|  |  | 

Köz qaras Sayasat

Aqorda Nazarbaev pen onıñ jaqındarına qarsı nauqan bastadı ma?


Qazaqstannıñ bwrınğı prezidenti Nwrswltan Nazarbaev pen onıñ izbasarı Qasım-Jomart Toqaev Naurız merekesinde. Nwr-Swltan 2019 jıl.

Qazaqstannıñ bwrınğı prezidenti Nwrswltan Nazarbaev pen onıñ izbasarı Qasım-Jomart Toqaev Naurız merekesinde. Nwr-Swltan 2019 jıl.

Qazaqstanda qaqtığıstar legi basılıp, prezident Qasım-Jomart Toqaev bilikti qolına alğanğa wqsaydı. Endi nısanağa eks-prezident Nwrswltan Nazarbaev pen onıñ tuıstarı ilinetin körinedi.

Qazaqstanda beybit jiın türinde bastalğan narazılıqtarğa qarulı toptar aralasıp, Almatı men basqa qalalarda qandı qırğınğa wlasqan edi. Eldegi jağday endi twraqtalıp keledi.

Tärtipsizdikter kezinde elde qazirgi prezident Qasım-Jomart Toqaev pen bilikten ketken soñ da birşama tetikti saqtap qalğan eks-prezident Nwrswltan Nazarbaevtıñ arasında bilikke talas bolıp jatqanı bayqaldı.

Eldegi tärtipsizdikter toqtağanğa wqsaydı, al birinşi prezident Nwrswltan Nazarbaev pen onıñ jaqındarın ne kütip twrğanı belgisiz.

Basında bilikke tartısta kim jeñedi degen kümän bolğanımen, 11 qañtarda Toqaev oğan nükte qoyğanday boldı. Parlament sessiyasına qatısqan ol Nazarbaevtıñ kenje qızı Äliya Nazarbaevağa tiesili kompaniyanıñ jwmısın, qıruar şığın ketetin memlekettik biznesti toqtatudı bwyırdı.

“Käsipkerler men jalpı qoğamda “Operator ROP” kompaniyasınıñ qızmetine baylanıstı saualdar köp” dedi Toqaev.

2015 jılı qwrılğan “Operator ROP” elde monopoliya ornatqan.

Ekologiya, geologiya jäne tabiği resurstar ministri Serikqali Brekeşev 12 qañtardağı Ükimet otırısında 2016 jıldan beri kompaniyağa 692 milliard tenge (şamamen 1,6 milliard dollar) qarajat tüskenin ayttı.

Kompaniyanıñ veb-saytında Nazarbaevtıñ fotosında öñir äkimderin “Operator ROP” kompaniyasımen jwmıs isteuge şaqırğan sözi jazılğan.

11 qañtarda Toqaev Nazarbaev otbasınıñ qıruar baylığı men mülkine qauip tönip twrğanın anıq bayqattı.

5 qañtarda Toqaev Qazaqstan Qauipsizdik keñesiniñ törağası bolğanın jariyaladı. Mwnı köbi 81 jastağı Nazarbaevtıñ basına bwlt üyirilgeniniñ belgisi dep tüsindi.

Nazarbaev 2019 jılı naurızda prezidenttikten ketip, ornına Toqaevtı qaldırğan soñ da osı qızmet arqılı ıqpalın saqtap otırğan.

9 qañtarda Nazarbaevtıñ baspasöz hatşısı Aydos Ükibay Nwrswltan Nazarbaev Qauipsizdik keñesi törağalığınan öz erkimen ketkenin mälimdedi. Biraq onıñ sözin bilik ökilderiniñ eşbiri qaytalamadı.

“Elbası” Nwrswltan Nazarbaevtıñ qayda ekeni jaylı qaueset köp. Ol 28 jeltoqsannan beri halıq aldına şıqpağan. Al 8 qañtarda Aydos Ükibay Nazarbaevtıñ Nwr-Swltan qalasında ekenin jazdı.

11 qañtardağı sözinde Toqaev birinşi prezidenttiñ “arqasında” elde “öte tabıstı kompaniyalar men halıqaralıq deñgeydegi bay adamdardıñ tobı payda boldı” dedi.

Toqaev “Qazaqstan halqına” degen arnayı äleumettik qor qwrılatının, oğan käsiporındar “qomaqtı jäne jüyeli türde jarna” salatının mälimdedi.

Ol ükimetke kompaniyalar tobın anıqtap, olardıñ osı qorğa jıl sayın salatın jarna mölşerin kelisudi tapsırdı.

Toqaev “Adamdarğa aqşa beretin jäne kömektesetin kez keldi dep senemin” dedi.

Toqaev naqtı eşkimniñ atın atamadı. Biraq onıñ qajeti de şamalı.

“Qazaqmıs” basşısı Vladimir Kim nemese bankir Bolat Ötemwratov sekildi Nazarbaevqa jaqın adamdar onıñ otız jıldıq biligi kezinde milliardtağan dollar payda tapqanı belgili.

Qasım-Jomart Toqaev

Qazaqstanda Nazarbaevtıñ otbası müşeleri de adam aytqısız bay ekenin bäri biledi. Bwl turalı Azattıq radiosınıñ 2020 jılğı jeltoqsandağı zertteuinde tolıq jazılğan.

Nazarbaevtıñ ekinşi qızı Dinara men onıñ küyeui Timur Qwlıbaevtar Qazaqstandağı eñ bay adamdardıñ tizimine engen. Olardıñ aktivi 1 milliard dollardan asadı.

Juırdağı oqiğağa deyin Batıs baspasözinde Qazaqstan tek Nazarbaev otbasına tiesili baylıq jaylı materialdarda atalatın. Atap aytqanda, olardıñ Europa, AQŞ, Dubaydağı villaları men sarayları, jeke wşaqtarı men yahtaları jaylı maqalalarda kezdesetin.

Qazir Nazarbaevtıñ otbası müşeleriniñ qayda ekeni belgisiz.

12 qañtarda Nazarbaevtıñ ülken qızı, Parlament deputatı Dariğa Nazarbaevanıñ kömekşisi onıñ koronavirus jwqtırıp, Almatıda jatqanın, parlament otırısına sol üşin qatıspağanın ayttı.

Dariğa Nazarbaeva senat spikeri kezinde jinalıs ötkizip otır. Nwr-Swltan, 13 aqpan 2020 jıl.

Dariğa Nazarbaeva senat spikeri kezinde jinalıs ötkizip otır. Nwr-Swltan, 13 aqpan 2020 jıl.

Sol küni Qırğızstandağı 24.kg veb-saytında Nazarbaevtıñ inisi Bolat 6 qañtarda tañerteñ Qırğızstanğa ötip, sol küni Bişkekten Dubayğa bağıt alğan wşaqqa otırğanın habarladı.

Bellingcat tergeu bölimi Bombardier Challenger 604 jeke wşağınıñ narazılıqtar bastalğan soñ eki künnen soñ, 4 qañtarda Almatıdan Jenevağa wşıp ketkenin anıqtadı.

Bellingcat dereginşe, bwl wşaq bwrın Europa elderine, Reseyge, Mal'div araldarına, Dubayğa barıp twrğan.

Bellingcat “5 qañtarda sağat 10 men 11 aralığında tirkeu nömiri men basqa da derekteri joq Bombardier Global 6000 wşağı Londonğa jaqın mañdağı Farnboro äuejayına qonğanın” habarladı. Bwl jer Wlıbritaniyağa barğan jeke wşaqtar qonatın orın sanaladı.

5 qañtarda qazaqstandıq eki wşaq Qırğızstannıñ Manas äuejayına qonıp, bireui Dubayğa, ekinşisi Soltüstik Makedoniyağa ketken. Wşaqtar Qırğızstanda tehnikalıq qızmet alıp, janarmay qwyu üşin az uaqıtqa ğana ayaldağan.

Qazaqstannan wşıp ketip nemese kelip jatqan jekemenşik wşaqtardıñ köbi Nazarbaevtıñ otbası müşeleri men jaqındarınıñ elden ketip qalğanın bildiretindey.

Toqaev Qazaqstan biliginiñ Nazarbaevtardıñ soñına tüskenin aşıq aytpadı. Toqaevtıñ täuelsizdik alğalı “Elbasımen” jwmıs istegenin eskersek, oğan özi wzaq jıl qızmet etken otbası müşelerine abaylap şabuıldauğa tura keledi.

Biraq Toqaevtıñ Nazarbaev otbasın zañsız tabıstan ayıru äreketin qoğam qoldaydı. Bwl qoldau oğan birinşi prezidenttiñ köleñkesinen şığıp, öziniñ ükimetin qwrğan kezde kerek boladı.

Azat Europa / Azattıq radiosı

Related Articles

  • “Liderleri köregendik tanıtpağanda, birinşi qwrban Qazaqstan boluı mümkin edi”

    Reseylik sayasi qayratker, “Wlttıq sayasat institutı” halıqaralıq qauımdastığınıñ basqarma müşesi Andrey Piontkovskiy Qazaq elin janjalşıl alpauıtqa jem boludan ne qwtqarıp qalğanın ayttı. – PMEF-2022-degi atışulı mälimdemesinen keyin Prezident Qasım-Jomart Toqaev Katar ekonomikalıq forumına qatısıp, onda Resey Qazaqstannıñ senimdi odaqtası bolıp qala beretinin jetkizdi. Peterborda Mäskeudiñ solaqay sayasatın qoldamaytının mälimdegen soñ Toqaev Putinmen qayta kezdesip, kelissöz jürgizipti. Osı orayda qazaqstandıq oppoziciya jäne birqatar şeteldik sarapşılar Qazaqstan Prezidentiniñ “demarşın” Mäskeudiñ közboyauşı, qwytwrqı “mnogohodovkası” dep tüsindire bastadı. Jariya türde qoldamağanımen, jasırın kömek körsetpek-mıs…  – Mwnday konspirologiyağa negiz joq. Öytkeni Qazaqstan unitarlı memleketterdi özge alpauıttardıñ bölşekteuin ob'ektivti türde qolday almaydı. Kreml' Ukrainanıñ orıstildi oblıstarın bölip alıp, odan kvazirespublikalar qwruğa tırısuda. Mwnday soraqılıqtı qoldasa, Qazaqstannıñ

  • “Qısım körsetu qwralı”. Toqaev Resey wsınğan AES-ti saluğa nege asıqtı?

    Elena VEBER Balqaş köli jağasında ornalasqan Ülken auılındağı qañırap twrğan ğimarattar. Almatı oblısı, 13 säuir 2019 jıl. Balqaşqa atom elektr stanciyasın (AES) saludan qanday qauip bar? Reseyden yadrolıq tehnologiya satıp alu Qazaqstandı Mäskeuge “baylap qoyatını” ras pa? Qazaqstan biligi qauipti nısannıñ qwrılısına rwqsat bermes bwrın halıqtıñ pikirin nege swramadı? Azattıq bwl taqırıpta KEGOC korporaciyasınıñ bwrınğı basşısı, energetika jäne ekonomika salasınıñ sarapşısı Äset Naurızbaevpen söylesti. “KÜN ENERGIYASINIÑ BAĞASI – 14 TEÑGE, ATOM ENERGIYASI – 60 TEÑGE. TIİMDİSİ QAYSI?” Azattıq: Jaqında Qasım-Jomart Toqaev şeteldik investorlar keñesiniñ jiınında Qazaqstan AES salınatın jerdi belgilep, tehnologiya tañdap jatqanın, qwrılıs jwmıstarı keler jılı bastalatının ayttı. Prezidenttiñ bwl mälimdemesi asığıs jasalğan joq pa? Äset Naurızbaev. Äset Naurızbaev: Prezident energetika salasınıñ mamanı emes.

  • Şabdarbaevtıñ WQK-ni men basqarğanda bäri tamaşa bolsa älgi jihadşılar men dağuatşılardıñ bäri aspannan tüsti me?

    Asılhan Mamaşwlı Äriptesim Manas Qayırtaywlına Amangeldi Şabdarbaev qısqa swqbat beripti. Köp närse aytıptı, Köñilime dıq etken twsın jazayın. Wlttıq qauipsizdik komitetin men basqarğanda (2005-2010 j) köşede saqaldılar, anau-mınau islamister aşıq jürgen joq, bärin qadağalap otırdıq depti. 2013 jıldıñ küzi edi. Tañerteñ jwmısqa kelsek, şamamen onnıñ kezinde, qaru asınğan 30-ğa juıq saqaldı jigittiñ Siriyadan Qazaqstanğa ündeu joldap twrğanın kördik. Qıramız-joyamız degen äñgime. Bwlar kim dep dereu äleujeliden izdep, Jezqazğan men Sätbaevtan Siriyağa “jihadşılap” ketkender ekenin jobaladıq. – Barasıñ ba,- dedi redakciya. Ömiri körmegen, eşkimdi tanımaytın jerim. -Baramın,-dedim. Sol küni tüsten keyin Jezqazğanğa wşıp kettim. Erteñine Jezqazğan bazarına barıp, bireudi köke, bäreudi jäke dep jürip, jiptiñ wşığın taptım. Biraz tarqattım. Sonda bayqağanım,

  • GERMANIYA NEGE SOĞIS AŞTI?

    Jazuşı-publicist Marat Bäydildawlı (Toqaşbaev): Erteñ, 22-mausımda Germaniyanıñ Sovet Odağına qarsı şabuıl bastağanına 81 jıl boladı eken. Jıl sayın osınday kezeñde «1941 jılı 22 mausımda faşistik Germaniya opasızdıqpen soğıs jariyalamastan Sovet Odağına basıp kirdi» degen qwlaqqa siñisti twjırım kezekti ret qaytalanıp jatadı. Osı şındıqqa üylese me? Nemisterdiñ opasızdıqpen basıp kirgeni ras pa? Resey tarihşıları 2009 jılğa deyin bwl taqırıpqa auız aşıp körgen emes. Öytkeni aqiqattı aytuğa jol berilmeytin. Tarihi qwjattar bolsa ne deydi? Tarihi qwjattar Germaniya 1941 jılı 21 mausımda soğıs jariyalau turalı Berlinde äzirlengen qwjattıñ 22-mausımğa qarağan tünde Mäskeudiñ resmi ökilderine tapsırılğanın aytadı. Germaniya elşisi Verner fon der Şulenberg 1941 jılı 22 mauımda Kreml'ge kelip, qabıldau bölmesinde birneşe sağat tosıp,

  • Qazaq tilin tehnikalıq tilge aynaldıruğa memleket tarapınan qoyılıp jatqan kedergiler jöninde

    QR Industriya jäne infraqwrılımdıq damu ministrligi – MIIR RK Qwrılıs jäne twrğın üy-kommunaldıq şaruaşılıq isteri komiteti üş jıldan beri qazaq tiline auısa almay keledi. Quanysh Ádilhanuly tarapınan mıñ hat jazılğan. Oğan «qarastıramız, saralaymız, oylastıramız, pilottıq qılıp jasaymız» degen mıñ jauap keldi. Biraq mäsele sonımen şeşilmey qaldı. Äñgime memleket tarapınan qarjılandıratın qwrılıs jobalarınıñ (PSD) qazaq tilinde jasaluı turalı bolıp otır. Qazir onıñ barlığı tek bir tilde – orısşa jasaladı. Sebep – tapsırıs beruşi tarapınan onday talap joq. Bir qızığı, jobanı jasau üşin qajetti Qazaqstan Respublikasınıñ Qwrılıs normaları, Qwrılıs Erejeleri jäne basqa da memlekettik standarttar men tehnikalıq talaptardıñ, normativti-tehnikalıq qwjattardıñ tolıq qazaqşa nwsqası bar. Qazaq tildi injenerler men basqa da tehnikalıq mamandar

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: