احمەتتانۋشى جازۋشىنىڭ جاڭا كىتابىنىڭ تۇساۋكەسەرى
kerey.kz
مادەنيەت جاڭالىعى
ۇلت ۇستازى، الاش كوسەمدەرىنىڭ ءبىرى احمەت بايتۇرسىنۇلىنىڭ تۋعانىنا 150 جىل
تاياۋدا الماتىداعى ۇلتتىق اكادەميالىق كىتاپحانادا اقىن، جازۋشى جۇمات انەسۇلىنىڭ «تاريحي حيكاياتتار» اتتى كىتابىنىڭ تۇساۋكەسەرى ءوتتى. بۇل كىتاپ قازاق ءالىپبيى مەن گرامماتيكاسىنىڭ، ادەبيەتتانۋ عىلىمدارىنىڭ نەگىزىن قالاعان، الاش كوسەمدەرىنىڭ ءبىرى احمەت بايتۇرسىنۇلىنىڭ 1919-1920- جىلدارى العاشقى قىرعىز قازاق اۆتونوميالىق رەسپۋبليكاسىنىڭ قۇرىلۋىنا سىڭىرگەن زور قايراتكەرلىك قىزمەتى بايان ەتىلگەن. جاڭا كىتاپتىڭ اۆتورى ۇلت ۇستازى ا.بايتۇرسىنۇلىن ۇنەمى ۇلىقتاۋىمەن وقىرماندارعا جاقسى ءمالىم. جۇمات انەسۇلىنىڭ احمەت بايتۇرسىنۇلىنىڭ ءومىرى مەن شىعارماشىلىعىن، الاش قوزعالىسى مەن پارتياسىنىڭ تاريحى بايان ەتىلگەن « ماقتانىشى ەلىمنىڭ»، ۇلتىنا عۇمىرىن ارناعان تۇلعا»، «الاش تۋىن كوتەرگەندەر اتتى تاريحي كىتاپتارى ۇلتتىق كىتاپحانانىڭ كاتالوگىنا ەنگەن.
جاڭا كىتاپتىڭ تۇساۋكەسەرىنە بەلگىلى اقىن ايان نىسانالين، بەلگىلى جازۋشى ، «بالبۇلاق» جۋرنالىنىڭ باس رەداكتورى ماعارا قوجاحمەتوۆا. بۇرىنعى سۋ شارۋاشىلىعىنىڭ ەكسمينيسيرى ناريمان قىپشاقباەۆ، بەلگىلى كۇيشى اقىن تالاپ قاراش،جانە احمەت بايتۇرسىنۇلىنىڭ نەمەرە تۋىستارى عىلىم دوكتورى قاسىم ماۋلەنوۆ، باقىتجامال ماۋلەنوۆا، اماندىق شايمەردەنۇلى، دوكۋمەنتالدى كينودا ا.بايتۇرسىنلىنىڭ ءرولىن سومداعان ، احاڭنىڭ نەمەرە تۋىسى بولات نازارۇلى جانە باسقالار قاتىستى. جاڭا كىتاپتىڭ تۇساۋكەسەرى ءىڭ لەنتاسىن قۇرمەتتى ارداگەر ناريمان قىپشاقباەۆ مىرزا مەن جازۋشى ماعيرا قوجاحمەتوۆا قيدى.
بوتاگوز كەرەيقىزى ، تۇساۋكەسەرگە قاتىسىپ، سۋرەتتەردى تۇسىرگەن .
سۋرەتتەردە جازۋشى، «بالبۇلاق» بالالار جۋرنالىنىڭ باس رەداكتورى م.قوجاحمەتوۆا لەنتا قيىپ جاتقان ءساتى.(ورتادا), كىتاپ اۆتورى كىتاپتارىنا قولتاڭبا بەرىپ جاقتان كەزى. ۇلتتىق كىتاپحاناداعى جاڭا كىتاپتىڭ تۇساۋكەسەرىنە قاتىسقاندار—عىلىم دوكتورىقاسىم ماۋلەنوۆ، جۋرناليست ايجان ساياقباەۆا، احاڭنىڭ جيەنى باقىتجامال ماۋلەنوۆا، بەلگىلى كۇيشى، اقىن تالاپ قاراش، احاڭنىڭ نەمەرە تۋىسى بولات نازاروۆ، احاڭنىڭ نەمەرە ءىنىسى اماندىق شايمەردەنۇلى جانە الدىڭعى قاتاردا وتىرعان جازۋشى، جاڭا كىتاپتىڭ اۆتورى جۇمات انەسۇلى
پىكىر قالدىرۋ