|  | 

Жаһан жаңалықтары

Блинкен: Орыстар үйлеріңізге кірсе, кейде оларды шығару өте қиын болады


АҚШ мемлекеттік хатшысы Энтони Блинкен.

АҚШ мемлекеттік хатшысы Энтони Блинкен.

АҚШ басым бөлігі ресейлік әскерилерден құралған ҰҚШҚ әскерінің Қазақстанға кіргеніне қатысты сауалдары бар. Бұл туралы АҚШ мемлекеттік хатшысы Энтони Блинкен НАТО елдері қорғаныс министрлерінің онлайн жиынынан соң мәлімдеді.

Блинкен Қазақстан билігінің бейбіт наразылардың құқығын бұзбай, өз күшімен қоғамдық тәртіпті орнатуға мүмкіндігі бар деп санайды.

“Неге Қазақстанға шеттен көмек керек болғаны түсініксіз, себебін жақын уақытта білуге тырысамыз” деді ол.

АҚШ мемлекеттік хатшысы “Жаңа тарих көрсеткендей, орыстар үйлеріңізге кірсе, кейде оларды шығару өте қиын болады” деді Блинкен.

Бұған дейін АҚШ Қазақстан билігін мәселені бейбіт жолмен шешуге шақырған еді.

Отқа оранған Алматы әкімдігінің 7 қаңтардағы көрінісі.

Қазақстанда билікке қарсы наразылық қанды қақтығысқа ұласқан соң Қазақстан президенті Тоқаев ҰҚШҰ-дан көмек сұраған. 1992 жылы Мәскеудің бастамасымен құрылған ұйым осыдан соң Қазақстанға әскер жіберген. Елге келген әскерилердің басым бөлігі – Ресейден. Бұдан бөлек, ұйымға мүше Беларусь, Армения және Қырғызстан да әскер жіберді.

Тоқаев елге шабуылды “террористер” жасады деп мәлімдеп, күштік құрылымдарға ескертусіз оқ атуға рұқсат берген.

Ресей қорғаныс министрлігі ҰҚШҰ әскерилері “антитеррорлық операцияға қатыспайтынын”, нысандарды күзететінін мәлімдеді. Ресей басшысы Путин Қазақстандағы жағдайға қатысты ресми мәлімдеме жасамады.

Батыстағы және Ресейдегі кейбір сарапшылар Путин Совет одағын қалпына келтіруді тырысып жатыр деп санайды. Кремль мұндай жоспардың жоғын айтып келеді.

Related Articles

  • АҚШ президенті Тайваньді қорғау үшін әскери күш қолдануға дайын екенін мәлімдеді

    АҚШ президенті Джо Байден Президент Джо Байден, егер Қытай басып кірер болса, АҚШ-тың Тайваньді әскери жолмен қорғауға дайын екенін растады. “Бұл мойнымызға алған міндетіміз” деді Байден Токиода өткізген баспасөз конференциясында. АҚШ президенті мұнда жексенбі күні Азия елдеріне сапары барысында келген. Бұл ақпаратты Associated Press таратты. “Қытайдың Тайваньға күш қолдану жөніндегі кез-келген талпынысы жөнсіз болады, өйткені ол әрекет Украинадағы жағдай сияқты тұтас аймақтың тыныштығын бұзады” деп мәлімдеді Байден. АҚШ президентінің сөзінше, Ресейдің Украинаға басқыншылығынан кейін Тайваньді қорғаудың өзектілігі арта түскен. Байден сөзінен кейін Қытай Сыртқы істер министрлігінің ресми өкілі Ван Вэньбинь “Тайвань – Қытайдың ажырамас бөлігі” деп мәлімдеді. “Тайвань мәселесі — тек қана Қытайдың ішкі ісі”, — деген Вэньбинь, бұл мәселе бойынша келісімпаздық болмайтынын айта кетті. Бұрын АҚШ Тайваньға қауіпсіздік кепілінін беруден тартынып келген. 1979 жылдан бері АҚШ-тың Тайваньмен байланысын

  • Батыс берген қару-жарақ Украинаға көмектесе ала ма? Сарапшымен сұхбат

    Рид СТЭНДИШ Әскери беренді техникаға мініп келе жатқан украин жауынгерлері. Украина құрлық әскері баспасөз қызметі 2022 жылғы 19 сәуірде жариялаған сурет. Ұлыбританиядағы Консервативтік партияның қауіпсіздік мәселелері жөніндегі бұрынғы кеңесшісі, Article 7 консалтинг тобының бас директоры Гарван Уолш Батыстың әскери техникасы Украинаға қалай көмектесе алатынын, соғыстың ендігі кезеңі неліктен логистикаға байланысты екенін айтты. Ресей әскері Украинаның шығысындағы шабуылын күшейте бастаған шақта, Батыс елдері Киевті қуатты қару-жарақпен қамтамасыз етуге тырысып жатыр. Украина бұл соғыста табандылықпен қарсылық танытып, Ресей әскері елдің солтүстігінен кетті. Бірақ сарапшылар соғыстың ендігі кезеңі Батыстың әскери көмегі қандай болатынына байланысты өрбиді дейді. Жуырда АҚШ Украинаға қауіпсіздігін нығайтуға 800 млн доллардың көмегін беруді мақұлдаған. Словакия, Балтық елдері, Канада секілді басқа мемлекеттер

  • Қара теңізде Ресейдің “Мәскеу” крейсері суға батты. Оған не болды?

    Марк КРУТОВ “Мәскеу” крейсері Ресейдің Қара теңіздегі әскери флотының флагманы болған. 14 сәуір кешке Ресей қорғаныс министрлігі елдің Қара теңіздегі әскери флотының флагманы – “Мәскеу” крейсері суға батқанын хабарлады. Сарапшылар зымыран қаруы бар крейсерден айырылу Ресей флотына елеулі соққы болып тиетінін айтады. 13 сәуір кешке Украинаның Одесса облыстық әскери әкімшілігінің басшысы, полковник Максим Марченко telegram-каналына Ресейдің Қара теңіз флотының флагманы (жолбасшы кеме) саналатын, зымыранмен жабдықталған “Мәскеу” крейсеріне Украинаның кемеге қарсы екі “Нептун” зымыраны тигенін жазды. Бірнеше сағаттан кейін Ресей қорғаныс министрлігі ТАСС агенттігіне кемеде өрт болғанын растады. Әскери ведомство “Өрт салдарынан “Мәскеу” зымыран крейсерінде оқ-дәрі қоры жарылды. Кемеге едәуір зақым келді. Экипаж толықтай эвакуацияланды” деп мәлімдеп, өрттің шығу себебі анықталып жатқанын айтқан.

  • Ресей әскері Донбассқа шоғырланды. Украина соғыстың жаңа кезеңіне қалай дайындалып жатыр?

    Рид СТЭНДИШ Донбасстағы сепаратистер. АҚШ теңіз әскерінің отставкадағы полковнигі, Вашингтондағы стратегиялық және халықаралық зерттеулер орталығының кеңесшісі Марк Кансиан Азаттыққа сұхбат берді. Ол Украинадағы соғыстың келесі кезеңінде не болатынын, неліктен Киевке оқ-дәрі көбірек қажет екенін және Ресей әскерінің тығырыққа тірелу себептері туралы айтты. Украинадағы соғыс елдің шығысы мен оңтүстігіне ойысып жатқанда, Киев НАТО елдерінен Ресей әскерін жоюға қажет қару-жарақ сұрады. Жуырда Чехияның Украинаға совет кезінде жасалған Т-72 танкін, гаубица мен брондалған техникасын жібергені белгілі болды. Осылайша олар Киевтің өтінішіне құлақ асып, қолдаудың жаңа деңгейіне өткенін білдіргендей болды. Польша, Ұлыбритания секілді елдер де қару-жарақ жіберіп жатыр. Украинаға жүздеген миллион доллар жұмсағанын мәлімдеген АҚШ та қосымша құрал-жабдықтарын тасымалдап жатыр. Дегенмен Украина күштеріне енді тактиканы өзгертіп,

  • Британдық Мастиф(british mastiff vehicle)

    НАТО Украинаға ауыр қару-жарақ жеткізуді бастайтын болды. Олардың арасында 90 жылдары шыққан AS-90 бар. AS-90: Массасы – 45,0 тонна Ұзындығы – 9,07 м Ені – 3,5 м Биіктігі – 2,49 м Қозғалыс кезіндегі экипаж – 5 (1 жүргізуші + 4 зеңбірекші), көмекшілерді қосқанда 10 адам Құрыш – максималды 17 мм болат Негізгі қару – 155 мм L31 39 калибрлі атқыш түтікше (48 патрон) Қосалқы қару – 7,62 мм НАТО L7 жалпы мақсаттағы автоматты пулемет Қозғалтқыш – Cummins VTA903T V8 дизельді қозғалтқышы 660 ат күші (493 кВт) Массалық Қуаты – 14,66 ат күші/т Суспензия – Гидропневматикалық (Гидрогаз) Операциялық аумақ – 420 км жол Максималды жылдамдық – 53 км/сағ Британияның Украинаға жіберген

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: