|  |  | 

كوز قاراس ساياسات

“ليدەرلەرى كورەگەندىك تانىتپاعاندا، ءبىرىنشى قۇربان قازاقستان بولۋى مۇمكىن ەدى”

رەسەيلىك ساياسي قايراتكەر، “ۇلتتىق ساياسات ينستيتۋتى” حالىقارالىق قاۋىمداستىعىنىڭ باسقارما مۇشەسى اندرەي پيونتكوۆسكي قازاق ەلىن جانجالشىل الپاۋىتقا جەم بولۋدان نە قۇتقارىپ قالعانىن ايتتى.

"ليدەرلەرى كورەگەندىك تانىتپاعاندا، ءبىرىنشى قۇربان قازاقستان بولۋى مۇمكىن ەدى"

– پمەف-2022-دەگى اتىشۋلى مالىمدەمەسىنەن كەيىن پرەزيدەنت قاسىم-جومارت توقاەۆ كاتار ەكونوميكالىق فورۋمىنا قاتىسىپ، وندا رەسەي قازاقستاننىڭ سەنىمدى وداقتاسى بولىپ قالا بەرەتىنىن جەتكىزدى. پەتەربوردا ماسكەۋدىڭ سولاقاي ساياساتىن قولدامايتىنىن مالىمدەگەن سوڭ توقاەۆ پۋتينمەن قايتا كەزدەسىپ، كەلىسسوز جۇرگىزىپتى. وسى ورايدا قازاقستاندىق وپپوزيتسيا جانە بىرقاتار شەتەلدىك ساراپشىلار قازاقستان پرەزيدەنتىنىڭ “دەمارشىن” ماسكەۋدىڭ كوزبوياۋشى، قۇيتۇرقى “منوگوحودوۆكاسى” دەپ تۇسىندىرە باستادى. جاريا تۇردە قولداماعانىمەن، جاسىرىن كومەك كورسەتپەك-مىس… 

– مۇنداي كونسپيرولوگياعا نەگىز جوق. ويتكەنى قازاقستان ۋنيتارلى مەملەكەتتەردى وزگە الپاۋىتتاردىڭ بولشەكتەۋىن وبەكتيۆتى تۇردە قولداي المايدى. كرەمل ۋكراينانىڭ ءورىستىلدى وبلىستارىن ءبولىپ الىپ، ودان كۆازيرەسپۋبليكالار قۇرۋعا تىرىسۋدا. مۇنداي سوراقىلىقتى قولداسا، قازاقستاننىڭ ءوزى قاقپانعا ءتۇسىپ قالماق.

جالپى قازاقستان كرەملدىڭ يمپەرياشىل قاسكۇنەمدىگىنىڭ ءبىرىنشى قۇربانىنا اينالۋى ىقتيمال ەدى. جاسىراتىنى جوق، كەڭەس وداعى كۇيرەگەننەن بەرگى ۋاقىتتا قازاقستان ۋكرايناعا قاراعاندا اناعۇرلىم وسال ەدى. كسرو ىدىراماعاندا، قازاقتار جەرىنىڭ ۇلكەن بولىگىنەن ايىرىلىپ قالاتىن با ەدى؟ سەبەبى قىزىل يمپەريا قازاقتاردىڭ اسىرەسە، جەرى شۇرايلى، قويناۋىندا استا-توك قازىناعا تولى ورتالىق، سولتۇستىك، شىعىس جانە باتىس وڭىرلەرىندە تۇرعىلىقتى ۇلت ۇلەسىن ازايتۋ ءۇشىن ءبارىن جاسادى. دەگەنىنە جەتتى دە. بۇل وبلىستاردىڭ كەيبىرىندە قازاقتار سانى تۇرعىنداردىڭ ۇشتەن بىرىنە دە جەتپەيتىن. مەملەكەت قۇراۋشى ۇلت تەك وڭتۇستىكتە شوعىرلانىپ قالدى.

ۋكراينادا حالىقتىڭ كوبى، ءتىپتى ورىستىلدىلەر دە ۋكراين ءتىلىن جاقسى تۇسىنەدى، سويلەي الادى. قازاقستاندا جاعداي باسقا، ءتىپتى قازاقتاردىڭ ۇلكەن بولىگى قازاقشا بىلمەيتىن جاعدايعا جەتكەن. مۇنى ساياسي ويىندارعا پايدالانىپ كەتۋ قيىندىق تۋدىرمايتىن. سوندىقتان مەن نازارباەۆتى ءبارىبىر گەني سانايمىن، ول وسى ماسەلە ءتۇپتىڭ تۇبىندە ۇلتقا زيان-زالال اكەلۋى مۇمكىن ەكەنىن ءتۇسىنىپ، ءتيىستى شارالاردى قابىلدادى. ارينە، اياعىنا دەيىن جەتكىزبەگەن شىعار، بىراق بەرىك ىرگەتاسى قالاندى.

مىسالى، ۋكراينا ماسكەۋمەن جاقسى قارىم-قاتىناسىن ساقتاۋعا تىرىسپادى، سول ءۇشىن كرەمل ونى قانتوگىسپەن اياۋسىز جازالاپ وتىر. بەلارۋسكە قاراڭىز: لۋكاشەنكو ماسكەۋگە جاعىنامىن دەپ ءجۇرىپ، ونىڭ جاندايشابىنا اينالىپ كەتتى. ال قازاقستان رەسەيمەن وداقتاستىق ىنتىماقتاستىعىن ساقتاي وتىرىپ، باتىسپەن بارىنشا ىقپالداسۋدا. قازاقستاننىڭ №1 ساۋدا ارىپتەسى جانە ينۆەستورى رەسەي دە، قىتاي دا ەمەس، ەۋروپالىق وداق.

نۇلسۇلتان نازارباەۆ – ءبىزدىڭ زامانىمىزدىڭ ۇلى ەۋرازياشىل تۇلعاسى بولىپ تابىلادى. ورىس ەۋرازياشىلدارى وتكەن عاسىرلاردان بەرى ەۋرازيالىق يدەيانى وزگە حالىقتاردى رەسەي اينالاسىندا بىرىكتىرۋ ءۇشىن ىلگەرىلەتسە، ال قازاقستان ونى تاۋەلسىزدىگى مەن جەرىنىڭ تۇتاستىعىن ساقتاپ قالۋ ءۇشىن پايدالاندى. نازارباەۆ جىل سايىن ماسكەۋگە ساپارلاپ، ەۋرازيالىق ەكونوميكالىق قاۋىمداستىق، كەدەن وداعى، ەۋرازيالىق ەكونوميكالىق وداق جانە باسقا دا ەۋرازيالىق ينتەگراتسيا اياسىنداعى كەزەكتى جوبانى ۇسىناتىن. بۇل وعان ماسكەۋدىڭ كوزىن الا بەرىپ، قىتايمەن، اقش-پەن، ەۋرووداقپەن تىعىز بايلانىستى ارى قاراي نىعايتۋعا مۇمكىندىك بەردى. تۇركى الەمىن بىرىكتىرۋگە دەن قويدى.

سونىمەن ءبىر مەزگىلدە، قازاقستان سولتۇستىك وڭىرلەردى قازاقىلاندىرۋعا باعىتتالعان پراكتيكالىق شارالار قابىلدادى. ماسەلەن، استانانى وڭتۇستىكتەن سولتۇستىككە كوشىردى. بۇگىندە ەلدىڭ سولتۇستىگىندە دە تۇرعىلىقتى ۇلتتىڭ ۇلەسى جىل سايىن قارقىندى ءوسىپ كەلەدى. باسقاشا ايتقاندا، قازاقستان ليدەرلەرى كورەگەندىك تانىتىپ، ءۇش عاسىر بويى وتارلاۋشىلار قالىپتاستىرعان اسا قاتال، قاۋىپتى ەتنيكالىق-گەوگرافيالىق قۇرىلىمدى تاۋەلسىزدىك جىلدارىندا بۇزىپ، ونى ۇلتتىق مۇددەلەرگە ساي قايتا قۇرا الدى.

قازاقستانعا مول ساياسي ديۆيدەندتەر اكەلگەن، ۇلتتىق مۇددەنىڭ ۇپايىن تۇگەندەۋگە مۇمكىندىك بەرگەن كوپۆەكتورلى ساياساتتى توقاەۆ تا تابىستى جالعاستىرۋدا. سونىمەن قاتار ول ماسكەۋدىڭ شىلاۋىندا كەتپەيتىنىن انىق اڭعارتىپ وتىر. قازاقستاننىڭ قازىرگى پرەزيدەنتى سالماقتى ەكەنىن، كرەملدىڭ جارعا جىعاتىن ءزالىم، زياندى ويىنىن وينامايتىنىن بايقاتتى. بۇلاي سويلەۋگە قۋات-كۇشى جەتەتىن بولسا كەرەك.

– جالپى مۇنداي مالىمدەمەلەردىڭ استارىندا بۇكىل ايماقتى قامتيتىن ءىرى ويىنداردىڭ كورىنىسى بايقالماي ما؟

– ارينە، بۇگىندە بۇكىل الەمدىك ءتارتىپ وزگەرىپ جاتىر. ول ەۋرازيالىق ايماقتى دا اينالىپ وتپەيدى. پمەف-تەن سوڭ توقاەۆ يرانعا، كاتارعا، اراب الەمنە ساپارلادى، جابىق كەلىسسوزدەر جۇرگىزدى. اقپارات قۇرالدارىنىڭ حابارلاۋىنشا، ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋرونىڭ ديرەكتورى ماتەو مەكاچچيمەن جۇزدەسۋدە ق.توقاەۆ قازاقستاننىڭ ەۋروپالىق قۇندىلىقتارعا دا بەيىلدىلىگىن راستاپتى.

حالىقارالىق ساراپشىلار توقاەۆتىڭ پەتەربور فورۋمىندا دحر/لحر-گە قاتىستى ايتقانىنا ەكپىن ءتۇسىردى. مەن بولسام، قازاقستان پرەزيدەنتىنىڭ باسقا مالىمدەمەلەرىنە دە نازار اۋداردىم. مىسالى، ول امەريكالىق-ەۋروپالىق سانكتسيالاردى قاتاڭ ۇستاناتىنىن، كرەملگە بولا، بايگەگە باسىن تىكپەيتىنىن ناقتى ايتتى. ءسوز اراسىندا ءبىز قىتايمەن بىرگە بىلاي ىستەيمىز، ءبىز سي تسزينپين جولداسپەن بىرگە بۇعان قاتىستى مىناداي كوزقاراستامىز دەگەن سياقتى سويلەمدەردى قوسىپ، ايماقتاعى ناعىز دەرجاۆا كىم ەكەنىن جۇمساق قانا ءتۇسىندىردى.

كرەمل بۇكىل پوستكەڭەستىك كەڭىستىكتى قارقىندى تۇردە جوعالتۋدا. مۇنى تۇركيا ليدەرى ەردوعان دا پايدالانىپ جاتىر. ول رەسەيدى وڭتۇستىك كاۆكاز اۋماعىنان لاقتىرىپ تاستادى. ەكىنشى كاراباح سوعىسى بارىسىندا، 2020 جىلعى قاراشادا بوساتىلعان شۋشا قالاسىندا 2021 جىلعى 15 ماۋسىمدا يلحام اليەۆ پەن رەدجەپ تايىپ ەردوعان تاريحي كەزدەسۋ وتكىزىپ، وداقتاستىق تۋرالى دەكلاراتسياعا قول قويدى جانە بىرىككەن ارميانىڭ قۇرىلعانىن جاريالادى. ياعني، ازەربايجاندا تۇرىك-ازەربايجان بىرىككەن ارمياسى قۇرىلىپ وتىر. ايتپاقشى، تۇركيا – ناتو-نىڭ مۇشەسى، دەمەك، ناتو دا كاۆكاز جاعىنان تاقاپ كەلدى. ماسكەۋ بۇعان قارسى ەشتەڭە دە جاساي الماي قالدى.

– كەيىنگى كەزدە رەسەيلىك پروپاگانديستەر قازاقستاننىڭ جەرىنە قاتىستى جانجالدى مالىمدەمەلەرىن ءورشىتتى. مۇنىڭ سوڭى نەگە سوقتىرۋى مۇمكىن؟ 

– جامان ادام جانىنداعىسىن ۇرۋعا بەيىم تۇرادى عوي. سوندىقتان قازاقستانعا ماسكەۋمەن اراسىن سۋىتپاي، تىم جاقىنداسىپ تا كەتپەي، پاراساتتى ارا-قاشىقتىقتى ساقتاعانى ابزال. رەسەي بارلىق دەرلىك كورشىسىنىڭ جەرىنە كوز الارتادى، بۇعان ليتۆا مىسال، بىراق ليتۆا ناتو-نىڭ مۇشەسى. سوندىقتان ليتۆامەن ارادا سوعىس بولادى دەگەنگە سەنبەيمىن. ماسكەۋ قىتايعا دا جەرگە قاتىستى ەشتەڭە ايتا المايدى.

كرەمل يمپەرياشىل ساياساتىن وزگەرتپەي، كورشىلەرىنە ۇنەمى قاۋىپ ءتوندىرۋى مۇمكىن. قازاقستان دوستىق پيعىلداعى قارىم-قاتىناستارىن ساقتاي وتىرىپ، سونداي-اق ءتول قارۋلى كۇشتەرى مەن شەكاراسىن نىعايتا بەرگەنى ماڭىزدى.

– سوندا قازاقستان باتىل سويلەيتىندەي، ونىڭ ارتىندا الپاۋىت سۇيەنىشى بار دەپ ەسەپتەيسىز عوي؟

– سۇيەنىشى ءسوزسىز، بار. ول بۇرىن دا بولعان، ايتپەسە، ماسكەۋدەگى “بايىرعى جەرلەردى” جيناعىشتار سوعىستى قازاقستاننان باستاۋى مۇمكىن ەدى. الگىندە ايتقانىمىزداي، ءبىر جاعىنان قازاقستاننىڭ ءوزى وعان سىلتاۋ بەرمەۋگە كۇش سالدى. سونداي-اق پۋتين الىپ اۆتوكراتتار سي، ەردوعان – وزىنەن بيىك تۇعىرلاردا تۇرعان ليدەردەر ەكەنىن، ولاردىڭ ەكەۋى قاتار وزىنەن تەرىس اينالسا، وڭبايتىنىن ءتۇسىندى. ايتالىق، كرەمل سيريادا تۇركيامەن اشىقتان-اشىق سوعىسىپ، ونىڭ اسكەرىن تۇرە قۋىپ شىعۋدان قورىقتى ەمەس پە؟ ونىڭ ورنىنا استانا پروتسەسىنە يلىگىپ، داماسكىنىڭ قارسىلىعىنا قاراماستان،

سيريانى تۇركيامەن، يرانمەن بىرگە بولشەكتەۋگە دەيىن باردى. وسىدان ەركىنسىگەن تۇرىكتەر 2020-2021 جىلدارى ازەربايجاندا دا ماسكەۋدىڭ ءتىسىن قاعىپ الدى. رەسەيدڭ ماڭگىلىك وداقتاسى ارمەنيانىڭ وككۋپاتسيالاعان 6 اۋداندى ازات ەتتى. انكارا مەن باكۋ كرەملدىڭ قارسىلىق بىلدىرگەنىنە قارامادى. سونداي-اق ۋكرايناداعى سوعىستى باستاماس بۇرىن، رف باسشىسى قىتايعا ساپارلاپ، ونىڭ كەلىسىمىن العانى ەندى قۇپيا ەمەس.

ال ۋكراينا تىرەك تۇتقان ەۋروپادان پۋتين قورقۋدى قويدى. مەركەل، شولتس، ماكرون سياقتىلاردى، ەۋروپالىق وزگە ليدەرلەردى ۇساق، وزىنەن تومەن سانادى. ۋكراينانى تەز باسىپ السام، ولار مىڭق ەتپەيدى دەپ ءبىلدى. سولاي بولاتىن دا ەدى. ەكى-ءۇش كۇندە كيەۆ قۇلاعاندا باتىس الەمى الاڭداۋشىلىق بىلدىرۋمەن، ءارى كەتسە، سانكتسيا ەنگىزۋمەن شەكتەلەتىن ەدى.

قورىتا ايتقاندا، باتىستىق ساراپشىلار (پيونتكوۆسكي قازىر اقش-تا تۇرادى) توقاەۆتىڭ تاباندىلىعىنا ءتانتى بولعان جاعدايى بار. قازاقستان ءبىر جاردان ەكىنشىسىنە جۇگىرىپ، تۇراق تابا الماي كەلگەن بۇكىل ورتالىق ازياعا جول، ءجون كورسەتتى. ماسكەۋدەي ورەكپىگەن وكتەم كۇشتى اۋىزدىقتاۋعا بولاتىنىن پاش ەتتى. بۇل تۇرعىدان العاندا، استانانىڭ حالىقارالىق ساياساتىن باقىلاۋ قىزىقتى بولا تۇسۋدە. باتىستىق ساراپشىلاردىڭ قازاقستانعا ىنتا-ىقىلاسى ويانا باستادى. بۇل سالماقتى ساياساتتىڭ ءارى قاراي قالاي ءوربيتىنىن باقىلاپ وتىر. استانا جولدان تايىپ كەتپەي، رەسەيدىڭ يمپەرياشىل بىلىعىنىڭ قازاقستان مەن ورتالىق ازياعا تارالۋىنا توسقاۋىل قويا السا، جاڭا الەمنەن قۇرمەتتى ورىن الا الادى.

جانات ارداق

inbusiness.kz

Related Articles

  • ۇزدىك ويدىڭ ۇزىندىلەرى

    ۇزدىك ويدىڭ ۇزىندىلەرى ارما الەۋمەت! مەن قازىر تازا اكادەميالىق عىلىمي ورتادا ءجۇرمىن. ءوزىمنىڭ نەشە جىل بويى جيناعان ءبىلىمىمدى، وقىعان وقۋىمدى، شەتەلدىك تاجىريبەمدى، ينتەللەكتۋالدى قارىم-قابىلەتىمدى شىنايى قولداناتىن قارا شاڭىراقتىڭ ىشىندە ءجۇرمىن. الماتىنىڭ بارىنەن بولەك مادەني ورتاسى ەرەكشە ۇنادى. الماتى قالا مەن دالا دەيتىن ەكى ۇعىمنىڭ تۇيىسكەن ادەمى ورتاسى ەكەن. ويلاپ كورسەم مەن باقىتتى پەرەزەنت، باعى جانعان ۇرپاق ەكەنمىن. اكەم تۇرمىس پەن جوقشىلىق، جالعىزدىقتىڭ تاۋقىمەتىن ابدەن تارتىپ ەش وقي المادىم، نەبارى ءۇش اي وقۋ وقىدىم-, دەپ مەنىڭ وقۋىمدى بالا كۇنىمنەن قاداعالادى، شاپانىمدى ساتسام دا وقىتام دەپ بارىن سالدى. ال مەكتەپتە باقىتتى شاكىرت بولدىم. ماعان ءدارىس بەرگەن ۇستازدارىم كىلەڭ دارىندى، قابىلەتتى كىسىلەر بولدى. ۋنيۆەرسيتەتتە جانە شەتەلدە مەن تىپتەن ەرەكشە دارىن يەلەرىنە شاكىرت بولدىم.

  • سامات ءابىش قالاي “سۇتتەن اق، سۋدان تازا” بولىپ شىقتى؟

    ازاتتىق راديوسى ساياساتتانۋشى دوسىم ساتپاەۆ ۇقك توراعاسىنىڭ بۇرىنعى ءبىرىنشى ورىنباسارى، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى سامات ابىشكە شىققان ۇكىم “قازاقستانداعى رەجيم بولاشاقتى ويلامايتىنىن كورسەتتى” دەيدى قازاقستاندىق ساياساتتانۋشى دوسىم ساتپاەۆ. ساراپشىنىڭ پايىمداۋىنشا، بيلەۋشى “ەليتا” جەكە ىستەرىمەن جانە تاساداعىكەلىسىمدەرمەن اۋرە بولىپ جاتقاندا ەلدە تاعى ءبىر جاڭا الەۋمەتتىك جارىلىسقا اكەلۋى مۇمكىن فاكتورلار كۇشەيىپ كەلەدى. ساياساتتانۋشىرەسەي ءوزىنىڭ ەكونوميكالىق مۇددەلەرى مەن گەوساياسي جوسپارلارىن كەڭىنەن جۇزەگە اسىرۋ ءۇشىن قازاقستاننىڭ ىشكى ساياساتىنا تىكەلەي اسەر ەتۋگە تىرىسىپ جاتۋى مۇمكىن دەپ تە توپشىلايدى. پۋتين “قاۋىپسىزدىك كەپىلى” مە؟ ازاتتىق: سونىمەن ۇزاق دەمالىس الدىندا وسىنداي ۇلكەن جاڭالىق جاريالاندى. مەيرام الدىندا، 19 ناۋرىزدا قازاقستاندىقتار ءماجىلىس دەپۋتاتىنىڭ پوستىنان سامات ابىشكە شىققان ۇكىم جايلى ءبىلدى. مۇنىڭ ءبارىنىڭ بايلانىسى بار ما الدە كەزدەيسوقتىق پا؟ دوسىم ساتپاەۆ: اڭگىمەنى بۇل ءىستىڭ قۇپيا

  • حريستيان ميسسيونەرلەرىنىڭ قۇمداعى ىزدەرى

    ورىنى: قاشقار ق-سى; جىلى: 1933 ج; اتى-ءجونى: قابىل احوند; ءدىنى: حريستيان; تۇسىنىكتەمە: بۇل جىگىتتىڭ كەيىنگى ەسىمى قابىل احوند، حريستيان ءدىنىن قابىلداعان العاشقى ۇيعىر. كەيىن ءدىني سەنىمىنە بايلانىستى ولتىرىلگەن. سۋرەت ەۋروپاداعى ميسسيونەرلىك مۋزەي ارحيۆىندە ساقتاۋلى. اتالعان مۋزەيدە جۇزدەگەن حريستيان ۇيعىر وكىلدەرىنىڭ سۋرەتى ساقتالعان. 1930 جىلدارى حريستيان ۇيعىرلارىنا تۇرعىلىقتى مۇسىلماندار مەن اكىمشىلىك بيلىك تاراپىنان قىسىم كورسەتىلە باستاعان سوڭ ءبىر ءبولىمى ميسسيونەرلەرگە ىلەسىپ ەۋروپا ەلدەرىنە “ھيجراعا” كەتتى. القيسسا حريستيان الەمىنىڭ قاشقارياعا باسا ءمان بەرۋى اسىرەسە ياقۇپ بەك مەملەكەتى كەزەڭىندە جاڭا مۇمكىندىكتەردى قولعا كەلتىردى. 1860-70 جج. قاشقاريانىڭ تسين يمپەرياسىنا بايلانىستى كوڭىل كۇيىن جاقسى پايدالانعان حريستيان الەمى ءۇندىستان مەن تيبەت ارقىلى قاشقارياعا مادەني ىقپالىن جۇرگىزە باستادى. ولاردىڭ ماقساتى بۇل ايماقتى رەسەي يمپەرياسىنان بۇرىن ءوز ىقپالىنا

  • دەموگرافيالىق ساراپتاما

    1-ءشى سۋرەت قازاقتار; دەموگرافيالىق احۋال 1949-2020 جج. ارالىعىن سالىستىرمالى كورسەتكەن. 1949 جىلعا دەيىن، اتاپ ايتقاندا كوممۋنيستىك قىتاي ۇكىمەتى ورناعانعا دەيىن شىنجاڭ ولكەسىنىڭ سولتۇستىك بولىگىندە قازاقتار، وڭتۇستىك بولىگى قاشقاريادا ۇيعىرلار باسىم ساندى ۇستادى. 1951-54 جىلدارى ۇلتتىق مەجەلەۋ كەزىندە ورتالىق ۇكىمەت قۇرعان كوميسسيا ساراپتاماسى بويىنشا ۇلتتىق اۆتونوميالىق تەرريتوريانى انىقتاۋ مىنا ەكى باعىتتا جۇرگىزىلدى. ولار: ءبىرىنشى، ۇلتتىق اۆتونوميانى مەجەلەۋ بويىنشا ونىڭ اتاۋىن تۇراقتاندىرۋ. وسى بويىنشا ءۇش اتاۋ ۇسىنىلدى: *شىعىس تۇركىستان اۆتونوميالىق فەدەراتسيالىق رەسپۋبيليكاسى; *ۇيعىرستان اۆتونوميالىق رەسپۋبيليكاسى; *شىنجاڭ اۆتونوميالى رەسپۋبيليكاسى. ەكىنشى، اۆتونوميانىڭ اكىمشىلىك تۇرپاتىن انىقتاۋ; وسى بويىنشا: *فەدەرەتسيالىق تۇرپات; *اۆتونوميالىق وبلىس جانە وكۋرگ تۇرپات; *ايماق جانە اۋدان دارەجەلى اۆتونوميالىق وكۋرگ تۇرپاتى. مەجەلەۋ كوميسسياسى اتالعان ەكى باعىتتا ساراپتاما ناتيجەسىن قورىتىندىلادى. كوميسسيا قورىتىندىسى بويىنشا شىنجاڭ ولكەسىنىڭ

  • …ويى بولەك بولعانىمەن ول دا وسى ەلدىڭ تۋماسى، ءبىزدىڭ وتانداسىمىز.

    الەۋمەتتىك جەلىدە وسى وتانداسىمىزدى قىزۋ تالقىلاپ جاتىر ەكەن. كوبى سىن ايتىپ جاتىر. ۆيدەو جازبانىڭ تولىق نۇسقاسى جوق، پىكىر-تالاس تۋدىرعان بولىگى عانا تاراپ جاتىر ەكەن. سوعان بايلانىستى ءوز ويىمدى ايتا كەتپەكشىمىن: ءبىرىنشى، وتانداسىمىزدىڭ ۆيدەوسى، فوتوسى الەۋمەتتىك جەلىدە جەلدەي ەسىپ تاراپ جاتىر. ول ازاماتتىڭ (ازاماتشانىڭ) جەكە قۇپياسى سانالاتىن فوتوسى، ۆيدەو جازباسى كىمنىڭ رۇقساتىمەن تاراپ جاتىر ەكەن؟ ءوز باسىم وسى پوستتى جازۋ ءۇشىن ول ازاماتتىڭ (ازاماتشانىڭ) ۆيدەوداعى بەينەسىن قارا بوياۋمەن ءوشىرىپ تاستاۋدى ءجون كوردىم. جانە رۇقساتىنسىز فوتو بەينەسىن جەكە پاراقشاما سالعانىم ءۇشىن ودان كەشىرىم سۇرايمىن. ءدىني ۇستانىمى، ويى بولەك بولعانىمەن ول دا وسى ەلدىڭ تۋماسى، ءبىزدىڭ وتانداسىمىز. ەكىنشى، وتانداسىمىزدىڭ ءدىني ۇستانىمىنا بايلانىستى ايتقان سوزدەرى قوعامدا قاتتى پىكىر تۋدىرعان ەكەن. ءتىپتى ونى “ۇلت دۇشپانى”

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: