|  |  | 

Jahan jañalıqtarı Sayasat

Toqaevtıñ mälimdemesinen keyin Qazaqstan men Resey qatınası qalay örbimek?


Sankt-Peterburgtegi halıqaralıq ekonomika forumı törine şığıp kele jatqan Qazaqstan prezidenti Qasım-Jomart Toqaev (oñ jaqta) pen Resey prezidenti Vladimir Putin. 17 mausım 2022 jıl.

Sankt-Peterburgtegi halıqaralıq ekonomika forumı törine şığıp kele jatqan Qazaqstan prezidenti Qasım-Jomart Toqaev (oñ jaqta) pen Resey prezidenti Vladimir Putin. 17 mausım 2022 jıl.

Qazaqstan prezidenti Qasım-Jomart Toqaev Sankt-Peterburg ekonomika forumında Mäskeudi qoldamaytının bildirdi. Bwl Ukrainadağı soğıstan soñ Ortalıq Aziyadağı jağdaydıñ özgergenin körsetetindey.

Qazaqstanda biılğı Qañtar oqiğası kezindegi narazılıq jappay tärtipsizdikke wlasıp, biligine qauip töngen soñ prezident Qasım-Jomart Toqaev Reseydiñ kömegine jügingen edi. Sodan beri jwrt Resey äskerin elge kirgizgen prezident Qazaqstan täuelsizdigin qwrbandıqqa şalıp, Mäskeuge qarızdar bolıp qaldı dep aytıp jürdi.

Biraq Resey äskeri Ukrainağa basıp kirgennen keyin tört ay ötkende Toqaev bwl oydı joqqa şığardı. Ol Resey prezidenti Vladimir Putinmen Sankt-Peterburg halıqaralıq ekonomika forumına qatısıp, Kreml'di qoldamaytının ayttı.

Resey prezidenti Sovet odağı qwramında bolğan elderdiñ bärin “Reseydiñ tarihi jeri” dep atap, Mäskeuge qarsı şıqqandardı Ukrainanıñ tağdırı kütip twrğanın meñzedi.

Resey prezidenti Vladimir Putin (sol jaqta) men Qazaqstan prezidenti Qasım-Jomart Toqaev Sankt-Peterburgtke ötken halıqaralıq ekonomika forumında. Resey, 17 mausım 2022 jıl.

Resey prezidenti Vladimir Putin (sol jaqta) men Qazaqstan prezidenti Qasım-Jomart Toqaev Sankt-Peterburgtke ötken halıqaralıq ekonomika forumında. Resey, 17 mausım 2022 jıl.

Forumda reseylik RT memlekettik arnasınıñ bas redaktorı, forum moderatorı Margarita Simonyan Ukrainadağı “arnaulı äskeri operaciya” (Resey biligi “soğıs” degen sözdi qoldanuğa tıyım salğan – red.) jaylı Qazaqstannıñ wstanımı qanday degen swraqtı Toqaevqa tötesinen qoydı. Bwl swraqqa jauabında Toqaev Nwr-Swltan Ukrainanıñ şığısındağı separatistik qwrılımdar – Doneck jäne Lugansk “halıq respublikaların” täuelsiz el dep moyındamaytının ayttı.

“Eger halıqtardıñ tañdağanı bola berse, älemde BWW qwramındağı qazirgidey 193 el emes, jer betinde 500 ya 600 el bolar edi. Ärine, bwl haosqa bastaydı. Sondıqtan biz Tayvan'dı da, Kosovanı da, Oñtüstik Osetiyanı da, Abhaziyanı da moyındamaymız. Bwl principti Lugansk pen Donecktiñ kvazimemlettik qwrılımına da qoldanatın şığarmız” dedi Toqaev.

Qazaqstan Reseydiñ Ukrainağa basqınşılığına birinşi ret narazılıq bildirip twrğan joq. Biraq Toqaevtıñ Putinniñ janında otırıp, sol oyın qaytalauı Reseydiñ Qazaqstan sekildi äriptesteriniñ Mäskeuden boyın alşaq wstauğa tırısıp jatqanın körsetedi.

“Putinniñ janında sahnada otırıp bwlay deu batıldıq boldı” dedi Azattıqqa RAND korporaciyasınıñ ad'yunkt-stipendiatı, AQŞ-tıñ Qazaqstandağı birinşi elşisi bolğan Uil'yam Kortni. “Mäskeudiñ körşilerine degen közqarası agressiyalı bola bastadı jäne onıñ Ukrainadağı [soğıstan] köñili qaluı bwl wstanımğa qattıraq äser etui ıqtimal. Bwl bolaşaqta Qazaqstannıñ qısımğa wşırauı mümkin ekenin bildiredi”.

Resey memlekettik dumasındağı "Edinaya Rossiya" frakciyasınıñ müşeleri Vyaçeslav Nikonov (sol jaqta) pen Evgeniy Fedorovtıñ suretterinen kollaj.

“Demarş jäne Euraziyaşıl bilikke eskertu”. Resey deputattarınıñ mälimdemesin sarapşılar ärkelki bağalaydı

NWR-SWLTANNIÑ BASQA DA ŞEŞİMDERİ

Toqaev bwl mälimdemeni Reseydiñ bilikşil adamdarınıñ Qazaqstannıñ soltüstigindegi jerlerdi Ukrainanıñ şığısımen birge anneksiyalaytın aymaq dep meñzegen sözinen keyin ayttı. Qazaqstannıñ soltüstiginde wltı orıs azamattar köp twradı.

Biraq Ukrainadağı soğıs jalğasıp jatqan twsta Qazaqstan Mäskeuge täueldi emes ekenin körsetip jatır. Sarapşılar mwndaydı kütpegen edi.

Nwr-Swltan Mäskeu qoldap otırğan separatister qolındağı qwrılımdardı moyındamaytının aytıp qana qoyğan joq. Ol bwğan deyin Ekinşi düniejüzilik soğıs kezinde Sovet odağınıñ nacistik Germaniyanı jeñgenin atap ötetin dästürli äskeri paradtı da ötkizbegen edi.

Qazaqstan Batıstıñ Reseyge salğan sankciyaların aynalıp ötu üşin abaylap äreket etti. El işindegi Mäskeudiñ sırtqı sayasatına qatıstı jekköriniş pen eldegi ukrainşıl demonstraciyalardıñ arasında tepe-teñdik wstauğa tırıstı.

Ukrainanı qoldap, Resey bastağan soğısqa qarsı mitingige şıqqan adamdar. Almatı, 6 naurız 2022 jıl.

Ukrainanı qoldap, Resey bastağan soğısqa qarsı mitingige şıqqan adamdar. Almatı, 6 naurız 2022 jıl.

Nwr-Swltan Europağa energiya jiberu kelisimin de keñeyte tüsti. 15 mausımda “Rossiya 24″ telearnasına bergen swhbatında Toqaev Nwr-Swltan Mäskeuge sankciyalardıñ jaña rejimin aynalıp ötuge kömek körsetpeytinin aytıp, WQŞW äsker jibergen soñ eldiñ Reseyge qarızdar bolıp qalğanı jaylı äñgimeni joqqa şığarğan edi.

“Keybireuler Resey Qazaqstandı qwtqarıp qaldı, Qazaqstan endi Reseyge qızmet etip, bas iip ötui kerek dep mälimdep, jağdaydı bwrmalap jatır” dedi ol swhbatta. “Bwl şındıqqa janaspaytın negizsiz argument dep oylaymın”.

Reseyde bwl mälimdemelerge jıldam reakciya bildirgender boldı. Deputat Konstantin Zatulin Qazaqstan jeriniñ twtastığına kümän keltirdi.

“Olar orıstar köp twratın audandar men eldi mekenderdiñ Qazaqstan dep atalatın jermen baylanısı älsiz ekenin öte jaqsı biledi” dedi ol radioğa bergen swhbatında.

Wjımdıq qauipsizdik şart wyımı missiyası ayasında Qazaqstanğa bara jatqan reseylik äskeriler Mäskeu mañındağı aeroromda wşaqqa minip jatır. 6 qañtar 2022 jıl.

Wjımdıq qauipsizdik şart wyımı missiyası ayasında Qazaqstanğa bara jatqan reseylik äskeriler Mäskeu mañındağı aeroromda wşaqqa minip jatır. 6 qañtar 2022 jıl.

Resey qwramındağı Şeşenstannıñ basşısı Ramzan Qadırov ta Qazaqstan men Wjımdıq qauipsizdik şartı wyımına (WQŞW) müşe basqa da elderdi Mäskeudiñ Ukrainağa basqınşılığın qoldamadı dep sınağan sözi jazılğan video jariyaladı. Ol Nwr-Swltannıñ soltüstiginde egemendiktiñ älsirep jatqanın ayttı.

Toqaevtıñ Reseydiñ Ukraina turalı wstanımına qarsı şıqqanına jäne oğan wltşıl ortanıñ jauabına qaramastan, Qazaqstan prezidentiniñ Putinniñ janındağı sözderiniñ köbi Reseydiñ ekonomikalıq oqşaulanuı kezinde onımen baylanısın saqtap qalu jaylı boldı. Ol birşama jıl boyı Qazaqstanmen baylanısın nığaytqanı üşin Resey prezidentine alğıs ta bildirdi.

“Qazaqstan Mäskeu basqınşılığınıñ saldarına qaramastan Reseymen äriptestiktiñ jäne jwmıs isteudiñ jolın izdeudi jalğastıra beredi, – deydi Kortni. – Biraq Reseydiñ Qazaqstannıñ soltüstigi jaylı wltşıl mälimdemeleri [Qazaqstan biligi üşin] öte zor problema. Bwl jazılmağan jara ispetti”.

NWR-SWLTAN ENDİ NE İSTEYDİ?

Qazaqstan men Resey arasındağı mwnday jağdaylar Toqaev üşin de, Nwr-Swltan üşin de jañalıq emes. Biraq Mäskeu basqınşılığı jağdaydı özgertti.

Bwrın Qazaqstan prem'er-ministri, sırtqı ister ministri, BWW-nıñ Jenevadağı ökildigi direktorı, parlament senatı spikeri bolğan Toqaev – täjiribeli diplomat. Ol 1991 jılı Sovet odağı qwlağan soñ Qazaqstannıñ sırtqı sayasatın qalıptastıruda mañızdı röl atqardı.

Qazaqstan bwrınnan AQŞ-pen de, Euroodaqpen de baylanısın saqtay otırıp, Qıtay men Resey siyaqtı eki ıqpaldı körşisimen jaqsı qarım-qatınasta boluğa tırısıp keledi. Nwr-Swltan Iran men Türkiya sekildi derjavalarmen de baylanısın nığaytuğa talpındı.

Türkiya prezidenti Redjep Tayıp Erdoğan men Qazaqstan prezidenti Qasım-Jomart Toqaev
Ukrainadağı soğıs Türkiya men Qıtaydıñ Ortalıq Aziyağa ıqpalına qalay äser etedi?

Ukrainadağı soğıstan keyin Qazaqstan bwl strategiyasın küşeyte tüsti. Qazaqstan Qıtaydıñ sırtqı ister ministri Van Idi qabıldadı, Ankaramen de, Tegeranmen de baylanısın tereñdetuge tırıstı. Mamırda Toqaev Türkiyağa memlekettik saparmen barıp, sauda baylanısın arttıruğa jäne “Bir beldeu – bir jol” bastaması ayasında Qazaqstan men Resey arqılı Europağa baratın sauda jolın Türkiya arqılı ötetindey etip jüzege asıruğa kelisti.

Prezident Rejep Tayıp Erdoğan Mäskeuge bağıttalğan mälimdemelerdi de qoldaytının anıq bayqattı.

19 mausımda Toqaev Iranğa saparmen barıp, ekijaqtı sauda baylanısın arttıru qamın jasadı.

Qazaqstan prezidenti Qasım-Jomart Toqaev (sol jaqta) Iran prezidenti Ibrahim Raisimen kezdesip otır. Tegeran, 19 mausım 2022 jıl.

Qazaqstan prezidenti Qasım-Jomart Toqaev (sol jaqta) Iran prezidenti Ibrahim Raisimen kezdesip otır. Tegeran, 19 mausım 2022 jıl.

Sarapşılar Qazaqstan Reseyge täueldilikten arılu üşin basqa derjavalarmen baylanısın nığaytıp, Resey basqınşılığınan keyin wstanımın qayta qarap jatqanın aytadı.

“[Wstanımın] qayta qarau wzaq merzimde birdeñe özgeretinin bildiredi, – dedi Azattıqqa Eurasia Group konsalting kompaniyasınıñ ağa sarapşısı Zakari Vitlin. – Sovet odağı qwramında bolğan, Reseyge körşi kez kelgen el üşin Ukrainadağı jağdayğa qarap otırıp, “Tağı ne boluı mümkin?” degen swraqqa bas qatırmau öte qiın”.

Related Articles

  • Samat Äbiş qalay “sütten aq, sudan taza” bolıp şıqtı?

    Azattıq radiosı Sayasattanuşı Dosım Sätpaev WQK törağasınıñ bwrınğı birinşi orınbasarı, eks-prezident Nwrswltan Nazarbaevtıñ nemere inisi Samat Äbişke şıqqan ükim “Qazaqstandağı rejim bolaşaqtı oylamaytının körsetti” deydi qazaqstandıq sayasattanuşı Dosım Sätpaev. Sarapşınıñ payımdauınşa, bileuşi “elita” jeke isterimen jäne tasadağıkelisimdermen äure bolıp jatqanda elde tağı bir jaña äleumettik jarılısqa äkelui mümkin faktorlar küşeyip keledi. SayasattanuşıResey öziniñ ekonomikalıq müddeleri men geosayasi josparların keñinen jüzege asıru üşin Qazaqstannıñ işki sayasatına tikeley äser etuge tırısıp jatuı mümkin dep te topşılaydı. PUTIN “QAUİPSİZDİK KEPİLİ” ME? Azattıq: Sonımen wzaq demalıs aldında osınday ülken jañalıq jariyalandı. Meyram aldında, 19 naurızda qazaqstandıqtar mäjilis deputatınıñ postınan Samat Äbişke şıqqan ükim jaylı bildi. Mwnıñ bäriniñ baylanısı bar ma älde kezdeysoqtıq pa? Dosım Sätpaev: Äñgimeni bwl istiñ qwpiya

  • “Geosayasat ileuine tüsip qaluımız mümkin”. Qazaqstanda AES saluğa qatıstı sarapşı pikiri

    Elena VEBER Atom elektr stansasın salu jäne paydalanu ekologiyalıq qater jäne tötenşe jağdayda adam densaulığına qauipti ğana emes, oğan qosa soğıs barısında Ukrainanıñ Zaporoj'e AES-indegi bolğan oqiğa siyaqtı bopsalau qwralı deydi äleumettik-ekologiyalıq qordıñ basşısı Qayşa Atahanova. Ol mwnıñ artında köptegen problema twrğanın, qazaqstandıqtarğa AES salu jönindegi referendum qarsañında birjaqtı aqparat berilip, onda tek paydalı jağı söz bolıp jatqanın aytadı. Sarapşı AES-tiñ qaupi men saldarı qanday bolatını jayında aqparat öte az dep esepteydi. Goldman atındağı halıqaralıq ekologiyalıq sıylıqtıñ laureatı, biolog Qayşa Atahanova – radiaciyanıñ adamdarğa jäne qorşağan ortağa äserin şirek ğasırdan astam zerttep jür. Ol bwrınğı Semey poligonında jäne oğan irgeles jatqan audandarda zertteu jürgizgen. Qarağandı universitetiniñ genetika kafedrasında oqıtuşı bolğan.

  • “Qazaqstan dwrıs bağıtta”. Dekolonizaciya, Ukrainadağı soğıs jäne Qañtar. Baltıq elşilerimen swhbat

    Darhan ÖMİRBEK Baltıq memleketteriniñ Qazaqstandağı elşileri (soldan oñğa qaray): Irina Mangule (Latviya), Egidiyus Navikas (Litva ) jäne Toomas Tirs. Sovet odağı ıdıray bastağanda onıñ qwramınan birinşi bolıp Baltıq elderi şıqqan edi. Özara erekşelikteri bar bolğanımen, sırtqı sayasatta birligi mıqtı Latviya, Litva jäne Estoniya memleketteri NATO-ğa da, Euroodaqqa da müşe bolıp, qazir köptegen ölşem boyınşa älemniñ eñ damığan elderiniñ qatarında twr. Resey Ukrainağa basıp kirgende Kievti bar küşimen qoldap, tabandılıq tanıtqan da osı üş el. Soğıs bastalğanına eki jıl tolar qarsañda Azattıq Baltıq elderiniñ Qazaqstandağı elşilerimen söylesip, ekijaqtı sauda, ortaq tarih, Resey sayasatı jäne adam qwqığı taqırıbın talqıladı. Swhbat 8 aqpan küni alındı. “BİZDE QAZAQSTANDI DWRIS BİLMEYDİ” Azattıq: Swhbatımızdı Baltıq elderi men Qazaqstan arasındağı sauda qatınası

  • Baqsılar institutı

    Saraptama (oqısañız ökinbeysiz) Birinşi, ilkide Türki balasında arnayı qağan qwzireti üşin jwmıs isteytin köripkel baqsılar institutı bolğan. Atı baqsı bolğanımen hannıñ qırıq kisilik aqılşısı edi. Köripkel baqsılar han keñesi kezinde aldağı qandayda bir sayasi oqiğa men situaciyanı küni bwrtın boljap, döp basıp taldap häm saraptap bere alatın sonı qabilettiñ iesi-tin. Olardı sayasi köripkelder dep atasa da boladı. Han ekinşi bir eldi jeñu üşin bilek küşinen bölek köripkel baqsılardıñ strategiyalıq boljauına da jüginetin. Qarsılas eldiñ köripkel baqsıları da oñay emes ärine. Ekinşi, uaqıt öte kele sayasi köripkel baqsılar türkilik bolmıstağı strategiyalıq mektep qalıptastırdı. Türki baqsıları qıtay, ündi, parsı, wrım elderin jaulap aluda mañızdı röl atqardı. Ol kezdegi jahandıq jaulasular jer, su,

  • AQŞ senatı Ukrainağa qarjılay kömek qarastırılğan zañ jobasın maqwldadı

    AQŞ kongresi.  AQŞ senatı 13 aqpanda Ukraina, Izrail' jäne Tayvan'ğa 95 mlrd dollar bolatın qarjılay kömek beru turalı zañ jobasın maqwldadı. Senatta demokrattar basım orınğa ie. Endi zañ jobasın Respublikalıq partiya basım Ökilder palatası qaraydı. Ökilder palatasında jobanıñ zañ statusın aluğa mümkindigi az degen boljam da aytaladı. Prezident-demokrat Djo Bayden biraz uaqıttan beri eki palatanı Ukraina men AQŞ-tıñ Ündi-Tınıq mwhit aumağındağı seriktesterine kömek berudi jıldamdatuğa şaqırıp keledi. Ukraina biligi bastı odaqtası AQŞ-tan qoldau azayğan twsta qaru-jaraq jetpey jatqanın birneşe ret mälimdegen. Ukraina prezidenti Vladimir Zelenskiy bügin, 13 aqpanda AQŞ senatınıñ bwl zañ jobasın maqwldağanına alğıs ayttı. Qwjatta Kievke 61 mlr dollar beru qarastırılğan. “Amerikanıñ kömegi Ukrainağa beybit ömirdi jaqındastırıp, älemdik

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: