«Erkin söz»-2021 şığarmaşılıq bayqauı jariyalandı
Jeñimpaz jurnalister qomaqtı qarjılay sıylıqqa ie boladı
“Erkin söz”-2021 şığarmaşılıq bayqauı jariyalandı. Üzdik BAQ ökilderi jurnalister merekesi qarsañında marapattaladı. Şaranıñ maqsatı jurnalisterdiñ käsibi biligin arttıru jäne qarjı salasındağı bilimin jetildiru. «Erkin söz» bayqauına qazaq tilinde maqala jazatın jäne habar taratatın respublikalıq, halıqaralıq jäne aymaqtıq BAQ ökilderi qatısa aladı. Bwqaralıq aqparat qwraldarınıñ ökilderi “Üzdik maqala”, “Sayttağı üzdik maqala” jäne “Üzdik telesyujet” atalımdarı boyınşa sayısqa tüsedi. Är atalım boyınşa tağayındalatın Bas jülde – 500 000 teñge.
Bayqauğa qarjı taqırıbındağı, onıñ işinde bank salasına qatıstı materialdar qabıldanadı. Bas jüldeden bölek är nominaciya boyınşa 1 jäne 2 orındar bar. Materialdar 2021 jıldıñ 01 qañtarınan 2021 jıldıñ 05 şildesine deyin jariyalanğan nemese efirge şıqqan boluı şart. Onı erkinsoz2021@gmail.com elektrondı poştasına joldau kerek. (Call centre: + 7 775 166 8920;)
“Jeñimpazdardı ayqındau jäne sıylıqtardı tağayındau Bayqau komissiyasınıñ şeşimimen jüzege asırıladı. Bayqau komissiyası qabıldanğan materialdardı irikteu barısında onıñ ob'ektivtiligine, jurnalistiñ käsibi şeberligine, mäseleniñ köterilui jäne onı jan-jaqtı aşıp körsetuine, materialdar tuğızğan qoğamdıq rezonans pen tüytkilderdi şeşu joldarına, wsınılğan materialdardıñ qoğamğa paydalılığına nazar audaradı. Bayqau komissiyasınıñ qwramına belgili jurnalister, memlekettik jäne qoğam qayratkerleri, ükimettik emes wyımdardıñ ökilderi kire aladı.
«Erkin söz»-2021 şığarmaşılıq bayqauınıñ qorıtındısı 2021 jıldıñ 19 şildesinde jariyalanadı”,- dep habarladı qordıñ Prezidenti Näziya Joyamergen.
Jalpı Türkitildes jurnalister qorı – 2014 jılı 11 qaraşada qwrılğan. Maqsatı – türki älemi men qazaqstandıq jurnalister arasındağı käsibi birligi men biligin arttıru, ortaq jobalar jasau. Otandıq jäne şeteldik mamandardıñ qatısuımen jurnalisterge arnalğan seminar- treningter, vebinarlar, forumdar, şeberlik sabaqtarı, konferenciyalar, bayqaular wyımdastıru. Qor janınan Äyel jurnalister Klubı , Media trenerler mektebi men Jas jurnalister mektebi aşılğan.
«Erkin söz»-2021 şığarmaşılıq bayqauınıñ Erejesi:
“ERKİN SÖZ”-2021 – Türkitildes jurnalister qorı (ttjk.info)
Pikir qaldıru