|  |  | 

جاھان جاڭالىقتارى كوز قاراس

كوروناۆيرۋسقا 1 جىل تولدى. ادامزات Covid-ءتىڭ قايدان پايدا بولعانى بىلە الا ما؟


قورعانىس كيىمىن كيگەن مەدقىزمەتكەرلەر ۋحان كوشەسىندە قايتىس بولعان ادامنىڭ ءمايىتىن الىپ كەتكەلى جاتىر. 30 قاڭتار 2020 جىل.

قورعانىس كيىمىن كيگەن مەدقىزمەتكەرلەر ۋحان كوشەسىندە قايتىس بولعان ادامنىڭ ءمايىتىن الىپ كەتكەلى جاتىر. 30 قاڭتار 2020 جىل.

ادامزاتتىڭ كوروناۆيرۋس ينفەكتسياسى تۋرالى ەستىگەنىنە ءبىر جىلعا جۋىق ۋاقىت ءوتتى. وسى ارادا Covid اۋرۋىمەن تىركەلگەندەر 67 ميلليوننان استى، 1,5 ميلليون ادام قايتىس بولدى. ەلدەردىڭ كوبىندە كارانتين ەنگىزىلىپ، تۇرعىندار ۇيىنەن شىعا الماي قالدى، كاسىپورىندار جۇمىسى شەكتەلىپ، ارتىنان بانكروت بولىپ جاتتى. تىرشىلىكتى تۇبەگەيلى تۇرلەندىرگەن وسى ۆيرۋستىڭ قايدان شىققانى ءالى ناقتىلانبادى. ءبىرى جارعاناتتان، ءبىرى پانگوليندەردەن دەيدى، كەيبىرەۋلەر ءتىپتى قولدان جاسالعان اۋرۋ دەگەن پىكىر ايتادى.

دۇنيەجۇزىلىك دەنساۋلىق ساقتاۋ ۇيىمى ءبىر اي بۇرىن اۋرۋدىڭ نەدەن تاراعانىن انىقتاۋدى كوزدەيتىن زەرتتەۋ باستادى. وعان قاتىساتىن ۆيرۋسولوگتاردىڭ، ەپيدەميولوگتاردىڭ جانە ساراپشىلاردىڭ اتى-جوندەرى اتالماي وتىر، ال زەرتتەۋدىڭ ءبىرىنشى كەزەڭى اۋرۋ باستاۋ العان قىتايدا وتپەيدى. جوبا جۇرگىزۋشىلەرى قىتاي ماماندارىنىڭ زەرتتەۋگە ونلاين قاتىسۋىمەن شەكتەلمەك. ونىڭ ۇستىنە پەكين بۇعان دەيىن ددسۇ ماماندارىنا كوپتەگەن كەدەرگى قويعان: بيىلعى قاڭتاردا ددسۇ ماماندارى ۋحان قالاسىنا بارا الماعان. ولار ەپيدەميانىڭ باستالۋىنا قاتىسى بار قۇجاتتارمەن تانىسقىسى كەلگەن. ويتكەنى ۆيرۋس جۇقتىرعانى زەرتحانالىق تالداۋمەن راستالعان العاشقى ناۋقاستاردىڭ ءبىر بولىگى وسى ۋحان قالاسىنداعى جابايى جانۋارلاردى ساتاتىن بازارعا بارعان.

وسى جولى ددسۇ ماماندارى ۆيرۋستى العاش بولىپ جۇقتىرعاندارمەن سويلەسىپ، ولاردىڭ اناليزدەرىمەن تانىسۋعا مۇمكىندىك الادى دەپ جوسپارلانىپ وتىر. ساراپشىلارعا ۋحانداعى اۋرۋحانالاردىڭ قۇجاتتارىمەن، ناۋقاستار مەن مەدقىزمەتكەرلەردىڭ وتكەن جىلدىڭ جەلتوقسانىنا دەيىنگى جانە ودان كەيىنگى اناليزدەرىمەن تانىسۋعا مۇمكىندىك بەرىلەدى. بۇل ۆيرۋستىڭ 2019 جىلعى جەلتوقسانعا دەيىن تارالا باستاعانىن نە تارالماعانىن انىقتاۋعا كومەكتەسۋى مۇمكىن.

ۋحان قالاسىنداعى تەڭىز ونىمدەرىن ساتاتىن بازار جابۋلى كۇيدە. 8 قاڭتار 2020 جىل.

ۋحان قالاسىنداعى تەڭىز ونىمدەرىن ساتاتىن بازار جابۋلى كۇيدە. 8 قاڭتار 2020 جىل.

ددسۇ ميسسياسى ۋحان بازارىندا ساتىلاتىن جانۋارلاردى دا زەرتتەمەك. ماماندار نەگىزىنەن SARS-CoV-2 ينفەكتسياسىن وڭاي جۇقتىراتىن جانۋارلاردى تەكسەرەدى. ولاردىڭ قاتارىندا مىسىقتار، كۇزەندەر، جاناتتار جانە پانگوليندەر بار.

ۇيىم ساراپشىلارى باسقا دا بازارلارعا بارىپ، جانۋارلاردى قىتاي ىشىندە جانە شەكارالاس ەلدەردە تاسىمالداۋ جولىن زەرتتەمەك جانە فەرمالارداعى جانۋارلاردىڭ جانە سول جانۋارلاردىڭ تابيعي ورتاسىندا جۇرگەندەرىنىڭ ءاناليزىن الماق. مۇنى انىقتاۋ ماڭىزدى، سەبەبى ينفەكتسيانىڭ ءبىر بيولوگيالىق تۇردەن ەكىنشىسىنە وتكەنى بەلگىلى. وسى رەتتە ۆيرۋستىڭ تۇپكى كوزى مەن ادامنىڭ ورتاسىندا قانداي جانۋار تۇرعان بولۋى دا مۇمكىن. زەرتتەۋ مۇنى دا انىقتاماق.

ددسۇ ميسسياسىنىڭ قاتىسۋشىلارى جانۋارلاردىڭ نەسەپ، قان جانە ءناجىس ۇلگىلەرىن الىپ، سول ارقىلى ۆيرۋس پەن انتيدەنەلەردىڭ گەندىك شىعۋ تەگىن انىقتاۋدى كوزدەيدى.

پاندەميامەن كۇرەس ساياسي ماسەلەگە اينالدى

پاندەميا الەم ەلدەرىنىڭ بارلىعىنا دەرلىك جەتكەن تۇستا ددسۇ زەرتتەۋى ساياسي ماسەلەگە اينالىپ وتىر. وسى جىلدىڭ ساۋىرىندە اقش پرەزيدەنتى دونالد ترامپ ددسۇ-نى پاندەميانىڭ الدىن الۋدا كەش قيمىلدادى دەپ ايىپتاپ، ۇيىمعا بولىنەتىن قارجىنى قىسقارتتى (ددسۇ بيۋدجەتىنىڭ ماڭىزدى بولىگى ۇيىمعا مۇشە ەلدەردىڭ جارناسىنان تۇرادى).

وسىدان كەيىن مامىر ايىندا قىتاي ىندەتتىڭ افريكاعا جانە دامۋشى ەلدەرگە تاراۋىن تەجەۋگە 2 ميلليارد دوللار ءبولدى. بۇل اقش-تىڭ ترامپ شەشىمىنە دەيىنگى ۇلەسىنەنەكى ەسە كوپ. دەنساۋلىق ساقتاۋ ۇيىمىنا اقشانى مولىنان بەرگەن پەكين ەسەسىنە حالىقارالىق ساراپشىلاردى پاندەميانىڭ قالاي باستالعانى تۋرالى زەرتتەۋگە شاقىرماي قويدى.

مامىر ايىندا ددسۇ وكىلى گاۋدەن گالەا پەكين ۆيرۋس تۋرالى تولىق اقپارات بەرمەدى دەگەن پىكىر ايتتى. ءسوزىنىڭ دالەلى رەتىندە مىناداي مىسال كەلتىردى: 3-16 قاڭتار ارالىعىندا ۋحان قالاسىندا ۆيرۋس ادامنان ادامعا بەلسەندى تاراي باستاعاندا قىتاي بيلىگى ۆيرۋستى 41 ادامنىڭ جۇقتىرعانىن مالىمدەگەن.

“وسى ارالىقتا ۆيرۋس جۇقتىرعانداردىڭ جالپى سانى 41 بولۋى مۇمكىن بە؟” مۇمكىن دەپ ويلامايمىن. مۇنداي ەپيدەميادا ساننىڭ وزگەرىسسىز قالىپ، 41 بولۋى ەكىتالاي. بۇدان دا وزگە جاعدايلار بولدى ما؟ قىتاي وسى سۇراققا جاۋاپ بەرۋى ءتيىس” دەدى گالەا.

گالەا سونداي-اق قىتايدىڭ كوروناۆيرۋستىڭ قالاي تاراعانى جونىندەگى زەرتتەۋگە ددسۇ ماماندارىن قاتىستىرماعانىن دا اتاپ ءوتتى. زەرتتەۋىن قورىتىندىلاعان قىتاي ساراپشىلارى ۆيرۋس جارعاناتتان تارادى دەگەن پايىم جاسادى.

2002 جىلى قىتايدىڭ وڭتۇستىگىندە باستالعان SARS ەپيدەمياسى دا ۆيرۋستىڭ جارعاناتتان ادامعا جۇعۋىنان باستالعان. قىتاي عالىمدارى SARS ينفەكتسياسىن جۇقتىرعان جارعاناتتاردىڭ ۇڭگىرىن تەك 15 جىلدان كەيىن بارىپ تاپتى. جارعاناتتار بۇل ۆيرۋستى مۋسانگ دەيتىن سۇتقورەكتى جانۋاردان جۇقتىرعان بولىپ شىقتى. عالىمدار تاپقان ۇڭگىر ەلدى-مەكەننەن ءبىر عانا شاقىرىم جەردە ورنالاسقان، سول سەبەپتى ۆيرۋستىڭ ادامعا جۇعۋىنىڭ الدىن الۋ مۇمكىن بولماعان.

قىتايدىڭ وڭتۇستىگىندەگى گۋاندۋن پروۆينتسياسىندا اسپاز رەستوران قوناقتارىنا اس ازىرلەۋ ءۇشى پانگوليندى ولتىرگەلى جاتىر. 4 قاڭتار 2019 جىل.

قىتايدىڭ وڭتۇستىگىندەگى گۋاندۋن پروۆينتسياسىندا اسپاز رەستوران قوناقتارىنا اس ازىرلەۋ ءۇشى پانگوليندى ولتىرگەلى جاتىر. 4 قاڭتار 2019 جىل.

SARS-CoV-2 جاعدايىندا العاشقى ناۋقاستىڭ ۆيرۋستى قالاي جانە قاي جەردەن جۇقتىرعانى ءالى دە بەلگىسىز. جارعاناتتان جۇقتى دەگەن نۇسقا ءالى راستالماعان، ونى تەكسەرۋ قاجەت. وسى سەبەپتى پاندەميانىڭ باستالۋ مەرزىمىن ءدال انىقتاي مۇمكىن بولماي وتىر.

Covid ينفەكتسياسىن جۇقتىرعان 7,5 مىڭ ادامنىڭ گەندىك ماتەريالىن زەرتتەگەن لوندون ۋنيۆەرسيتەت كوللەدجى مامىر ايىندا قورىتىندىسىن جاريالاپ, پاندەميا 2019 جىلعى 6 قازان مەن 11 جەلتوقسان ارالىعىندا باستالدى دەدى. SARS-CoV-2 ۆيرۋسىنىڭ وزگە تۇرلەرى تاراماۋى ءۇشىن كوروناۆيرۋستىڭ ادامعا قالاي جۇققانىن انىقتاۋ وتە ماڭىزدى.

Washington Post باسىلىمىنىڭ حابارلاۋىنشا, اقش-تىڭ جاڭا سايلانعان، بىراق قىزمەتىنە ءالى كىرىسپەگەن پرەزيدەنتى دجو بايدەن يناۋگۋراتسياسىنان كەيىن ترامپتىڭ ددسۇ-نى قارجىلاندىرۋدى توقتاتۋ تۋرالى شەشىمىنىڭ كۇشىن جويماق. بۇعان ددسۇ دا ۇمىتتەنىپ وتىر. ترامپتىڭ ارەكەتىن وسىعان دەيىن ەۋرووداق تا سىناعان. سودان بەرى بريۋسسەل ددسۇ-نى ۇيىمنىڭ جۇمىسىن بارلىق ەلدىڭ قاجەتىن وتەيتىندەي ەتىپ رەفورمالاۋ جولدارىن قاراستىرىپ كەلەدى. ەگەر ددسۇ ماماندارى كوروناۆيرۋستىڭ ادامعا قالاي جۇققانىن انىقتاسا، بۇل ددسۇ-داعى ساياسي داعدارىستى شەشۋگە كومەكتەسۋى مۇمكىن.

كوروناۆيرۋس گوسپيتالىنە اينالعان سپورت كەشەنى. ماسكەۋ، 18 قاراشا 2020 جىل.

كوروناۆيرۋس گوسپيتالىنە اينالعان سپورت كەشەنى. ماسكەۋ، 18 قاراشا 2020 جىل.

كەي ساراپشىلار قازىردىڭ وزىندە ۋحان قالاسىنان ماردىمدى دالەل تابۋعا بولاتىنىنا كۇمانمەن قارايدى. پاندەميانىڭ باستالعانىنان ءبىر جىل ءوتتى. كوروناۆيرۋسپەن تىركەلگەن العاشقى ناۋقاستار بارعان بازاردان جاڭا ۇلگىلەر تابۋ مۇمكىن ەمەس، ول جەردە جاپپاي زالالسىزداندىرۋ جۇمىستارى جۇرگەن. حالىقارالىق كوميسسيا قىتاي ساراپشىلارى جيناپ العان ۇلگىلەردى پايدالانۋعا ءماجبۇر.

كولۋمبيا ۋنيۆەرسيتەتى ينفەكتسيا جانە يممۋنيتەت ورتالىعىنىڭ ديرەكتورى يان ليپكين ۆيرۋس ادام اعزاسىنا ۋحانداعى جاعدايدان بۇرىن تۇسسە، تاڭعالمايتىنىن ايتادى. قىتاي ماماندارىنىڭ قاڭتار ايىندا جاريالاعان ماتەريالدارىندا بازاردان الىنعان سىنامالاردىڭ 15-ىنەن كوروناۆيرۋس ۇلگىلەرى انىقتالعانى ايتىلادى. عالىمدار تەك ساناۋلى سىنامانىڭ ۇلگىسىن جاريالاعان.

“الىنعان سىنامالار قانداي؟ اڭگىمە ءتىرى ۆيرۋستىڭ ۇلگىسى جونىدە مە، الدە رنق كەسكىندەرى جونىندە مە؟ ۋحان بازارىندا بولعان جانۋارلاردىڭ اناليزگە قاجەت ماتەريالدارى الىندى ما؟” دەيدى MERS ۆيرۋسىنىڭ ادام اعزاسىنا تۇيەدەن جۇققانىن انىقتاعان عالىمداردىڭ ءبىرى گازي كالي New York Times باسىلىمىنا بەرگەن سۇحباتىندا. كالي مۇنى ەگيپەتتىڭ بىرنەشە قاساپحاناسىنداعى مالدىڭ قانىن تالداۋ ارقىلى انىقتاعان.

ددسۇ باستاعان زەرتتەۋدى كەش باستالعانى ءۇشىن عانا ەمەس، ونىڭ قىتايمەن تىعىز بايلانىستى جاسالىپ وتىرعانى ءۇشىن دە سىنعا ۇشىراپ وتىر. ددسۇ باس ديرەكتورى تەدروس گەبرەيسۋس قحر باسشىسى سي تسزينپينمەن ءجيى كەزدەسەدى، سويتە تۇرا ميسسيانىڭ جۇمىسىنا كونسۋلتاتسيا بەرەدى. گەبرەيسۋس بۇل سىنعا جاۋاپ بەرىپ، پاندەميانىڭ قالاي باستالعانىن انىقتاۋ ءۇشىن جۇمساق كۇش كەرەك دەيدى. ددسۇ زەرتتەۋدىڭ قاي دەڭگەيگە جەتكەنىن ءالى ايتپاي وتىر، بىراق پروگرەسس بار دەيدى. ۇيىم سونداي-اق بىرنەشە ەلدىڭ ميسسيانىڭ جۇمىس ىستەۋ شارتتارى جونىندە ەگجەي-تەگجەيلى اقپارات بەرۋ تۋرالى ءوتىنىشىن دە جاۋاپسىز قالدىردى.ازات ەۋروپا / ازاتتىق راديوسى

ازات ەۋروپا / ازاتتىق راديوسى

Related Articles

  • بايدەن يناۋگۋراتسياسى: اقش-تىڭ 46-پرەزيدەنتى قىزمەتىنە كىرىستى

    اقش پرەزيدەنتى دجو بايدەن مەن ونىڭ جارى دجيلل بايدەن اق ءۇي كەلىپ، قولىن بۇلعاپ تۇر. 20 قاڭتار 2021 جىل. قاراشاداعى پرەزيدەنت سايلاۋى مەن اۋىر جۇرگەن وتپەلى كەزەڭنەن كەيىن دەموكرات دجو بايدەن كاپيتولي الدىندا اقش پرەزيدەنتىنىڭ انتىن بەردى. ول وسىلايشا اقش-تىڭ 45-پرەزيدەنتى دونالد ترامپتى رەسمي تۇردە الماستىردى. 78 جاستاعى بايدەن انت بەرۋ كەزىندە قولىن ءوز ۇيىنەن اكەلگەن كونە “بيبلياعا” قويدى. كىتاپ 46-پرەزيدەنتتىڭ اۋلەتىندە 1893 جىلدان بەرى ساقتالىپ كەلگەن. بايدەن وسىعان دەيىن سەناتور جانە ۆيتسە-پرەزيدەنت قىزمەتتەرىنە كىرىسكەندە دە وسى ءدىني كىتاپتى ۇستاپ انت بەرگەن. بيىلعى يناۋگۋراتسيانىڭ ەرەكشە بولاتىنى اۋەلدەن بەلگىلى بولدى. ونىڭ بىردەن-ءبىر سەبەبى – كوروناۆيرۋس پاندەمياسى. اقش ىندەتتى ەڭ قاتتى زارداپ شەككەن ەلدەردىڭ ءبىرى. سونىمەن قاتار 6 قاڭتار كۇنى ترامپ جاقتاستارى

  • قارامولادا كىمدەر جەرلەنگەن؟

    بيىل اباي قۇنانبايۇلىنىڭ تۋعانىنا 175 جىل تولىپ، ەلىمىزدە كەڭىنەن اتالىپ وتكەنى بەلگىلى. ۇلى اقىننىڭ مەرەيتويىن لايىقتى اتاپ ءوتۋ ءۇشىن شىعىس قازاقستان وبلىسىنىڭ جارما اۋدانىندا دا اۋقىمدى ءىس-شارالار جوسپارلانىپ، ىسكە استى. سولاردىڭ ءبىرى اقىن توبە بي بولىپ سايلانىپ، «قارامولا ەرەجەسىن» قابىلداعان قارامولا مەكەنىن قايتا جاڭعىرتۋ جۇمىستارىن اتاپ وتۋگە بولادى. قۋانىشتى وزگەرىستى ءوز كوزىممەن كورەيىن دەگەن نيەتپەن، ءارى جاس ۇرپاققا ونەگەلى تاربيە بولسىن دەگەن ويمەن بالا-شاعامدى ەرتىپ، قارامولاعا ات باسىن بۇردىم. تاريحي مەكەنگە اپاراتىن جول قيىلىسىنا ارنايى بەلگى قويىلىپ، جولى قالىپقا كەلتىرىلىپ، 1995 جىلى (ابايدىڭ 150 جىلدىعىندا) ارنايى قويىلعان ەسكەرتكىش تاقتا ماڭى قورشالىپ، اباتتاندىرىلىپتى. وسى ەسكەرتكىشتىڭ وڭ جاعىندا، تاياق تاستام جەردە ەسكى قورىم زيراتى ورنالاسقان. ول جەرگە كەزىندە جەرلەنگەن اتا-بابالارىما قۇران باعىشتايىن

  • گەولوگ عالىم س.كامالوۆقا 85 جىل

    قازاقستان ەكونوميكاسى ءۇشىن ۇلكەن ماڭىزعا يە كەن ورىندارىن اشقان عالىم كامالوۆ سۋحان ماقسۇتۇلى ەلىمىزدىڭ تاريحىندا ەلەۋلى ورىن الار تۇلعا. بۇكىل سانالى عۇمىرىن ءوز وتانىنىڭ دامۋى مەن گۇلدەنۋىنە ارناعان بىلىكتى گەولوگ كامالوۆ س.م. كوزى ءتىرى بولعاندا بيىل 85 جاسقا تولار ەدى. كامالوۆ س.م. 1935 جىلى جەلتوقساننىڭ جيىرما ءبىرىنشى جۇلدىزى ورال وبلىسىنىڭ (بۇرىنعى اتاۋى) قازتالوۆ اۋدانىنا قاراستى اسان-قۇدىق اۋىلىندا دۇنيەگە كەلگەن. بالا كەزىنەن ول ءوز كۇشىنە عانا سەنۋگە بەيىمدەلەدى، وسى كەزدەن ونىڭ بويىندا قايسارلىق مىنەزى مەن تاباندىلىق، ەڭبەكقورلىق قاسيەتتەرى قالىپتاسادى. وتكەن عاسىردىڭ ەلۋىنشى جىلدارى مەكتەپتى بىتىرگەن ول، سول كەزدەگى قول جەتپەيتىن، ارمان ماماندىقتاردىڭ ءبىرى جەر قويناۋىندا قازىنانى زەرتتەيتىن گەولوگ ماماندىعىنا قىزىعادى. وسى ماماندىقتى قازاق مەملەكەتتىك ۋنيۆەرسيتەتىندە بىتىرگەن ول باسىندا تاجىربيە جيناۋ ءۇشىن

  • اقش اۋعانستاننان 2000 ساربازىن اكەتپەك. سالدارى نە بولماق؟

    ازاتتىق راديوسى اۋعانستاننىڭ ۇكىمەت كۇشتەرىن جاتتىقتىراتىن ورتالىقتا جۇرگەن اقش ساربازدارى. گەرات، اۋعانستان، 2 اقپان 2019 جىل. كورنەكى سۋرەت. ۆاشينگتوننىڭ اۋعانستاننان ەكى مىڭ ساربازىن الىپ كەتۋ تۋرالى شەشىمى قاراما-قايشى پىكىر تۋدىردى. ءبىرى اسكەر سانىنىڭ بۇلاي ازايۋى ەكسترەميستىك توپتاردى جىگەرلەندىرەدى دەسە، ءبىرى شيەلەنىستى شەشۋگە وڭ اسەر بەرەدى دەيدى. اقش اسكەرىنىڭ اكەتىلۋى تۋرالى جاڭالىق 16 قاراشادا تارادى. سول كۇنى ءباسپاسوز قۇرالدارى اقش پرەزيدەنتى دونالد ترامپتىڭ ساناۋلى كۇن ىشىندە اۋعانستان مەن يراكتاعى اقش اسكەرىنىڭ سانىن ودان ءارى ازايتۋ تۋرالى شەشىمىن جاريالايتىنىن حابارلادى. كەلەسى كۇنى اقش قورعانىس ءمينيسترىنىڭ مىندەتىن اتقارۋشى كريستوفەر ميللەر جاڭالىقتى راستاپ، امەريكالىق ساربازداردى ەلىنە قايتارۋ كەلەسى جىلى 15 قاڭتاردا، ترامپتىڭ اق ۇيدەن كەتۋىنە بەس كۇن قالعاندا اياقتالاتىنىن ايتتى. 18 قاراشا كۇنى “تاليبان”

  • ارالدىڭ ازۋى مەن توزۋى

    كەڭەستىك داۋىردەگى يرريگاتسيالىق جۇيە مەن جەردى ەشبىر اگروتەحنيكالىق شارالاردى ساقتاماي، ەسەپسىز يگەرۋ تاسىلدەرى ارال تەڭىزىن جويۋعا جەتكىزدى. كسرو سۋ شارۋاشىلىعى مينيسترلىگىنىڭ تىكەلەي كىناسىنان ارال ايماعى ءالى مەكەنگە اينالدى. سىرداريا جانە ءامۋداريا وزەندەرىنىڭ سۋلارىن ماقتا ەگىسىنە كوپتەپ بولۋدەن ارال تەڭىزى تارتىلىپ، ونىڭ سۋى ازايدى. وزبەكستان مەن قازاقستان شەكاراسىندا ورنالاسقان، ءشول زوناسىنىڭ سۋ ايدىنى – ارال تەڭىزىنىڭ جاعدايى بۇگىندە كوڭىل تولارلىقتاي ەمەس. كەزىندە  دۇنيەجۇزى بويىنشا 4-ورىندا بولعان تەڭىزدىڭ بۇگىندە جوق بولىپ كەتۋ قاۋپى بار. بۇعان باستى سەبەپ – ادام ارەكەتى سالدارىنان تەڭىزدىڭ تەك قۇر ءىزى عانا قالا ما دەگەن سۇراق بارلىعىمىزدى الاڭداتادى.  1950 جىلدارى تەڭىزدە بالىقتىڭ 24 ءتۇرى ءوسىرىلىپ، بالىق اۋلاۋ جىلىنا 500 مىڭ تونناعا جەتسە، ال 1980 جىلدارى سوڭىنا قاراي بالىقتىڭ

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: