2025 jılı Jetisuğa 3,5 mln turist keledi
Almatı oblısınıñ turizm salasında äleueti zor ekeni barşamızğa mälim. Al, 2025 jılğa qaray Jetisuğa 3,5 mln adam keledi. Bwl turalı Almatı oblısınıñ äkimi Amandıq Batalov halıqpen onlayn formatta ötkizgen bapsasöz mäslihatında bayandadı.
Jer Jännatı Jetisuda köptegen turistik orındar bar. Olardıñ işindegi marjanı – Alaköl. Sondıqtan köldiñ jağalauındağı injenerlik infraqwrılımdı damıtuğa köp köñil bölinude.
Büginde mwnda äuejay salınıp, temirjol baylanısı ornatıldı. Aqşi auılına aparatın 23 km jol töseldi.
«Turisterge arnap jasalğan jağday nätijesinde bir mausımda demaluşılar sanı 1,3 mln adamnan asadı. Jıl sayın turister sanı artıp keledi. Biz Alaköl jağaluın damıtu jwmıstarın jalğastıra beremiz. Men ötken aptada Pr'emer-Ministr Asqar Maminnıñ qabıldauında boldım. İskerlik kezdesude Almatı oblısındağı birqatar mäseleler aytıldı. Onıñ işinde Üşaral äuejayındağı wşu-qonu jolağın qalpına keltiru jäne tazartu qwrılğıları bar käriz jüyesin salu jobaları qoldau taptı. Sonday-aq, özge de bastamalardı jüzege asıruğa mümkindik tudı»,- dep atap ötti Amandıq Batalov.
Ayta ketu kerek, Almatı oblısında tau klasterine de basımdıq berilmek. Bwl maqsatta, Talğar jäne Eñbekşiqazaq audandarına tau şañğısı kurortı salınbaq.
Pikir qaldıru