Almatıda balalar balabaqşağa qajetti qwraldardı qaqpaqtan jasap aldı
kerey.kz
Almatıdağı №37 böbekjay-balabaqşasındağı balalar qajetti oyınşıqtardı tärbieşilermen birigip özderi jasap alğan. 4-6 jas aralığındağı büldirşinder oquğa qajetti zattardı köbinese plastmassanıñ qaqpağınan jasap keledi dep habarlaydı kerey.kz aqparattıq tanımdıq portalı. Olardıñ soñğı ret jasap şığarğan eñ ülken jetistigi qazaqtıñ qoşqarmüyizi beynelengen qaqpaq kilem. 15 kündey uaqıt ketken qaqpaq kilemge 7 mıñnan astam tığın qoldanılğan eken.
Massaj üyin qoldanıp jürgen qaqpaq kilemniñ wzındığı 4, eni 3 metr. Eñ qızığı, büldirşinder men tärbieşiler tek qajetsiz twrmıstıq qaldıqtardı ğana qoldanadı. Tärbieşiler oyudıñ ornın belgilep, bağıt-bağdar berse, qattı materialdıñ üstine balalar qaqpaqtı jelimmen jabıstıradı
Balalar bwğan deyin tösenişter jäne kişkentay kilemşelerdi de jasap körgen. Tek oyusız. Alıstan qarğanda birıñğay jasıl nemese sarı tüsti tösenişterdiñ qaqpaqtan jasalğanı bilinbeydi. Memlekettik balabaqşanıñ meñgeruşisi bwl ädisterdi şetelge qısqa merzimdi oqu kursına barğanda üyrengen eken.
«Men Oñtüsik Koreya memleketine, sosın Germaniya men Mäskeuge de barıp bilimimdi jetildirdim. Sol kezde ol jaqtan qajetsiz qaldıqtardı kädege jaratudı üyrendim. Tığın arqılı är türli motorikalıq bwyımdar jasaymız. Bwl balalardıñ densaulığına da öte paydalı. Osınday zattar arqılı olardıñ qızığuşılığın oyata otırıp, äri ısırapqa jol bermeuge üyretemiz. Balalar bolmaşı dünielerden ömirge qajetti zattardı jasay alatındarın körgende özderine senim payda boladı»,- dedi Almatı qalası Alatau audanındağı №37 böbekjay-balabaqşasınıñ meñgeruşisi Aynwr Älimbekova.
Osı tehnologiyalardı qoldanudağı wjımnıñ negizgi maqsatı – bala boyındağı şığarmaşılıq qabilet pen tereñ oylaudı, qorşağan älemdi tüsinuge, aqparattıq mañızdı mäselelerdi şeşuge, qabiletti twlğa qalıptarsıruğa jasalıp jatqan mümkindikter. Eñ bastısı, mädinietti twlğa qalıptastıra otırıp, olardıñ boyına wlttıq ruhani qwndılıqtardı darıtu. Balabaqşa tärbieşileri jañaşıldıqtı wstana otırıp, qoldanıstan şıqqan zattardı iske asırıp otır. Sonıñ jarqın körinisi – türli qaqpaqtardan är türli oyın äreketteri üşin zattar jasağanı.Osı oyınşıqtar arqılı bala eñ aldımen ısırapşılıqqa jol bermeydi. Äri eñbekke degen qızığuşılığı artadı dep sanaydı wjımnıñ tärbieşileri.
«Tabanda, sausaqtıñ wşında jüykemen balanıstı köptegen nükteler bar. Massaj qaqpağımen tığındı bwrap, bekitu arqılı sausaq motorikası, yağni sausaq qimılı iske qosıladı. Tärbielenuşiler midıñ oylanuı men dene qimılın da jwmıs istetedi. Balanıñ oy- örisi keñip, sana sezimi, este saqtau qabiletti artadı. Mäselen, esepteuge arnalğan, türli dıbıstardı ayıruğa, tüsti tanuğa arnalğan zattarımız bar. Wyqıdan oyanğan soñ balalardıñ qaqpaqtan jasalğan kilem üstimen bayau jürip ötuiniñ özi olardı belsendilikke, şapşañdıqqa, tözimdilikke, tabandılıqqa baulidı», -dedi atalğan balabaqşanıñ psihologi Äygerim Bäyimbetova.
Balabaqşada 480-nen astam qaqpaqtan jasalğan oyınşıqtar men qwraldar bar. Balabaqşadağı bosağan şırın, sütterdiñ qaqpaqtarı jetpegen soñ balaqaylar tığın, qwmıranı üylerinen tasidı eken. Osılayşa, bir jıl köleminde elu mıñğa juıq qaqpaqtı ata-analar jinap bergen. Babaqşada asıqtan jasalğan arnayı bölmede bar. Wlttıq bwyımdarda tärbiege taptırmas qwral.
«Asıqterapiyası bar. Onı biz kündelikti densaulıq saqtau men qarapayım matematikalıq tüsinikterdi qalıptastıru üşin qoldanamız. Qattı matağa jelimdep japsırılğan asıqtıñ üstinen balalardı jürgizemiz. Tabanğa, ayaqqa, arqağa jaqsı. Bala sergek boladı. Qan aynalımı jaqsaradı. Wlttıq oyın türlerinen bölek balalar asıq arqılı sandardı qosıp-alu, tüsterdi ajıratu sındı ädister arqılı öz oyın damıtadı», – dedi balabaqşanıñ ädiskeri Jazira Şınıbaeva.
Qäzirgi tañdağı balabaqşalar qızmetinde «M. Montessori tehnologiyası», «Jobalau tehnologiyası», «Oyın tehnologiyası», «Qwm terapiyası», «Densaulıq saqtau» tehnologiyalarımen qatar, tağı da basqa jañaşa tehnologiyalardı keñinen qoldanıluda ärbir balabaqşanıñ özindik qoldanıp jatqan tıñ tehnologiyaları bar. Ärbir şara «Densaulıq», «Tanım», «Şığarmaşılıq», «Kommunikaciya», «Äleumet» salaların qamtıp, jaña tehnologiyamen baylanıstırğan. Osı rette pedagogtardıñ şığarmaşılıq qabiletteri, izdenisteri men mümkindikteri, balalarmen til tabısuı, jañaşıldıqtı orındı qoldana bilui jäne onı wyımdastıra bilgendigimen erekşelenedi. 360-tan astam bala tärbielenip jatqan balabaqşada quırşaq bölmesi men arnayı adaldıq alañı da bar. Bala tärbieleudiñ özgeşe ädisin tapqan wjımdağı qırıqtan astam qızmetker juırda qaldıq qwmıralardı da iske jaratpaq.
Pikir qaldıru