جاقىندا ەكى ءىرى ۋنيۆەردىڭ، ەكى ءىرى گازەتتىڭ باسشىسى تاعايىندالدى. ءبارى الپىستى القىمداعاندار. قارياعا قاستىعىم جوق، بىراق، 62 (جارىم) جاستاعى تۇيمەباەۆ، 64 تەگى سىدىقوۆ ءوز پوتەنتسيالدارىن كورسەتىپ بولدى ەمەس پە؟

كازگۋ دى كازگۋ قىلعان ومىربەك جولداسبەكوۆ 39 جاسىندا رەكتور بولعان ەكەن (!).

سول جولداسبەكوۆتەردىڭ جولىن جالعاسىن دەپ قانشا جاستى (مەملەكەت) “بولاشاقپەن” وقىتپادى ما؟

قىرىقتىڭ ار جاق، بەر جاعىنداعى، ءبىلىمى مەن بىلىگى تولىسقان، بابىندا جۇرگەن قانشاما ازامات بار. ولاردىڭ وبالى، ولار بەرۋگە ءتيىس ناتيجەنىڭ وبالى كىمگە؟(تىپتى، جاقىندا باسى داۋعا قالسا دا ساياسات نۇربەك سياقتى ءبىلىمدى ماماندار كوپ جۇمىس اتقارا الار ەدى دەپ ويلايمىن).

ال ەكى گازەت شە؟ “انا تىلىنە” جاناربەكتىڭ ورنىنا كەلگەن، 62 دەگى قالي سارسەنباي اعامىز نە ىستەي الادى؟ راس، جاقسى ادام، ەڭبەكتورى جۋرناليست، كىسىلىگى زور. الايدا، كورسەتەرىن كورسەتتى، بەرەرىن بەردى عوي. قالەكەڭنىڭ ورنىنا “الماتى اقشامىنا” دانيار تورەحان دەگەن الپىستى القىمداعان اعامىز كەلىپتى. نە ىستەيدى، نەنى وزگەرتەدى، تۇسىنە المايم(ىن)…

جۋرناليستيكادا جيىرماسى مەن وتىزىندا وزدەرىن دالەلدەپ تاستاعان ساكەن سىبانباي، جۇلدىز ءابدىلدا، كامشات تاسبولات، ەسەي جەڭىسۇلى، رۋسلان ەربوتالار شە؟ مۇمكىندىك بەرىلمەستەن، باۋىرىن جازىپ شاپپاستان قارتاياتىن بولدى ما… اتى اتالعان-اتالماعان قانشا مىقتى پروفيلەر بار. ءبىر كەزدە التىنبەك مينيستر بولعاندا وتىزعا ەندى ىلىنگەن كۋرستاستارى مەن دوستارى — نۇرتورە، ءشامشيددين، سەرعازى، جۇسىپبەك ت، ب. قانشاما ازاماتتى رەداكتور، زامرەداكتور ەتتى. ولار شىنىمەن مىقتى جۇمىس اتقاردى. ءوز كەزەڭىندە. ەندى ءسال شەگىنۋگە، جول بەرۋگە مارتتىگى جەتپەيتىنىنە تاڭ قالامىن.

پىكىر يەسى