قازاقستاننىڭ قورعانىس ءمينيسترى گەنەرال-لەيتەنانت نۇرلان ەرمەكباەۆ تۇركيا رەسپۋبليكاسى ۇلتتىق قورعانىس ءمينيسترىنىڭ ورىنباسارى مۇحسين دەرەنى قابىلدادى.

قازاقستان مەن تۇركيا ەكى ەل باسشىسى اراسىنداعى دوستىق پەن سەنىم قارىم-قاتىناس نەگىزىندە قۇرىلعان كوپجوسپارلى ستراتەگيالىق ىنتىماقتاستىقتى دامىتۋ مەن نىعايتۋدى جالعاستىرادى. قورعانىس اۋقىمى ەكىجاقتى ءوزارا ءىس-قيمىلدىڭ نەگىزگى اسپەكتىسى بولىپ تابىلادى.

بۇگىنگى كۇنى قورعانىس ۆەدومستۆولارىنىڭ ءوزارا قارىم-قاتىناسى اسكەرلەر مەن ارنايى وپەراتسيالار كۇشتەرىن دايارلاۋ، بارلاۋ جانە سوققى بەرۋشى ۇشقىشسىز ۇشۋ قۇرىلعىلارىن قولدانۋ تاكتيكالارى اۋقىمىندا قول جەتكىزگەن ۋاعدالاستىق اياسىندا جۇزەگە اسىرىلادى.

 كەزدەسۋ بارىسىندا قورعانىس ءمينيسترى نۇرلان ەرمەكباەۆ بىرلەسكەن كاسىپورىنداردى قۇرۋداعى، قر تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىندە، سونىمەن قاتار تۇركيا اسكەري وقۋ ورىندارىندا بىلىكتى مامانداردى دايارلاۋداعى اسكەري-تەحنيكالىق ىنتىماقتاستىقتىڭ ماڭىزىن اتاپ ءوتتى.

قر قورعانىس ءمينيسترىنىڭ ورىنباسارى گەنەرال-مايور مۇحامەدجان تالاسوۆ تۇرىك ارىپتەسى مۇحسين دەرەمەن كەزدەسۋ بارىسىندا تۇرىك ەلىنىڭ ءىرى قورعانىس كومپانيالارىمەن ىنتىماقتاستىق ماسەلەلەرىن تالقىلاعان بولاتىن.

تاراپتار قازاقستاندىق كاسىپورىنداردىڭ بىرىندە قىزمەت كورسەتۋىن ودان ءارى وقشاۋلاۋ ارقىلى، ۇشقىشسىز ۇشۋ اپپاراتتارىنىڭ تۇرلەرىن ساتىپ الۋ، سونداي-اق تۇركيانىڭ بروندى تانك قارۋ-جاراعىن شىعاراتىن كاسىپورىنداردىڭ مۇمكىندىگىمەن تانىسۋ ماسەلەلەرىن تالقىلادى.

تۇرىك دەلەگاتسياسىنىڭ ۇلتتىق قورعانىس ۋنيۆەرسيتەتىن ارالاۋ بارىسىندا اسكەري ءبىلىم بەرۋ شەڭبەرىندەگى ىنتىماقتاستىق تالقىلاندى. قوناقتار ۇلتتىق قورعانىس ۋنيۆەرسيتەتىنىڭ وقۋ-ماتەريالدىق بازاسىمەن جانە جوو-نىڭ دامۋ پەرسپەكتيۆالارىمەن تانىستى.

انىقتاما رەتىندە: قازىرگى ۋاقىتتا تۇركيا رەسپۋبليكاسىنىڭ اسكەر تۇرلەرىنىڭ وقۋ ورىندارىندا قر قك-ءنىڭ 26 كۋرسانتى مەن وفيتسەرى ءبىلىم الۋدا. 1997 جىلدان باستاپ بارلىق كەزەڭدە جوعارى جانە جوعارى وقۋ ورنىنان كەيىنگى ءبىلىم بەرۋ جۇيەسى بويىنشا بارلىعى 200-دەن استام ادام، كۋرستىق دايارلاۋ جۇيەسى بويىنشا 300 ادام وقىدى.

قازاقستان رەسپۋبليكاسى قورعانىس مينيسترلىگى