Maykl N'yutonnıñ «Jan jihanı» kitabınıñ audarmasınan üzindi
kerey.kz
Nwrlan Sädir
Maykl N'yutonnıñ «Puteşestvie duşi»/ «Jan jihanı» kitabınıñ audarmasınan üzindi wsınudı jalğastırudı şeştim:
2-şi uaqiğa Amerikanıñ oñtüstigindegi jazıqta Sellidiñ moyınına jaqın qaşıqtıqtan jebe kelip qadalğan sätten bastaladı. Öz basım, ötken ömirde kisi qolınan qasaqana bolğan ölim scenalarına saqtıqpen qaraymın. Sebebi tüpsana sol azap äserdi jadında äli de bolsa saqtaydı. Mağan ekinşi uaqiğadağı Sub'ekt tamağınıñ twsı ömir boyı mazalap kele jatqanı jaylı şağımmen keldi. Bwnday jağdaylarda arnayı terapiya men ömirlik bağıt-bağdarın qayta qwru kerek boladı. Sub'ektilerimmen jwmıs jasağanımda, olardı özin sırttay baqılauşı röline qoyu arqılı, auruı men küyzelisin bäseñdetu mümkindigin jibermeymin.
2-UAQIĞA
D-r N.: Jebe janıñızğa batıp twr ma?
SUB'EKT: Iä… tamağımdı qaqıratıp jiberdi… Men ölip baramın (Sub'ekt tamağın wstap, sıbırlap söyley bastadı). Twnşığıp baramın… qan atqılap jatır… Uil (küyeuim) meni süyep twr… şıdatpay baradı… Qalay bolğanda da bäri bitti, men kettim.
Zer salıñız: Azabı batıp şıdatpay bara jatatın jağdayda, ruh adam denesin, onıñ şın ajalı jetkennen bir sät bwrın, tastap kete aladı. Kim Bwl üşin olarğa kinä tağuı mümkin? Degenmen, olar ölip bara jatqan deneniñ qasında boladı. Tınıştandırudıñ bir amaldarın jasap, ruhani estelikterge auısu üşin, bwl Sub'ektini tüpsanadan samğausana därejesine köterdim.
D-r N.: Jaqsı, Selli, Siz osı ündisterdiñ qolınan qaza tapqanıñızğa köndiktiñiz. Ajal sätinde ne sezgeniñizdi aytıp bere alasız ba?
SUB'EKT: Bir küş… meni denemnen iterip şığarıp jatqanday…
D-r N.: Iterip şığarıp? Qalay?
SUB'EKT: Meni töbemnen iterip şığarıp jatır
D-r N.: Ne iterip jatqan?
SUB'EKT: Meni… deymin!
D-r N.: «Meni» degen neni bildiretinin aytsañız. Öziñizdiñ, yağni deneñizdiñ basınan şığıp jatqan Sizdiñ sipatıñızdı bilsek deymiz.
SUB'EKT: (ünsizdik) …Jarq-jwrq etken jarıq wşqı- nı…
D-r N.: Jarıq qaydan şığıp twr?
SUB'EKT: Meniñ… energiyamnan. Appaq möldirmin… meniñ janım…
D-r N.: Deneñizdi tastap şıqqannan keyin de jarıq energiyası osınday bolıp qaldı ma?
SUB'EKT: (ünsizdik) Men jıljığan kezde… wlğayıp ketkendeymin.
D-r N.: Eger nwrıñız wlğayıp jatqan bolsa, qazir qandaysız?
SUB'EKT: Auada qalıqtağan… jiñişke jip sıqıldı…
D-r N.: Deneñizden şığıp jatqanda, ne sezesiz?
SUB'EKT: Arşılğan banan sıqıldı, terimdi şeşip tastağandaymın… denesiz qaldım, sol ğana!
D-r N.: Bwl bir jaysız sezim be?
SUB'EKT: Joq! Janıña eşteñe batpay, bwnday erkin sezinu – sonday keremet! Tek men… abdırap qaldım… Ölu oyımda joq edi… (pacientimniñ dauısınan mwñ sezildi. Men onı birer minut jerdegi denesine ne bolıp jatqanına emes, janına zer saluın swradım).
D-r N.: Ruh retinde, jaysızdıq sezip twrğanıñızdı, tüsinemin, Selli. Bwl – qalıptı jayt. Öytkeni öziñizde bar birdeñe ayaq astınan üzildi. Meni mwqiyat tıñdap, swraqtarıma jauap beriñizşi. Bir söziñizde qalqıp twrmın dediñiz. Ajal jetken soñ, qimıldauğa qabilettisiz be?
SUB'EKT: Auada qalqıp twrğandaymın… jäne bwl aua da emes… şeti men şegi joq… auırlıq küşi de, tük sal- mağım da joq, sonday birtürli tüsiniksiz küy.
D-r N.: Sonda vakuumde twrğandaymın dep aytqıñız keledi me?
SUB'EKT: Iä… aynalamda qattı eşteñe joq. Tüyisip qalatın kedergi de joq… Meni bir jaqqa äketip baradı.
D-r N.: Öz qimıl, bağıtıñızdı rettey alasız ba?
SUB'EKT: Iä, birdeñelerdi istey alamın… biraq meni appaq twñğiıqqa tartıp jatqan – sonday jap-jarıq!
D-r N.: Onıñ appaqtığı birkelki me?
SUB'EKT: Menen alıstağanda jarıqtau… jäne qo- yulau… meniñ denem jatqan jaq swrğılt… (jılay basta- dı) o, meniñ sorlı denem… men äli ketuge dayın emespin (Sub'ekt birdeñege qarsılasqanday, kreslonıñ arqalığına jabısa tüsti).
D-r N.: Bäri jaqsı, Selli, men Sizben birgemin. Men Sizdiñ tınıştalıp, ajal jetken kezde, Sizdi töbeñizden suırğan küş Öziñizdi äli de bir jaqqa alıp bara jatır ma, onı toqtata alasız ba, sonı aytqanıñızdı qalaymın.
SUB'EKT: (ünsizdik) Denemnen arılğanımda, tartılıs kemip ketti. Endi meni itermelep, denemnen alıstatıp bara jatqanın sezemin… äli ketkim kelmey twr… biraq bir küş tezirek ketkenimdi qalaydı…
D-r N.: Tüsinemin, Selli, biraq birdeñelerge biligiñizdi jürgize alatındaysız. Sizdi alıstatıp bara jatqandı qalay sipattar ediñiz?
SUB'EKT: …Bwl bir magnit sıqıldı… alayda men… säl kidire twrğım keledi…
D-r N.: Sizdiñ janıñız bwl tartılıs küşine qaşanğa deyin qarsılasa aladı?
SUB'EKT: (Wzaq ünsizdik. Sub'ektide, Selli kezindegi özimen, işki küres jürip jatqanday. Sub'ekt jılay basta- dı). Mına jabayılardıñ denemdi ne istegenin qarañızşı, qanday masqara! Ädemi kök köylegim qanğa malşınğan. Küyeuim Kayova ündisterimen şayqasıp jatır.
Zer salıñız: Men bwl Sub'ektiniñ aynalasında, onıñ tınıştıq tabuı üşin ülken mañızı bar qorğanıs ekranı obrazın küşeyttim. Ündister keruen mañınan ot qaru arqılı ığıstırılğan sättiñ scenasın alğa şığarğanımnan soñ da Sellidiñ ruhı denesiniñ mañında äli qalqıp jürdi.
D-r N.: Selli, şabuıl toytarılğan soñ, küyeuiñiz ne istep jatır?
SUB'EKT: O, bir jaqsısı… ol eş jaraqat almağan eken… biraq… (qapa bolıp) ol meni üstimnen tönip jılap jatır… mağan eş kömektese almaydı jäne bwnı äli tüsinbegen de sıqıldı. Men salqındap qaldım, biraq ol betimdi özine qaratıp… süyip jatır.
D-r N.: Öziñiz qazir ne isteudesiz?
SUB'EKT: Uilldiñ üstinde qalıqtap twrmın. Onı jwbatqım keledi. Mahabbatım eşqayda ketpegenin, ol wqsa deymin… Meni mäñgilikke joğaltpağanın, bir-birimizdi äli köretinimizdi bilgenin qalaymın.
D-r N.: Bwl oyıñız oğan jetip jatır ma?
SUB'EKT: Ol qanşa qayğığa batsa da… meni sezedi. Men bwnı bilemin. Dostarım onı qorşap alıp… ekeumizdi ayırıp jatır, olar keruendi retke keltirip, şaruağa kiriskisi keledi.
D-r N.: Janıñızdıñ jay-küyi jaylı aytsañız.
SUB'EKT: Özimdi tartqan küşke äli de qarsılıq bildirip jatırmın. Qalğım keledi.
D-r N.: Nege?
SUB'EKT: Ölgenimdi bilemin… biraq Uilldi äli tastap kete almaymın… olardıñ meni qalay jerlegenin körgim keledi.
D-r N.: Aynalıñızdan özge ruhani twlğalardı sezip, körip twrğan joqsız ba?
SUB'EKT: (üzilis) Olar alıs emes… köp wzamay olar- dı köremin… Men Uilldiñ özimdi sezgenimdi qalağanımday, olardıñ da mahabbatın sezip twrmın… Olar meniñ äzir bolğanımdı kütude.
D-r N.: Soğan şeyin, Uilldi jwbatıp körgiñiz kele me?
SUB'EKT: Onıñ sanasına enuge talpınıp jatırmın.
D-r N.: Qalay, bwl qolıñızdan kelip jatır ma?
SUB'EKT: (ünsizdik) Azdap… meni sezedi… tüsinedi… süyedi dep oylaymın…
D-r N.: Jaqsı, Selli, endi uaqıt boyınşa säl alğa jıljiıq. Keruendegi dostarıñız deneñizdi qabirge salıp jatqanın körip twrsız ba?
SUB'EKT: (senimdirek dauıspen) Iä, olar meni jerledi. Mağan ketetin kez keldi, artımnan kelip kütip twr… Jarığıraq jaqqa bet aldım…
Keybireuler aytatınday emes, ädette ölgen denesin tastap şıqqan jannıñ sol denesimen alañı az boladı. Bwnısı – artında qalğan jaqın-juığına degen tasjürektigi emes, ajal azabınan qwtılğanına quanıp, ğajayıp aruaqtar älemine asıqqanı.
Alayda ajal qwşqan jerin tastap ketuge asıqpay, jer qoynına tapsırğanğa deyin birneşe kün kidirgisi keletinder de barşılıq. Bwnıñ sebebi de ärtürli. Mısalı, jazatayım qaza tapqandardıñ, ayaq astınan bireudiñ qolınan ölgenderdiñ janı qaza ornınan birden ketkisi kelmeui jii bayqaladı. Bwndaylardıñ janı keyip, sasqalaqtap qaluı sirek kezdespeydi. Qaza tapqan jerin birden tastap kete almay, kibirtekteui – äsirese, jas kezinde ömirden ötkender üşin tän.
Jan men tänniñ kürt ajırauı, tipti bwl wzaqqa so- zılğan sırqattan soñ orın alsa da – qatardağı jan üşin ıqılassız, auır qabıldanatın soqqı. Sondıqtan marqwmnıñ «üşin, «jetisin, «qırıqın» berudiñ mäni bar. Jaqın- juığı tarapınan körsetilip jatqan qwrmetke baqilıq bolğannıñ janı şattanadı.
Jannıñ, qaza ornınan ketkisi kelmeuiniñ negizgi sebebi – aruaqtar älemine keter aldında, jaqındarımen oyşa tildesip, köñilin jaylandıru. Jaña ğana ölgenniñ janı, öz qazası üşin, qayğırmaydı. Sebebi Jerde qalğan jaqındarın keyinirek, aruaqtar äleminde, özge ömirlerinde jolıqtıra alatının biledi. Al, artında qalğandarğa bwnı bilu bwyırmağandıqtan, jaqının mäñgilikke joğalttıq dep qamığadı.
Sub'ektilerim, gipnoz kezinde, öz energiyasın dwrıs paydalana almay, qayğıdan esinen tanğan jaqınımen oyşa tildese almağanına qapa bolğanın eske aladı. Qayğıdan qan jwtqandardıñ işki düniesi twmandanatını sonşalıq, jaña ölgen jaqınınıñ janın estu qabileti kürt azayadı. Jerde qalğan jaqındarın säl de bolsa jwbata alğandardıñ janı jay tauıp, Jer astralın tez tastaydı.
Ruhani jwbanıştıñ bwnday uaqiğası öz basımnan da ötti. Anam jürek talmasınan ayaq astınan qaytıs boldı. Äpkem ekeumizdiñ qayğığa batqanımız sonşa, jerleu joralğıların atqaru barısında, esimiz kiresili-şığasılı küyde boldıq. Birneşe sağattan soñ jwbaylarımızben birge anamızdıñ qañırap qalğan üyine kelip, demalıp aludı şeştik. Sirä, äpkem ekeumiz Al'fa-küyge – wyqınıñ sezimtaldıq, qabıldağıştıq kürt artatın satısına qatar tüsken bolsaq kerek. Eki bölmede qatar, aq tüsti eles sekildi payda bolğan anamız, tüpsanalarımız arqılı töbemizden jımiya külimsirep öte şıqtı. Osılayşa, öz ajalın qabıldağanın jäne jağdayı jaqsı ekenin bildirip, jaylap joq bolıp ketti. Birneşe sekundqa ğana sozılğan bwl sät – bärine nükte qoyğan akt sıqıldı boldı. Sodan soñ, äpkem ekeumiz Del'ta satısındağı tereñ wyqığa kettik.
Biz dünieden ozğan jaqındarımızdıñ, janımızdı tınıştandırarlıq äserin, äsirese, jerleu küni ne sodan keyin birden, seze alamız. Eseñgirep twrğan adam, bwnday ruhani baylanısqa tüsui üşin, bir sätke bolsa da tınıştalıp, sanasın tazartuı kerek. Bwnday sätte tıl- sımdı qabıldauımız artıp, mahabbat, keşirim, ümit, qoldau sıqıldı oñqabaq joldaular aluğa qabiletti bolamız. Jäne dünieden ozğan jaqınımızdıñ jağdayınıñ jaqsı ekeninen habardar bola alamız.
Şiettey balalarımen qalğan jesir kelinşek mağan: «qattı qinalğanımda, marqwm küyeuimniñ qoldauın sezemin» degen kezde, men oğan senemin. Pacientterim, ruh retinde, Jerdegilerdiñ sanasın aruaqtar älemimen baylanıstıruğa qabiletti ekenin aytadı. «Artında qalğan jaqındarınıñ jadınan şıqqanşa, ruh – tiri» degen danalıqqa bas iemin. Kelesi taraularda janımızdıñ aynadağı beynesi sıqıldı erekşe jadtıñ jäne barlıq ruh üşin – taza energiyanıñ atomdarı bolıp tabılatın wjımdıq estelikterdiñ bar ekenine köz jetkizemiz. Jaqsı köretinderimizdiñ mäñgi tiri janımen baylanıstı ajal üze almaydı. Bwl jandar, aruaqtar äleminde qanşa qarbalas bolsa da, şaqırsa kele aladı.
Keyde beymaza ruh, denesi ölgen soñ da, Jerdi tastağısı kelmeydi. Bwl – sanasına qattı äser etken keybir mäselelerdiñ şeşilmey qalıp bara jatqandığınan boladı. Bwnday erekşe jağdaylarda, beyimdeu kezeñinen ötuge kömektesetin joğarı tirşilik ieleri qol wşın soza- dı. Jerdegi biz de onı o düniege qiyu arqılı kömektese alamız. Bwnday mazası qaşqan ruhtar jaylı 4-Tarauda egjey-tegjeylirek toqtalamın. Biraq tılsım elester qwbılısı kitap-kinolarda körinis tapqanda, artıq ketip qalıp jatatının birden ayta keteyin.
Bwl fänimen qoş aytısuğa qalay äzirlengen dwrıs? Bizdiñ sau ne aurudan köz aşpağan ğwmırımız wzaq ne qısqa boluı mümkin. Biraq tänimizdi tastaytın kün erte me, keş pe jetedi. Jazılmaytın dertke duşar bolsaq ta, bastapqı küyzelis, şoşu, baz keşu bäseñdegen kezde, bolmay qoymaytın närsege äzirlenu kerek. Däm-twzımız tausılğan kezde, biz özimizdiñ joğarğı sanamızben qauışu mümkindigin ielenemiz. Ölu – janımızdıñ mäñgilikpen baylanısın wğıp, ruhani sanamızdı qalpına keltiru eñ jeñil jüzege asatın ıñğaylı sät.
Ölip bara jatqandardıñ bäri birdey soñğı sätin oñ qabaqpen qarsı ala bermeydi. Degenmen, ajal auızındağılardı bağıp-kütkender: «adamdardıñ bäri derlik soñğı demi üziler aldında bir tınşığan küy tabadı» deydi. Öz basım bwl adamdardıñ bet älpetindegi bwl jaybaraqattıq
– soñğı sätte Mäñgiliktiñ sırı aşılıp, bäri jaqsı bola- tının bilgennen ekenine bek senimdimin.
Ölim kezinde adamdarda, jan men täniniñ ajırauı orın alatın, transformaciya procesi jüredi. Adamdar «ölim – ömir quatınan ayrılu» – dep oylağanımen, aqiqatında kerisinşe: biz ölim kezinde denemizden ayrılğanımızben, mäñgilik ömir energiyamız qwdıretpen qauışıp, birigedi.
Şın mäninde, ölim – tünek emes, nwr. Pacientterim ötken ölimin eske alğanda, zil batpan denelerinen qwtılğandağı erkindik sezimin qayta bastan keşip, tınıştıq pen bilim älemine ruhani sayahat jasauğa qwlşınatının aytadı. Kelesi uaqiğalardan, ömirden keyingi ömir ne ekeni jaylı mağlwmat alamız.
2-Tarau. Aruaqtar äleminiñ qaqpası
Mıñdağan jıldar boyı Mesopotamiya twrğındarı kök qaqpası Qws Jolınıñ Aruaqtar Özeni dep atalatın bwrılısında ornalasqan jäne ajalı jetken jandar kün men tünniñ küzgi teñelisi kezinde Qauıstıñ esiginiñ aşılğanın kütip twradı dep sengen. Bwl koncepciyağa say, reinkarnaciya ne Jerge oralu kün men tünniñ köktemgi teñelisi kezinde tüngi aspandağı Zauza şoqjwldızı arqılı jüzege asadı.
Sub'ektilerim, aqiqatında, ruhtar migraciyası äldeqayda qarapayım jüzege asatının aytadı. Jerdi tastap ketip bara jatqandar bastan keşetin tunnel' effektisi – aruaqtar älemine aparatın jol. Ruhtar denesin tez tastağanımen, aruaqtar älemine kiru – mwqiyat oylastı- rılğan, ret-retimen asıqpay jüzege asırılatın proceske wqsaydı. Sub'ektilerimniñ aytuına qarağanda, keyinirek, Jerge özge ömir üşin oralğanımızda, keyinge qaytatın jol äldeqayda qısqa körinedi.
Ärtürli Sub'ektiler tunnel'di, onıñ Jerge qatıstı ornalasuına qaray, ärtürli sipattaydı:
Keybir ajalı jaña ğana jetkender tunnel'diñ tap de- nesiniñ üstinde aşıq twrğanın körse, kelesileri – tunnel'ge Jerden üstine köterilip barıp, kirgenin aytadı. Alayda barlıq jağdayda, Jerdi tastağan ruhtar üşin, bwl uaqıt mezeti – aytarlıqtay emes. Tömende bir Sub'ektimniñ ba- sınan keşkeni keltiriledi.
3-UAQIĞA
D-r N.: Qazir deneñizdi ölgen jerinde tastap, Jerden wzap barasız. Aynalañızdı sipattap berseñiz?
SUB'EKT: Eñ basında, Jer mañında bolğanımda, samaladay jarıq edi, qazir tunnel'ge kirgesin, aynalam birşama küñgirt tarttı.
D-r N.: Tunnel'di sipattañızşı.
SUB'EKT: Qarañğı, bos tunnel'diñ tübinen jarıq körip twrmın.
D-r N.: Arı qaray ayta beriñiz.
SUB'EKT: Meni bwl tunnel'diñ işimen ötuge äldebir küş jaylap tartatınday… Tunnel' işimen jüruim kerek dep şeştim. Bwnda qarañğı degennen göri, bwldır desem dwrıs bolatınday. Bwl bir…
D-r N.: Ayta beriñiz
SUB'EKT: Meni alğa tartıp twr…
D-r N.: Iä, tunnel'diñ şetindegi jarıq küşeye tüsken- dey. Sosın?
SUB'EKT: Jañağı jarıqqa qaray bet alğan sayın, ol äbden ülkeydi. Bir kezde tunnel'den şıqtım. Sırtta jarıq azdap kömeskilengen… Jeñil twmannıñ işimen jürip kelemin.
D-r N.: Tunnel'den şıqqanıñızdan soñ, aynalañızdıñ bwldır ekeninen özge, tağı ne sezdiñiz?
SUB'EKT (dauısın bäseñdetip): Bwnda sonday tı- nıştıq… jaybaraqattıq. Men aruaqtar älemindemin…
D-r N.: Tağı ne sezudesiz?
SUB'EKT: Oy! Aynalamnan oy küşin… sezemin. Men…
D-r N.: Boyıñızdı äbden bosatıp, bärin mağan sol qalpında ayta beriñiz.
SUB'EKT: Bwnı sözben beru qiın. Men mahabbat… bauırmaldıq, dospeyildilikti… bir sözben aytqanda, özimdi kütip twrğandar barın sezemin.
D-r N.: Birdeñeden qorqıp, qanday da bir qauip sezip twrğan joqsız ba?
SUB'EKT: Qorqıp twrğanım joq. Tunnel'de bolğanımda azdap abdırağanım ras… Aynalamnan bir qamqorlıq niet sezemin. Olar meniñ kim ekenimdi, mwnda ne ğıp jürgenimdi biletindey.
D-r N.: Osı qamqorlıq qanday da bir közge körinetin türde biline me?
SUB'EKT: (bäseñ dauıspen) Joq, biraq oy, niet üylesimin sezip twrmın.
D-r N.: Tunnel'den şığısımen, bwlt substanciyası payda bolğanın ayttıñız. Siz sonda Jer üstindegi aspandasız ba?
SUB'EKT: (üzilis) Joq, olay emes, men jer üstindegi bwltqa wqsamaytınnıñ arasında jürgendeymin.
D-r N.: Sizge, jalpı, Jer körinedi me? Ol astıñızda bar ma?
SUB'EKT: Bälki, bar da şığar. Biraq men onı tun- nel'ge kirgeli körgen joqpın.
D-r N.: Jermen, özge bir keñistik arqılı bolsın, qanday da bir baylanıs sezesiz be?
SUB'EKT: Mümkin. Sanamda Jer jaqın sıqıldı… Jermen baylanıstı joğaltqan joqpın… alayda basqa keñistikte ekenimdi bilemin.
D-r N.: Qazirgi ornıñız turalı tağı ne ayta alasız?
SUB'EKT: Mında bir qarağanda bäri qimılsız qatıp qalğanday… qara köleñke… biraq men arı qaray jıljıp, bwl jerden alıstap baramın.
Bwl naqtı Sub'ekt ölim dämin tatıp, tunnel' arqılı ötip, öziniñ denesiz küyine salıstırmalı türde alğanda jaybaraqat beyimdelip, aruaqtar älemine ötip baradı. Pacientimniñ, äuelgidegi beymälimdilikten keyingi äseri ol jaqtağı oñ küy-jaydan habar beredi. Ädette, bükil Sub'ektim osınday sezimde boladı.
Aruaqtar älemine jasağan sayahatı barısında, tunnel'den ötken ruhtar qaqpanı artta qaldıradı. Olardıñ köbi, endi, özderiniñ şın mäninde ölmegenin, ölgen jerlik denesinen qwtılğanın tüsinedi. Bwnı tüsinu, qabıldau ruhtıñ özine baylanıstı. Bwndayda: «qwtıldım-au» degen kürsinisten keyingi: «Keremet! Mine, äyteuir öz üyime jettim!» deu – eñ jii bayqalatın reakciya.
Denesinen zulap şığıp, öz äuelgi ruhani üyine wşıp baratındıqtan, joğarıda bayandalğandardan emis-emis qana habardar joğarı damığan jandar da bar. Bwlar – bwl twrğıda mıqtı «mamandar» jäne Jerde sirek kezdesedi. Ädette, ruh birden ketpeydi, al keybireuleri tipti äreñ ke- tedi. Ölgen denesimen qalay da baylanıs üzbeuge jantalasatındar – ädette bar-joğı birneşe ğana ğwmırdı bastan keşken, ölgen soñ da Jerdegi ortasına tartıluın qoy- maytın jas ruhtar dep sanaymın.
Sub'ektilerimniñ köbi tunnel'den şıqqan kezde, aynaladağı köp närse birazğa deyin tüsiniksiz boladı deydi. Men bwnı, teosoftar kamalok dep ataytın, Jerdi qorşağan astral jospardıñ tığızdığınan dep oylaymın. Osı salağa qatıstı kelesi uaqiğa intellektisi joğarıraq paci- entpen bayandaladı. Bwl twlğanıñ ruhı öz bilgenin bayandau barısında forma, tüs, vibraciya deñgeyi sındı mäselelerden biliminiñ tereñdigin bayqatadı. Sub'ektilerim, bwnday egjey-tegjeyli sipattamanı, ädette, aruaqtar älemine tereñdep enip, qorşağan ortasına üyrengen soñ beredi.
4-UAQIĞA
D-r N.: Tunnel'den wzap bara jatıp, aynalañızdan ne körip twrğanıñızdı barınşa egjey-tegjeyli sipattañızşı.
SUB'EKT: Bir qabat-qabat närselerdi…
D-r N.: Qanday qabat?
SUB'EKT: Pirojnıy sıqıldı
D-r N.: Sol pirojnıydı mısalğa alıp, anığıraq tüsindiriñizşi.
SUB'EKT: Keybir pirojnıylardıñ tabanı jalpaq, bası üşkir bolıp keletinin aytqım keledi. Ärine, bwl – tunnel' işinen körgenimnen aumaydı dep ayta almaymın. Men… jartılay möldir… taram-taram jarıq qabattarın körip twrmın.
D-r N.: Aruaqtar äleminde qolğa wstauğa keletin tığız närseler bar ma?
SUB'EKT: Men sonı tüsindiruge talpınıp jatırmın. Basında solay köringenimen, bwl – onday tığız substanciya emes. Olar qabattardan twradı – jarıq deñgeyleri köpqabattı «jip» sıqıldı örilgen. Bwlar – simmetriyalı emes eken degen oy qalıptaspasın. Tek qabattardıñ qalıñdığı da, tüsi de ärtürli ekenin bayqap twrmın. Bwlar, sonday-aq, alğa-artqa qozğalıp, auısıp twradı. Men Jerden alıstap bara jatqanımda, ılği, osını bayqaymın.
D-r N.: Nege bwlay eken?
SUB'EKT: Bilmeymin.
D-r N.: Sizdiñ sipattamañızdan, aruaqtar älemi – tömennen joğarığa deyin tilikter qabatınan twratın tik qatar dep elestetemin.
SUB'EKT: Bwl tilikter – jwmırlau jäne olar arqılı ötkenimde, mağan qaray iiliñkiregendey boladı.
D-r N.: Öz poziciyañızdan köz salıp, ol qabattardıñ tüsi turalı habardar qılsañız.
SUB'EKT: Men qabattar türli-tüsti dep aytpap edim ğoy. Olardıñ bäri – aq tüstiñ türli reñkteriniñ vibraciyası. Qazir ötip bara jatqan twsım – ötip ketkenimmen salıstırğanda, aşıqtau. Qazir aynalam – twmandanğan aq tüsti jäne tunnel'degige qarağanda jarıqtau.
D-r N.: Osı ruhani qabattarmen ötkeniñizde, Sizdiñ janıñız joğarığa qaray jıljidı ma, älde tömenge me?
SUB'EKT: Ekeui de emes. Men köldeneñ köktep ötemin.
D-r N.: Jaqsı, onda osılay qozğalıp bara jatqanıñızda aruaqtar äleminiñ qır, bwrıştarın köre alasız ba?
SUB'EKT: (ünsizdik) Men üşin bwl… negizinen türli tüsti variaciyalarda, aşıq jäne küñgirt qabattarğa bölinip, jayılıp jatqan beymaterialdı energiya. Meni äldene… özim jıljığan deñgey boyımen işke tartıp jatır jäne ol jaybaraqattanğanımdı qalaydı dep oylaymın…
D-r N.: Qalayşa?
SUB'EKT: Dıbıstar kelip jatır.
D-r N.: Qanday dıbıstar?
SUB'EKT: Meniñ qimıldarımmen ündesken… muzıkanıñ… jel äueniniñ jañğırığı… Bwl jandı sonday tınıştandıradı.
D-r N.: Keybir adamdar bwnı diril sipattı dep, kamertonnıñ dıbısına wqsatadı. Bwl sipattamamen kelisesiz be?
SUB'EKT: (basın izep) Iä, tap solay. Sonday-aq… iis pen dämi de esimde qaldı.
D-r N.: Bwl bizdiñ sezim qabiletimiz ölgennen soñ saqtaladı degendi bildiredi me?
SUB'EKT: Iä, olar turalı jad… qoñırau sıñğırınday sonday äsem äuen… sonday jan tınıştığı.
Aruaqtar älemine sayahattağan köptegen Sub'ektilerim boydı bosatıp, tınıştıq sıylaytın muzıkalıq vibraciyalar turalı aytadı. Bir dıbıstar jan tapsırısımen, estile bastaydı. Keybir Sub'ektiler deneni qaldırısımen, bir guil, ızıldı estimiz deydi. Bwlar telegraf bağandarı- nıñ qasında twrğanda qwlaqqa keletin dıbıstarğa wqsaydı. Jäne, meniñşe, Jerdiñ astral aumağı bolıp tabılatın sferada twrğanda, olardıñ qattılığı özgeredi. Adamdar bwnday dıbıstı jalpı narkozda bolğanda da estitinin ay- tadı. Bwl qattı da qatañ dıbıstar, tunnel'den şıqqan soñ, äuendi bola tüsedi. Jandı tiriltetin bolğandıqtan, bwl muzıkanı – ğalam energiyası dep ataydı.
Sub'ektilerdiñ ruhani qabattar turalı äñgimelerine kelsek, olar, sirä, astral plandardı körip twr dep şamalaymın. Metafizikalıq kitaptardan Jer üstindegi türli plandar turalı köp oqıdıq. Ündi Vedalarınan bastap, köne jazbalarda, sonday-aq bwdan keyingi, şığıs mätin- derinde astral plandar – sezuge bolatın fizikalıq älemnen joğarı köterilgen, birtindep aruaqtar älemine auısatın keñistikter ne ölşemder qatarı retinde beynelenedi. Meditaciya kezinde deneden tıs mental sayahat jasağan adamdar körinbeytin bwl sferalarmen mıñ jıldar boyı qauışıp jürdi. Osı sipattamalarda bayandalğanday, Jerdiñ auır vibraciyalarınan alıstağan sayın, bwl astral plandardıñ tığızdığı kemi tüsedi.
Kelesi uaqiğanıñ keyipkeri – 1902 jılı Çikago qalasında jürek talmasınan köşede köz jwmğan adam. Kedey likte kün keşken bwl kisiniñ artında süyikti äyeli men kişkentay balaları qaldı…
5-UAQIĞA
D-r N.: Tunnel'den şıqqannan keyingi aynalañızdı surettey alasız ba?
CUB'EKT: Aynalamdağı köbik bwlttarmen äli ötip kelemin.
D-r N.: Ayta beriñiz
CUB'EKT: (ünsizdik) O, men şıqtım… qanday keñ orın! Qanday jarıq ta taza – hoş iisin aytsañşı! Bir keremet mwz sarayğa qarap twrmın!
D-r N.: Tolığıraq
CUB'EKT: Bwl – jarq-jwrq etken kristall sıqıldı zäulim ğimarat.
D-r N.: Siz kristall degende, köz aldıma taza tüs keledi. CUB'EKT: Mwnda negizinen aq jäne swr tüster… Biraq alğa qaray jüzgenimde, jalt-jwlt etken özge de tüsterdi
köremin
D-r N.: Bwl mwz saraydıñ işinen köz salıñızşı, qanday da bir şekara körine me?
CUB'EKT: Joq, bwl sonday wlı da tıp-tınış keñistiktiñ şet-şegi körinbeydi.
D-r N.: Qazir ne sezip twrsız?
CUB'EKT: Men… bwdan arı rahattana almaymın. Meggi… (Sub'ektiniñ jesiri)
D-r N.: Sizdi äli de Çikagodağı ömiriñiz mazalaytınğa wq- saydı. Bwl aruaqtar älemine ötuiñizge kedergi keltirip twr ma?
CUB'EKT: (kresloda otırıp aspanğa sekirdi) Mässağan! Alaqay! Özimdi tüsinetin Jolbasşı Gidim mağan qaray kele jatır!
D-r N.: Jolbasşı Gid ekeuiñizdiñ arañızda ne bolıp jatqanın aytıñızşı.
CUB'EKT: Men oğan Meggi men balalarımdı ne kütip twrğanın bilip almay, arı qaray jılji almaytınımdı aytudamın.
D-r N.: Ol ne deydi?
CUB'EKT: Ol meni tınıştandırıp jatır. Biraq men qattı qapa bolıp twrmın.
D-r N.: Oğan ne dep jatırsız?
CUB'EKT: (dauısı küşeyip) Mağan bärin tüsindirgisi kelip talpınğan Jolbasşıma qwlaq aspay: «Qalay ğana bwğan jol berdiñiz?! Meggi ekeumizdi qanşa azaptan ötkizip, endi kelip, bir-birimizden nege ayırıp aldıñız?!» – dep kinä tağudamın.
D-r N.: Jolbasşı Gidiñiz ne deydi?
CUB'EKT: Ol meni tınıştandıruğa tırısıp bağıp jatır. Jaqsı jwmıs jasağanımdı, endi bäri dwrıs jürip jatqanın köre alatınımdı aytuda.
D-r N.: Onıñ aytqanın qabıldap jatırsız ba?
CUB'EKT: Mine, meniñ sanamda… otbasımnıñ mensiz ömirge köndigip, tirlik qılıp jatqanı; birtindep jağdayı tüzelgeni… tübi biz bir-birimizben qauışatınımız jaylı aqparat payda boldı.
D-r N.: Sonda siz ne sezdiñiz?
CUB'EKT: Söytip, men (kürsinedi) köñilim jaylanıp, öz- özime kelgendey boldım. Endi men alğa jıljuğa äzirmin».
Sub'ektiniñ öz Jolbasşı Gidimen kezdesuiniñ mañızı turalı söz qılmas bwrın, onıñ aruaqtar älemin «mwz sa- ray» retinde qabıldauına toqtağım keledi. Aruaqtar düniesiniñ işimen arı qaray jıljığan sayın,
Sub'ektilerim ğimarattardı körip twrğanın ne jihazdarğa tolı bölmede ekeni turalı aytadı. Gipnoz küyi özdiginen bwnday obrazdardı payda qılmaydı. Aqılğa salsaq, adamdar beymaterialdı älemdegi bwnday fizikalıq qwrılımdardı esine tüsirmeui kerek edi. Jerdegi tabiği ortanıñ scenaları – ölimnen keyingi ötpeli satınıñ ruhtarğa arnalıp jeñil ötui üşin jasalğan dep boljauğa ğana boladı. Bwl kartinalar är Sub'ekt üşin jeke mañızı bar – olardıñ bäri fizikalıq denesin tastağan soñ, jer täjiribesiniñ ıqpalında boladı.
Jannıñ, aruaqtar äleminde, Jerdegi bolğan ne aralağan orındarına qatısı bar obrazdardı köruiniñ öz sebebi bar. Bir ruhani küş – üy, mektep, bau-baq, tau ne teñiz jağası sındı esten ketpes beynelerdi janımızğa jaqın jer obrazdarın tamaşalau arqılı tınıştaluımız üşin wsınadı. Aruaqtar äleminiñ obrazdarı sanamızda saqtalatını sıqıldı, planetamızdıñ beyneleri de jadımızda ertegi, tüs sıqıldı mäñgige qaladı.
Sub'ektilerimde, aruaqtar älemine barısımen payda bolatın obrazdardıñ sipattamaların tıñdau mağan qat- tı wnaydı. Olar wzaq uaqıt boyı bolmağan süyikti jerine kelgendey bolıp – jayqalğan gül alqabın, alısta boy kö- tergen qorğandardı, aşıq aspandağı kempirqosaqtı köre aladı. Aruaqtar älemindegi alğaş jer kartinaları – ğwmı- rdan ğwmırğa, jekelegen sipattarı bolmasa, aytarlıqtay özgermeytinge wqsaydı. Sub'ekt aruaqtar älemine, ruhani ömirdiñ san qırın sipattay otırıp, endegen sayın, onıñ kommentariyleri birkelki, bir sarındı bola tüsedi.
Soñğı uaqiğada äli tolıq qalıptasıp bolmağan ruh
– Jerde qalğan özine et jaqın ruh Meggimen tığız bay- lanısta. Aruaqtar äleminiñ tınıştandıruşı äserine qaramastan, keybir jandar ötken ömiriniñ keleñsiz jayttarın özderinde özgelerge qarağanda wzağıraq wstaydı. Adamdardıñ köbi – bükil jan, ölgen soñ, bärin biletin boladı dep oylaydı. Bwlay deu qiın, öytkeni ärtürli jan- nıñ beyimdelu kezeñi türlişe boladı. Ruhtıñ beyimdelu kezeñiniñ wzaqtığı dünieden ozuınıñ jay-japsarına, damu deñgeyine oray, jaña ğana ayaqtalğan ömirine baylanu därejesine täueldi.
Men ötken ğwmırları jas kezinde kürt üzilgen Sub'ektilerimniñ sözinen renişti jii bayqaymın. Bwnday jandar aruaqtar düniesine oralğan soñ, süygen adamdarın ayaq astınan qaldıruğa tura kelgenine oray, abdırap jatadı. Olar ölimge äzir emes, sondıqtan keybireuleri denesin tastağan soñ, qayğığa batıp, qapa boladı.
Ayaqtalmağan isteri alañdatqan jandı, ölgennen soñ birinşi bolıp, onıñ Gid-jolbasşısı qarsı aladı. Bwnday joğarı damığan ruhani wstazdar ömirden mezgilsiz ötken jandardıñ aşu-ıza, renişin qabıldaydı. Negizi bwl Gidter aruaqtar äleminiñ qaqpasınan ötkenderdiñ mental tüytkilderin retteumen aynalıspaydı. Bwl üşin, yağni ömir men ölimniñ karmalıq sabaqtarın egjey-tegjeyli taldauğa arnalğan orın jaylı keyinirek äñgime boladı. 5-Uaqiğada Jerde qalğan äyel, bala-şağasınıñ bolaşaq küy-jayı Sub'ektige, ol saparın köteriñki köñilmen jalğastıru üşin, jwbatu maqsatında vizualizaciyalanadı.
Sub'ektilerimniñ oy-sanasınıñ türliligine qaramastan, olardıñ ölimnen keyingi sätin sipattauı – aldarınan aşılğan aruaqtar äleminiñ ğajayıbına tañ qaluğa tolı. Küyki tirlik jäne, äsirese, türli azaptan qwtılğanına oray, dauıstarınan eyforiya da seziledi. Basqasın bılay qoyğanda, aruaqtar älemi – ruh adam aytqısız jan tınıştığın sezetin orın. Bir qarağanda, ajalımız jetisimen, jalğız qalatın bolıp köringenimizben, şın mäninde biz qoldausız, oqşau qalmaymız. Bizdiñ ärqaysımızdı energiyanıñ közge körinbeytin sanalı quatı bwl qaqpadan alıp ötedi.
Aruaqtar älemine kelgen jannıñ jan-jağına alaqtap, ne isterin bilmey, ne boların bilmey beyhabar jüruge uaqıtı az boladı. Onı Gid-jolbasşı, jaqın-juıq, dos-jarandarı qaqpa aldında alda bäri jaqsı bolatınına sendirip, jayma-şuaq mahabbatpen qarsı aladı. Osı dospeyildi qauımnıñ qoldauı ölim sätinen bastap bilinedi, jannıñ jaña düniege beyimdelui de osı dos-jaqınnıñ arqasında jüredi.
3-Tarau. Üyge oralu
Ajalımız jetken soñ, qarsı alatın dospeyil aruaqtarmen kezdesudiñ mañızdılığına oray, olar bizdi qalay tanidı degen swraq tuındaydı. Sub'ektilerimniñ bäri jan – energiya şoğırı bola twra, onıñ adami belgi-sipattarı bar ekenin aytadı. YAğni, bir-birine qanday da bir ömirindegi kelbet-pişininde körine aladı. Jäne bwl forma – sırtqı pişinniñ san aluan nwsqasınıñ bireui ğana. Keyinirek, 6-Tarauda jandı erekşelendirip twratın tağı bir belgi – är jannıñ özine tän tüs aurası turalı äñgime qozğaymız.
Sub'ektilerimniñ köbi aruaqtar äleminde köretin alğaşqı twlğa – jeke gid-jolbasşısı ekenin aytadı. Alayda ğwmır ayaqtalğanda bizdi etjaqın jan da kütip aluı mümkin. Gid-jolbasşı men etjaqın jan – bir wğım emes. Eger dünieden ozğandı aldınan bwrınğı tuısı ne dosı kütip alsa, jannıñ twraqtı Gidi osı kezde qastarında bolmauı da mümkin. Sirä, ol bwl kezde jaqın mañda jürip, jañadan kelip jatqanğa qatıstı mäselelerdi sırttan rettep jüredi. Kelesi Uaqiğada aruaqtar düniesi qaqpasınan jaña ötken Sub'ektimdi, köptegen ötken ğwmırlarında tığız baylanısta bolğan, täjiribeli twlğa kütip aladı. Pacientimniñ äuelgi Gidi bolmasa da, bwl etjaqın jan jañadan kelip jatqandı qamqorlıqpen qarsı aldı.
6-Uaqiğa
D-r N.: Aynalañızdan ne körip twrsız?
SUB'EKT: Tap-taza appaq qwmmen jüzip kele jatqandaymın.
D-r N.: Sizdi bireu-mireu qarsı alıp jatır ma?
SUB'EKT; (ünsizdik) Meni özimdi jalğızbın dep oylap twrğanmın… Biraq… mine bir jarıq mağan zımırap jaqındap keledi… O, Qwdayım-au!
D-r N.: Ol ne?
SUB'EKT: (tebirene) Bwl meniñ Çarli kökem ğoy! (Dauıstap) Çarli köke, men mwndamın!
D-r N.: Nege Sizdi tap osı jan qarsı alıp jatır?
SUB'EKT: (swraqtı qwlağına ilmey) Çarli köke, sizdi qanşalıqtı sağınğanımdı bilseñiz ğoy!
D-r N.: Nege Sizdi tap osı jan qarsı alıp jatır?
SUB'EKT: Sebebi bükil tuıstarımnıñ işinen, onı bärinen artıq jaqsı kördim. Ol meniñ kişkentay kezimde (Sub'ektiniñ bwrınğı ömirinde – Nebraskada twrğan kezde) qaytıs boldı.
D-r N.: Bwl jannıñ Çarli kökeñiz ekenin qalay bildiñiz? Onı qanday da bir belgisinen tanıdıñız ba?
SUB'EKT: (tolqığanınan qozğalaqtap ketip) Ärine – ol meniñ jadımda qalğan sol bwrınğı meyirimdi, köñildi, süykimdi qalpında.(sıqılıqtaydı)
D-r N.: Siz nege külesiz?
SUB'EKT: Çarli kökem däl bwrınğışa, top-tolıq.
D-r N.: Ol äri qaray ne istep jatır?
SUB'EKT: Ol külimsirep, mağan qolın sozıp jatır…
D-r N.: Qolın sozsa, demek, onıñ denesi bolğanı ma?
SUB'EKT: (küledi) Iä dese de, joq dese de boladı. Ol qolın, meniñ oyımda qalqıp jürip, sozuda…
D-r N.: Ol nelikten sizge qolın materiyaldı türde sozadı?
SUB'EKT: (ünsizdik) Mağan osılay dem berip, arı qaray jarıqqa jetelegisi keledi.
D-r N.: Siz ne istep jatırsız?
SUB'EKT: Ekeumiz birge jürip, fermada şömele mañında qalay oynağanımızdı eske alıp kelemiz.
D-r N.: Ol Sizge oyıñızdağı osınıñ bärin köruge, osılayşa, mümkindik beru arqılı, özin tanıtqısı keledi me?
SUB'EKT: Iä, men qorıqpas üşin – soñğı ötken ömirimde qanday bolsam sol qalpında körindi… Ol, ayaq astınan bolğan ajalımnan, äli esimdi tolıq jiıp bolmağanımdı biledi. (Sub'ekt jol-kölik apatınan qaza taptı)
D-r N.: Sonda ötken ğwmırlarımızda ajaldı qanşa ret bastan keşirgenimizge qaramastan, aruaqtar älemine üyrenip bolğanşa, ölimimizden soñ ile-şala qanday da bir qorqınış seze beretin bolıp twrmız ğoy, iä?
SUB'EKT: Bwl küydi qorqınış degennen göri, alañ dep atasa, dälirek boladı-au. Men är ğwmırımda ajalımdı türli jağdayda bastan ötkerdim. Bwl jolı avtokölik apatı tipten ayaq astınan boldı. İşki dayındığım bolmağan bwl apattıñ swmdığınan, äli özime kele almay jatırmın.
D-r N.: Maqwl, äri qaray kettik. Çarli kökeñiz ne istep jatır?
SUB'EKT: Ol meni… baruğa tiis jaqqa bastadı…
D-r N.: Üş degende sol jaqqa baramız. Bir, eki, üş. Onda ne bop jatqanın bayandañız.
SUB'EKT: (wzaq ünsizdik) Onda… Jan jağımnan… dospeyil adamdardı körudemin… Olar meniñ özderine qosılğanın qalaytınday.
D-r N.: Osı bağıtpen jürudi jalğastırıñız. Olar Sizdi kütip twrğan siyaqtı ma?
SUB'EKT: Iä, iä. Men bwlarmen bwrın da birge bolğanmın… (ünsizdik) Jo-joq, ketpeşi, tastamaşı men!
D-r N.: Ne boldı?
SUB'EKT: (köñili bosap) Çarli kökem ketip bara jatır! Ol nege ketedi, a?
D-r N.: (men arnayı ädispen Sub'ektimdi tınıştandırıp alıp, dialogtı qayta jalğastırdım) Öziñiz aqılğa salıp qarañızşı. Çarli kökeñiz nege sizdi tastap, ketip bara jatır?
SUB'EKT: (bwrınğıday emes, sabırmen, biraq ökinişpen) Onıñ qazirgi mekeni basqa… Ol meni qarsı alıp, mında ertip äkelu üşin ğana keldi.
D-r N.: Sonda Çarli kökeñizdiñ mindeti – dünieden ozğan Sizdi birinşi bolıp qarsı alıp, öziñizge kelgenşe qasıñızda bolu, iä? Qazir öziñizdi üyiñizdegidey jaqsı sezinesiz be?
SUB'EKT: Iä, sondıqtan da Çarli kökem meni osı jandardıñ qasında qaldırıp, ketip qaldı.
Aruaqtar düniesiniñ bir ğajabı – ömiriñizdegi qımbat jandarıñız, özderi jaña denede özge ömirdi sürip jatsa da, Sizdi qalayda qarsı alıp, qoldau körsete aladı. Men bwnı keyinirek 6-Tarauda tüsindiremin. Sodan keyin, 10-Tarauda jannıñ, Jerde bir mezgilde birneşe denede bolu, qabıletine de toqtalamın.
Ädette, jan aruaqtar älemine kelgende, jerdegi tirşiliktiñ oy men boydı ezgen qısımı azayadı. Bwnıñ eki sebebi bar. Birinşiden, aruaqtar äleminiñ tap-twyanaq tärtibi, tastap kelgen ömirimizge deyin qayda bolğanımızdı esimizge tüsiredi. Ekinşiden, jerde dünie salğannan keyin köremiz dep oylamağan adamdarımızdı jolıqtıruımız bizge qattı äser etedi. Mine, tağı bir Uaqiğa.
Jalğası bar
Pikir qaldıru