«ەركىن ءسوز»-2021 شىعارماشىلىق بايقاۋى جاريالاندى
جەڭىمپاز جۋرناليستەر قوماقتى قارجىلاي سىيلىققا يە بولادى
“ەركىن ءسوز”-2021 شىعارماشىلىق بايقاۋى جاريالاندى. ۇزدىك باق وكىلدەرى جۋرناليستەر مەرەكەسى قارساڭىندا ماراپاتتالادى. شارانىڭ ماقساتى جۋرناليستەردىڭ كاسىبي بىلىگىن ارتتىرۋ جانە قارجى سالاسىنداعى ءبىلىمىن جەتىلدىرۋ. «ەركىن ءسوز» بايقاۋىنا قازاق تىلىندە ماقالا جازاتىن جانە حابار تاراتاتىن رەسپۋبليكالىق، حالىقارالىق جانە ايماقتىق باق وكىلدەرى قاتىسا الادى. بۇقارالىق اقپارات قۇرالدارىنىڭ وكىلدەرى “ۇزدىك ماقالا”، “سايتتاعى ۇزدىك ماقالا” جانە “ۇزدىك تەلەسيۋجەت” اتالىمدارى بويىنشا سايىسقا تۇسەدى. ءار اتالىم بويىنشا تاعايىندالاتىن باس جۇلدە – 500 000 تەڭگە.
بايقاۋعا قارجى تاقىرىبىنداعى، ونىڭ ىشىندە بانك سالاسىنا قاتىستى ماتەريالدار قابىلدانادى. باس جۇلدەدەن بولەك ءار نوميناتسيا بويىنشا 1 جانە 2 ورىندار بار. ماتەريالدار 2021 جىلدىڭ 01 قاڭتارىنان 2021 جىلدىڭ 05 شىلدەسىنە دەيىن جاريالانعان نەمەسە ەفيرگە شىققان بولۋى شارت. ونى erkinsoz2021@gmail.com ەلەكتروندى پوشتاسىنا جولداۋ كەرەك. (Call centre: + 7 775 166 8920;)
“جەڭىمپازداردى ايقىنداۋ جانە سىيلىقتاردى تاعايىنداۋ بايقاۋ كوميسسياسىنىڭ شەشىمىمەن جۇزەگە اسىرىلادى. بايقاۋ كوميسسياسى قابىلدانعان ماتەريالداردى ىرىكتەۋ بارىسىندا ونىڭ وبەكتيۆتىلىگىنە، ءجۋرناليستىڭ كاسىبي شەبەرلىگىنە، ماسەلەنىڭ كوتەرىلۋى جانە ونى جان-جاقتى اشىپ كورسەتۋىنە، ماتەريالدار تۋعىزعان قوعامدىق رەزونانس پەن تۇيتكىلدەردى شەشۋ جولدارىنا، ۇسىنىلعان ماتەريالداردىڭ قوعامعا پايدالىلىعىنا نازار اۋدارادى. بايقاۋ كوميسسياسىنىڭ قۇرامىنا بەلگىلى جۋرناليستەر، مەملەكەتتىك جانە قوعام قايراتكەرلەرى، ۇكىمەتتىك ەمەس ۇيىمداردىڭ وكىلدەرى كىرە الادى.
«ەركىن ءسوز»-2021 شىعارماشىلىق بايقاۋىنىڭ قورىتىندىسى 2021 جىلدىڭ 19 شىلدەسىندە جاريالانادى”،- دەپ حابارلادى قوردىڭ پرەزيدەنتى ءنازيا جويامەرگەن.
جالپى تۇركىتىلدەس جۋرناليستەر قورى – 2014 جىلى 11 قاراشادا قۇرىلعان. ماقساتى – تۇركى الەمى مەن قازاقستاندىق جۋرناليستەر اراسىنداعى كاسىبي بىرلىگى مەن بىلىگىن ارتتىرۋ، ورتاق جوبالار جاساۋ. وتاندىق جانە شەتەلدىك مامانداردىڭ قاتىسۋىمەن جۋرناليستەرگە ارنالعان سەمينار- ترەنينگتەر، ۆەبينارلار، فورۋمدار، شەبەرلىك ساباقتارى، كونفەرەنتسيالار، بايقاۋلار ۇيىمداستىرۋ. قور جانىنان ايەل جۋرناليستەر كلۋبى ، مەديا ترەنەرلەر مەكتەبى مەن جاس جۋرناليستەر مەكتەبى اشىلعان.
«ەركىن ءسوز»-2021 شىعارماشىلىق بايقاۋىنىڭ ەرەجەسى:
“ەركىن ءسوز”-2021 – تۇركىتىلدەس جۋرناليستەر قورى (ttjk.info)
پىكىر قالدىرۋ