|  | 

Şou-biznis

Ravşan Zolotoy, Dikiy Arman jäne özbek qılmıs älemindegi dau


Oñnan solğa: Gafur Rahimov, Arman Jwmageldiev ("Dikiy Arman") jäne Ravşan Muhiddinov (Ravşan Zolotoy).

Oñnan solğa: Gafur Rahimov, Arman Jwmageldiev (“Dikiy Arman”) jäne Ravşan Muhiddinov (Ravşan Zolotoy).

Özbekstannıñ belgili kriminaldıq avtoriteti äleumettik jelide älemdegi eñ iri narkobarondardıñ biri sanalatın, halıqaralıq äuesqoy boks federaciyasınıñ basşısımen tuıstıq jaulastığı turalı aytıp berdi. Dau arasında qazaqstandıq kriminaldıq avtoritet Arman Jwmageldievtiñ de atı ataladı. Jwmageldiev Qazaqstanda “Dikiy Arman” degen laqap atımen tanımal.

21 aqpanda Ravşan “Zolotoy” (Altın) Muhiddinov Instagram jelisine 12-minuttıq video jariyalap, ağası Gafur Rahimovpen bolğan janjaldan keyin Stambul qonaq üyinde 10 er adamnan qorlıq körip, azaptalğanın mälimdedi. Halıqaralıq äuesqoy boks federaciyasınıñ (AIBA) basşısı bolğan Rahimov AQŞ-ta halıqaralıq geroin saudasına qatısı bar adamdardıñ tizimine engen.

31 jastağı Muhiddinov videoda “Dubaydağı tuısı” turalı äñgimelep, Rahimovtıñ atın tikeley atamağanımen, tuıstarı onıñ sonı meñzegenin aytadı. Oqiğa 2019 jılı qaraşada bolğan.

Arman Jwmageldiev Muhiddinovtı Stambul qonaq üyine kezdesuge şaqırğanın moyındadı (jäbirlenuşini osı jerde wrıp-soqqan).

28 aqpanda Jwmageldiev Instagram paraqşasına audiojazba jariyalap, Muhiddinovtıñ kezdesuge qaru alıp kelgeni üşin birneşe ret “şapalaqpen” wrğanın ayttı.

Biraq ol Muhiddinovtıñ “azaptalğanın” joqqa şığarıp, onı türik policiyasına arız jazğanı üşin “qorqaq” dep atağan.

BIZNES PEN BOKS

Muhiddinov – Stambulda twratın ıqpaldı özbek käsipker. Ol sonday-aq halıqaralıq “Bauırlar ortası” qılmıstıq sindikatına müşe boluı mümkin degen boljam bar.

Muhiddinovtıñ “Bauırlar ortasındağı” ıqtimal röli oğan Sovet odağı kezinde Stalindik türmelerde payda bolıp, bükil älemge tarağan qılmıstıq klan – känigi wrılar (vorı v zakone) arasında ülken ıqpalğa ie boluğa kömektesti.

Özbekstan qwqıq qorğau organdarınıñ otstavkadağı polkovnigi jäne Ortalıq Aziyanıñ qılmıs älemine qatısı bar azamattar Azattıqqa anonimdi türde Muhiddinov pen Rahimovtıñ qarım-qatınası turalı aytıp berdi.

Olardıñ aytuınşa, Rahimov 2013 jılğa deyin “Bauırlar ortasına” müşe bolıp, toptan şıqqan kezde ornına Muhiddinovtı qaldırıp ketken.

Gafur Rahimov 2018 jılı halıqaralıq äuesqoy boks federaciyasınıñ basşısı bolıp tağayındalğan.

Gafur Rahimov 2018 jılı halıqaralıq äuesqoy boks federaciyasınıñ basşısı bolıp tağayındalğan.

Rahimov – bir kezderi AIBA prezidenti retinde olimpiadalıq boksqa jauaptı bolğan sport salasındağı twlğası qayşılıqqa tolı jetekşilerdiñ biri.

Rahimov qılmıs älemine qatısı barın joqqa şığaradı. Biraq ol “Bauırlar ortasına” müşe bolğanı jäne känigi wrılardı qoldağanı üşin AQŞ qarjı ministrligi şeteldik aktivterdi baqılau basqarmasınıñ qara tizimine engen.

Rahimov özin “qılmısqa qatısı bar” degen ataqtan ayırıp, bedelin qalpına keltiru üşin AQŞ pen Wlıbritaniyanıñ ıqpaldı zañgerlik firmaların jaldağanımen, amerikalıq sottar onı qara tizimnen şığaru turalı ötinişti qanağattandırudan bas tartqan.

Biraq 2018 jılı şildede Rahimov Özbekstannıñ bas prokuraturası izdeu jariyalağan adamdar tiziminen şıqtı. Oğan Özbekstanda aqşa bopsalau, qwjattardı qoldan jasau, wyımdasqan qılmıstıq toptan milliondağan dollar qarjı jımqıru baptarı boyınşa ayıp tağılğan.

Osıdan keyin öz erkimen elden ketken Rahimov qazir Dubayda twradı.

SOTQA ARIZ BERU

Azat Europa/Azattıq radiosı Muhiddinov pen Rahimovtıñ arasındağı kikiljiñ turalı Rahimovtıñ äyeli Lolanıñ Özbekstandağı qws şaruaşılığı salasın baqılauda wstaytın ıqpaldı özbek käsipkerine qarsı sotqa bergen arızınan bildi.

Arızda atı atalğan twlğa – Rahimovtıñ “Oybek-YAyco”, “Oybek-Faberje” deytin bwrınğı seriktesi Oybek Miraliev.

Azattıqtıñ Taşkenttegi wyımdasqan qılmısqa qarsı küres basqarmasınan alğan ayıptau qorıtındısında Rahimova men siñlisiniñ “Miraliev jıljımaytın mülik turalı kelisimşart jasau kezinde 650 mıñ dollar aqşamızdı wrlap aldı” dep arız bergeni jazılğan.

Bwl qwjattağı aqparatqa säykes, Rahimova Miralievti qımbat Mercedes-Benz köligi men Rahimovtıñ 7 million dolların wrladı dep ayıptağan.

Nätijesinde 2020 jılı küzde Özbekstan sotı Miralievti 11 jılğa bas bostandığınan ayırğan.

Ravşan Muhiddinov. Arhiv sureti.

Ravşan Muhiddinov. Arhiv sureti.

Atalğan tergeu isinen habarı bar özbek şeneuniginiñ aytuınşa, Rahimov inisi Muhiddinovke Miralievten aqşanı qaytarudı tapsırğan.

Tuıstarınıñ aytuınşa, Muhiddinov jağdaydıñ jay-japsarın bilgennen keyin “Miraliev aqşa wrlamağan” degen qorıtındığa kelgen. Muhiddinov aqşanı Rahimovtıñ äyeli alğan boluı mümkin dep topşılağan.

Muhiddinov ağasına jağdaydı tüsindirmek bolğanda, Rahimov bauırınıñ özine qarsı kelip, jauın jaqtap şıqqanına aşulanğan.

Özbekstandağı “Eltuz” internet-jurnalınıñ aqparatına (täuelsiz derekközben rastalmağan) säykes, Rahimovtıñ äyeli Muhiddinov Miralievten aqşanı alıp, öz qaltasına basıp alğan boluı mümkin dep kümändanğan.

Ravşan Muhiddinov (sol jaqta) pen Äzerbayjannıñ "Lotu Guli" deytin känigi wrısı Nadir Salifov

Ravşan Muhiddinov (sol jaqta) pen Äzerbayjannıñ “Lotu Guli” deytin känigi wrısı Nadir Salifov

“Eltuz” internet-jurnalınıñ dereginşe, Lola Rahimova küyeuine Muhiddinovtan aqşanı qaytaru üşin Ortalıq Aziyadağı eki kriminaldıq avtoritet: Jwmageldiev pen “Lotu Guli” deytin äzerbayjandıq känigi wrı Nadir Salifovqa ötiniş aytuğa keñes bergen.

Salifov pen Jwmageldiev Muhiddinovtı qonaq üyge aldap şaqırğan. Ol jerde jäbirlenuşini mığım deneli onşaqtı jigit wstap alğan.

Jurnal wsınğan aqparatqa säykes, olar Muhiddinovtı ayaq-qolın baylap, birneşe sağat boyı wrıp-soqqan, basın suğa batırıp, “zorlaymız” dep qorqıtqan, videoğa “qarızımdı qaytaramın” dep aytuğa mäjbürlegen.

“Eltuz” internet-jurnalı qonaq üy bölmesindegi videonıñ Rahimovanıñ ol üşin 20 mıñ dollar töleuinen soñ äleumettik jelige şığıp ketkenin jazdı.
Muhiddinov 21 aqpanda jariyalağan videosında “Olarğa fizikalıq twrğıdan tötep bere almadım, jalğız özine on adam jabılsa, qanday alpauıt bolsa da, jeñilip qaladı” dedi. Ol sonday-aq ruhı jığılmağanın, öytkeni şındıqtı aytqanın mälimdedi.

“Olar qoldarınan eşteñe kelmegenin, mağan qarsı qoldanğan amaldarı eş nätije bermegenin tüsingen kezde arıma tiise bastadı. Men namısı bar azamat retinde ol jağdaydan şığuğa äreket jasap, arımdı saqtap qaluğa tırıstım. Bwl meniñ qolımnan keldi… Keyin olar meni bosatu üşin aqşa swradı. Kamerağa olarğa aqşa bermesem, qwrmetke layıqsız adam bolamın dep aytuğa tura keldi” deydi Muhiddinov.

Ol özin azaptağan adamdardıñ qonaq üy bölmesinde video tüsiruge mäjbürlep, qoqan-loqı körsetkenin ayttı. Qazir Muhiddinov “Dubaydağı tuısına” aqşa qaytaruı keregin joqqa şığarıp otır.

“Ravşan bireuden qorqıp aqşa beretin adam emes. Ol bireuge qarız bolsa, onı wrıp-soğıp, qorqıtıp, qorlaudıñ qajeti joq. Ol özi-aq alğan aqşasın äkelip beredi, qajet bolsa, keşirim de swraydı” dedi özi turalı üşinşi jaqta söylegen Muhiddinov.

OQIRMANDARĞA HABARLAMA

Muhiddinovtıñ Instagram jelisine jariyalağan videosınıñ Özbekstanda qanday reakciya tuğızğanına qarap, onıñ jas özbek azamattarınıñ qoldauına ie bolğanın, al Rahimovtıñ bedeli AIBA basşısı qızmetinen ketkennen keyin birşama tömendegenin bayqauğa boladı. Rahimov ol qızmetten 2019 jılı 22 naurızda ketken.

Muhiddinov Instagram jelisindegi oqırmandarına bolğan oqiğa üşin Jwmageldievti keşirmeytinin ayttı.

Muhiddinovtıñ qonaqüyge şaqırğan äzerbayjandıq känigi wrı Salifovtıñ özi qazir tiri emes. Onı sol oqiğadan soñ bir jılğa juıq uaqıt ötkende Stambul meyramhanalarınıñ birinde jelkesinen atıp ketken.

Ortalıq Aziyanıñ qılmıs äleminde jürgen aqparat közderi Azattıqqa Salifovtı öltiruge Gruziyada tuğan ezid, “Şakro Molodoy” degen laqap atpen belgili Resey mafiyasınıñ kindik äkesi Zahari Kalaşov tapsırıs bergenin ayttı.

Qolda bar aqparat boyınşa, 67 jastağı Kalaşov Reseyde türmede otırğanına qaramastan, äli de känigi wrılar (vorı v zakone) wyımın basqarıp otır.

Azattıqtıñ Ortalıq Aziyanıñ qılmıs älemine qatısı bar aqparat közderi Salifovtıñ ölimine onıñ känigi wrılardıñ “kikiljiñ kezinde qarsılasqa şabuıl jasauğa bolmaydı” degen “ar-namıs kodeksin” bwzuı sebep bolğanın ayttı.

Salifovtıñ öliminen keyin türik policiyası Muhiddinovtı tergeuge alğan. Öytkeni kisi ölimine qatısı bar degen küdikke ilingen azamat wstalıp, onıñ qandı oqiğadan az uaqıt bwrın Muhiddinovqa Salifovtıñ suretin jibergeni anıqtalğan.

Biraq Muhiddinov Salifovtıñ ölimine baylanıstı is boyınşa jauapqa tartılğan joq.

BAYLANISTI NIĞAYTU

2007 jılı Muhiddinovqa “qılmıstıq qauımdastıqtı basqarıp otır” degen ayıp tağılğannan keyin ol Özbekstannan qaşuğa mäjbür bolğan.

Muhiddinov ol kezde nebäri 18 jasta bolğan. Ol bwl ayıptaular boyınşa sol küyi jauapqa tartılmadı. Taşkent Muhiddinovqa halıqaralıq izdeu jariyalap, 2009 jılı ol Stambulda wstaldı. Türkiya biligi onı Özbekstanğa ekstradiciyalau mäselesin şeşkenşe, Muhiddinov üş jıl boyı türmede otırdı.

2012 jılı Türkiya biligi “Özbekstan Muhiddinovtı ekstradiciyalauğa baylanıstı jetkilikti dälel wsınğan joq” degen sebeppen onı türmeden bosattı.

Osıdan keyin Muhiddinov Birikken Arab ämirlikterine (BAÄ) barıp, 2013 jılı Özbekstannıñ halıqaralıq orderiniñ nätijesinde qaytadan wstalğan.

Biraq eki aydan keyin BAÄ sotı däleldiñ jetkiliksiz boluına baylanıstı Taşkenttiñ ekstradiciya turalı ötinişin qanağattandırmağan.

Muhiddinov Stambulğa köşip, Rahimovtıñ “Bauırlar ortasındağı” ornın basqan.

RAHIMOVTIÑ QATISI

Muhiddinov 21 aqpanda Instagram jelisine jariyalağan vidoesında ağası Rahimovtı özine şabuıl jasauğa tapsırıs bergeni üşin ayıptap, köp adamnıñ osı oqiğadan keyin “Äzerbayjan men Qazaqstanğa közqarasıñız özgerdi me?” dep swrağanın ayttı.

“Bauırlarım, senderge birnärse aytayın: birneşe adamnıñ opasız äreketine qarap, bükil wltqa bağa beruge bolmaydı. Kez kelgen wltta jaqsı jäne jaman adamdar boladı” dedi ol.

“Osı filosofiyağa jüginsek, onda birinşi kezekte, öz wltımızdı ayıptauımız kerek. Öytkeni bwl zorlıqqa Özbekstannıñ atınan şeteldegi key toptarğa müşe bolıp jürgen özbek azamatı tapsırıs berip otır” dedi tuıstarı Rahimov dep atağan adamdı sipattağan Muhiddinov.

27 qañtarda qazaqstandıq kriminaldıq avtoritet Arman Jwmageldiev (oñ jaqta) Instagram paraqşasına halıqaralıq äuesqoy boks federaciyasınıñ bwrınğı basşısı Gafur Rahimovtıñ Dubaydağı üyinde tüsken suretin jariyaladı.

27 qañtarda qazaqstandıq kriminaldıq avtoritet Arman Jwmageldiev (oñ jaqta) Instagram paraqşasına halıqaralıq äuesqoy boks federaciyasınıñ bwrınğı basşısı Gafur Rahimovtıñ Dubaydağı üyinde tüsken suretin jariyaladı.

“Biz basımızdı joğarı köterip, qolımızğa tu alıp, onıñ soñınan erdik. Şınımdı aytsam, odan köp närse üyrendik. Biraq key mäseleniñ aq-qarasın ajıratuğa kelgende, ol äyeliniñ sözine erip, qorıtındı jasaydı. Nätijesinde bükil mwhit lastandı. Bwl öte ökinişti, öytkeni onı qwrmettep, joğarı bağalap kelgen adamdardıñ bäriniñ köñili qaldı. Ol birinşi kezekte, tuıstarı men otandastarınıñ qoldauınan ayırıldı. Ol kisi üşin bwdan soraqı ne boluı mümkin ekenin bilmeymin. Endi osı masqaramen ömir sürip körsin” dedi Muhiddinov.

Muhiddinov sonday-aq “Qazaqtar men äzerbayjandar arasında öz eliniñ atına kir keltirmey jürgen nağız batırlar men qwrmetti azamattar köp. Biraq olar Instagram-da joq” dedi “Dikiy Armandı” meñzey otırıp. Arman Jwmageldiev Instagram jelisin belsendi paydalanadı. Onıñ bwl jelide 300 mıñnan astam oqırmanı bar.

Arman Jwmageldiev 2005 jılı Şımkent qalasında jiın ötkizgen “Ädiletti Qazaqstan üşin” qozğalısınıñ basşılarına şabuıl jasağan toptıñ ortasında bolğan.

Azat Europa / Azattıq radiosı

Related Articles

  • Almatıda zilzala bolsa, eñ aldımen qanday üyler qirauı mümkin? Säuletşi Aydar Erğalimen swhbat

    Petr TROCENKO Almatınıñ joğarğı jağındağı köpqabattı ğimarattar. 18 şilde, 2022 jıl Qazaqstandıq säuletşi Aydar Erğali eger küşti jer silkinisi bolsa, seysmikalıq qauipti aymaqta ornalasqan Almatı qalası qanday qiındıqpen betpe-bet keletinin, sovet kezinde salınğan üyler qazirgi zamanğı köpqabattı ğimarattarmen salıstırğanda jer silkinisine tötep beruge nelikten älsiz ekenin ayttı. 23 qañtar küni Almatıda jer ädettegiden qattıraq silkinip, eldi dürliktirdi. Bwl oqiğa keñ auqımdağı tabiği apatqa qala biligi men twrğındar qanşalıqtı dayın degen äñgimeni qayta qozdırdı. Jwrt äsirese tötenşe jağdaylar jönindegi departamenttiñ erte habarlau jüyesi dwrıs jwmıs istemegenin, SMS-habarlamalar der kezinde tüspegenin de sınğa aldı. Jer birinşi ret silkingen sätte Almatı twrğındarı japa-tarmağay üyden sırtqa qaray jügirdi, keybiri tipti sırt kiimin de kimegen

  • Cifrli teñge “jaña ekonomika” qwruğa kömektespek

    Blokçeyn tehnologiyaları Qazaqstandı jemqorlıqtan barınşa tazartıp şığa aladı. Bügin Memleket basşısı byudjet qarajatınıñ jwmsaluın baqılau üşin cifrlıq teñgeni paydalana otırıp, aqşanı tañbalau kilti turalı aytıp ötti. Cifrli teñgeniñ eñ mıqtı jeri osı. Programmalanğan token bolğandıqtan aqşa kimnen kimniñ qolına ötti, baqılap otıra alamız. Mısalı, memlekettik tenderlerdiñ barlığın cifrli teñgege auıstırıp, osı tenderlik cifrli teñgeni qolma-qol aqşa retinde şeşip alu mümkin bolmaytınday jasap qoyuğa boladı. Sonda biz tender jeñimpazınıñ aqşanı qalay jwmsağanın, kimnen tauar alğanın, kimderge qanşa aylıq tölegenin körip, sodan ülken BIG Data bazasın qwraymız. Däl osı kezde, memlekettik aqşağa mümkindiginşe qazaqstandıq tauar alınğandığın baqılap, mäjbürlep otıruğa mümkindik bar. Osı arqılı jemqorlıqtı atımen joyıp, otandıq bizneske mıqtı qoldau körsete almaqpız.

  • Qazaqstan Soltüstik Irlandiyanı jeñdi. Qwramanıñ Euro-2024 dodasına şığuğa mümkindigi saqtaulı

    Ruslan MEDELBEK Qazaqstan qwramasınıñ oyınşıları janküyerlerge alğıs aytıp jatır. Astana, 10 qırküyek 2023 jıl. Futboldan Qazaqstan qwraması Euro-2024 turnirine irikteu ayasında Soltüstik Irlandiyanı jeñdi. Astanadağı matçta jeñis golın “Aqtöbe” şabuılşısı Maksim Samorodov saldı. Qazaqstannıñ kelesi jılı Germaniyada ötetin Europa çempionatına şığuğa mümkindigi äli de saqtaulı. Matçtıñ 27-minutında Abzal Beysebekovtiñ alañ ortasınan şığarğan pasın Maksim Samorodov ädemi golğa aynaldıra bildi. Maksim qattı kelgen pastı ayağımen toqtattı da, qarsılas qaqpasınıñ sol qaptalına bağıttağan. Soltüstik Irlandiya qaqpaşısı Beyli Pikok-Farrell qolın sozğanımen jetpedi. Dop qaqpada. 30 mıñ jinalğan stadion tulap sala berdi. Gol avtorı Maksim Samorodov (10-nömerde) men Qazaqstan oyınşıları goldı toylap jatır. Astana, 10 qırküyek 2023 jıl. Osı goldan keyin Soltüstik Irlandiya şabuıldı

  • 1 440 000 TEÑGE, Wşaq, poyız, avtobus keşikse ötemaqını qalay aluğa boladı?

    Samat Musabaev Jazda qozğalıs köbeyedi. Eldiñ işine de, sırtına da sayahat, demalıs, balalardıñ kanikulı dep tınım tappaymız. Qozğalıs köbeygen soñ jolauşılar tasımalında qiındıq tuındap, jeliden ünemi reniş pen aşuğa tolı jazbalar oqıp twramız. Wşaqtıñ keşigui, poyızdıñ kesteden qalıp qoyuı sekildi oqiğalardıñ aptasına äldeneşeui belgili bop jatadı. Meniñ aytpağım da osı mäselege qatıstı: Jaqında äriptes ağam Edil Jañbırşin ekeumiz el jaqqa birge wştıq. Mañğıstauda kezdesulerimiz josparlanğan edi. Astana äuejayına biz uaqtılı kelgenimizben, Air Astananıñ wşağı uaqtılı wşa qoymadı. Uaqtılı degende jartı sağat, bir sağat degenge etimiz äbden üyrendi ğoy. Endi bwlar eki sağat, üş sağattap wşpaudı şığarıptı. Bizdiñ wşağımız baqanday üş jarım – tört sağatqa keşigip wştı! Otandıq äue kompaniyalarınıñ osı

  • VOYADJER-2 ZONDIMEN BAYLANIS TOLIQ QALPINA KELTİRİLDİ

    2023 jılı 1 tamızda NASA Alıs ğarıştıq baylanıs jelisiniñ (DSN) Kanberradağı antennalar keşeni Voyadjer-2 jibergen üzik signaldı wstağanı belgili. Keşen zondqa eki gradusqa bwrılıp ketken antennasın qayta Jerge bağıttauğa bwyıratın barınşa küşeytilgen komanda jiberdi. 19,9 mlrd km qaşıqtıqtağı apparattıñ jauabın 37 sağat kütuge tura keldi. 4 tamızda NASA Voyadjer-2-den tolıqqandı ğılımi jäne telemetriyalıq derekter qabıldanğanın habarladı. Olar apparattıñ qalıptı jwmıs istep twrğanın jäne kütilgen traektoriyada ekenin mälim etken. Jaqsı jañalıq tarihi missiyanıñ 46 jıldığı qarsañında keldi. Voyadjer-2 1977 jılı 20 tamızda wşırıldı. Ol — Kün jüyesindegi tört alıp planetanıñ bäriniñ twsınan wşıp ötken jalğız ğarış apparatı. Voyager 2, öz sıñarınan altı jıldan soñ, 2018 jılı 10 jeltoqsanda jwldızaralıq keñistikke endi.

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: