı Beysembaywlı 1932 jılı Ombı oblısınıñ Lyubin audanına qarastı qazaq auılında düniege keldi. Kişkentayınan imani joldı tañdap, 1959 jılı Özbekstannıñ Bwhara qalasındağı «Mir-arab» medresesine oquğa tüsti. Osı bilim ordasında on jıl oqığan Jaqiya Beysembaywlı üzdik diplom alıp şığadı. Sol kezdegi Özbekstannıñ bas müftii Babahan Işannan tälim alğan ol öziniñ bala künindegi Alla tağala jaylı sırlarına odan sayın qanığa tüsken edi. Keyin Almatı qalasınıñ bas imamı bolıp, dindi nasihattap, adamdardı allanıñ jolına saldı.
Al, arağa birer jıl salıp Siriyağa sapar şekti. Damask Islam universitetinde «Şarihat» fakul'tetinde oqıp, onda da öziniñ bilimdar şäkirt ekenin tanıttı. Qızıldar ökimetiniñ ayı aspandap twrğan kezinde bwlay şetel asıp, din bilimin alu degeniñ ekiniñ biriniñ tağdırına bwyıra bermeytin baq edi. Jaqiya Beysembaywlı sol baqıttıñ özine oñaylıqpen kelmegenin de biledi. Sebebi, osı bedeldi bilim ordasın tämämdağanan keyin Qazaqstan mwsılmandarı qaziyatın basqaruğa mümkindik aldı. Qazaqtıñ da ata-babalardan wstanıp kele jatqan dinin jaña kökjiekke köteruge atsalıstı. Imandılıqtan alşaqtap bara jatqan wrpağın araşalap qaludıñ qamına den qoydı.
Bwl onıñ islam dinin örkendetudegi eñ bir qajırlı ter tökken jıldarı edi. Osı twsta elimizde qanşama meşitter aşıldı. Keñes biliginiñ sayasatı dindi memleketten aulaqtatu bolsa da, halıqtıñ dini senimine qılau tüsiru qiın bolatın. Birde ol keñes delegaciyası qwramında Afrikanıñ Nigeriya, Mali jäne Senegal elderine sapar şekti. Ondağı mwsılmandıq jağdayğa qanıqtı. Özi de qazaq jerindegi islamnıñ äleueti turalı äñgimeler ayttı. Sol esteliginde: «Men afrikalıq bauırlarıma keñ baytaq qazaq jeriniñ tarihı men halqı jaylı oy qozğadım. Wlttıq jäne dini dästürlerdiñ bite qaynasıp, qazaqtardıñ şariğat ilimderin özderiniñ kündelikti ömirlerinde bastı wstanım etetininen de habardar ettim. Şınında, qazaq jwrtı ateystik ömirge kirikse de, Allasın eşqaşan auzınan tastağan emes. Elimizde köp meşitter salınıp jatqanın, osınday irgeli Allanıñ üyiniñ Abay elinde qwrılısı bastalğanın da jetkizdim» deydi ol.
Qajı ömiriniñ önegeli bir soqpağı Kökşe jerinde jalğastı. Osında on jeti jıl oblıstıq meşittiñ bas imamı bolıp qızmet etti. Bwl sekseninşi jıldardıñ bası edi. Keşegi keñestiñ ideologiya kommunistik senimdi bastı nısana etip, bar wlttıq qwndılıqtardı orıs şovinizminiñ astarına jatqızğan alasapıran kezeñ edi ol. Alaş deseñ, wltşıl atanıp, qudalauğa tüsirgen tar zaman-ay deysiñ. Jaqiya qajınıñ islamdı nasihattau arqılı wlttıq arnamızdan alıstamauğa qwlşına kirisken jıldarı da osığan twspa-tws keledi. Öziniñ uağız sözderinde qazaq wltı ruhaniyatınıñ negizgi arnası – islam dini ekenin de qorıqpay ayta aldı. Imandılıq küşeyse, biz wlt retinde küşeyetinimizdi de ol ärkez eske saldı.
Ol Kökşe jerine alğaş imam bolıp kelgende oblısta bar-joğı bir ğana meşit bar edi. Keyingi jıldarı Kökşetau qalasında eki, Qızıltu, Leningrad, Lenin audandarında meşitter aşıldı. Al onıñ şäkirti, alğaş öz sauatın aşqan Erkin qajı Kökşetau qalasında sol jıldarı 140 şäkirt Jaqiya Beysembaywlınıñ aldınan bilim alğanın aytadı. Tipti, öz qarajatına dini oqulıqtar da şığaradı.
Kökşetau qalasındağı qazirgi Nauan hazret atındağı ortalıq meşittiñ aşıluına da kuä bolğan edik. Oblıs basşılarına qayta-qayta barıp, bwrınğı meşit ğimaratın özine qaytartqızdı. Sondıqtan qasietti dinimiz üşin eren eñbek etken Jaqiya qajınıñ önegeli ömiri kimge bolsın ülgi bola aladı. Keşegi qım-quıt zamanda islamnıñ keñ taraluına ayanbay ter tökken abzal jannıñ är isine Alla razı bolsın dep dwğa etemiz.
Ol öz esteliginde: «Zadı islam dini eşqaşan jamandıqtı, zwlımdıqtı uağızdap körgen emes. Qayta onday iske ayaq baspa deydi. Eger öz basıña payda istey almasañ, ne üşin ömir süresiñ. Jalğız-aq öz basıñnıñ qamın oylasañ, onda kim üşin ömir süresiñ Al, qolıñnan keler bar jaqsılıq jalğız basıñnan artılmasa, özgege qalay qamqor bolasıñ!» degen sözin oqıp otırıp, şınında, din üşin jaratılıp, Allanıñ qwdiretin öz bauırlarına jetkizu isine bar ğwmırın arnağan jannıñ esimin este wstau abzalılarıq bolar edi degimiz keledi.
Baqıt SMAĞWL.

Related Articles

  • Kenesarı Han men balası Sızdıq Swltan turalı derek Osman mwrağatınan

    Kenesarı Han men balası Sızdıq Swltan turalı derek Osman mwrağatınan kezdesui bek mümkin. Bwğan eşqanday da şübäñiz bolmasın. Birinşi sügiret, Osman elinde jarıq körgen “Basirat” (basîret) attı gazet. Ekinşi jäne üşinşi sügiret, Osman memleketinde jarıq körgen “Uaqıt” attı gazet. Törtinşi sügiret, Osman swltanı Äbdüläzizdiñ Qaşqariyağa kömekke jibergen äskeri qaru-jaraq, oq-därisinen bir parşa körinis. Kenesarı men Sızdıq Swltan turalı Osman derekteri şını kerek äli tolıq zerttelgen joq. Han Kenesarınıñ wlt-azattıq köterilisin Qazaqstan aymaqtarımen şektep bölip qarau eñ ülken qatelik sanaladı. Han Kene men Şığıs Türkistandağı qazaq, wyğır, dwñğan köterilisteri arasındağı sayasi, äskeri qatınastar turalı derek te qıtay mwrağatında kömuli jatır. Onda Şäueşek, Qwlja jäne Ürimji qalalarındağı qazaqtardıñ Han Kenemen jäne keyingi

  • AHAÑ men JAHAÑ SALĞAN AZATTIQ JOLI

     «Qazaq» gazetine –107 jıl JWMAT ÄNESWLI                                                                                                                       TARIHI POVEST'                                                                                       

  • Angliyanıñ Joñğariya qazaqtarına ozıq soğıs qaruların beruge talpınuı

    Qaşqardağı Angliya konsulı  Angliyanıñ Qaşqariyadağı konsul' qızmeti 1881- jıldan keyin bastau aladı. Angliyanıñ tüpki maqsatı Cin imperiyasınıñ soltüstik-batıs aymağı men Türkistan (ortalıq aziya) dalasına öz ıqpalın jürgizu edi. Biraq, bwl twsta patşalıq reseydiñ de aymaqtağı sayasi ıqpal küşin eskermeu mümkin emes edi. Patşalıq reseydiñ äu bastağı maqsatı Türkistan aymağın endey ötip Ündistan arqılı telegey teñiz jolına şığu edi. Biraq, Türkistan dalasındağı Türki handıqtarı (Qazaq, tb) bwl maqsattı jüz jıldap keşiktirip jattı. Resey endi Türkistan dalasın qiır şığıstan aynalıp ötip Qaşqariya arqılı Ündistanğa wlasudı közdedi. Biraq, ol twsta Qaşqariya mülde jabıq älem edi. Deytwrğanmen de jabıq älemniñ tüstik qaptalınan Angliya imperiyası da kelip ülgirdi. Sosın ne kerek, bwl aymaq Resen-Angliya imperiyasınıñ

  • Jelayaq. Qazaq marafonşısınıñ sport, sayasat pen karantin jaylı äñgimesi

    Azattıq radiosı Marafonşı Marat Jılanbaev Nevada ştatında. AQŞ, 1994 jıl. 56 jastağı Marat Jılanbaevtıñ tağdırı tañğalarlıq derekterge tolı. Ol balalar üyinde tärbielenip, är jıldarı wsta, suretşi, käsipker, deputat bolıp eñbek etken. 90-jıldarı jalğız özi Aziya, Afrika, Avstraliya men Amerikadağı eñ iri şölderdi jügirip ötken. Qazir Nwr-Swltanda twratın bes balanıñ äkesi Marat Jılanbaev qala twrğındarına jügiru tehnikasın üyretip jür. Azattıq tilşisi ataqtı marafonşımen birge jügirip, onımen sport, sayasat jäne karantin taqırıbında äñgimelesti. Marat Jılanbaev – Ginness rekordtar kitabına engen älemdik jeti rekordtıñ iesi. Onıñ keybir rekordın äli eşkim jañartqan joq. Jılanbaev 1991 jılı jazda 15 kün işinde qatarınan 30 marafondı sätti ayaqtap, kün sayın 84 kilometrden jügirgen. 1992 jılı 20 kün

  • Sovet kezinde quğındalıp, Nazarbaev twsında dissidentke aynalğan Kärişal Asanov

    Qazis TOĞIZBAEV Dissident Kärişal Asanovtıñ 2006 jılı aqpanda qastandıqpen öltirilgen Altınbek Särsenbaywlınıñ tuğan künine arnalğan eske alu şarasında twrğan säti. Almatı, 12 qırküyek 2006 jıl.  Nwrswltan Nazarbaevtı ömir boyı sınağan dissident Kärişal Asanov osıdan bes jıl bwrın ömirden ozdı. SSSR kezinde bilikti sınağanı üşin qudalanğan Asanov postsovettik Qazaqstanda «prezidenttiñ abıroyı men bedeline nwqsan keltirdi» degen ayıppen eki ret jauapqa tartıltı. Kärişal Asanov 2015 jılı 26 naurızda Almatıda dünieden ötti. Qaytıs bolarınan birneşe kün bwrın, naurızdıñ 10-ına Asanov demokratiyanı damıtuğa qosqan ülesi üşin Qazaqstan oppoziciyalıq wyımdarınıñ «Erkindik» sıylığın aldı. Kärişal Asanov Nwrswltan Nazarbaevtı köp jıl aşıq sınadı. Jaqındarı men dostarı Asanovtıñ sayasi jüyege qarsı sıni közqarası özgermegenin aytadı. Kärişal Asanov —

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: