|  |  | 

جاھان جاڭالىقتارى ساياسات

موبيليزاتسيادان نە پايدا؟ ءپۋتيننىڭ ءدوڭ-ايباتى نە بەرەدى؟ ساراپشىلار پىكىرى


ۋكراينا جاۋىنگەرلەرى وسىدان ءبىراز ۋاقىت بۇرىن وزدەرى باسقىنشىلاردان ازات ەتكەن، رەسەيمەن شەكاراعا جاقىن ورنالاسقان كازاچيا لوپان اۋىلىندا. حاركوۆ وبلىسى، ۋكراينا، 16 قىركۇيەك 2022 جىل.

ۋكراينا جاۋىنگەرلەرى وسىدان ءبىراز ۋاقىت بۇرىن وزدەرى باسقىنشىلاردان ازات ەتكەن، رەسەيمەن شەكاراعا جاقىن ورنالاسقان كازاچيا لوپان اۋىلىندا. حاركوۆ وبلىسى، ۋكراينا، 16 قىركۇيەك 2022 جىل.

23-27 قىركۇيەكتە ۋكراينانىڭ دونەتسك جانە لۋگانسك وڭىرلەرىندەگى “حالىق رەسپۋبليكالارى” باقىلاۋىنداعى، حەرسون مەن زاپوروجە وبلىستارىنىڭ رەسەي باسىپ العان جەرلەرىن رەسەيگە قوسۋ جايلى “رەفەرەندۋم” وتپەك. بۇل شارا ۋكراينا اسكەرىنىڭ قارسى شابۋىلى مەن رەسەيدىڭ ء“ىشىنارا موبيليزاتسيا” جاريالاۋىمەن تۇسپا-تۇس كەلدى.

“رەفەرەندۋم” نەنى كوزدەيدى؟

رەسەي پرەزيدەنتى ۆلاديمير پۋتين 21 قىركۇيەكتەگى مالىمدەمەسىندە ماسكەۋ “رەفەرەندۋمنىڭ قاۋىپسىز ءوتۋى ءۇشىن ءبارىن ىستەيتىنىن” ايتىپ، ۋكرايناداعى سوعىستىڭ باستى ماقساتى – دونباسستى ازات ەتۋ دەدى. كيەۆ بولسا كرەملدىڭ بۇل جوسپارىنا جاۋاپ رەتىندە، ۋكراينا وككۋپاتسيالانعان جەرىن ازات ەتۋدى جالعاستىرا بەرەتىنىن، ەگەر “رەفەرەندۋم” وتەتىن بولسا ماسكەۋمەن قانداي دا ءبىر كەلىسسوزدەن باس تارتاتىنىن مالىمدەدى.

رەسەي ارمياسىمەن كەلىسىمشارتقا وتىرىپ، اسكەري قىزمەت اتقارۋعا ۇگىتتەيتىن جارنامانىڭ قاسىنان ءوتىپ بارا جاتقان ادام. سانكت-پەتەربۋرگ، 20 قىركۇيەك 2022 جىل.

رەسەي ارمياسىمەن كەلىسىمشارتقا وتىرىپ، اسكەري قىزمەت اتقارۋعا ۇگىتتەيتىن جارنامانىڭ قاسىنان ءوتىپ بارا جاتقان ادام. سانكت-پەتەربۋرگ، 20 قىركۇيەك 2022 جىل.

“ۋكراينانىڭ وككۋپاتسيالانعان جەرىندە پسەۆدورەفەرەندۋم وتكىزۋ كرەملدىڭ كيەۆپەن جانە باتىسپەن كەلىسسوزدەر وتكىزۋىن قيىنداتادى. مۇنىڭ مايدانداعى قازىرگى جاعدايدى قايتسەم ساقتاپ قالام دەگەن تىرىسۋ امالى ەكەنى ءسوزسىز، سەبەبى رەسەي كۇشپەن، اسكەري جولمەن جاڭا ايماقتاردى باسىپ الۋ مۇمكىندىگىنەن ايىرىلدى دەپ ويلايمىن” دەدى ۋكراينا بولاشاق ينستيتۋتىنىڭ ساراپشىسى يگور پوپوۆ ازاتتىقتىڭ ورىس قىزمەتىنە.

پوپوۆتىڭ سوزىنشە، ماسكەۋ رەفەرەندۋم جاريالاي وتىرىپ ەسكالاتسياعا بارىپ، باسىپ العان جەرلەردى رەسەي قۇرامىنا قوسۋ ءۇشىن تەزىرەك شەشىم قابىلداۋعا دايىن ەكەنىن كورسەتىپ وتىر.

“بىراق شەكارانىڭ قالاي انىقتالاتىنى بەلگىسىز قالىپ وتىر. دونەتسك، لۋگانسك، زاپوروجە مەن حەرسون وبلىستارىنىڭ ۋكراينا باقىلاۋىنداعى جەرى دە ەسكەرىلە مە، الدە ەسكەرىلمەي مە؟” دەيدى ول.

ال ۋكراين اسكەري ساراپشىسى سەرگەي گرابسكي ۋكراينانىڭ ءتورت وبلىسىنداعى “رەفەرەندۋمدار” ۋكراينا ارمياسىنىڭ قارسى شابۋىلىن توقتاتا المايتىنىن ايتادى.

ۋكراين اسكەري ساراپشىسى سەرگەي گرابسكي.

ۋكراين اسكەري ساراپشىسى سەرگەي گرابسكي.

“بۇل “رەفەرەندۋمداردىڭ” ەش ءمانى جوق، سەبەبى رەسەي اسكەرى بۇل اۋدانداردى تولىق باقىلامايدى. ارينە، قالاسا، سونداي ءىس-شارا وتكىزە الادى، بىراق ۋكراينا مەن ونىڭ ارمياسى ءۇشىن ەشتەڭە وزگەرمەيدى. پسەۆدورەفەرەندۋمنان كەيىن ماسكەۋ باسىپ العان جەرلەردى رەسەيگە تيەسىلى دەپ جاريالاپ، كيەۆتىڭ رەاكتسياسىنا قوقان-لوقى كورسەتەدى دەسەك، وندا ءبىز ماسكەۋ بەلگىلەگەن “قىزىل سىزىقتان” باياعىدا ءوتىپ كەتىپ، قىرىمداعى اسكەري نىسانداردى شابۋىلدادىق. رەسەيدىڭ رەاكتسياسى قانداي بولدى؟ ەشقانداي. ال قىرىم رەسەي ءۇشىن دونباسس نەمەسە حەرسونعا قاراعاندا ماڭىزدىراق قوي” دەدى ول.

ال ساياساتتانۋشى ولەسيا ياحنو ماسكەۋدىڭ “رەفەرەندۋم” ارقىلى ساياسي ناتيجەگە قول جەتكىزۋدى كوزدەپ وتىرعانىن ايتادى.

“مىسالى، ۋكراينانىڭ باسىپ الىنعان جەرىنىڭ قايتارىلۋىن قيىنداتۋ. بىراق كرەمل ونى جۇزەگە اسىرا المايدى. پسەۆدورەفەرەندۋم وتكىزبەك بولىپ وتىرعان جەرلەردە 2014-2015 جىلدارى رەسەيگە ءىشتارتا قارايتىن ازاماتتار بار ەدى، ال رەسەي ۋكرايناعا باسقىنشىلىق جاساعاننان كەيىن ونداي يلليۋزيا جوق” دەدى ياحنو.

رەسەي پرەزيدەنتى پۋتين ءىشىنارا موبيليزاتسيا جاريالاعان ءcات. 21 قىركۇيەك 2022 جىل.

وقي وتىرىڭىز

رەسەي ءىشىنارا موبيليزاتسيادا 300 مىڭ ادامدى اسكەرگە شاقىرماق. پۋتين باتىستى يادرولىق قارۋمەن قورقىتتى

يادرولىق سوعىس بولا ما؟

كرەمل ء“ىشىنارا موبيليزاتسيا” جاريالاي وتىرىپ، شابۋىل مۇمكىندىكتەرىن ارتتىرعىسى كەلەدى. بىراق سوعىسقا قاتىسۋعا ىقىلاس تانىتپاعان ازاماتتاردى موبيليزاتسيالاۋ رەسەيدى كوزدەگەن ماقساتىنا جەتكىزە قويارى ەكىتالاي، سوندىقتان كرەملدىڭ جالعىز امالى – يادرولىق قارۋ قولدانامىن دەپ دوق كورسەتۋ بولىپ وتىر دەيدى ساراپشىلار.

رەسەيدىڭ اسكەري دوكتريناسىندا ەل ەۋماعىنا شابۋىل جاسالعان جانە مەملەكەتكە قاۋىپ تونگەن جاعدايدا يادرولىق جانە باسقا دا جويقىن قارۋ قولدانۋعا بولاتىنى جازىلعان.

ۋكراينا بولاشاق ينستيتۋتىنىڭ ساراپشىسى يگور پوپوۆ.

ۋكراينا بولاشاق ينستيتۋتىنىڭ ساراپشىسى يگور پوپوۆ.

“[ۋكراينا ارمياسىنىڭ] ماسكەۋ رەسەي قۇرامىنا قوسقالى وتىرعان حەرسونعا شابۋىلىن يادرولىق قارۋ قولدانۋعا سىلتاۋ قىلۋعا بولماس. بىراق ۋكرايناعا قارسى مۇنداي قارۋدى قولدانۋ مۇمكىندىگىنىڭ ءوزى حالىقارالىق ارەناداعى رەاكتسيانى ايتارلىقتاي وزگەرتىپ، رەسەي سوعىس اشقالى بەيتاراپ بولىپ كەلگەن قىتاي، ءۇندىستان سەكىلدى باسقا دا ەلدەرگە اسەر ەتەدى” دەيدى يگور پوپوۆ.

اقش پرەزيدەنتى دجو بايدەن CBS تەلەارناسىنا بەرگەن سۇحباتىندا پۋتينگە حيميالىق نەمەسە تاكتيكالىق يادرولىق قارۋ قولدانباۋىن ەسكەرتتى. بىراق ول “رەسەي ونداي قادامعا بارسا، اقش قالاي جاۋاپ بەرەدى؟” دەگەن سۇراققا ەشتەڭە ايتقان جوق. ال امەريكالىق ديپلومات كۋرت ۋولكەر رەسەي ۋكرايناعا قارسى يادرولىق قارۋ قولدانسا، باتىس وعان تىكەلەي اسكەري جاۋاپ قايتارادى دەپ توپشىلايدى.

“كرەملدىڭ ونداي قادامىنا باتىس پەن ناتو-نىڭ جاۋابى قاتاڭ بولادى. باتىس ليدەرلەرىنىڭ تۇسپالداپ ايتقان سوزىنە سەنسەك، [رەسەيدىڭ] ۋكراينادا يادرولىق قارۋ قولدانۋى ناتو-عا مۇشە ەلدەردىڭ راديواكتيۆتى زاتتارمەن لاستانۋىنا الىپ كەلەدى. بۇل سولتۇستىك-اتلانتيكالىق وداققا شابۋىل رەتىندە قابىلدانادى. ياعني، باتىستىڭ رەسەيگە شابۋىل جاساۋىنا قولبايلاۋ بولمايدى” دەدى يگور پوپوۆ. ول رەسەي يادرولىق قارۋ قولدانعان جاعدايدا باتىس الدىمەن يادرولىق قارۋمەن ەمەس، زىمىران شابۋىلىمەن قارسى شىعاتىن بولار دەگەن بولجام ايتادى.

“باتىس ساياساتكەرلەرىنىڭ مالىمدەمەلەرىنە قاراساق، رەسەي باسشىلىعىنا ۋكرايناعا قارسى يادرولىق قارۋ قولدانعان جاعدايدا باتىستىڭ بىردەن جاۋاپ قايتاراتىنى ەسكەرتىلگەن” دەيدى ول.

ء“ىشىنارا موبيليزاتسيا” سوعىسقا قالاي اسەر ەتەدى؟

ۋكراينانىڭ اسكەري ساراپشىسى سەرگەي گرابسكي رەسەيدىڭ اسكەري كۇشى سارقىلدى دەۋگە ءالى ەرتە دەپ ەسەپتەيدى.

ء“ىشىنارا موبيليزاتسيانى ەسەپكە الماعان كۇننىڭ وزىندە، رەسەيدىڭ سوعىسقا ەرىكتىلەر جاساعىن، سوتتالعان ادامداردى جىبەرىپ جاتقانىن، ايماقتىق باتالوندار قۇرىلعانىن كورىپ وتىرمىز. مۇنىڭ ءبارى جەڭىل جاياۋ اسكەر سانالادى. رەسەيدىڭ رەسۋرسى سارقىلدى دەگەن قاتە پىكىر ايتىلىپ ءجۇر. وكىنىشكە قاراي، ولاي ەمەس. ۋكراينا اسكەرىنىڭ قالاي ارەكەت ەتكەنىنە قاراساق، ءساۋىردىڭ ەكىنشى جارتىسىندا رەسەي اسكەرىنىڭ شابۋىلىن توقتاتۋ ءۇشىن وسىنداي جەڭىل جاياۋ اسكەرمەن دونباسستا ۋاقىت ۇتتىق. قازىر رەسەي تاراپى شامامەن سونداي الگوريتممەن ارەكەت ەتىپ جاتىر” دەدى گرابسكي.

وسىلايشا رەسەي ارمياسى ۋكراينا اسكەرىنىڭ قوزعالىسىن توقتاتۋعا تىرىسىپ، سول ۋاقىتتا قارۋمەن جانە اسكەري تەحنيكامەن قامتىلعان اسكەري بولىمدەر قۇرادى دەيدى ساراپشى.

رەسەي پرەزيدەنتى ۆلاديمير پۋتين (سول جاقتا) مەن رەسەي قورعانىس ءمينيسترى سەرگەي شويگۋدىڭ سۋرەتتەرىنەن كوللاج.

رەسەي پرەزيدەنتى ۆلاديمير پۋتين (سول جاقتا) مەن رەسەي قورعانىس ءمينيسترى سەرگەي شويگۋدىڭ سۋرەتتەرىنەن كوللاج.

پۋتين ء“ىشىنارا موبيليزاتسيا” جاريالاعان كەزدە رەسەي قورعانىس ءمينيسترى سەرگەي شويگۋ اسكەرگە 300 مىڭ ادام شاقىرىلاتىنىن مالىمدەگەن. “پەنتا” ساياسي زەرتتەۋلەر ورتالىعىنىڭ ديرەكتورى، ساياساتتانۋشى ۆلاديمير فەسەنكو پۋتين ەۋروپاعا سەس كورسەتىپ وتىر دەيدى.

“ول بۇل قادام باتىستىڭ كيەۆتى كەلىسسوزدەرگە كوندىرۋىنە اكەلۋى مۇمكىن دەپ ويلايدى. بىراق اقىر سوڭىندا كرەمل ءپۋتيندى قولداعانىنا قاراماستان، ۋكرايناداعى سوعىسقا بارعىسى كەلمەيتىن ازاماتتاردى قورقىتادى” دەيدى فەسەنكو.

azattyq.org

ازات ەۋروپا / ازاتتىق راديوسى

Related Articles

  • سامات ءابىش قالاي “سۇتتەن اق، سۋدان تازا” بولىپ شىقتى؟

    ازاتتىق راديوسى ساياساتتانۋشى دوسىم ساتپاەۆ ۇقك توراعاسىنىڭ بۇرىنعى ءبىرىنشى ورىنباسارى، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى سامات ابىشكە شىققان ۇكىم “قازاقستانداعى رەجيم بولاشاقتى ويلامايتىنىن كورسەتتى” دەيدى قازاقستاندىق ساياساتتانۋشى دوسىم ساتپاەۆ. ساراپشىنىڭ پايىمداۋىنشا، بيلەۋشى “ەليتا” جەكە ىستەرىمەن جانە تاساداعىكەلىسىمدەرمەن اۋرە بولىپ جاتقاندا ەلدە تاعى ءبىر جاڭا الەۋمەتتىك جارىلىسقا اكەلۋى مۇمكىن فاكتورلار كۇشەيىپ كەلەدى. ساياساتتانۋشىرەسەي ءوزىنىڭ ەكونوميكالىق مۇددەلەرى مەن گەوساياسي جوسپارلارىن كەڭىنەن جۇزەگە اسىرۋ ءۇشىن قازاقستاننىڭ ىشكى ساياساتىنا تىكەلەي اسەر ەتۋگە تىرىسىپ جاتۋى مۇمكىن دەپ تە توپشىلايدى. پۋتين “قاۋىپسىزدىك كەپىلى” مە؟ ازاتتىق: سونىمەن ۇزاق دەمالىس الدىندا وسىنداي ۇلكەن جاڭالىق جاريالاندى. مەيرام الدىندا، 19 ناۋرىزدا قازاقستاندىقتار ءماجىلىس دەپۋتاتىنىڭ پوستىنان سامات ابىشكە شىققان ۇكىم جايلى ءبىلدى. مۇنىڭ ءبارىنىڭ بايلانىسى بار ما الدە كەزدەيسوقتىق پا؟ دوسىم ساتپاەۆ: اڭگىمەنى بۇل ءىستىڭ قۇپيا

  • “گەوساياسات يلەۋىنە ءتۇسىپ قالۋىمىز مۇمكىن”. قازاقستاندا اەس سالۋعا قاتىستى ساراپشى پىكىرى

    ەلەنا ۆەبەر اتوم ەلەكتر ستانساسىن سالۋ جانە پايدالانۋ ەكولوگيالىق قاتەر جانە توتەنشە جاعدايدا ادام دەنساۋلىعىنا قاۋىپتى عانا ەمەس، وعان قوسا سوعىس بارىسىندا ۋكراينانىڭ زاپوروجە اەس-ىندەگى بولعان وقيعا سياقتى بوپسالاۋ قۇرالى دەيدى الەۋمەتتىك-ەكولوگيالىق قوردىڭ باسشىسى قايشا اتاحانوۆا. ول مۇنىڭ ارتىندا كوپتەگەن پروبلەما تۇرعانىن، قازاقستاندىقتارعا اەس سالۋ جونىندەگى رەفەرەندۋم قارساڭىندا بىرجاقتى اقپارات بەرىلىپ، وندا تەك پايدالى جاعى ءسوز بولىپ جاتقانىن ايتادى. ساراپشى اەس-ءتىڭ قاۋپى مەن سالدارى قانداي بولاتىنى جايىندا اقپارات وتە از دەپ ەسەپتەيدى. گولدمان اتىنداعى حالىقارالىق ەكولوگيالىق سىيلىقتىڭ لاۋرەاتى، بيولوگ قايشا اتاحانوۆا – رادياتسيانىڭ ادامدارعا جانە قورشاعان ورتاعا اسەرىن شيرەك عاسىردان استام زەرتتەپ ءجۇر. ول بۇرىنعى سەمەي پوليگونىندا جانە وعان ىرگەلەس جاتقان اۋدانداردا زەرتتەۋ جۇرگىزگەن. قاراعاندى ۋنيۆەرسيتەتىنىڭ گەنەتيكا كافەدراسىندا وقىتۋشى بولعان.

  • “قازاقستان دۇرىس باعىتتا”. دەكولونيزاتسيا، ۋكرايناداعى سوعىس جانە قاڭتار. بالتىق ەلشىلەرىمەن سۇحبات

    دارحان ومىربەك بالتىق مەملەكەتتەرىنىڭ قازاقستانداعى ەلشىلەرى (سولدان وڭعا قاراي): يرينا مانگۋلە (لاتۆيا), ەگيديۋس ناۆيكاس (ليتۆا ) جانە تووماس تيرس. سوۆەت وداعى ىدىراي باستاعاندا ونىڭ قۇرامىنان ءبىرىنشى بولىپ بالتىق ەلدەرى شىققان ەدى. ءوزارا ەرەكشەلىكتەرى بار بولعانىمەن، سىرتقى ساياساتتا بىرلىگى مىقتى لاتۆيا، ليتۆا جانە ەستونيا مەملەكەتتەرى ناتو-عا دا، ەۋرووداققا دا مۇشە بولىپ، قازىر كوپتەگەن ولشەم بويىنشا الەمنىڭ ەڭ دامىعان ەلدەرىنىڭ قاتارىندا تۇر. رەسەي ۋكرايناعا باسىپ كىرگەندە كيەۆتى بار كۇشىمەن قولداپ، تاباندىلىق تانىتقان دا وسى ءۇش ەل. سوعىس باستالعانىنا ەكى جىل تولار قارساڭدا ازاتتىق بالتىق ەلدەرىنىڭ قازاقستانداعى ەلشىلەرىمەن سويلەسىپ، ەكىجاقتى ساۋدا، ورتاق تاريح، رەسەي ساياساتى جانە ادام قۇقىعى تاقىرىبىن تالقىلادى. سۇحبات 8 اقپان كۇنى الىندى. “بىزدە قازاقستاندى دۇرىس بىلمەيدى” ازاتتىق: سۇحباتىمىزدى بالتىق ەلدەرى مەن قازاقستان اراسىنداعى ساۋدا قاتىناسى

  • باقسىلار ينستيتۋتى

    ساراپتاما (وقىساڭىز وكىنبەيسىز) ءبىرىنشى، ىلكىدە تۇركى بالاسىندا ارنايى قاعان قۇزىرەتى ءۇشىن جۇمىس ىستەيتىن كورىپكەل باقسىلار ينستيتۋتى بولعان. اتى باقسى بولعانىمەن حاننىڭ قىرىق كىسىلىك اقىلشىسى ەدى. كورىپكەل باقسىلار حان كەڭەسى كەزىندە الداعى قاندايدا ءبىر ساياسي وقيعا مەن سيتۋاتسيانى كۇنى بۇرتىن بولجاپ، ءدوپ باسىپ تالداپ ءھام ساراپتاپ بەرە الاتىن سونى قابىلەتتىڭ يەسى-ءتىن. ولاردى ساياسي كورىپكەلدەر دەپ اتاسا دا بولادى. حان ەكىنشى ءبىر ەلدى جەڭۋ ءۇشىن بىلەك كۇشىنەن بولەك كورىپكەل باقسىلاردىڭ ستراتەگيالىق بولجاۋىنا دا جۇگىنەتىن. قارسىلاس ەلدىڭ كورىپكەل باقسىلارى دا وڭاي ەمەس ارينە. ەكىنشى، ۋاقىت وتە كەلە ساياسي كورىپكەل باقسىلار تۇركىلىك بولمىستاعى ستراتەگيالىق مەكتەپ قالىپتاستىردى. تۇركى باقسىلارى قىتاي، ءۇندى، پارسى، ۇرىم ەلدەرىن جاۋلاپ الۋدا ماڭىزدى ءرول اتقاردى. ول كەزدەگى جاھاندىق جاۋلاسۋلار جەر، سۋ،

  • اقش سەناتى ۋكرايناعا قارجىلاي كومەك قاراستىرىلعان زاڭ جوباسىن ماقۇلدادى

    اقش كونگرەسى.  اقش سەناتى 13 اقپاندا ۋكراينا، يزرايل جانە تايۆانعا 95 ملرد دوللار بولاتىن قارجىلاي كومەك بەرۋ تۋرالى زاڭ جوباسىن ماقۇلدادى. سەناتتا دەموكراتتار باسىم ورىنعا يە. ەندى زاڭ جوباسىن رەسپۋبليكالىق پارتيا باسىم وكىلدەر پالاتاسى قارايدى. وكىلدەر پالاتاسىندا جوبانىڭ زاڭ ستاتۋسىن الۋعا مۇمكىندىگى از دەگەن بولجام دا ايتالادى. پرەزيدەنت-دەموكرات دجو بايدەن ءبىراز ۋاقىتتان بەرى ەكى پالاتانى ۋكراينا مەن اقش-تىڭ ءۇندى-تىنىق مۇحيت اۋماعىنداعى سەرىكتەستەرىنە كومەك بەرۋدى جىلدامداتۋعا شاقىرىپ كەلەدى. ۋكراينا بيلىگى باستى وداقتاسى اقش-تان قولداۋ ازايعان تۇستا قارۋ-جاراق جەتپەي جاتقانىن بىرنەشە رەت مالىمدەگەن. ۋكراينا پرەزيدەنتى ۆلاديمير زەلەنسكي بۇگىن، 13 اقپاندا اقش سەناتىنىڭ بۇل زاڭ جوباسىن ماقۇلداعانىنا العىس ايتتى. قۇجاتتا كيەۆكە 61 ملر دوللار بەرۋ قاراستىرىلعان. “امەريكانىڭ كومەگى ۋكرايناعا بەيبىت ءومىردى جاقىنداستىرىپ، الەمدىك

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: