|  | 

شوۋ-بيزنيس

قازاقستانعا cاياحاتتان باس تارتقان شەتەلدىكتەر اقشاسىن تالاپ ەتۋدە

وتاندىق تۋراگەنتتىكتەر اقشانىڭ جوعىن ايتىپ، ۇكىمەتكە الاقان جايدى

كوروناۆيرۋس وتاندىق تۋروپەراتورلاردىڭ  جۇمىسىن دا تۇرالاتتى. ىشكى-سىرتقى تۋريزممەن اينالىساتىن كومپانيالار ۇكىمەتتەن اراشا سۇراپ وتىر. قازاقستانعا ساياحاتتاپ كەلۋدەن باس تارتقان شەتەلدىك تۋريستەر وتاندىق وپەراتورلاردان الدىن الا تولەگەن اقشالارىن قايتارۋدى تالاپ ەتىپ جاتىر دەپ حابارلايدى Azattyq Rýhy تىلشىسى. جولدامالاردى تۇگەل  الدىن الا برونداپ قويعان تۋروپەراتورلار  ەندى نە ىستەرلەرىن بىلمەي وتىر.

ۇلىبريتانيادان 26, بولگاريادان 53 تۋريست كەلۋ كەرەك ەدى

«Turan-Asia» كومپانياسى نارىقتا  94 جىلدان بەرى جۇمىس ىستەيدى. باسشىسى وسى ۋاقىتقا دەيىن مۇنداي قيىندىققا تاپ بولماعاندارىن ايتادى.   قاۋىپتى ىندەتتەن ساقتانعان تۋريستەر  ساپاردان جاپپاي باس تارتقاندىقتان كومپانيا  جۇمىستى اقپان ايىنان باستاپ توقتاتقان.

«جىل سايىن شەتەلدەن 5-6 رەت ءىرى تۋريستىك شارالار ۇيىمداستىراتىنبىز. تەك ءبىر جولعى ساياحاتقا 120-150 ءتۋريستى پويىزبەن قازاقستانعا الدىرامىز. ولار وسىندا قىدىرادى، كورشى ەلدەرگە ساپارلايدى. اقپان ايىنان باستاپ شەتەلدىك تۋريستەر مۇلدەم توقتادى. الدىمەن قىتايدان، گونكونگتان كەلەتىندەر باس تارتتى. 20 شاقتى قىزمەتكەرىمىز  بار ەدى.  ولارعا دا تولەيتىن اقشامىز قالمادى»، – دەيدى «Turan-Asia» ساياحات كومپانياسىنىڭ ديرەكتورى گۇلعايشا قاسكەنحانوۆا.

جولدامانى $378 ساتىپ، $445قايتارىپ جاتىر

قازىر اتالعان كومپانيا تەك ەكى مەملەكەتتىڭ تۋريستەرىنە  26 ميلليون تەڭگە  قارىز. برونداۋعا  اۋدارىلعان اقشانىڭ قاشان جانە قالاي قايتارىلاتىنى ناقتى بەلگىسىز. ونىڭ سىرتىندا دوللاردىڭ قىمباتتاۋى دا جاعدايدى قيىنداتىپ جىبەردى.

«ەكى ءوفيسىمىز بار. ءبىرى شەتەلگە جىبەرسە، ەكىنشىسى كەرىسىنشە شەتەلدىك تۋريستەردى  تارتادى. مالايزياعا، دۋبايعا، ەميراتقا  باراتىن تۋريستەردىڭ اقشاسىن دوللارمەن اۋداردىق. ۇلىبريتانيادان 26 ادام، بولگاريادان 53 تۋريست جاقىندا قازاقستانعا ساپارالۋى ءتيىس ەدى. ولاردا تولەم دوللارمەن جىبەرگەن.  ساپاردان باس تارتتى. ءبارى ەندى كۇندە تەلەفونداپ، حات جازىپ، اقشالارىن قايتارۋدى تالاپ ەتىپ جاتىر. بىزدە ونى قايتاراتىن اقشا جوق. تاپسىرىس العان كەزدە  دوللار 378 تەڭگە ەدى. ەندى سايااتتاۋدان باس تارتقان ادامداردىڭ اقشاسىن قايتاراتىن ساتتە دوللار   445 تەڭگەگە ءوسىپ كەتتى. ءبىز سوندا ەكى رەت ۇتىلىپ تۇرمىز»، – دەدى گ.قاسكەنحانوۆا.

گۇلعايشا قاسەنحانوۆا قارجىلىق قيىندىق شەشىلمەسە وتاندىق تۋراگەنتتىكتەر بانكروتقا ۇشىراي باستاۋى مۇمكىن دەيدى. باسقا دا  كومپانيالار تىعىرىقتان شىعۋدىڭ جولىن تاپپاي الەك. ۇكىمەت كەم دەگەندە ققس بوساتۋ كەرەك دەپ سانايدى ول. تۋروپەراتورلار نارىعى كورسەتىلەتىن  قىزمەتتەردى الدىن-الا برونداۋعا  قۇرىلعان جانە سونىڭ نەگىزىندە وزدەرىنە پايدا تابادى. كليەنتتەردەن الىنعان اقشا قوناق ءۇي،  اۆياكومپانيالاردان بولەك  شەتەلدەگى سەرىكتەس وپەراتورلارعا دا تولەنەدى. كوروناۆيرۋس ءورشىپ، جوسپار وزگەرگەندە اۆياكومپانيالار تۋروپەراتورلاردىڭ تاپسىرىسى بويىنشا اۆياوتىن مەن اۆيالاينەرلەرگە الدىن-الا تولەم جاساعاندارىن ايتىپ، اقشانى قايتارۋدان باس تارتقان. ال قوناقۇيلەر ازىق-تۇلىك جەتكىزۋگە، كوپتەگەن  قىزمەت تۇرلەرىنىڭ جۇمىس ىستەۋىنە تاپسىرىس بەرگەندىكتەرىن العا تارتىپ، اقشانى قايتارا المايتىندىقتارىن ايتقان.

تۋروپەراتورلار ۇكىمەتتەن سۋبسيديا سۇراپ وتىر

وتاندىق تۋروپەراتورلاردىڭ باسىن بىرىكتىرگەن  «تۋريستىك قامقور» كورپوراتيۆتىك قورىنىڭ ءتورايىمى يننا رەي  جاعدايدىڭ مۇشكىل ەكەنىن ايتىپ، ەل بيلىگىنەن اراشا سۇرادى. ونىڭ سوزىنشە، بۇل سالا قازىر «تۇيىقتالعان شەڭبەر» تارىزدەس.

«تۋريزم نارىعى تىعىرىققا تىرەلىپ تۇر. تۋروپەراتورلاردىڭ جالعىز باعىتى – اۋە جولدارى مەن قوناق ۇيلەردەن تۇراتىن تۋريستىك ونىمدەردى قۇرۋ. تۋروپەراتورلار بۇكىل تۋريستىك پروتسەستىڭ درايۆەرى بولىپ تابىلادى، ولار ءوز قاراجاتتارى مەن تاپسىرىس بەرۋشىلەردەن الىنعان قاراجاتتىڭ ۇلكەن كولەمىمەن جۇمىس ىستەيدى. قازىر بۇكىل تىزبەك تولىعىمەن توقتادى»، -دەپ جاريالادى ءوزىنىڭ الەۋمەتتىك جەلىسىندە قور ءتورايىمى يننا رەي.

پرەزيدەنتتەن اراشا سۇراعان «تۋريستىك قامقور» كورپوراتيۆتىك قورىنىڭ ءتورايىمى  قيىندىقتان شىعۋدىڭ  جولدارىن دا  ۇسىندى.  تۋروپەراتورلاردى بانكروتتىققا جەتكىزبەۋدىڭ جولى،  ولارعا  ماقساتتى سۋبسيديا ءبولۋ. سونىمەن قاتار،  اينالىم قاراجاتتى  مەملەكەتتىڭ  كەپىلدەندىرىلگەن قارىزىمەن 85% كولەمىنە دەيىن كوتەرىپ، تومەن پايىزبەن نەسيەلەر بەرۋ.

«پرەزيدەنتىمىزدىڭ سويلەگەن ءسوزى جانە ونىڭ قولداعان شارالارى ءبىزدى داعدارىسقا قارسى تۇرامىز دەگەن ءۇمىتىمىزدى وياتتى. قوناق ءۇي بيزنەسى مەن ءتۋريزمدى سالىق تولەۋدەن بوساتۋ بىزگە كەيبىر قىزمەتكەرلەردى ساقتاپ قالۋعا كومەكتەسەدى. بۇل داعدارىستان كەيىنگى كەزەڭگە دايىندالۋعا مۇمكىندىك بەرەدى. مۇلىك سالىعىنان بوساتۋ تەك قوناق ۇيلەرگە كومەكتەسە الادى، بىراق تۋروپەراتورلارعا ەمەس. مەملەكەت باسشىسى مەن ۇكىمەت ءبىزدى تىڭداپ وتىر دەپ ۇمىتتەنىپ، بولاشاقتا ءبىزدىڭ باسقا پروبلەمالارىمىز بەن سۇراقتارىمىزدىڭ ەسكەرىلەتىنىنە سەنەمىز»، -دەدى يننا رەي.

تۋريستەرگە بەرەشەك 3,8 ميلليارد تەڭگە

قور ءتورايىمىنىڭ مالىمەتىنشە،  تۋريستەرگە تولەيتىن بەرەشەك 3,8 ميلليارد تەڭگەگە جەتكەن. بۇل تەك وتاندىق 26 تۋروپەراتوردىڭ  ءوز كليەنتتەرىنە قايتارۋى ءتيىس قارىزى. ال  تۋروپەراتورلاردىڭ جولداماسىن ساتۋمەن اينالىساتىن تۋراگەتتىك وكىلدەرى دە ۋاقىتشا جۇمىس ىستەمەيدى. ولار كوروناۆيرۋسقا  قاتىستى كارانتين الىنعاننىڭ وزىندە بۇرىنعىداي سىرتقا اعىلاتىن ادامدار سانى جىلداعىدان الەقايدا از بولادى دەپ بولجايدى. ويتكەنى تابىسىنان ايىرىلعان ادام كوپ، ال قالتادا ازداعان قورى بار ادامدار قاراجاتتى تەك تاماققا جۇمساپ قانا ۇيدە وتىر. شەتەلگە وتباسىمەن بىرگە  دەمالۋعا باراتىن اقشانى كوپ ادام جيناپ ۇلگەرمەيدى. بۇرىنعىداي جاپپاي شەتەلگە اعىلۋ تەك قىركۇيەك ايىنان كەيىن عانا قالىپقا كەلە باستايدى.

«ەگيپەتكە ەكى ادامنىڭ ءبىر اپتا دەمالىپ كەلۋىنە جولداما 700 دوللار دەپ ساتىلىمدا تۇر. بىراق ونى ەشكىم الىپ جاتقان جوق. الام دەگەننىڭ وزىندە مىنانداي ۋاقىتتا باراسىڭ دەپ ايتا المايمىز. ويتكەنى بارلىق باعىتقا جول جابىق. شەتەلدەگى دەمالىس ورىندارىنىڭ دا قاشان اشىلاتىنى  بەلگىسىز. ەل تايلاندقا باراتىن تەڭگەسىنە ۇيىندە تاماق جەپ قانا وتىر. انتاليا دەيسىز بە الەمنىڭ كوپتەگەن كۋرورتىق ورىندارى جابىق. مىنا ىندەتكە بايلانىستى كەمىندە 3 اي شىعىندا وتىرامىز. ماۋسىم ايىنان كەيىن عانا جۇمىس جۇرە باستاۋى مۇمكىن، وندا دا انىق ەمەس»، – دەدى تۋراگەنتتىك وكىلى روزا ەسەنقۇلوۆا.

ونىڭ بولجامىنشا بيىل ىشكى تۋريزمگە سۇرانىس ارتادى. الاكول، بۋراباي، قاتونقاراعاي، بۇقتىرما سۋ قوماسى سىندى الىس-جاقىنداعى كوپتەگەن  دەمالىس ورىندارىنا بارعىسى كەلىپ، جولداما برونداۋ ماقساتىمەن حابارلاسىپ جاتقان ادامداردىڭ سانى ارتقان. بىراق ساتىلىم كوروناۆيرۋسكە بايلانىستى توقتاپ تۇر.

ءامىربولات قۇسايىنۇلى، الماتى.

Related Articles

  • الماتىدا ءزىلزالا بولسا، ەڭ الدىمەن قانداي ۇيلەر قيراۋى مۇمكىن؟ ساۋلەتشى ايدار ەرعاليمەن سۇحبات

    پيوتر تروتسەنكو الماتىنىڭ جوعارعى جاعىنداعى كوپقاباتتى عيماراتتار. 18 شىلدە، 2022 جىل قازاقستاندىق ساۋلەتشى ايدار ەرعالي ەگەر كۇشتى جەر سىلكىنىسى بولسا، سەيسميكالىق قاۋىپتى ايماقتا ورنالاسقان الماتى قالاسى قانداي قيىندىقپەن بەتپە-بەت كەلەتىنىن، سوۆەت كەزىندە سالىنعان ۇيلەر قازىرگى زامانعى كوپقاباتتى عيماراتتارمەن سالىستىرعاندا جەر سىلكىنىسىنە توتەپ بەرۋگە نەلىكتەن ءالسىز ەكەنىن ايتتى. 23 قاڭتار كۇنى الماتىدا جەر ادەتتەگىدەن قاتتىراق سىلكىنىپ، ەلدى دۇرلىكتىردى. بۇل وقيعا كەڭ اۋقىمداعى تابيعي اپاتقا قالا بيلىگى مەن تۇرعىندار قانشالىقتى دايىن دەگەن اڭگىمەنى قايتا قوزدىردى. جۇرت اسىرەسە توتەنشە جاعدايلار جونىندەگى دەپارتامەنتتىڭ ەرتە حابارلاۋ جۇيەسى دۇرىس جۇمىس ىستەمەگەنىن، سمس-حابارلامالار دەر كەزىندە تۇسپەگەنىن دە سىنعا الدى. جەر ءبىرىنشى رەت سىلكىنگەن ساتتە الماتى تۇرعىندارى جاپا-تارماعاي ۇيدەن سىرتقا قاراي جۇگىردى، كەيبىرى ءتىپتى سىرت كيىمىن دە كيمەگەن

  • ءتسيفرلى تەڭگە “جاڭا ەكونوميكا” قۇرۋعا كومەكتەسپەك

    بلوكچەين تەحنولوگيالارى قازاقستاندى جەمقورلىقتان بارىنشا تازارتىپ شىعا الادى. بۇگىن مەملەكەت باسشىسى بيۋدجەت قاراجاتىنىڭ جۇمسالۋىن باقىلاۋ ءۇشىن تسيفرلىق تەڭگەنى پايدالانا وتىرىپ، اقشانى تاڭبالاۋ كىلتى تۋرالى ايتىپ ءوتتى. ءتسيفرلى تەڭگەنىڭ ەڭ مىقتى جەرى وسى. پروگراممالانعان توكەن بولعاندىقتان اقشا كىمنەن كىمنىڭ قولىنا ءوتتى، باقىلاپ وتىرا الامىز. مىسالى، مەملەكەتتىك تەندەرلەردىڭ بارلىعىن ءتسيفرلى تەڭگەگە اۋىستىرىپ، وسى تەندەرلىك ءتسيفرلى تەڭگەنى قولما-قول اقشا رەتىندە شەشىپ الۋ مۇمكىن بولمايتىنداي جاساپ قويۋعا بولادى. سوندا ءبىز تەندەر جەڭىمپازىنىڭ اقشانى قالاي جۇمساعانىن، كىمنەن تاۋار العانىن، كىمدەرگە قانشا ايلىق تولەگەنىن كورىپ، سودان ۇلكەن BIG Data بازاسىن قۇرايمىز. ءدال وسى كەزدە، مەملەكەتتىك اقشاعا مۇمكىندىگىنشە قازاقستاندىق تاۋار الىنعاندىعىن باقىلاپ، ماجبۇرلەپ وتىرۋعا مۇمكىندىك بار. وسى ارقىلى جەمقورلىقتى اتىمەن جويىپ، وتاندىق بيزنەسكە مىقتى قولداۋ كورسەتە الماقپىز.

  • قازاقستان سولتۇستىك يرلانديانى جەڭدى. قۇرامانىڭ ەۋرو-2024 دوداسىنا شىعۋعا مۇمكىندىگى ساقتاۋلى

    رۋسلان مەدەلبەك قازاقستان قۇراماسىنىڭ ويىنشىلارى جانكۇيەرلەرگە العىس ايتىپ جاتىر. استانا، 10 قىركۇيەك 2023 جىل. فۋتبولدان قازاقستان قۇراماسى ەۋرو-2024 تۋرنيرىنە ىرىكتەۋ اياسىندا سولتۇستىك يرلانديانى جەڭدى. استاناداعى ماتچتا جەڭىس گولىن “اقتوبە” شابۋىلشىسى ماكسيم سامورودوۆ سالدى. قازاقستاننىڭ كەلەسى جىلى گەرمانيادا وتەتىن ەۋروپا چەمپيوناتىنا شىعۋعا مۇمكىندىگى ءالى دە ساقتاۋلى. ماتچتىڭ 27-مينۋتىندا ابزال بەيسەبەكوۆتىڭ الاڭ ورتاسىنان شىعارعان پاسىن ماكسيم سامورودوۆ ادەمى گولعا اينالدىرا ءبىلدى. ماكسيم قاتتى كەلگەن پاستى اياعىمەن توقتاتتى دا، قارسىلاس قاقپاسىنىڭ سول قاپتالىنا باعىتتاعان. سولتۇستىك يرلانديا قاقپاشىسى بەيلي پيكوك-فاررەلل قولىن سوزعانىمەن جەتپەدى. دوپ قاقپادا. 30 مىڭ جينالعان ستاديون تۋلاپ سالا بەردى. گول اۆتورى ماكسيم سامورودوۆ (10-نومەردە) مەن قازاقستان ويىنشىلارى گولدى تويلاپ جاتىر. استانا، 10 قىركۇيەك 2023 جىل. وسى گولدان كەيىن سولتۇستىك يرلانديا شابۋىلدى

  • 1 440 000 تەڭگە، ۇشاق، پويىز، اۆتوبۋس كەشىكسە وتەماقىنى قالاي الۋعا بولادى؟

    سامات مۋساباەۆ جازدا قوزعالىس كوبەيەدى. ەلدىڭ ىشىنە دە، سىرتىنا دا ساياحات، دەمالىس، بالالاردىڭ كانيكۋلى دەپ تىنىم تاپپايمىز. قوزعالىس كوبەيگەن سوڭ جولاۋشىلار تاسىمالىندا قيىندىق تۋىنداپ، جەلىدەن ۇنەمى رەنىش پەن اشۋعا تولى جازبالار وقىپ تۇرامىز. ۇشاقتىڭ كەشىگۋى، پويىزدىڭ كەستەدەن قالىپ قويۋى سەكىلدى وقيعالاردىڭ اپتاسىنا الدەنەشەۋى بەلگىلى بوپ جاتادى. مەنىڭ ايتپاعىم دا وسى ماسەلەگە قاتىستى: جاقىندا ارىپتەس اعام ەدىل جاڭبىرشين ەكەۋمىز ەل جاققا بىرگە ۇشتىق. ماڭعىستاۋدا كەزدەسۋلەرىمىز جوسپارلانعان ەدى. استانا اۋەجايىنا ءبىز ۋاقتىلى كەلگەنىمىزبەن، Air Astanaنىڭ ۇشاعى ۋاقتىلى ۇشا قويمادى. ۋاقتىلى دەگەندە جارتى ساعات، ءبىر ساعات دەگەنگە ەتىمىز ابدەن ۇيرەندى عوي. ەندى بۇلار ەكى ساعات، ءۇش ساعاتتاپ ۇشپاۋدى شىعارىپتى. ءبىزدىڭ ۇشاعىمىز باقانداي ءۇش جارىم – ءتورت ساعاتقا كەشىگىپ ۇشتى! وتاندىق اۋە كومپانيالارىنىڭ وسى

  • ۆويادجەر-2 زوندىمەن بايلانىس تولىق قالپىنا كەلتىرىلدى

    2023 جىلى 1 تامىزدا ناسا الىس عارىشتىق بايلانىس جەلىسىنىڭ (DSN) كانبەرراداعى انتەننالار كەشەنى ۆويادجەر-2 جىبەرگەن ۇزىك سيگنالدى ۇستاعانى بەلگىلى. كەشەن زوندقا ەكى گرادۋسقا بۇرىلىپ كەتكەن انتەنناسىن قايتا جەرگە باعىتتاۋعا بۇيىراتىن بارىنشا كۇشەيتىلگەن كوماندا جىبەردى. 19,9 ملرد كم قاشىقتىقتاعى اپپاراتتىڭ جاۋابىن 37 ساعات كۇتۋگە تۋرا كەلدى. 4 تامىزدا ناسا ۆويادجەر-2-دەن تولىققاندى عىلىمي جانە تەلەمەتريالىق دەرەكتەر قابىلدانعانىن حابارلادى. ولار اپپاراتتىڭ قالىپتى جۇمىس ىستەپ تۇرعانىن جانە كۇتىلگەن تراەكتوريادا ەكەنىن ءمالىم ەتكەن. جاقسى جاڭالىق تاريحي ميسسيانىڭ 46 جىلدىعى قارساڭىندا كەلدى. ۆويادجەر-2 1977 جىلى 20 تامىزدا ۇشىرىلدى. ول — كۇن جۇيەسىندەگى ءتورت الىپ پلانەتانىڭ ءبارىنىڭ تۇسىنان ۇشىپ وتكەن جالعىز عارىش اپپاراتى. Voyager 2, ءوز سىڭارىنان التى جىلدان سوڭ، 2018 جىلى 10 جەلتوقساندا جۇلدىزارالىق كەڭىستىككە ەندى.

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: