|  |  |  | 

جاھان جاڭالىقتارى ساياسات سۇحباتتار

رەسەي اسكەرى دونباسسقا شوعىرلاندى. ۋكراينا سوعىستىڭ جاڭا كەزەڭىنە قالاي دايىندالىپ جاتىر؟


دونباسستاعى سەپاراتيستەر.

دونباسستاعى سەپاراتيستەر.

ۋكرايناداعى سوعىس ەلدىڭ شىعىسى مەن وڭتۇستىگىنە ويىسىپ جاتقاندا، كيەۆ ناتو ەلدەرىنەن رەسەي اسكەرىن جويۋعا قاجەت قارۋ-جاراق سۇرادى.

جۋىردا چەحيانىڭ ۋكرايناعا سوۆەت كەزىندە جاسالعان ت-72 تانكىن، گاۋبيتسا مەن بروندالعان تەحنيكاسىن جىبەرگەنى بەلگىلى بولدى. وسىلايشا ولار كيەۆتىڭ وتىنىشىنە قۇلاق اسىپ، قولداۋدىڭ جاڭا دەڭگەيىنە وتكەنىن بىلدىرگەندەي بولدى. پولشا، ۇلىبريتانيا سەكىلدى ەلدەر دە قارۋ-جاراق جىبەرىپ جاتىر. ۋكرايناعا جۇزدەگەن ميلليون دوللار جۇمساعانىن مالىمدەگەن اقش تا قوسىمشا قۇرال-جابدىقتارىن تاسىمالداپ جاتىر.

دەگەنمەن ۋكراينا كۇشتەرىنە ەندى تاكتيكانى وزگەرتىپ، ەلدىڭ شىعىسى مەن وڭتۇستىگىنە شوعىرلانعان رەسەي اسكەرىنە توتەپ بەرۋگە باسىمدىق بەرۋگە تۋرا كەلەتىن شىعار. ول جاقتا رەسەيلىكتەر كيەۆ پەن ەلدىڭ سولتۇستىك-شىعىسىنداعى اسكەرگە قاراعاندا الدەقايدا ىڭعايلى پوزيتسيادا وتىر. ۋكراينا اسكەرى كيەۆ ماڭىنداعى جانە ەلدىڭ سولتۇستىك-باتىسىنداعى اسكەرگە تانكتەرگە قارسى زەڭبىرەكتەر مەن قولدا بار قارۋىن پايدالانىپ قارسى تۇرا العان ەدى.

سوعىستا ەداۋىر شىعىنعا ۇشىراعان رەسەي قازىر اسكەرىن توپتاستىرىپ، قايتا قارۋلاندىرىپ، ۋكرايناعا باسقىنشىلىق جوسپارىن قايتا سۇزگىدەن وتكىزىپ جاتىر. ماسكەۋ ءماريۋپولدى، رەسەي قولداپ وتىرعان سەپاراتيستەر قولىنداعى دونەتسك پەن لۋگانسك جەرىن تۇگەلىمەن باقىلاۋعا الىپ، وسى اۋداندارداعى ۋكراينا كۇشتەرىن قورشاۋعا الۋدان ءۇمىتتى.

ۆارشاۆاداعى سوعىسقا قارسى اكتسيا. 9 ءساۋىر 2022 جىل.

ۆارشاۆاداعى سوعىسقا قارسى اكتسيا. 9 ءساۋىر 2022 جىل.

ازاتتىق راديوسى اقش تەڭىز اسكەرىنىڭ پولكوۆنيگى، ۆاشينگتونداعى ستراتەگيالىق جانە حالىقارالىق زەرتتەۋلەر ورتالىعىنىڭ كەڭەسشىسى مارك كانسيانمەن سوعىستىڭ قالاي ءوربيتىنى جونىندە سۇحباتتاستى.

ازاتتىق: ماسكەۋ سوعىستى دونباسس پەن ۋكراينانىڭ وڭتۇستىگىندە جۇرگىزۋگە تىرىسىپ جاتىر. بۇل شايقاس قالاي بولادى؟ ۋكراينانىڭ ەندى جاقسى قارۋلانىپ، كۇشەيىپ العان رەسەي اسكەرىمەن شايقاساتىنىن ەسكەرسەك، بۇل ۇرىس كيەۆ ماڭىنداعى سوعىستان نەسىمەن ەرەكشەلەنۋى مۇمكىن؟

مارك كانسيان: رەسەي اسكەرى وسىدان ءۇش اپتا بۇرىن ىستەۋى كەرەك ارەكەتكە ەندى بارىپ جاتىر دەپ ويلايمىن. ياعني، اسكەرىن وزدەرى باسىم تۇسكەن وبلىستارعا شوعىرلاندىرىپ جاتىر. وڭتۇستىكتە – ماريۋپول ماڭىنا، شىعىستا سولتۇستىك جانە دونباسس وبلىسىنان شابۋىل جاسايدى.

رەسەي باسقىنشىلىعىنىڭ نەگىزگى ماقساتتارىنىڭ ءبىرى دونباستا باسىپ العان جەرىن ۇلكەيتىپ، وسى ماڭداعى اۋدانداردى باسىپ الۋ ەدى. سوندىقتان سول جاققا اسكەر شوعىرلاندىرىپ جاتقانى تاڭ قالدىرمايدى. بۇل جاعدايدى رەسەيلىكتەر قولداۋى مۇمكىن بولعاندىقتان، ۋكراينالىقتار ءۇشىن ازداعان قاۋىپ بار.

ۋكراينا اسكەرى قورعانىستا تاباندى بولدى. ەندى رەسەيلىكتەر اسكەرىن ارتتىرىپ، كەيبىرىن [باسقا اۋدانداردان] جيناپ جاتقاندا، ۋكراينا اسكەرىنىڭ ورنىن اۋىستىرىپ، قايتا قارۋلاندىرۋ قاجەت. اسىرەسە، كيەۆ ماڭىنداعى اسكەر كوپ زارداپ شەكتى. قارۋ-جاراق تابۋعا، قوسىمشا كۇش جيناۋعا، اسكەردىڭ دەمالىپ الۋىنا جانە قايتا رەتكە كەلۋىنە ۋاقىت كەرەك.

اۋرۋحانا اتقىلاۋعا ۇشىراعاننان كەيىن دارىگەرلەر پاتسيەنتتى جەرتولەگە ورنالاستىرعان. نيكولاەۆ، 5 ءساۋىر 2022 جىل.

اۋرۋحانا اتقىلاۋعا ۇشىراعاننان كەيىن دارىگەرلەر پاتسيەنتتى جەرتولەگە ورنالاستىرعان. نيكولاەۆ، 5 ءساۋىر 2022 جىل.

ازاتتىق: باتىس بارلاۋشىلارى رەسەي پرەزيدەنتى ۆلاديمير پۋتين 9 مامىر كۇنى وتەدى دەپ جوسپارلانعان ءداستۇرلى پارادقا دەيىن «جەتىستىككە جەتۋدى» قالاپ وتىر دەيدى. بۇل ەندى سوعىستىڭ قالاي وربۋىنە اسەر ەتە مە جانە رەسەي، ۋكراينا جانە باتىس ەلدەرىنە قىسىم بولماي ما؟

مارك كانسيان: بۇل داتانىڭ اسكەري وپەراتسياعا قالاي اسەر ەتۋى مۇمكىن ەكەنى بەلگىسىز.

گەنەرالدار شىعىستاعى قادامدارىن، ەندى نە ىستەيتىندەرىن انىق بايقاتقانداي بولدى دەپ ويلايمىن. ولار باسقا وبلىستارداعى شابۋىلدى توقتاتتى. رەسەيلىكتەردە سوعىسۋعا تاعى ءبىر اي [ۋاقىت] بار ما، مىنە، وسى جاعى انىق ەمەس.

ولاردا شىعىن كوپ بولدى، [اسكەردىڭ] رۋحى ءتۇستى. ولاردا ۋاقىت جاعىنان شەكتەۋ بار دەپ ويلايمىن. جۋىق ارادا جەڭىسكە جەتپەسە، ولار تىعىرىققا تىرەلەدى. بۇل رەسەي اسكەرى ءۇشىن وتە جامان.

ازاتتىق: باتىس ەلدەرى ۋكراينانىڭ شابۋىلداۋىنا قاجەت قارۋ-جاراقتاردى مولىنان جىبەرىپ جاتقانىنا كۋا بولىپ وتىرمىز. باستاپقىدا باتىس ولاي ىستەۋگە ىقىلاس بىلدىرمەگەن. باتىس جىبەرىپ جاتقان قارۋ-جاراق ۋكراينانىڭ سوعىستا باسىمدىققا يە بولۋىنا كومەكتەسە مە؟ كيەۆ ءوزى سۇراعان قارۋ-جاراقتى الا الا ما؟

مارك كانسيان: باتىس ۋكرايناعا بۇعان دەيىن قولدانىپ كەلگەن نەمەسە ۇيرەنۋى جەڭىل قۇرالدار جىبەرىپ جاتىر. ولاردىڭ اراسىندا Javelin زىمىراندارى، تانككە قارسى ءتۇرلى زىمىراندار، Stinger جانە وزگە دە زەنيتتى راكەتالار بار.

[قارۋ جىبەرۋ] جالعاسا بەرەدى دەپ ويلايمىن. ولار ۋكرايندار قولدانىپ جۇرگەن، وڭاي ۇيرەنۋگە بولاتىن جانە ماتەريالدىق-تەحنيكالىق بازاعا جەڭىل ەنەتىن ءىرى قارۋ دا جىبەرىپ جاتىر. [بىراق] بۇلاردى بارىنشا كەڭەيتۋ قيىنعا سوعادى دەپ ويلايمىن.

[ۋكراينا پرەزيدەنتى ۆلاديمير] زەلەنسكي ناتو ۇشاقتارى مەن تانكتەرىنىڭ ءبىر پايىزىن سۇرادى. بىراق قولدانىلىپ جۇرمەگەن قارۋدى جەتكىزۋگە، ۇيرەتۋگە جانە تاسىمالداۋعا ايلار، ءتىپتى، جىلدار كەتەدى. سوندىقتان [امەريكادا جاسالعان] م-1 تانكتەرىن ۋكراينادا كورمەيسىز.

ەكىنشى جاعىنان، ولارعا ت-72 [تانكتەرىن] جىبەرۋدىڭ دە ۇلكەن ءمانى بار. پولشاداعى Mيگ-29 دا ۋكرايناعا جەتكىزىلەدى دەپ ويلايمىن. ءباسپاسوز كونفەرەنتسياسىندا اقش قارۋ تاسىمالداۋدى اشىق كورسەتپەيتىنىن اڭعارتتى. ولار مۇنى ت-72 جاعدايىندا ىستەگەندەي بىلدىرتپەي جەتكىزۋى مۇمكىن. ولار قارۋدىڭ قايدان جانە قالاي كەلگەنىن ايتپادى، بىراق بۇل قارۋ ۋكراينادا پايدا بولدى.

براتيسلاۆاداعى رەسەي باسقىنشىلىعىنا قارسى اكتسيا. 11 ناۋرىز 2022 جىل.

براتيسلاۆاداعى رەسەي باسقىنشىلىعىنا قارسى اكتسيا. 11 ناۋرىز 2022 جىل.

ازاتتىق: ۋكراينالىقتار الۋى مۇمكىن قارۋدىڭ تۇرلەرىنە ءمان بەرگەن قانشالىقتى دۇرىس؟ قارۋدىڭ جاڭا تۇرلەرى الداعى اپتالاردا ۋكرايناعا باسىمدىق بەرە الا ما؟

مارك كانسيان: ەڭ باستىسى – اسكەردىڭ قۋاتىن كورسەتەتىن وسى وق-ءدارى.

باتىس تەك تانككە قارسى قارۋ [مەن] زەنيتتى قارۋ عانا ەمەس، ارتيللەريالىق سناريادتار مەن وقتار، كۇندەلىكتى قاجەت زاتتار جىبەرىپ جاتىر. بۇل ۋكراينانىڭ سوعىس الاڭىنداعى ارەكەتتەرىن قامتاماسىز ەتەتىندىكتەن، ۇلكەن ءمانى بار. بۇل ولارعا سوعىس باسىندا قۇرىلىپ، قازىر ارەكەتكە كوشىپ جاتقان جاساقتاردى قارۋلاندىرۋعا مۇمكىندىك بەرەدى.

تانك پەن ۇشاق سەكىلدى ءىرى قارۋ كوزگە بىردەن تۇسەدى. ولاردى دا جىبەرۋ كەرەك. بىراق ەڭ باستىسى [قارۋ-جاراق] جىبەرۋدى توقتاتپاۋ ماڭىزدى.

رەسەيلىكتەر مۇنداي كومەك المايدى. ولار قارۋ-جاراق پەن ازىق-تۇلىكتى ەلدىڭ باسقا بولىگىنەن اكەلۋگە ءماجبۇر ءارى ونى كوپ مولشەردە وندىرمەيدى. ۋكراينا اسكەرى قورىن تولتىرىپ جاتقاندا، رەسەيدە بۇل ازايىپ جاتىر.

ازاتتىق: رەسەي كۇشتەرى ءماريۋپولدى باسىپ الىپ، ونى قىرىمعا قۇرلىق ارقىلى باراتىنداي كوپىر ەتۋگە، دونەتسك پەن لۋگانسك وبلىستارىنداعى وككۋپاتسيا اۋماعىن كەڭەيتىپ، ۋكراينانىڭ وسى اۋداندارداعى اسكەرىن جويۋعا تىرىسىپ جاتىر. رەسەي اسكەرى بۇل ماقساتتارىنا جەتە الا ما؟

مارك كانسيان: كەيىنگى بىرنەشە اپتادا ولار بۇكىل ەلدى جاۋلاپ الۋدى ماقسات ەتكەن ەدى. ونىمەن سالىستىرعاندا بۇل جۇزەگە اسۋى مۇمكىن ماقسات. الايدا بۇلاي بولۋى ەكىتالاي.

وسى ءۇش-ءتورت اپتادا رەسەي اسكەرى كوپ جەتىستىككە جەتە المادى. قازىر ولاردا سوعىسقا جۇمىلدىرۋعا بولاتىن بىرنەشە قۇرىلىم بار، بىراق كوپ ادامنان ايىرىلعان كۇشتەرىن جاڭارتۋعا ءبىرشاما ۋاقىت كەرەك.

كەيبىر دەرەك بويىنشا ولار 7-15 مىڭ ادامنان ايىرىلعان. قازا بولعاندار بۇدان دا كوپ بولۋى مۇمكىن. جارالانعاندار قازا تاپقانداردان ەكى ەسە كوپ بولعانىن ەسكەرسەك، قازىرگە دەيىن 40-50 مىڭ ادامنان ايىرىلعان بولۋى مۇمكىن. باسىندا اسكەريلەر سانى 150 مىڭ بولسا، ولار اسكەرىنىڭ تورتتەن بىرىنەن ايىرىلعان بولۋى ىقتيمال.

اۋعانستانداعى ون جىلعا سوزىلعان اسكەري قيمىلدار كەزىندە سوۆەت وداعى ون بەس مىڭعا جۋىق ادامنان ايىرىلعان. رەسەي سوعىستىڭ العاشقى ايىندا-اق وسىنشا ادام جوعالتتى.

(سۇحبات وڭدەلىپ، ىقشامدالدى)

ازات ەۋروپا / ازاتتىق راديوسى

Related Articles

  • سوعىسقا “لەوپارد” ارالاسپاق. نەمىستىڭ بۇل تانكىسى نەسىمەن مىقتى؟

    The Associated Press Reuters اگەنتتىگى نەمىستىڭ “لەوپارد 2″ (Leopard 2) تانكىسى. گەرمانيا بيلىگى ۋكرايناعا “لەوپارد 2″ (Leopard 2) تانكىسىن بەرۋگە جانە باسقا ەلدەرگە دە بۇل تانكىنى ۋكرايناعا جەتكىزۋگە رۇقسات بەردى. بۇل تانكىنى ۋكراينا بيلىگى گەرمانيادان بۇرىننان سۇراپ كەلگەن ەدى.بىراق بەرلين “لەوپارد” تانكىسىن كيەۆكە ۇزاق ۋاقىت بەرگىسى كەلمەدى. ۋكراينا قىزىققان بۇل تانك قانشالىقتى مىقتى؟ تۇسىندىرەمىز.  “لەوپارد 2″ دەگەن قانداي تانك؟  “لەوپارد 2″ تانكىسىن گەرمانيانىڭ Krauss-Maffei Wegmann كومپانياسى جاساعان. كومپانيا “لەوپاردتى” اتۋ قابىلەتى، قورعانىسى، جىلدامدىعى، ايلاسى جاعىنان “الەمدەگى ەڭ مىقتى تانك” دەپ سيپاتتايدى ءارى كەز كەلگەن جاعدايداعى شايقاسقا جارايدى دەيدى. 55 توننا تانكىگە ءتورت ادام سىيادى، ەڭ جوعارعى جىلدامدىعى – 68 كم/ساعات. بۇل تانكىنىڭ العاشقى نۇسقاسى 1979 جىلى جاسالعان. سودان بەرى گەرمانيا 3500-دەن

  • تاريحشى: باتىس ءسىبىر – بايىرعى قازاق جەرى. كوشىم حان – ۇلتتىق باتىرىمىز! 

    ابىلاي ماۋدانوۆ قوستانايلىق عالىم ءسىبىر جەرىن ورىس پاتشالىعىنان بۇرىن قازاق رۋلارى يگەرگەنىن كىتاپ قىلىپ باستىرماق، دەپ حابارلايدى Express Qazaqstan. تاريح عىلىمدارىنىڭ دوكتورى امانجول كۇزەمبايۇلىنىڭ ەسىمى عىلىمي ورتادا كەڭىنەن تانىمال. ول ۇنەمى “تاۋەلسىز ەل ءوز تاريحىن وزىندىك كوزقاراسى تۇرعىنان قاراپ، تالداپ، باعا بەرۋ كەرەك” دەگەن ۇستانىمدى ايتىپ كەلەدى. قوستانايلىق تاريحشى بىرنەشە جىل بۇرىن ۇلكەن ءبىر جوبانى قولعا الدى. بۇگىندە ول ۇلى ەركىن ابىلمەن بىرگە “التىن وردانىڭ باتىس ءسىبىر ۇلىسى: ەتنو-ساياسي تاريحى” اتتى ەڭبەك جازىپ جاتىر. بۇل كىتاپ الداعى جىلى (ورىس تىلىندە) جارىق كورمەك. مۇندا قازىرگى قازاقستاننىڭ شەكاراسىنان تىس قالعان بايىرعى قازاق جەرى مەن رۋلارىنىڭ كوپتەگەن تاريحى قامتىلادى.Express Qazaqstan ءتىلشىسى عالىمدى وسى تاقىرىپتا سوزگە تارتىپ، اڭگىمەلەسكەن ەدى. باتىس ءسىبىر — ءبىزدىڭ بايىرعى

  • WP: تسرۋ باسشىسى كيەۆكە جاسىرىن كەلىپ، رەسەي جوسپارى تۋرالى ايتقان

    ۋيليام بەرنس اقش ورتالىق بارلاۋ باسقارماسىنىڭ (تسرۋ) باسشىسى ۋيليام بەرنس وتكەن اپتادا كيەۆكە جاسىرىن كەلىپ، ۋكراينا پرەزيدەنتى ۆلاديمير زەلەنسكي جانە ۋكراين بارلاۋ قىزمەتىنىڭ باسشىلارىمەن كەزدەسكەن. بۇل جونىندە دەرەككوزگە سۇيەنگەن The Washington Post باسىلىمى جازدى. باسىلىم دەرەككوزىنىڭ ايتۋىنشا، بەرنس زەلەنسكيگە رەسەيدىڭ ۋكراينادا جوسپارلاپ وتىرعان ارەكەتتەرى تۋرالى حابار بەرگەن. امەريكا بارلاۋشىلارى مەن باتىس ساراپشىلارى ماسكەۋ ۋكراين ارمياسىنىڭ وق-ءدارى تاۋسىلىپ بارا جاتقانىن پايدالانىپ، الداعى ۋاقىتتا جاڭا شابۋىل دايىنداپ وتىرعانىن جوققا شىعارمايدى. دەرەكوزدىڭ ايتۋىنشا، زەلەنسكي اقش كونگرەسىنىڭ وكىلدەر پالاتاسىندا باقىلاۋ دەموكراتتاردان رەسپۋبليكالىقتارعا كوشكەننەن كەيىن ۋكراينا اقش پەن باتىس ەلدەرىنە قانشالىقتى ارقا سۇيەي الادى دەگەن سۇراقتىڭ جاۋابىن بىلگىسى كەلگەن. باسىلىمنىڭ جازۋىنشا، بەرنس كومەك الۋ ءسال قيىنداي تۇسەتىنىن راستاعان. WP جازۋىنشا، دەگەنمەن زەلەنسكي مەن كومەكشىلەرى كەزدەسۋدەن بايدەن اكىمشىلىگىنىڭ

  • NYT: اقش ۋكرايناعا قىرىمعا سوققى جاساۋ بويىنشا كومەك بەرۋدى قاراستىرىپ جاتىر

    قىرىم كوپىرى.  “ۋكراينا اسكەرىنىڭ رەسەي اننەكسيالاپ العان قىرىمعا سوققى جاساۋ مۇمكىندىگى بولۋى ءتيىس، بۇل كيەۆكە بولاشاق كەلىسسوزدەردە قوياتىن شارتتارىنىڭ سالماعىن ارتتىرۋعا جاعداي جاسايدى. اقش پرەزيدەنتى دجو بايدەن اكىمشىلىگىنىڭ پىكىرى وسى جاققا قاراي ويىسىپ بارادى” دەپ جازدى New York Times (NYT) باسىلىمى. گازەتتىڭ جازۋىنشا، رەسەي باسقىنشىلىعى باستالعالى بەرى اكىمشىلىك وكىلدەرى قاقتىعىس ۋشىعىپ كەتپەس ءۇشىن كيەۆكە تۇبەككە سوققى جاسايتىن قارۋ بەرۋدەن باس تارتقان. ەندى باسىلىمنىڭ مالىمەتىنشە، بايدەن اكىمشىلىگى ۋكراين شەنەۋنىكتەرىمەن ماسەلەنى تالقىلاعاننان كەيىن كيەۆكە مۇنداي قارۋ-جاراق كەرەك ەكەنىنە كوزى جەتە باستاعان ءتارىزدى. باسىلىمنىڭ جازۋىنشا، امەريكا شەنەۋنىكتەرى مەن ساراپشىلارىنىڭ رەسەي يادرولىق قارۋ قولدانادى دەگەن كۇدىگى دە سەيىلە باستاعان. دەگەنمەن مۇنداي قاتەر ءالى جويىلماعان. بىراق ماسەلە ۋكرايناعا الىسقا ۇشاتىن راكەتالاردى بەرۋ جونىندە بولىپ وتىرعان

  • سوعىس جاقىن ارادا اياقتالا ما؟ رەسەي ۇزاق سوعىسقا دايىن با؟ امەريكالىق ساراپشىلارمەن سۇحبات

    راديو سۆوبودا ۋكراين ساربازدارى سولەدار تۇبىندەگى مايداندا، دونەتسك وبلىسى. 11 قاڭتار 2023 جىل. بيىل سوعىس ۇزاققا سوزىلىپ، قوس تاراپ تاعى دا تەڭ تۇسە مە؟ ۋكراينامەن ۇزاق تەكەتىرەستە رەسەيدىڭ جەڭىسكە مۇمكىندىگى بار ما؟ ءبىرىنشى دۇنيەجۇزىلىك سوعىسقا قاراپ، ۋكرايناداعى سوعىس بارىسىن بولجاۋعا بولا ما؟ ازاتتىقتىڭ ورىس قىزمەتى (راديو سۆوبودا) بۇل ساۋالداردى امەريكالىق ساراپشىلار – ينديانا ۋنيۆەرسيتەتىنىڭ ەكونوميسى ميحايل الەكسەەۆپەن جانە سەتون-حولل ۋنيۆەرسيتەتىنىڭ تاريحشىسى ناتانيەل نايتپەن تالقىلادى.  سوعىستى اياقتاماي، ۋكراينانىڭ دىڭكەسىن قۇرتۋ. امەريكالىق بىرنەشە ساراپشى رەسەيدىڭ ستسەناريىن وسىلاي باعالادى. ولار بيىل ۋكرايناداعى سوعىس قالاي جۇرەتىنىن بولجاپ، ۆاشينگتوندى سوعىس جاقىن ارادا اياقتالادى دەپ كۇتپەۋگە شاقىردى. اقش-تىڭ ناتو-داعى بۇرىنعى وكىلى يۆو داادلەر مەن ۆاشينگتونداعى امەريكالىق ۋنيۆەرسيتەتتىڭ ساياساتتانۋشىسى دجەيمس گولدگەيەر Foreign Affairs جۋرنالىنا “باتىس ەلدەرى رەسەيمەن ۇزاق كيكىلجىڭگە دايىن

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: