|  |  | 

جاھان جاڭالىقتارى ساياسات

توقاەۆتىڭ مالىمدەمەسىنەن كەيىن قازاقستان مەن رەسەي قاتىناسى قالاي وربىمەك؟


سانكت-پەتەربۋرگتەگى حالىقارالىق ەكونوميكا فورۋمى تورىنە شىعىپ كەلە جاتقان قازاقستان پرەزيدەنتى قاسىم-جومارت توقاەۆ (وڭ جاقتا) پەن رەسەي پرەزيدەنتى ۆلاديمير پۋتين. 17 ماۋسىم 2022 جىل.

سانكت-پەتەربۋرگتەگى حالىقارالىق ەكونوميكا فورۋمى تورىنە شىعىپ كەلە جاتقان قازاقستان پرەزيدەنتى قاسىم-جومارت توقاەۆ (وڭ جاقتا) پەن رەسەي پرەزيدەنتى ۆلاديمير پۋتين. 17 ماۋسىم 2022 جىل.

قازاقستان پرەزيدەنتى قاسىم-جومارت توقاەۆ سانكت-پەتەربۋرگ ەكونوميكا فورۋمىندا ماسكەۋدى قولدامايتىنىن ءبىلدىردى. بۇل ۋكرايناداعى سوعىستان سوڭ ورتالىق ازياداعى جاعدايدىڭ وزگەرگەنىن كورسەتەتىندەي.

قازاقستاندا بيىلعى قاڭتار وقيعاسى كەزىندەگى نارازىلىق جاپپاي تارتىپسىزدىككە ۇلاسىپ، بيلىگىنە قاۋىپ تونگەن سوڭ پرەزيدەنت قاسىم-جومارت توقاەۆ رەسەيدىڭ كومەگىنە جۇگىنگەن ەدى. سودان بەرى جۇرت رەسەي اسكەرىن ەلگە كىرگىزگەن پرەزيدەنت قازاقستان تاۋەلسىزدىگىن قۇرباندىققا شالىپ، ماسكەۋگە قارىزدار بولىپ قالدى دەپ ايتىپ ءجۇردى.

بىراق رەسەي اسكەرى ۋكرايناعا باسىپ كىرگەننەن كەيىن ءتورت اي وتكەندە توقاەۆ بۇل ويدى جوققا شىعاردى. ول رەسەي پرەزيدەنتى ۆلاديمير پۋتينمەن سانكت-پەتەربۋرگ حالىقارالىق ەكونوميكا فورۋمىنا قاتىسىپ، كرەملدى قولدامايتىنىن ايتتى.

رەسەي پرەزيدەنتى سوۆەت وداعى قۇرامىندا بولعان ەلدەردىڭ ءبارىن “رەسەيدىڭ تاريحي جەرى” دەپ اتاپ، ماسكەۋگە قارسى شىققانداردى ۋكراينانىڭ تاعدىرى كۇتىپ تۇرعانىن مەڭزەدى.

رەسەي پرەزيدەنتى ۆلاديمير پۋتين (سول جاقتا) مەن قازاقستان پرەزيدەنتى قاسىم-جومارت توقاەۆ سانكت-پەتەربۋرگتكە وتكەن حالىقارالىق ەكونوميكا فورۋمىندا. رەسەي، 17 ماۋسىم 2022 جىل.

رەسەي پرەزيدەنتى ۆلاديمير پۋتين (سول جاقتا) مەن قازاقستان پرەزيدەنتى قاسىم-جومارت توقاەۆ سانكت-پەتەربۋرگتكە وتكەن حالىقارالىق ەكونوميكا فورۋمىندا. رەسەي، 17 ماۋسىم 2022 جىل.

فورۋمدا رەسەيلىك RT مەملەكەتتىك ارناسىنىڭ باس رەداكتورى، فورۋم مودەراتورى مارگاريتا سيمونيان ۋكرايناداعى “ارناۋلى اسكەري وپەراتسيا” (رەسەي بيلىگى “سوعىس” دەگەن ءسوزدى قولدانۋعا تىيىم سالعان – رەد.) جايلى قازاقستاننىڭ ۇستانىمى قانداي دەگەن سۇراقتى توقاەۆقا توتەسىنەن قويدى. بۇل سۇراققا جاۋابىندا توقاەۆ نۇر-سۇلتان ۋكراينانىڭ شىعىسىنداعى سەپاراتيستىك قۇرىلىمدار – دونەتسك جانە لۋگانسك “حالىق رەسپۋبليكالارىن” تاۋەلسىز ەل دەپ مويىندامايتىنىن ايتتى.

“ەگەر حالىقتاردىڭ تاڭداعانى بولا بەرسە، الەمدە بۇۇ قۇرامىنداعى قازىرگىدەي 193 ەل ەمەس، جەر بەتىندە 500 يا 600 ەل بولار ەدى. ارينە، بۇل حاوسقا باستايدى. سوندىقتان ءبىز تايۆاندى دا، كوسوۆانى دا، وڭتۇستىك وسەتيانى دا، ابحازيانى دا مويىندامايمىز. بۇل ءپرينتسيپتى لۋگانسك پەن دونەتسكتىڭ كۆازيمەملەتتىك قۇرىلىمىنا دا قولداناتىن شىعارمىز” دەدى توقاەۆ.

قازاقستان رەسەيدىڭ ۋكرايناعا باسقىنشىلىعىنا ءبىرىنشى رەت نارازىلىق ءبىلدىرىپ تۇرعان جوق. بىراق توقاەۆتىڭ ءپۋتيننىڭ جانىندا وتىرىپ، سول ويىن قايتالاۋى رەسەيدىڭ قازاقستان سەكىلدى ارىپتەستەرىنىڭ ماسكەۋدەن بويىن الشاق ۇستاۋعا تىرىسىپ جاتقانىن كورسەتەدى.

ء“پۋتيننىڭ جانىندا ساحنادا وتىرىپ بۇلاي دەۋ باتىلدىق بولدى” دەدى ازاتتىققا RAND كورپوراتسياسىنىڭ اديۋنكت-ستيپەندياتى، اقش-تىڭ قازاقستانداعى ءبىرىنشى ەلشىسى بولعان ۋيليام كورتني. “ماسكەۋدىڭ كورشىلەرىنە دەگەن كوزقاراسى اگرەسسيالى بولا باستادى جانە ونىڭ ۋكرايناداعى [سوعىستان] كوڭىلى قالۋى بۇل ۇستانىمعا قاتتىراق اسەر ەتۋى ىقتيمال. بۇل بولاشاقتا قازاقستاننىڭ قىسىمعا ۇشىراۋى مۇمكىن ەكەنىن بىلدىرەدى”.

رەسەي مەملەكەتتىك دۋماسىنداعى "ەدينايا روسسيا" فراكتسياسىنىڭ مۇشەلەرى ۆياچەسلاۆ نيكونوۆ (سول جاقتا) پەن ەۆگەني فەدوروۆتىڭ سۋرەتتەرىنەن كوللاج.

“دەمارش جانە ەۋرازياشىل بيلىككە ەسكەرتۋ”. رەسەي دەپۋتاتتارىنىڭ مالىمدەمەسىن ساراپشىلار اركەلكى باعالايدى

نۇر-سۇلتاننىڭ باسقا دا شەشىمدەرى

توقاەۆ بۇل مالىمدەمەنى رەسەيدىڭ بيلىكشىل ادامدارىنىڭ قازاقستاننىڭ سولتۇستىگىندەگى جەرلەردى ۋكراينانىڭ شىعىسىمەن بىرگە اننەكسيالايتىن ايماق دەپ مەڭزەگەن سوزىنەن كەيىن ايتتى. قازاقستاننىڭ سولتۇستىگىندە ۇلتى ورىس ازاماتتار كوپ تۇرادى.

بىراق ۋكرايناداعى سوعىس جالعاسىپ جاتقان تۇستا قازاقستان ماسكەۋگە تاۋەلدى ەمەس ەكەنىن كورسەتىپ جاتىر. ساراپشىلار مۇندايدى كۇتپەگەن ەدى.

نۇر-سۇلتان ماسكەۋ قولداپ وتىرعان سەپاراتيستەر قولىنداعى قۇرىلىمداردى مويىندامايتىنىن ايتىپ قانا قويعان جوق. ول بۇعان دەيىن ەكىنشى دۇنيەجۇزىلىك سوعىس كەزىندە سوۆەت وداعىنىڭ ناتسيستىك گەرمانيانى جەڭگەنىن اتاپ وتەتىن ءداستۇرلى اسكەري پارادتى دا وتكىزبەگەن ەدى.

قازاقستان باتىستىڭ رەسەيگە سالعان سانكتسيالارىن اينالىپ ءوتۋ ءۇشىن ابايلاپ ارەكەت ەتتى. ەل ىشىندەگى ماسكەۋدىڭ سىرتقى ساياساتىنا قاتىستى جەككورىنىش پەن ەلدەگى ۋكراينشىل دەمونستراتسيالاردىڭ اراسىندا تەپە-تەڭدىك ۇستاۋعا تىرىستى.

ۋكراينانى قولداپ، رەسەي باستاعان سوعىسقا قارسى ميتينگىگە شىققان ادامدار. الماتى، 6 ناۋرىز 2022 جىل.

ۋكراينانى قولداپ، رەسەي باستاعان سوعىسقا قارسى ميتينگىگە شىققان ادامدار. الماتى، 6 ناۋرىز 2022 جىل.

نۇر-سۇلتان ەۋروپاعا ەنەرگيا جىبەرۋ كەلىسىمىن دە كەڭەيتە ءتۇستى. 15 ماۋسىمدا “روسسيا 24″ تەلەارناسىنا بەرگەن سۇحباتىندا توقاەۆ نۇر-سۇلتان ماسكەۋگە سانكتسيالاردىڭ جاڭا رەجيمىن اينالىپ وتۋگە كومەك كورسەتپەيتىنىن ايتىپ، ۇقشۇ اسكەر جىبەرگەن سوڭ ەلدىڭ رەسەيگە قارىزدار بولىپ قالعانى جايلى اڭگىمەنى جوققا شىعارعان ەدى.

“كەيبىرەۋلەر رەسەي قازاقستاندى قۇتقارىپ قالدى، قازاقستان ەندى رەسەيگە قىزمەت ەتىپ، باس ءيىپ ءوتۋى كەرەك دەپ مالىمدەپ، جاعدايدى بۇرمالاپ جاتىر” دەدى ول سۇحباتتا. “بۇل شىندىققا جاناسپايتىن نەگىزسىز ارگۋمەنت دەپ ويلايمىن”.

رەسەيدە بۇل مالىمدەمەلەرگە جىلدام رەاكتسيا بىلدىرگەندەر بولدى. دەپۋتات كونستانتين زاتۋلين قازاقستان جەرىنىڭ تۇتاستىعىنا كۇمان كەلتىردى.

“ولار ورىستار كوپ تۇراتىن اۋداندار مەن ەلدى مەكەندەردىڭ قازاقستان دەپ اتالاتىن جەرمەن بايلانىسى ءالسىز ەكەنىن وتە جاقسى بىلەدى” دەدى ول راديوعا بەرگەن سۇحباتىندا.

ۇجىمدىق قاۋىپسىزدىك شارت ۇيىمى ميسسياسى اياسىندا قازاقستانعا بارا جاتقان رەسەيلىك اسكەريلەر ماسكەۋ ماڭىنداعى اەرورومدا ۇشاققا ءمىنىپ جاتىر. 6 قاڭتار 2022 جىل.

ۇجىمدىق قاۋىپسىزدىك شارت ۇيىمى ميسسياسى اياسىندا قازاقستانعا بارا جاتقان رەسەيلىك اسكەريلەر ماسكەۋ ماڭىنداعى اەرورومدا ۇشاققا ءمىنىپ جاتىر. 6 قاڭتار 2022 جىل.

رەسەي قۇرامىنداعى شەشەنستاننىڭ باسشىسى رامزان قادىروۆ تا قازاقستان مەن ۇجىمدىق قاۋىپسىزدىك شارتى ۇيىمىنا (ۇقشۇ) مۇشە باسقا دا ەلدەردى ماسكەۋدىڭ ۋكرايناعا باسقىنشىلىعىن قولدامادى دەپ سىناعان ءسوزى جازىلعان ۆيدەو جاريالادى. ول نۇر-سۇلتاننىڭ سولتۇستىگىندە ەگەمەندىكتىڭ السىرەپ جاتقانىن ايتتى.

توقاەۆتىڭ رەسەيدىڭ ۋكراينا تۋرالى ۇستانىمىنا قارسى شىققانىنا جانە وعان ۇلتشىل ورتانىڭ جاۋابىنا قاراماستان، قازاقستان پرەزيدەنتىنىڭ ءپۋتيننىڭ جانىنداعى سوزدەرىنىڭ كوبى رەسەيدىڭ ەكونوميكالىق وقشاۋلانۋى كەزىندە ونىمەن بايلانىسىن ساقتاپ قالۋ جايلى بولدى. ول ءبىرشاما جىل بويى قازاقستانمەن بايلانىسىن نىعايتقانى ءۇشىن رەسەي پرەزيدەنتىنە العىس تا ءبىلدىردى.

“قازاقستان ماسكەۋ باسقىنشىلىعىنىڭ سالدارىنا قاراماستان رەسەيمەن ارىپتەستىكتىڭ جانە جۇمىس ىستەۋدىڭ جولىن ىزدەۋدى جالعاستىرا بەرەدى، – دەيدى كورتني. – بىراق رەسەيدىڭ قازاقستاننىڭ سولتۇستىگى جايلى ۇلتشىل مالىمدەمەلەرى [قازاقستان بيلىگى ءۇشىن] وتە زور پروبلەما. بۇل جازىلماعان جارا ىسپەتتى”.

نۇر-سۇلتان ەندى نە ىستەيدى؟

قازاقستان مەن رەسەي اراسىنداعى مۇنداي جاعدايلار توقاەۆ ءۇشىن دە، نۇر-سۇلتان ءۇشىن دە جاڭالىق ەمەس. بىراق ماسكەۋ باسقىنشىلىعى جاعدايدى وزگەرتتى.

بۇرىن قازاقستان پرەمەر-ءمينيسترى، سىرتقى ىستەر ءمينيسترى، بۇۇ-نىڭ جەنەۆاداعى وكىلدىگى ديرەكتورى، پارلامەنت سەناتى سپيكەرى بولعان توقاەۆ – تاجىريبەلى ديپلومات. ول 1991 جىلى سوۆەت وداعى قۇلاعان سوڭ قازاقستاننىڭ سىرتقى ساياساتىن قالىپتاستىرۋدا ماڭىزدى ءرول اتقاردى.

قازاقستان بۇرىننان اقش-پەن دە، ەۋرووداقپەن دە بايلانىسىن ساقتاي وتىرىپ، قىتاي مەن رەسەي سياقتى ەكى ىقپالدى كورشىسىمەن جاقسى قارىم-قاتىناستا بولۋعا تىرىسىپ كەلەدى. نۇر-سۇلتان يران مەن تۇركيا سەكىلدى دەرجاۆالارمەن دە بايلانىسىن نىعايتۋعا تالپىندى.

تۇركيا پرەزيدەنتى رەدجەپ تايىپ ەردوعان مەن قازاقستان پرەزيدەنتى قاسىم-جومارت توقاەۆ
ۋكرايناداعى سوعىس تۇركيا مەن قىتايدىڭ ورتالىق ازياعا ىقپالىنا قالاي اسەر ەتەدى؟

ۋكرايناداعى سوعىستان كەيىن قازاقستان بۇل ستراتەگياسىن كۇشەيتە ءتۇستى. قازاقستان قىتايدىڭ سىرتقى ىستەر ءمينيسترى ۆان ءيدى قابىلدادى، انكارامەن دە، تەگەرانمەن دە بايلانىسىن تەرەڭدەتۋگە تىرىستى. مامىردا توقاەۆ تۇركياعا مەملەكەتتىك ساپارمەن بارىپ, ساۋدا بايلانىسىن ارتتىرۋعا جانە ء“بىر بەلدەۋ – ءبىر جول” باستاماسى اياسىندا قازاقستان مەن رەسەي ارقىلى ەۋروپاعا باراتىن ساۋدا جولىن تۇركيا ارقىلى وتەتىندەي ەتىپ جۇزەگە اسىرۋعا كەلىستى.

پرەزيدەنت رەجەپ تايىپ ەردوعان ماسكەۋگە باعىتتالعان مالىمدەمەلەردى دە قولدايتىنىن انىق بايقاتتى.

19 ماۋسىمدا توقاەۆ يرانعا ساپارمەن بارىپ, ەكىجاقتى ساۋدا بايلانىسىن ارتتىرۋ قامىن جاسادى.

قازاقستان پرەزيدەنتى قاسىم-جومارت توقاەۆ (سول جاقتا) يران پرەزيدەنتى يبراحيم رايسيمەن كەزدەسىپ وتىر. تەگەران، 19 ماۋسىم 2022 جىل.

قازاقستان پرەزيدەنتى قاسىم-جومارت توقاەۆ (سول جاقتا) يران پرەزيدەنتى يبراحيم رايسيمەن كەزدەسىپ وتىر. تەگەران، 19 ماۋسىم 2022 جىل.

ساراپشىلار قازاقستان رەسەيگە تاۋەلدىلىكتەن ارىلۋ ءۇشىن باسقا دەرجاۆالارمەن بايلانىسىن نىعايتىپ، رەسەي باسقىنشىلىعىنان كەيىن ۇستانىمىن قايتا قاراپ جاتقانىن ايتادى.

“[ۇستانىمىن] قايتا قاراۋ ۇزاق مەرزىمدە بىردەڭە وزگەرەتىنىن بىلدىرەدى، – دەدى ازاتتىققا Eurasia Group كونسالتينگ كومپانياسىنىڭ اعا ساراپشىسى زاكاري ۆيتلين. – سوۆەت وداعى قۇرامىندا بولعان، رەسەيگە كورشى كەز كەلگەن ەل ءۇشىن ۋكرايناداعى جاعدايعا قاراپ وتىرىپ، “تاعى نە بولۋى مۇمكىن؟” دەگەن سۇراققا باس قاتىرماۋ وتە قيىن”.

Related Articles

  • مينيسترلىك سارىشاعاندا زەنيت راكەتاسى بولىمشەلەرىنىڭ ۇرىس اتىستارى وتكەنىن حابارلادى

    سارىشاعانداعى اۋە شابۋىلىنان قورعانىس جاتتىعۋى. قازاقستان قورعانىس مينيسترلىگى تاراتقان سۋرەت. اقپان، 2023 جىل.  قازاقستان قورعانىس مينيسترلىگى 2 اقپاندا رەسەي جالعا العان سارىشاعان پوليگونىندا اۋە قورعانىس كۇشتەرىنىڭ زەنيت راكەتاسى بولىمشەلەرى ۇرىس اتىسى قيمىلدارىن وتكىزگەنىن حابارلادى. جاتتىعۋدىڭ نەگىزگى ماقساتى “جەكە قۇرامنىڭ اسكەري جانە ازاماتتىق ينفراقۇرىلىم نىساندارىنا جاسالعان اۋە شابۋىلدارىنا تويتارىس بەرۋ دايىندىعىن تەكسەرۋ” دەپ ايتىلادى. قورعانىس مينيسترلىگىنىڭ حابارلاۋىنشا، “قولدانىستاعى قازىرگى زامانعى زەنيت راكەتاسى كەشەندەرى تسيفرلىق راديولوكاتسيالىق ستانتسيالارمەن جابدىقتالعان”. مينيسترلىكتىڭ حابارلاماسىندا راكەتا كەشەنىنىڭ اتى اتالمايدى. الايدا حابارلامادان رەسەيلىك “بۋك” كەشەنى سىنالىپ جاتقانى بايقالادى. اقپاراتقا قاراعاندا، راديولوكاتسيالىق بارلاۋ قىزمەتى “ۇشاق جانە راكەتاتەكتەس” درونداردى انىقتاعاننان كەيىن جاۋىنگەرلەر دايىن ەمەس پوزيتسيالارعا جىلجىعان. “كەشەندەر ورىستەتىلىپ، شارتتى قارسىلاستىڭ قۇرالدارى جويىلعان”. “زاماناۋي زەنيت راكەتاسى كەشەندەرىنىڭ كومەگىمەن ءبىز ناقتى ۋاقىت رەجيمىندە

  • Reuters: اقش ۋكرايناعا 150 شاقىرىمعا دەيىن ۇشاتىن راكەتالارىن بەرەدى

    اقش ۋكرايناعا قۇنى 2 ملرد دوللار بولاتىن جاڭا اسكەري كومەك پاكەتىن بەرۋگە دايىندالىپ جاتىر. كومەك پاكەتىنە 150 شاقىرىمعا دەيىن ۇشاتىن راكەتالار العاش رەت ەنگىزىلىپ وتىر دەپ جازدى اق ۇيدەگى ەكى دەرەككوزگە سۇيەنگەن Reuters باسىلىمى. اڭگىمە جوعارى دالدىكتى GLSDB (Ground Launched Small Diameter Bomb) راكەتاسى جونىندە بولىپ وتىر. قازىر ۋكرايناعا جەتكىزىلىپ جاتقان راكەتالار 80 شاقىرىمعا دەيىن ۇشا الادى. Reuters بىلتىر قاراشادا Boeing كومپانياسى ءوزى وندىرەتىن GLSDB قارۋىن ۋكرايناعا بەرۋدى ۇسىنعانىن حابارلاعان. جۇيە راكەتاقوزعالتقىشى بار شاعىن ديامەترلى بومبادان قۇرالعان. وزدىگىنەن دالدەي الاتىن راكەتانى HIMARS قوندىرعىسىنان دا ۇشىرۋعا بولادى. ول ءجۇرىپ بارا جاتقان نىسانانى ونداعان شاقىرىم جەردەن اتىپ تۇسىرە الادى. جۇيە سيپاتتاماسىندا ونى عالامدىق GPS ناۆيگاتسيا جۇيەسىمەن باسقارۋعا بولاتىنى جازىلعان. ونى كەز كەلگەن اۋا

  • سوعىسقا “لەوپارد” ارالاسپاق. نەمىستىڭ بۇل تانكىسى نەسىمەن مىقتى؟

    The Associated Press Reuters اگەنتتىگى نەمىستىڭ “لەوپارد 2″ (Leopard 2) تانكىسى. گەرمانيا بيلىگى ۋكرايناعا “لەوپارد 2″ (Leopard 2) تانكىسىن بەرۋگە جانە باسقا ەلدەرگە دە بۇل تانكىنى ۋكرايناعا جەتكىزۋگە رۇقسات بەردى. بۇل تانكىنى ۋكراينا بيلىگى گەرمانيادان بۇرىننان سۇراپ كەلگەن ەدى.بىراق بەرلين “لەوپارد” تانكىسىن كيەۆكە ۇزاق ۋاقىت بەرگىسى كەلمەدى. ۋكراينا قىزىققان بۇل تانك قانشالىقتى مىقتى؟ تۇسىندىرەمىز.  “لەوپارد 2″ دەگەن قانداي تانك؟  “لەوپارد 2″ تانكىسىن گەرمانيانىڭ Krauss-Maffei Wegmann كومپانياسى جاساعان. كومپانيا “لەوپاردتى” اتۋ قابىلەتى، قورعانىسى، جىلدامدىعى، ايلاسى جاعىنان “الەمدەگى ەڭ مىقتى تانك” دەپ سيپاتتايدى ءارى كەز كەلگەن جاعدايداعى شايقاسقا جارايدى دەيدى. 55 توننا تانكىگە ءتورت ادام سىيادى، ەڭ جوعارعى جىلدامدىعى – 68 كم/ساعات. بۇل تانكىنىڭ العاشقى نۇسقاسى 1979 جىلى جاسالعان. سودان بەرى گەرمانيا 3500-دەن

  • WP: تسرۋ باسشىسى كيەۆكە جاسىرىن كەلىپ، رەسەي جوسپارى تۋرالى ايتقان

    ۋيليام بەرنس اقش ورتالىق بارلاۋ باسقارماسىنىڭ (تسرۋ) باسشىسى ۋيليام بەرنس وتكەن اپتادا كيەۆكە جاسىرىن كەلىپ، ۋكراينا پرەزيدەنتى ۆلاديمير زەلەنسكي جانە ۋكراين بارلاۋ قىزمەتىنىڭ باسشىلارىمەن كەزدەسكەن. بۇل جونىندە دەرەككوزگە سۇيەنگەن The Washington Post باسىلىمى جازدى. باسىلىم دەرەككوزىنىڭ ايتۋىنشا، بەرنس زەلەنسكيگە رەسەيدىڭ ۋكراينادا جوسپارلاپ وتىرعان ارەكەتتەرى تۋرالى حابار بەرگەن. امەريكا بارلاۋشىلارى مەن باتىس ساراپشىلارى ماسكەۋ ۋكراين ارمياسىنىڭ وق-ءدارى تاۋسىلىپ بارا جاتقانىن پايدالانىپ، الداعى ۋاقىتتا جاڭا شابۋىل دايىنداپ وتىرعانىن جوققا شىعارمايدى. دەرەكوزدىڭ ايتۋىنشا، زەلەنسكي اقش كونگرەسىنىڭ وكىلدەر پالاتاسىندا باقىلاۋ دەموكراتتاردان رەسپۋبليكالىقتارعا كوشكەننەن كەيىن ۋكراينا اقش پەن باتىس ەلدەرىنە قانشالىقتى ارقا سۇيەي الادى دەگەن سۇراقتىڭ جاۋابىن بىلگىسى كەلگەن. باسىلىمنىڭ جازۋىنشا، بەرنس كومەك الۋ ءسال قيىنداي تۇسەتىنىن راستاعان. WP جازۋىنشا، دەگەنمەن زەلەنسكي مەن كومەكشىلەرى كەزدەسۋدەن بايدەن اكىمشىلىگىنىڭ

  • NYT: اقش ۋكرايناعا قىرىمعا سوققى جاساۋ بويىنشا كومەك بەرۋدى قاراستىرىپ جاتىر

    قىرىم كوپىرى.  “ۋكراينا اسكەرىنىڭ رەسەي اننەكسيالاپ العان قىرىمعا سوققى جاساۋ مۇمكىندىگى بولۋى ءتيىس، بۇل كيەۆكە بولاشاق كەلىسسوزدەردە قوياتىن شارتتارىنىڭ سالماعىن ارتتىرۋعا جاعداي جاسايدى. اقش پرەزيدەنتى دجو بايدەن اكىمشىلىگىنىڭ پىكىرى وسى جاققا قاراي ويىسىپ بارادى” دەپ جازدى New York Times (NYT) باسىلىمى. گازەتتىڭ جازۋىنشا، رەسەي باسقىنشىلىعى باستالعالى بەرى اكىمشىلىك وكىلدەرى قاقتىعىس ۋشىعىپ كەتپەس ءۇشىن كيەۆكە تۇبەككە سوققى جاسايتىن قارۋ بەرۋدەن باس تارتقان. ەندى باسىلىمنىڭ مالىمەتىنشە، بايدەن اكىمشىلىگى ۋكراين شەنەۋنىكتەرىمەن ماسەلەنى تالقىلاعاننان كەيىن كيەۆكە مۇنداي قارۋ-جاراق كەرەك ەكەنىنە كوزى جەتە باستاعان ءتارىزدى. باسىلىمنىڭ جازۋىنشا، امەريكا شەنەۋنىكتەرى مەن ساراپشىلارىنىڭ رەسەي يادرولىق قارۋ قولدانادى دەگەن كۇدىگى دە سەيىلە باستاعان. دەگەنمەن مۇنداي قاتەر ءالى جويىلماعان. بىراق ماسەلە ۋكرايناعا الىسقا ۇشاتىن راكەتالاردى بەرۋ جونىندە بولىپ وتىرعان

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: