|  |  |  |  | 

جاھان جاڭالىقتارى كوز قاراس ساياسات سۇحباتتار

ۋكراينا مەن باتىس رەسەيدى جەڭۋى ءۇشىن نە ىستەۋى كەرەك؟ ۋەسلي كلاركپەن سۇحبات


رەسەي باستاعان سوعىس سالدارىنان جەرمەن-جەكسەن بولعان كوپقاباتتى تۇرعىن ءۇيدىڭ ورنىندا وتىرعان بالا. كراماتورسك، ۋكراينا، 25 مامىر 2022 جىل.

رەسەي باستاعان سوعىس سالدارىنان جەرمەن-جەكسەن بولعان كوپقاباتتى تۇرعىن ءۇيدىڭ ورنىندا وتىرعان بالا. كراماتورسك، ۋكراينا، 25 مامىر 2022 جىل.

ۋەسلي كلارك 1998 جىلى يۋگوسلاۆيا ليدەرى سلوبودان ميلوشەۆيچتىڭ كوسوۆودا البان ۇلتى وكىلدەرىنە جاساعان زۇلىمدىعىن توقتاتۋ ءۇشىن جۇرگىزىلگەن ناتو وپەراتسياسىن باسقارعان. اقش-تىڭ وتستاۆكاداعى گەنەرالى، كاليفورنيا ۋنيۆەرسيتەتىنىڭ بەركل حالىقارالىق قاتىناستار ورتالىعىنىڭ باس عىلىمي قىزمەتكەرى كلارك ازاتتىقتىڭ گرۋزين قىزمەتىنە بەرگەن سۇحباتىندا رەسەيدىڭ ۋكرايناعا باسقىنشىلىعىن توقتاتۋ ءۇشىن ۋكراينا مەن باتىس نە ىستەۋى كەرەگىن ايتتى.

ازاتتىق: ۋكراينانىڭ قازىرگى اسكەري جاعدايىن قالاي باعالايسىز؟ پۋتين قانداي دا ءبىر ماقساتىنا جەتتى مە؟

اقش-تىڭ وتستاۆكاداعى گەنەرالى ۋەسلي كلارك.

اقش-تىڭ وتستاۆكاداعى گەنەرالى ۋەسلي كلارك.

ۋەسلي كلارك: ول ۋكراينادا ەشقانداي ناتيجەگە جەتكەن جوق. ماقتاناتىن دانەڭە دە جوق. ەكىنشى دۇنيەجۇزىلىك سوعىستاعى جەڭىسكە جەتكەنىن اتاپ وتەتىن 9 مامىرعا سونشا ءمان بەرگەنى دە وسىدان. ونىڭ ماقتانارلىق ەشتەڭەسى بولمادى. كيەۆتى الا المادى، حاركوۆ قارسى تۇردى، ورىستار ارتيللەرياعا جەتە المادى.

ۋكرايناداعى شابۋىل سولتۇستىك-باتىسقا قاراي ويىسىپ جاتىر، دونباسستاعى جاعداي نەگىزىنەن بىرقالىپتى بولىپ تۇر. جەر كەبەتىن ۋاقىت كەلدى. دونباسستا ورىستار ۇلكەن وزەندەردىڭ بىرىنەن وتسە، اشىق جەرلەرگە شابۋىلداۋى مۇمكىن. وندا ەكىنشى دۇنيەجۇزىلىك سوعىسقا ءتان مانەۆر كومەكتەسۋى [مۇمكىن]. رەسەيدىڭ شابۋىل ءادىسى – ەلدى مەكەندەردى قيراتۋ ارقىلى ۋكراينانىڭ قورعانىسىن بۇزۋ. ولار بۇل ەلدى مەكەندەردىڭ ۋكراينانىڭ تانكتەرگە جانە اۋە قورعانىسىنا قارسى مىقتى الاڭ ەكەنىن بىلەدى، سوندىقتان ارتيللەريا كومەگىمەن سولاردى اتقىلاۋى مۇمكىن. جاڭا ايتقانىمداي، جەر كەپكەن سوڭ ولار بۇل ەلدى مەكەندەردى اينالىپ ءوتىپ، سول جەرلەردەگى اشىق الاڭدار ارقىلى قوزعالا الادى.

مىنانى ءتۇسىنۋىمىز كەرەك: رەسەيدىڭ وتاندىق اسكەري ءوندىرىسى بار. سانكتسيامەن سوققى جاساپ جاتقان شىعارمىز. ونى بىلمەيمىن. رەسەيدىڭ قورعانىس ءوندىرىسى باتىستىڭ كەيبىر تەحنولوگياسىنا سۇيەنەتىندىكتەن، قيىندىق تۋعانىن ەستىدىم. بىراق ۋكراينادا وتاندىق ءوندىرىس ونداي ەمەس، ول الىپ جاتقان قۇرال-جابدىقتاردىڭ كوبى جۇزدەگەن ميل جول ءجۇرىپ، الدىمەن اۋە ارقىلى، سوسىن تەمىرجولمەن جەتكىزىلىپ جاتىر. بۇل قيىنداي بەرەدى. سوندىقتان ۋكراينانىڭ شاماسى جەتىپ جاتىر دەگەن الدىن الا بولجام ايتۋعا بولمايدى. بۇل سوعىستا جەڭىلىپ قالۋى دا مۇمكىن. ۋكراينا تەك اقش پەن باتىس ەلدەرىنىڭ قولداۋىمەن عانا جەڭىسكە جەتە الادى.

مينومەتتىڭ جانىندا وتىرعا ۋكراينا ساربازى. حاركوۆ وبلىسى، 9 مامىر 2022 جىل.

مينومەتتىڭ جانىندا وتىرعا ۋكراينا ساربازى. حاركوۆ وبلىسى، 9 مامىر 2022 جىل.

ازاتتىق: ۋكرايناعا جەڭىسكە جەتۋ ءۇشىن قازىر قانداي اسكەري كومەك كەرەك؟

ۋەسلي كلاركالدىمەن ورىس ارتيللەرياسىن جەڭۋ كەرەك. ءدال قازىر ورىس ارتيللەرياسىن جەڭە السا، رەسەيلىكتەر ەشقاشان جەتىستىككە جەتە المايدى. ولار قالالاردى بومبالاعاندا ورىس ارتيللەرياسىنا سوققى جاساپ، سولاردى جويسا، قالالار امان قالادى. بۇل ءبىر. ەكىنشىدەن، بارلاۋ قىزمەتىنىڭ قولداۋى كەرەك. مۇمكىن سولارعا اۋە شابۋىلىنا قارسى رادار جەتىسپەيتىن شىعار. الدە اۋە شابۋىلىن درونداردىڭ كومەگىمەن باقىلاي ما؟ ول دا جەتىسپەيتىن سىڭايلى. بىراق نەگىزىنەن ارتيللەرياعا [كۇش تۇسەدى]. وق-ءدارىسى وتە مول ارتيللەريا قاجەت، سونىسىمەن كۇنىنە جۇزدەگەن سوققى بەرۋ كەرەك.

سوسىن ولارعا اۆياتسيا [مۇمكىندىكتەرى] كەرەك. نەگە؟ ويتكەنى ولار جىلدام ارەكەت ەتۋى كەرەك. تىكۇشاقتار مەن “اۋە-جەر” قارۋىنا دەرەۋ تويتارىس بەرۋى كەرەك. ولاردا بۇل جوق. ۋكراينا كۇنىنە ەكى-ءۇش رەت قانا ۇشاق ۇشىراتىن شىعار. ولار رەسەي ۇشاقتارىنا قارسى تۇرۋ ءۇشىن كۇنىنە ەلۋ رەتتەن ۇشا الاتىن بولۋى كەرەك.

رەسەي كۇشتەرى اتقان زىمىراننىڭ بولشەگى. ليسيچانسك، لۋگانسك وبلىسى، ۋكراينا، 26 مامىر 2022 جىل.

رەسەي كۇشتەرى اتقان زىمىراننىڭ بولشەگى. ليسيچانسك، لۋگانسك وبلىسى، ۋكراينا، 26 مامىر 2022 جىل.

اۋە شابۋىلىنان جاقسى قورعانىس كەرەك. مۇنداي قارۋ كيەۆ ماڭىندا رەسەي ۇشاقتارىنا قارسى شىققاندا جەتكىلىكتى بولدى، بىراق ءۇش ءجۇز شاقىرىم جەردەگى سوعىس الاڭىنداعى دونباسستا جەتىسپەيدى. كەمەلەرگە قارسى زىمىراندار دا كەرەك. ونداي قارۋ بەرىلەدى دەپ ۋادە ايتىلعانىن ەستىدىم، بىراق ءالى دايىن ەمەس.

رەسەيدە كەمە وتە كوپ، ولار “كاليبر” زىمىرانىمەن سوققى بەرە الادى. ورىس كەمەسى نەلىكتەن 150-200 شاقىرىم جەردە تۇرىپ زىمىران اتادى دا، قارسى شابۋىلسىز قالادى؟ مىسالى، ودەسسا پورتىندا ەكسپورتقا جىبەرىلەتىن ميلليونداعان توننا بيداي بار. الەم وعان مۇقتاج، بىراق ورىستار ونى ۇستاپ وتىر.

ۇشقىشسىز ۇشاتىن اپپارات پەن كەمەگە قارسى زىمىران بولسا، قارا تەڭىزدى اشۋعا بولادى. سۇڭگۋىر قايىقتارى بولسا ماسەلە باسقا، بىراق گۋمانيتارلىق ماقساتتا قاجەت بولسا، مۇنى دا قاراستىرۋعا بولادى. سوندىقتان وسىلار قاجەت. بەرەندى تەحنيكا دا كوپتەپ قاجەت بولاتىن شىعار، سەبەبى ورىستار كىرسە، ولار الدىڭعى قاتارلى تەحنولوگياسى بار ورىس اسكەرىنە قارسى تۇرۋى كەرەك بولادى.

ازاتتىق: ناتو ەلدەرى ۋكرايناعا قاجەت قارۋ-جاراقتى ۋاقىتىندا جىبەرىپ جاتقانىنا سەنىمدىسىز بە؟

ۋەسلي كلارك: ۋكرايناعا دا، امەريكاعا دا زاڭدى پروتسەدۋرالاردى ساقتاۋعا بايلانىستى قاۋىپ بارىن بىلەمىن، سەبەبى وسى نارسەلەردەن پايداعا كەنەلگىسى كەلەتىن اكتيۆتەر مەن ادامداردىڭ بولعانىن قالامايمىز. ولاردى ساتىپ جاتقان كەزدە، زاڭدى پروتسەدۋرالار بولۋى كەرەك. بىراق قانداي دا ءبىر جولمەن بۇل شارالاردى تەزدەتىپ، ۋكراينانىڭ قاجەتىن الۋىنا مۇمكىندىك جاساۋ كەرەك.

ورىس اسكەرى ناۋرىزدا كيەۆ ماڭىنان كەتكەندە، قولداۋ الۋ ءۇشىن بىرنەشە اپتا بارى تۇسىنىكتى ەدى. بۇل بىرنەشە اپتا اياقتالدى. امەريكالىق گاۋبيتسالاردىڭ كوبى سوندا، وداقتاستاردىڭ باسقا دا اكتيۆتەرى سول جەردە بولۋى مۇمكىن. بىراق بۇل [تەك قانا] ۋكراينا ايىرىلعان [قارۋ-جاراقتىڭ] ورنىن تولتىرا الادى.

رەسەيدى جەڭۋ ءۇشىن ودان دا كوپ نارسە كەرەك. مۇنى تەزدەتكەن ءجون. ۋكراينادا شىلدە-تامىز ايلارىندا رەسەيدى ەلدەن، دونباسستان، ەلدىڭ وڭتۇستىگىنەن شىعاراتىن مۇمكىندىك بولۋى مۇمكىن. رەسەيگە ءبىرشاما كۇشتى جۇمىلدىرۋ ءۇشىن جەلتوقسانعا دەيىن ۋاقىت كەرەك. سي تسزينپين ءۇشىنشى مەرزىمگە وتپەي، قىتاي كومەكتەسە المايدى. ۋكراينا ورىن اۋىستىرۋعا قاجەت ماتەريالداردى السا، العا جىلجىسا، ۋكراينادا مۇمكىندىك بولادى.

ۋكراينا كۇشتەرىنىڭ وزدىگىنەن جۇرەتىن ارتيللەريا قوندىرعىسى جاۋ شەبىن اتقىلاپ جاتىر. حاركوۆ وبلىسى، 7 مامىر 2022 جىل.

ۋكراينا كۇشتەرىنىڭ وزدىگىنەن جۇرەتىن ارتيللەريا قوندىرعىسى جاۋ شەبىن اتقىلاپ جاتىر. حاركوۆ وبلىسى، 7 مامىر 2022 جىل.

ازاتتىق: رەسەي ليدەرىنىڭ يادرولىق قارۋى بارىن، ال ميلوشەۆيچتە ونداي مۇمكىندىك بولماعانىن ەسكەرسەك، ميلوشەۆيچ پەن ءپۋتيندى سالىستىرۋ قانشالىق ادىلەتتى؟

ۋەسلي كلارك: سەس كورسەتۋدىڭ كەز كەلگەن جولى قولدانىلىپ جاتىر. بىراق اقىر اياعىندا يۋگوسلاۆيادا ميلوشەۆيچ ناتو-نىڭ اۋە شابۋىلىنان قاشا المايتىنىن ءبىلدى. ول ۇشاقتاردى جەڭە المادى. اقىر سوڭىندا كەتۋى كەرەك بولدى. قازىر ءبىز پۋتينگە ۋكرايناعا كەلگەندە ەشقانداي اسكەري جەتىستىككە جەتە المايتىنىن كورسەتۋىمىز كەرەك. سوسىن وعان باسقالاي دا قىسىم كورسەتىلىپ، ول توقتاۋى كەرەك ەكەنىنە كوزى جەتەدى.

كوسوۆودا كوپ ەشتەڭە وزگەرمەدى. 1998 جىلى جازدا فرانتسيا مەن گەرمانيا بۇۇ قاۋىپسىزدىك كەڭەسىنىڭ رەزوليۋتسياسى بولماسا، ناتو ارقىلى ەشتەڭە ىستەمەيتىنىن مالىمدەدى. رەسەي بۇل ماسەلەدە قاۋىپسىزدىك كەڭەسىنىڭ ەشقانداي رەزوليۋتسياسى جوق دەدى. 1998 جىلى جازدا 400 مىڭنان استام البان ۇيىنەن قۋىلدى. بىراق رەسەي قاتەلەستى. ميلوشەۆيچ قاتەلەستى. فرانتسيا مەن گەرمانيا ميلوشەۆيچتىڭ نە ويلاعانى بارىن بىلە سالا، وسى ناۋقانعا كەلىستى. مۇندا دا جاعداي سونداي.

رەسەي باتىستى ءالسىز دەپ ويلاپ قاتەلەستى. باتىس مىقتى. وسىلايشا ءپۋتيننىڭ ون ەكى جىلعا سوزىلعان جوسپارى بولدى. ال اقش پەن ەۋروپادا ادامدار ء[وز] وتباسى مەن ۇيىنە قارادى، بالالارىنىڭ ءبىلىم الۋىنا ءمان بەردى. ولاردىڭ ويلاۋ جۇيەسى مۇلدەم باسقا. بۇل دەموكراتياعا كەلىپ تىرەلەتىن ماسەلە. الايدا پۋتين سياقتى نەمەسە قىتاي پرەزيدەنتى سي [تسزينپين] سەكىلدى ادامدارعا مۇنى ءتۇسىنۋ جانە قابىلداۋ وتە قيىن… بىراق مۇنىڭ ءبارى ايتارلىقتاي كۇشپەن كەلەدى. الەم وسىدان ساباق الۋى كەرەك.

ازات ەۋروپا / ازاتتىق راديوسى

Related Articles

  • مينيسترلىك سارىشاعاندا زەنيت راكەتاسى بولىمشەلەرىنىڭ ۇرىس اتىستارى وتكەنىن حابارلادى

    سارىشاعانداعى اۋە شابۋىلىنان قورعانىس جاتتىعۋى. قازاقستان قورعانىس مينيسترلىگى تاراتقان سۋرەت. اقپان، 2023 جىل.  قازاقستان قورعانىس مينيسترلىگى 2 اقپاندا رەسەي جالعا العان سارىشاعان پوليگونىندا اۋە قورعانىس كۇشتەرىنىڭ زەنيت راكەتاسى بولىمشەلەرى ۇرىس اتىسى قيمىلدارىن وتكىزگەنىن حابارلادى. جاتتىعۋدىڭ نەگىزگى ماقساتى “جەكە قۇرامنىڭ اسكەري جانە ازاماتتىق ينفراقۇرىلىم نىساندارىنا جاسالعان اۋە شابۋىلدارىنا تويتارىس بەرۋ دايىندىعىن تەكسەرۋ” دەپ ايتىلادى. قورعانىس مينيسترلىگىنىڭ حابارلاۋىنشا، “قولدانىستاعى قازىرگى زامانعى زەنيت راكەتاسى كەشەندەرى تسيفرلىق راديولوكاتسيالىق ستانتسيالارمەن جابدىقتالعان”. مينيسترلىكتىڭ حابارلاماسىندا راكەتا كەشەنىنىڭ اتى اتالمايدى. الايدا حابارلامادان رەسەيلىك “بۋك” كەشەنى سىنالىپ جاتقانى بايقالادى. اقپاراتقا قاراعاندا، راديولوكاتسيالىق بارلاۋ قىزمەتى “ۇشاق جانە راكەتاتەكتەس” درونداردى انىقتاعاننان كەيىن جاۋىنگەرلەر دايىن ەمەس پوزيتسيالارعا جىلجىعان. “كەشەندەر ورىستەتىلىپ، شارتتى قارسىلاستىڭ قۇرالدارى جويىلعان”. “زاماناۋي زەنيت راكەتاسى كەشەندەرىنىڭ كومەگىمەن ءبىز ناقتى ۋاقىت رەجيمىندە

  • Reuters: اقش ۋكرايناعا 150 شاقىرىمعا دەيىن ۇشاتىن راكەتالارىن بەرەدى

    اقش ۋكرايناعا قۇنى 2 ملرد دوللار بولاتىن جاڭا اسكەري كومەك پاكەتىن بەرۋگە دايىندالىپ جاتىر. كومەك پاكەتىنە 150 شاقىرىمعا دەيىن ۇشاتىن راكەتالار العاش رەت ەنگىزىلىپ وتىر دەپ جازدى اق ۇيدەگى ەكى دەرەككوزگە سۇيەنگەن Reuters باسىلىمى. اڭگىمە جوعارى دالدىكتى GLSDB (Ground Launched Small Diameter Bomb) راكەتاسى جونىندە بولىپ وتىر. قازىر ۋكرايناعا جەتكىزىلىپ جاتقان راكەتالار 80 شاقىرىمعا دەيىن ۇشا الادى. Reuters بىلتىر قاراشادا Boeing كومپانياسى ءوزى وندىرەتىن GLSDB قارۋىن ۋكرايناعا بەرۋدى ۇسىنعانىن حابارلاعان. جۇيە راكەتاقوزعالتقىشى بار شاعىن ديامەترلى بومبادان قۇرالعان. وزدىگىنەن دالدەي الاتىن راكەتانى HIMARS قوندىرعىسىنان دا ۇشىرۋعا بولادى. ول ءجۇرىپ بارا جاتقان نىسانانى ونداعان شاقىرىم جەردەن اتىپ تۇسىرە الادى. جۇيە سيپاتتاماسىندا ونى عالامدىق GPS ناۆيگاتسيا جۇيەسىمەن باسقارۋعا بولاتىنى جازىلعان. ونى كەز كەلگەن اۋا

  • “ۋكراين بولسام، ورىستاردىڭ شابۋىلداعانىن كۇتەر ەدىم”. لوۋرەنس فريدمانمەن سۇحبات

    ۆاجا تاۆبەريدزە “قازىر پۋتين ءۇشىن ۋكراينانى مەملەكەت رەتىندە جويىپ جىبەرۋ ماڭىزدى سياقتى” دەيدى ۇلىبريتانيا تاريحشىسى لوۋرەنس فريدمان. سۋرەتتە: رەسەي پرەزيدەنتى ۆلاديمير پۋتين (ورتادا) قورعانىس ءمينيسترى سەرگەي شويگۋ (وڭ جاقتا) مەن باس شتاب جەتەكشىسى ۆالەري گەراسيموۆتىڭ ورتاسىندا تۇر. ۇلىبريتانيا تاريحشىسى لوۋرەنس فريدمان حالىقارالىق قاتىناستار، سىرتقى ساياسات پەن ستراتەگيا تاقىرىبىن زەرتتەيدى. ول قىرعيقاباق سوعىس، يادرولىق تەكەتىرەس، ۋكرايناداعى سوعىستىڭ شىعۋ تاريحى مەن بارىسى تۋرالى اكادەميالىق ەڭبەكتەر جازعان. ازاتتىقتىڭ گرۋزين قىزمەتى تاريحشىمەن سويلەسىپ، تاراپتاردىڭ جەڭىسكە جەتۋ جانە ءپۋتيننىڭ يادرولىق قارۋ قولدانۋ ىقتيمالدىعى تۋرالى سويلەستى.  سەر لوۋرەنس فريدمان بۇكىل ءومىرىن سوعىس پەن ديپلوماتيانى زەرتتەۋگە ارناعان. بريتان تاريحشىسى حالىقارالىق قاتىناستار، سىرتقى ساياسات جانە ستراتەگيا باعىتىندا زەرتتەۋلەر جۇرگىزەدى. قىرعيقاباق سوعىس، يادرولىق تەكەتىرەس، اسكەري وپەراتسيا جۇرگىزۋ ساياساتى تۋرالى

  • سوعىسقا “لەوپارد” ارالاسپاق. نەمىستىڭ بۇل تانكىسى نەسىمەن مىقتى؟

    The Associated Press Reuters اگەنتتىگى نەمىستىڭ “لەوپارد 2″ (Leopard 2) تانكىسى. گەرمانيا بيلىگى ۋكرايناعا “لەوپارد 2″ (Leopard 2) تانكىسىن بەرۋگە جانە باسقا ەلدەرگە دە بۇل تانكىنى ۋكرايناعا جەتكىزۋگە رۇقسات بەردى. بۇل تانكىنى ۋكراينا بيلىگى گەرمانيادان بۇرىننان سۇراپ كەلگەن ەدى.بىراق بەرلين “لەوپارد” تانكىسىن كيەۆكە ۇزاق ۋاقىت بەرگىسى كەلمەدى. ۋكراينا قىزىققان بۇل تانك قانشالىقتى مىقتى؟ تۇسىندىرەمىز.  “لەوپارد 2″ دەگەن قانداي تانك؟  “لەوپارد 2″ تانكىسىن گەرمانيانىڭ Krauss-Maffei Wegmann كومپانياسى جاساعان. كومپانيا “لەوپاردتى” اتۋ قابىلەتى، قورعانىسى، جىلدامدىعى، ايلاسى جاعىنان “الەمدەگى ەڭ مىقتى تانك” دەپ سيپاتتايدى ءارى كەز كەلگەن جاعدايداعى شايقاسقا جارايدى دەيدى. 55 توننا تانكىگە ءتورت ادام سىيادى، ەڭ جوعارعى جىلدامدىعى – 68 كم/ساعات. بۇل تانكىنىڭ العاشقى نۇسقاسى 1979 جىلى جاسالعان. سودان بەرى گەرمانيا 3500-دەن

  • تاريحشى: باتىس ءسىبىر – بايىرعى قازاق جەرى. كوشىم حان – ۇلتتىق باتىرىمىز! 

    ابىلاي ماۋدانوۆ قوستانايلىق عالىم ءسىبىر جەرىن ورىس پاتشالىعىنان بۇرىن قازاق رۋلارى يگەرگەنىن كىتاپ قىلىپ باستىرماق، دەپ حابارلايدى Express Qazaqstan. تاريح عىلىمدارىنىڭ دوكتورى امانجول كۇزەمبايۇلىنىڭ ەسىمى عىلىمي ورتادا كەڭىنەن تانىمال. ول ۇنەمى “تاۋەلسىز ەل ءوز تاريحىن وزىندىك كوزقاراسى تۇرعىنان قاراپ، تالداپ، باعا بەرۋ كەرەك” دەگەن ۇستانىمدى ايتىپ كەلەدى. قوستانايلىق تاريحشى بىرنەشە جىل بۇرىن ۇلكەن ءبىر جوبانى قولعا الدى. بۇگىندە ول ۇلى ەركىن ابىلمەن بىرگە “التىن وردانىڭ باتىس ءسىبىر ۇلىسى: ەتنو-ساياسي تاريحى” اتتى ەڭبەك جازىپ جاتىر. بۇل كىتاپ الداعى جىلى (ورىس تىلىندە) جارىق كورمەك. مۇندا قازىرگى قازاقستاننىڭ شەكاراسىنان تىس قالعان بايىرعى قازاق جەرى مەن رۋلارىنىڭ كوپتەگەن تاريحى قامتىلادى.Express Qazaqstan ءتىلشىسى عالىمدى وسى تاقىرىپتا سوزگە تارتىپ، اڭگىمەلەسكەن ەدى. باتىس ءسىبىر — ءبىزدىڭ بايىرعى

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: