|  |  | 

جاڭالىقتار ساياسات

“مەكتەپتەگى توبەلەستەن شىقتى”. پەنجىمدە نە بولدى؟

الماتى وبلىسىندا قازاقتار مەن ۇيعىرلار تۇراتىن پەنجىم اۋىلىندا مەكتەپ وقۋشىلارىنىڭ جانجالى ەرەسەكتەردىڭ قاتىسۋىمەن تارتىپسىزدىككە ۇلاسقان دەگەن اقپارات الەۋمەتتىك جەلىدە تارادى. مەكتەپتەگى توبەلەستە باسىنا زاقىم كەلگەن ءجاسوسپىرىمنىڭ جاعدايى اۋىر دەيدى دارىگەرلەر. ال تۇنگى تارتىپسىزدىك بارىسىندا زارداپ شەككەن تاعى ءبىر ادام اۋرۋحاناعا تۇسكەن. پوليتسيا ەكى قىلمىستىق ءىس قوزعالعانىن حابارلادى. بيلىك “پەنجىمدە ۇلتارالىق قاقتىعىس بولعان جوق” دەپ سەندىرگىسى كەلەدى.

“تۇنگى تارتىپسىزدىك”

الماتى وبلىسى پانفيلوۆ اۋدانى اكىمى تالعات ومىراليەۆ سارسەنبى كۇنى پەنجىم اۋىلىندا بولعان وقيعا “ۇلتارالىق قاقتىعىس ەمەس، ءوزارا كەلىسپەي قالعان ەكى وقۋشىنىڭ توبەلەسىنەن شىققان تۇسىنىسپەۋشىلىك” دەيدى. بۇل تۋرالى اۋدان اكىمى 28 قازاندا پەنجىم اۋىلىنا بارعان ازاتتىق تىلشىسىنە ايتتى.

پانفيلوۆ اۋدانى اكىمى تالعات ومىراليەۆ. الماتى وبلىسى، پەنجىم اۋىلى، 28 قازان 2021 ج.

پانفيلوۆ اۋدانى اكىمى تالعات ومىراليەۆ. الماتى وبلىسى، پەنجىم اۋىلى، 28 قازان 2021 ج.

– ول (جانجال) نەدەن شىقتى؟ روزىباكيەۆ اتىنداعى مەكتەپتە بالالار توبەلەسىپ قالىپ، ءبىر بالا اۋرۋحاناعا تۇسكەن. جاراقات العان، بالا امان-ەسەن. بۇگىن كىرىپ شىقتىم. باس دارىگەردى كوردىك. اياق-قولى ساۋ، ءسوزى دۇرىس، تۇندە وپەراتسيا جاسادى. باسىنان جاراقاتتانعان. گەماتومانى الىپ تاستادى. بالانىڭ وزىمەن سويلەسكەن كەزدە “جاعدايىم جاقسى، ءبارى دۇرىس” دەدى. سول ءۇشىن تۇندە جاستار ۇلتتىق ماسەلەنى كوتەرىپ جينالعان. بۇل جەردە ۇلتتىق ماسەلەنىڭ ەش قاتىسى جوق. وبلىس اكىمىنىڭ تاپسىرماسىمەن شتاب قۇرىلدى، – دەدى تالعات ومىراليەۆ.

اكىم وتكەن ءتۇنى پەنجىم اۋىلىندا پوليتسيانىڭ كوشەگە توپ بولىپ جينالعان جاستاردى تارقاتقانىن ايتتى.

ومىراليەۆتىڭ سوزىنشە، پەنجىمدەگى تارتىپسىزدىكتەر كەزىندە 53 جاستاعى تاعى ءبىر ادام زارداپ شەككەن. “جاستاردىڭ لاقتىرعان تاسى باسىنا ءتيىپ، جاراقات العان. قازىر اۋرۋحانادا جاتىر، جاعدايى قالىپتى، دارىگەرلەر كومەكتەسكەن” دەگەن اكىمنىڭ ءسوزىن بەرگەن Tengrinews سايتى.

قىتايمەن شەكارادان 15 شاقىرىمداي جەردەگى پەنجىم (ۇيعىرشا “باس اۋىل” دەگەن ماعىنادا) اۋىلدىق وكرۋگىندە 12 مىڭنان استام ادام، سونىڭ ىشىندە 7 مىڭنان اسا قازاق، 5 مىڭعا جۋىق ۇيعىر تۇرادى.

پەنجىم اۋىلىندا 5 مىڭنان استام ادام تۇرىپ جاتىر، جەرگىلىكتى حالىق نەگىزىنەن ەگىنشىلىكپەن اينالىسادى، جۇگەرى وسىرەدى دەدى بەيسەنبى كۇنى اۋىل تۇرعىندارىنىڭ ءبىرى ازاتتىق تىلشىسىنە.

وبلىستىق پوليتسيا دەپارتامەنتى سارسەنبىنىڭ كەشىندە 30 شاقتى ادام جينالىپ، پەنجىمدەگى بىرنەشە ءۇي مەن كولىكتىڭ تەرەزەسىن سىندىرعانىن حابارلادى.

“27 قازاندا ساعات 20:00-دا 102 قىزمەتىنە پەنجىم اۋىلىندا مەكتەپ وقۋشىلارى اراسىنداعى توبەلەسكە قاتىسقانداردىڭ ءبىرى تۇراتىن ءۇيدىڭ جانىنا 30 شاقتى ادام جينالعانى تۋرالى اقپارات ءتۇستى. توپ ادام بىرنەشە جەكە تۇرعىن ءۇي مەن بىرنەشە كولىك قۇرالىنىڭ تەرەزەسىن سىندىرعان. بۇل فاكتى بويىنشا قىلمىستىق كودەكستىڭ 293-بابى 2-بولىگى (“توپتاسىپ جاسالعان بۇزاقىلىق”) بويىنشا ءىس قوزعالدى” دەپ جازىلعان بەيسەنبىدە پوليتسيا دەپارتامەنتى ءباسپاسوز قىزمەتى تاراتقان اقپاراتتا.

بۇعا قوسا پوليتسيا سارسەنبىنىڭ كەشىندە پەنجىم اۋىلىنداعى جەكە مەنشىك ءۇي ورتەنگەنى تۋرالى حابار تۇسكەنىن، ول جەرگە پوليتسيا وكىلدەرى مەن توتەنشە جاعداي قىزمەتكەرلەرى بارعانىن حابارلادى.

ء“ۇي يەسى ايەلدىڭ ايتۋىنشا، ورتكە پەشتەگى اقاۋ سەبەپ بولعان. ساعات 23:30 كەزىندە ءورت ءسوندىرىلدى. ەشكىم زارداپ شەكپەگەن. بۇل ءورتتىڭ بولعان وقيعاعا قاتىسى جوق” دەگەن وبلىستىق پوليتسيا دەپارتامەنتى جالعان اقپارات تاراتقاندارعا قىلمىستىق جاۋاپكەرشىلىك ارتىلاتىنىن ەسكەرتكەن.

بەيسەنبىگە قاراعان ءتۇنى الەۋمەتتىك جەلىدە تاراعان، “پەنجىم اۋىلىنداعى جاعداي” دەپ سيپاتتالعان بىرنەشە ۆيدەودا ءتۇن مەزگىلىندە كوشەدە توپتاسىپ ايقايلاپ، الدەبىر نىساناعا كەسەك لاقتىرىپ جۇرگەن ادامدار، ورتەنىپ جاتقان عيماراتتار، دابىل قوسىپ، اسىعىس كەتىپ بارا جاتقان پوليتسيا كولىگى كورسەتىلگەن.

مەكتەپتەگى توبەلەس، زارداپ شەككەن وقۋشى

سارسەنبى كۇنى پەنجىم مەكتەبىندە وقۋشىلار اراسىندا بولعان توبەلەس كەزىندە زارداپ شەككەن 16 جاستاعى ءجاسوسپىرىمنىڭ جاعدايى اۋىر. بۇل تۋرالى 28 قازاندا الماتى وبلىستىق دەنساۋلىق ساقتاۋ باسقارماسى حابارلاعان. ول قازىر پانفيلوۆ اۋداندىق كوپسالالى اۋرۋحانادا جاتىر.

“باسىنان جاراقات العان ناۋقاستىڭ جالپى جاعدايى اۋىر. باس سۇيەگى جارىلعان، ميىنا قاتتى زاقىم كەلگەن، وڭ جاق سامايىندا جاراقات بار، 2-3-دارەجەلى تراۆماتيكالىق شوك العان. ەسىن بىلەدى” دەپ حابارلادى باسقارما.

28 قازانعا قاراعان ءتۇنى الەۋمەتتىك جەلى مەن مەسسەنجەردە “پەنجىم اۋىلىنداعى مەكتەپ وقۋشىلارى اراسىنداعى جانجال” دەپ سيپاتتالعان ۆيدەو تاراعان ەدى.

كۇندىز كوپقاباتتى مەكتەپتىڭ ىشىنەن تۇسىرىلگەنگە ۇقسايتىن ۆيدەودا عيمارات اۋلاسىندا ءبىر توپ ءجاسوسپىرىمنىڭ توبەلەسىپ جاتقانى، ءبىر ساتتە الگىلەردىڭ ءبىرى سۇلق ءتۇسىپ جەردە جاتىپ قالعانى، وعان وزگە وقۋشىلار مەن ەرەسەك ادامداردىڭ جاردەم كورسەتۋگە تىرىسىپ جاتقانى كورىنەدى.

بەيسەنبى كۇنى الماتى وبلىستىق پوليتسياسى پەنجىم مەكتەبىندەگى توبەلەسكە بايلانىستى ءىس قوزعالعانىن حابارلادى.

“تەكسەرۋ بارىسىندا 9-شى جانە 10-سىنىپتىڭ ەكى شاكىرتى تاجىكەلەسىپ، ونىڭ اياعى توپتى وقۋشىنىڭ توبەلەسىنە ۇلاسقانى جانە ونىڭ سالدارىنان ءجاسوسپىرىمنىڭ زارداپ شەككەنى بەلگىلى بولدى. اتالعان فاكتى بويىنشا قىلمىستىق كودەكستىڭ 106-بابىنىڭ 2-بولىگى (“دەنساۋلىققا قاساقانا اۋىر زيان كەلتiرۋ”) بويىنشا قىلمىستىق ءىس تىركەلدى، جانجالعا قاتىسۋشىلاردىڭ بارلىعى انىقتالدى” دەپ جازىلعان پوليتسيا تاراتقان اقپاراتتا.

الماتى وبلىسى پانفيلوۆ اۋدانى پەنجىم اۋىلىنىڭ كىرەبەرىسى. 28 قازان 2021 جىل.

الماتى وبلىسى پانفيلوۆ اۋدانى پەنجىم اۋىلىنىڭ كىرەبەرىسى. 28 قازان 2021 جىل.

ءباسپاسوز قىزمەتى وبلىستىق پوليتسيا دەپارتامەنتى باسشىسى، پانفيلوۆ اۋدانى اكىمى مەن اۋىل اقساقالدارىنىڭ “پەنجىمدە جەرگىلىكتى حالىقپەن كەزدەسىپ، تۇسىنىك جۇمىسى جۇرگىزىلگەنىن” ايتادى.

پوليتسيا پەنجىم اۋىلى مەن كورشى ەلدىمەكەندەرگە كۇزەت قويعان.

بيلىكتى قولدايتىن قازاقستان حالقى اسسامبلەياسىنىڭ رەسمي وكىلى مايا بەكباەۆا بەيسەنبى كۇنى پەنجىم اۋىلىنداعى وقيعاعا بايلانىستى پىكىر ءبىلدىردى. “اۋىل تۇرعىندارى اراسىندا، ەتنوسارالىق قانداي دا ءبىر جانجال، اسىرەسە قاقتىعىس جوق ەكەندىگىن جانە وعان جول بەرىلمەيتىندىگىن ەرەكشە اتاپ وتكىم كەلەدى. جەرگىلىكتى تۇرعىندار – قازاقتار دا، ۇيعىرلار دا كوپ جىل بىرگە تۇرادى، ءبىر-بىرىمەن دوس ءارى كورشى، بارلىعى شىن جۇرەكتەن بەيبىتشىلىك پەن تىنىشتىقتى قالايدى” دەپ جازدى ول Facebook پاراقشاسىنا.

پارلامەنت دەپۋتاتتارى پەنجىمدەگى جانجال جايلى نە دەيدى؟

"شەتەلدە، ەلدە ىرىتكى سالىپ وتىرعاندار بار". دەپۋتاتتار پەنجىمدەگى جانجال جايلى نە دەيدى؟
00

پەنجىمدەگى جيىن، كىلت ۇزىلگەن تىكەلەي ەفير

بەيسەنبى كۇنى ازاتتىق تىلشىلەرى وقيعا بولعان پەنجىم اۋىلىنا باردى. ساعات 12:00-دە اۋىلداعى مادەنيەت ۇيىندە پانفيلوۆ اۋدانى اكىمى تالعات ومىراليەۆ، اۋداندىق پوليتسيا ءبولىمىنىڭ باستىعى جاندوس قاليەۆ جانە الماتى وبلىسى اكىمىنىڭ ورىنباسارى باتىرجان بايجۇمانوۆ جەرگىلىكتى حالىقپەن كەزدەستى.

زالدا وتىرعانداردىڭ ءبىرى ازاتتىق تىلشىسىنە كەشە بولعان جايت وسى اۋىلداعى ء“بىرىنشى وقيعا ەمەس” ەكەنىن ايتىپ كەلە جاتىر ەدى، ءدال سول ساتتە جينالىس باستالىپ كەتىپ، الگى ادام كوكەيىندەگىسىن تولىق ايتىپ ۇلگەرمەدى.

پەنجىم اۋىلىندا بولعان توتەنشە وقيعا تالقىلانعان جيىندا ءسوز العاندار ونداعان جىلدان بەرى قازاق پەن ۇيعىر بىرگە تۇرىپ كەلە جاتقان اۋىلدا تاتۋلىقتى ساقتاۋ، ءوزارا سىيلاستىق پەن قۇرمەت تانىتۋعا شاقىرىپ سويلەدى.

اۋىل تۇرعىندارى مۇنداي جايتتىڭ “بۇرىن دا بولعانىن”، قازىرگى “جاستار باسقاداي تاربيە الىپ، بولەكتەنۋدى” شىعارعانىن ايتىپ، بيلىكتى ىشكى ساياساتتا وسى ماسەلەلەرگە ءجىتى نازار اۋدارعا ۇندەدى.

سونىمەن بىرگە “شاڭىراققا قاراۋ”، “تۇرىپ جاتقان ەلدى سىيلاۋ” دەگەن سياقتى سوزدەر دە ايتىلدى. بازبىرەۋلەر ونداي ءسوزدى قولپاشتاپ قول سوقتى، الايدا كەلىسپەگەندەر دە بولدى. ءوز پىكىرىن كوپتىڭ الدىندا ايتپاق بولعان كەيبىرەۋگە ءسوز تيمەي قالدى. اۋىل تۇرعىندارىن اۋىزبىرشىلىككە شاقىرۋدى ماقسات تۇتقان جيىندا ايتىلعان اڭگىمەنىڭ اۋانىنان پەنجىمدە اسا كۇردەلى احۋال قالىپتاسقانى بايقالدى.

ازاتتىق تىلشىلەرى كوكەيكەستى ماسەلەگە بايلانىستى ءتۇرلى پىكىردەگى اۋىل ادامدارىنىڭ بارلىعىنا ميكروفون ۇسىنىپ، وي-تىلەگىن بىلمەك بولعان. بىراق مادەنيەت ۇيىندە ءوتىپ جاتقان جيىننان ازاتتىقتىڭ تىكەلەي ترانسلياتسياسى كەنەت ساعات 13:30 كەزىندە ينتەرنەتتەگى بۇعاتتاۋ سالدارىنان ءۇزىلىپ قالدى.

Related Articles

  • سامات ءابىش قالاي “سۇتتەن اق، سۋدان تازا” بولىپ شىقتى؟

    ازاتتىق راديوسى ساياساتتانۋشى دوسىم ساتپاەۆ ۇقك توراعاسىنىڭ بۇرىنعى ءبىرىنشى ورىنباسارى، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى سامات ابىشكە شىققان ۇكىم “قازاقستانداعى رەجيم بولاشاقتى ويلامايتىنىن كورسەتتى” دەيدى قازاقستاندىق ساياساتتانۋشى دوسىم ساتپاەۆ. ساراپشىنىڭ پايىمداۋىنشا، بيلەۋشى “ەليتا” جەكە ىستەرىمەن جانە تاساداعىكەلىسىمدەرمەن اۋرە بولىپ جاتقاندا ەلدە تاعى ءبىر جاڭا الەۋمەتتىك جارىلىسقا اكەلۋى مۇمكىن فاكتورلار كۇشەيىپ كەلەدى. ساياساتتانۋشىرەسەي ءوزىنىڭ ەكونوميكالىق مۇددەلەرى مەن گەوساياسي جوسپارلارىن كەڭىنەن جۇزەگە اسىرۋ ءۇشىن قازاقستاننىڭ ىشكى ساياساتىنا تىكەلەي اسەر ەتۋگە تىرىسىپ جاتۋى مۇمكىن دەپ تە توپشىلايدى. پۋتين “قاۋىپسىزدىك كەپىلى” مە؟ ازاتتىق: سونىمەن ۇزاق دەمالىس الدىندا وسىنداي ۇلكەن جاڭالىق جاريالاندى. مەيرام الدىندا، 19 ناۋرىزدا قازاقستاندىقتار ءماجىلىس دەپۋتاتىنىڭ پوستىنان سامات ابىشكە شىققان ۇكىم جايلى ءبىلدى. مۇنىڭ ءبارىنىڭ بايلانىسى بار ما الدە كەزدەيسوقتىق پا؟ دوسىم ساتپاەۆ: اڭگىمەنى بۇل ءىستىڭ قۇپيا

  • “گەوساياسات يلەۋىنە ءتۇسىپ قالۋىمىز مۇمكىن”. قازاقستاندا اەس سالۋعا قاتىستى ساراپشى پىكىرى

    ەلەنا ۆەبەر اتوم ەلەكتر ستانساسىن سالۋ جانە پايدالانۋ ەكولوگيالىق قاتەر جانە توتەنشە جاعدايدا ادام دەنساۋلىعىنا قاۋىپتى عانا ەمەس، وعان قوسا سوعىس بارىسىندا ۋكراينانىڭ زاپوروجە اەس-ىندەگى بولعان وقيعا سياقتى بوپسالاۋ قۇرالى دەيدى الەۋمەتتىك-ەكولوگيالىق قوردىڭ باسشىسى قايشا اتاحانوۆا. ول مۇنىڭ ارتىندا كوپتەگەن پروبلەما تۇرعانىن، قازاقستاندىقتارعا اەس سالۋ جونىندەگى رەفەرەندۋم قارساڭىندا بىرجاقتى اقپارات بەرىلىپ، وندا تەك پايدالى جاعى ءسوز بولىپ جاتقانىن ايتادى. ساراپشى اەس-ءتىڭ قاۋپى مەن سالدارى قانداي بولاتىنى جايىندا اقپارات وتە از دەپ ەسەپتەيدى. گولدمان اتىنداعى حالىقارالىق ەكولوگيالىق سىيلىقتىڭ لاۋرەاتى، بيولوگ قايشا اتاحانوۆا – رادياتسيانىڭ ادامدارعا جانە قورشاعان ورتاعا اسەرىن شيرەك عاسىردان استام زەرتتەپ ءجۇر. ول بۇرىنعى سەمەي پوليگونىندا جانە وعان ىرگەلەس جاتقان اۋدانداردا زەرتتەۋ جۇرگىزگەن. قاراعاندى ۋنيۆەرسيتەتىنىڭ گەنەتيكا كافەدراسىندا وقىتۋشى بولعان.

  • “قازاقستان دۇرىس باعىتتا”. دەكولونيزاتسيا، ۋكرايناداعى سوعىس جانە قاڭتار. بالتىق ەلشىلەرىمەن سۇحبات

    دارحان ومىربەك بالتىق مەملەكەتتەرىنىڭ قازاقستانداعى ەلشىلەرى (سولدان وڭعا قاراي): يرينا مانگۋلە (لاتۆيا), ەگيديۋس ناۆيكاس (ليتۆا ) جانە تووماس تيرس. سوۆەت وداعى ىدىراي باستاعاندا ونىڭ قۇرامىنان ءبىرىنشى بولىپ بالتىق ەلدەرى شىققان ەدى. ءوزارا ەرەكشەلىكتەرى بار بولعانىمەن، سىرتقى ساياساتتا بىرلىگى مىقتى لاتۆيا، ليتۆا جانە ەستونيا مەملەكەتتەرى ناتو-عا دا، ەۋرووداققا دا مۇشە بولىپ، قازىر كوپتەگەن ولشەم بويىنشا الەمنىڭ ەڭ دامىعان ەلدەرىنىڭ قاتارىندا تۇر. رەسەي ۋكرايناعا باسىپ كىرگەندە كيەۆتى بار كۇشىمەن قولداپ، تاباندىلىق تانىتقان دا وسى ءۇش ەل. سوعىس باستالعانىنا ەكى جىل تولار قارساڭدا ازاتتىق بالتىق ەلدەرىنىڭ قازاقستانداعى ەلشىلەرىمەن سويلەسىپ، ەكىجاقتى ساۋدا، ورتاق تاريح، رەسەي ساياساتى جانە ادام قۇقىعى تاقىرىبىن تالقىلادى. سۇحبات 8 اقپان كۇنى الىندى. “بىزدە قازاقستاندى دۇرىس بىلمەيدى” ازاتتىق: سۇحباتىمىزدى بالتىق ەلدەرى مەن قازاقستان اراسىنداعى ساۋدا قاتىناسى

  • باقسىلار ينستيتۋتى

    ساراپتاما (وقىساڭىز وكىنبەيسىز) ءبىرىنشى، ىلكىدە تۇركى بالاسىندا ارنايى قاعان قۇزىرەتى ءۇشىن جۇمىس ىستەيتىن كورىپكەل باقسىلار ينستيتۋتى بولعان. اتى باقسى بولعانىمەن حاننىڭ قىرىق كىسىلىك اقىلشىسى ەدى. كورىپكەل باقسىلار حان كەڭەسى كەزىندە الداعى قاندايدا ءبىر ساياسي وقيعا مەن سيتۋاتسيانى كۇنى بۇرتىن بولجاپ، ءدوپ باسىپ تالداپ ءھام ساراپتاپ بەرە الاتىن سونى قابىلەتتىڭ يەسى-ءتىن. ولاردى ساياسي كورىپكەلدەر دەپ اتاسا دا بولادى. حان ەكىنشى ءبىر ەلدى جەڭۋ ءۇشىن بىلەك كۇشىنەن بولەك كورىپكەل باقسىلاردىڭ ستراتەگيالىق بولجاۋىنا دا جۇگىنەتىن. قارسىلاس ەلدىڭ كورىپكەل باقسىلارى دا وڭاي ەمەس ارينە. ەكىنشى، ۋاقىت وتە كەلە ساياسي كورىپكەل باقسىلار تۇركىلىك بولمىستاعى ستراتەگيالىق مەكتەپ قالىپتاستىردى. تۇركى باقسىلارى قىتاي، ءۇندى، پارسى، ۇرىم ەلدەرىن جاۋلاپ الۋدا ماڭىزدى ءرول اتقاردى. ول كەزدەگى جاھاندىق جاۋلاسۋلار جەر، سۋ،

  • الماتىدا 5 باللدىق جەر سىلكىنىسى بولدى

    الماتى كوشەلەرىندە تۇرعان ادامدار. 24 قاڭتار 2024 جىل. 23 قاڭتار ساعات 00.09-دا الماتىدا قاتتى جەر سىلكىندى. قازاقستان توتەنشە جاعدايلار مينيسترلىگىنىڭ سەيسميكالىق بايقاۋ جانە زەرتتەۋ ۇلتتىق عىلىمي ورتالىعىنىڭ مالىمەتىنشە، جەر سىلكىنىسىنىڭ ەپيتسەنترى الماتىنىڭ وڭتۇستىك-شىعىسىنان 264 شاقىرىمدا، قازاقستان مەن قىرعىزستان شەكاراسىندا بولعان. جەر ءدۇمپۋىنىڭ ماگنيتۋداسى 6,7. مSك-64 شكالاسى بويىنشا الماتىدا جەر ءدۇمپۋى – 5 بالل، شىمكەنتتە 2 بالل بولعان. الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعاەۆ ادام شىعىنى مەن قيراعان عيماراتتار جايلى اقپارات تۇسپەگەنىن مالىمدەدى. تجد حالىقتى ليفت قولدانباۋعا، تەز ارادا ۇيلەرىنەن شىعىپ، قاۋىپسىز ايماق تابۋعا، گاز، سۋ جانە جارىقتى سوندىرۋگە شاقىردى. ۆەدومستۆو حالىقتى سابىر ساقتاۋعا ۇندەدى. ال ساعات 00:44-تە الماتىدا ءجۇر ءدۇمپۋى قايتالانعانى، ەكىنشى جەر سىلكىنىسى شامامەن 2-3 بالل بولعانى

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: