Taldıqorğanda jaña eko-avtobustar qoldanısqa berildi
kerey.kz
Bügin, Qazaqstan Täuelsizdiginiñ 30 jıldığına oray, oblıs ortalığınıñ Taldıqorğanğa qonıs audaruınıñ 20 jıldığı ayasında aytulı oqiğa ötti. Kölik qoljetimdiligin arttıru maqsatında qalada avtobus parki jañartıldı.
“Jetisu” ÄKK arqılı jalpı soması 2,3 mlrd.teñgeden asatın gazben jüretin 55 ekologiyalıq avtobus satıp alınadı, olar tasımaldauşılarğa 7 jılğa lizingke beriledi (jıldıq 4% – ben). Onıñ 32-si qala twrğındarına paydalanuğa berildi.
Mereke qarsañında ortalıq alañda oblıs äkimi Amandıq Batalovtıñ qatısuımen “YUtong” markalı 32 jaña avtobustıñ alğaşqı partiyasın-tapsıru saltanatı ötti. Qalğan 23 avtobus (14 PAZ jäne 9 “YUtong”) jıl soñına deyin Taldıqorğan köşelerimen jüredi.
“Birneşe kün boyı jaña avtobustar qalalıq bağıttar boyınşa sınaldı. Jalpı, olar barlıq zamanaui talaptarğa jauap beredi. Olardıñ keybireuleri – 10 metr, basqaları-8,5 metr, jalpı jolauşılar sıyımdılığı 55-ten 67 orınğa deyin. Onda beynebaqılau, kondicionerler, mümkindigi şekteuli azamattardı otırğızu – tüsiru üşin qayırmalı platformalar közdelgen. Sonday-aq, elektrondı biletteu jüyesi ornatılğan. Jalpı alğanda, avtobustardıñ özderi barlarğa qarağanda äldeqayda keñ, olarda mügedekter arbasına arnalğan orındar köp. Alğaşqı avtobustar jolauşılar ağını eñ köp marşruttarğa jiberiledi. Al olardıñ qanşalıqtı jaylı jäne ıñğaylı ekenin Sizder, qwrmetti taldıqorğandıqtar, öz betteriñizben bağalay alasızdar”, – dedi aymaq basşısı.
Sonday-aq, aymaq basşısı avtojoldardı jöndeu jäne qalalıq infraqwrılımdı jaqsartu jwmıstarı jalğasatının ayttı.
Satıp alınğan avtobustarğa janarmay qwyu üşin qalada avtomobil'dik gaz toltıru kompressorlıq stanciyası salındı jäne iske qosıldı. Bwl rette jaña avtobustarda jüru tarifi özgerissiz qaladı.
Pikir qaldıru