Ukrainalıq äskeriler Donbassta Resey küşteriniñ birneşe şabuılına toytarıs bergenin mälimdedi. Al Ukraina prezidenti Vladimir Zelenskiy “Resey äskeriniñ är jeñilisi Mäskeudiñ äskeri taktikasınıñ aqılğa sıymaytının körsetti” dedi. Maydan şebinde ne bolıp jatır? Qısqaşa şolıp şıqtıq.
Kiev “Resey Ukraina küşteri Herson qalasın qaytaru üşin şabuıl jasaydı dep qauiptenedi, sondıqtan bos qalğan üylerdi tonap, bwl üylerge qarapayım kiingen äskerilerdi ornalastırıp, köşe şayqasına dayındalıp jatır” dep ayıptadı. Resey Ukrainağa basıp kirgende alğaş jaulap alğan qalalarınıñ biri osı Herson boldı. Keyingi uaqıtta Mäskeu Hersonğa Ukraina äskeri şabuıl jasauı mümkin dep twrğındardı qaladan ketuge şaqırğan. Eki tarapta qazir Hersonda jarıq pen su joq ekenin aytadı.
Kreml' Ukraina tarabın “sabotaj jasadı” dese, Kiev “Resey bir jarım şaqırım elektr torabın üzdi” dep te ayıptadı.
Kiev “reseylik küşter beybit twrğındardıñ jeke üyleri men infrastruktura ob'ektilerden qwraldardı, tamaqtardı, transporttardı wrlap, Reseyge äketip jatır” deydi.
Bwğan qosa, Ukraina bas ştabı Herson oblısı Berislav audanındağı Reseydiñ qaru-jaraq qoymasına şabuıl jasap, äskeri tehnikalardı joyğanın; reseylik 32 äskeri qaza tapqanın habarladı.
Soğıs uaqıtında mwnday aqparattardı täuelsiz derekközderden tekseru qiın.
Ukraina qarulı küşteriniñ bas ştabı kündelikti esebinde Resey küşteri eldiñ şığısındağı Bahmut, Avdeevka jäne Novopavlovkağa şabuıldı üdetti dep mälimdedi. Mäskeu küşteri keyingi aptada Doneckte osı üş qalanı aluğa tırısıp jatır. Bwğan qosa, Resey äskerileri Ukrainanıñ är aymağındağı infrastrukturalar men azamattıq ob'ektilerdi atqılauın da toqtatqan joq.
Al Zelenskiy Reseydiñ raketalıq şabuılı köbeygen twsta älem Ukrainağa raketadan qorğaytın jüyelerdiñ kelesi legin bergenin mälimdedi. “Bwl kömek bizdiñ qorğanısımızdı küşeyte tüsedi. Ukraina aspanı 100 payız qorğauda dey almaymın, biraq biz maqsatımızğa jaqındap kelemiz” dedi ol 7 qaraşadağı videomälimdemesinde.
Ukraina qorğanıs ministri Aleksey Reznikov 7 qaraşadağı mälimdemesinde raketağa qarsı NASAMS jäne Apside qaruların alğanın ayttı.
“Bwl qaru Ukraina äskerin odan äri küşeytip, elimizdi qauipsiz ete tüsedi” dep jazdı ol Twitter jelisinde. Reznikov qarudı qay elder bergenin aşıq aytpadı, degenmen AQŞ, Norvegiya, Ispaniyağa “alğıs ayttı”.
Zelenskiy düysenbidegi mälimdemesinde Doneck oblısında keskilesken şayqas bolıp jatqanın da aytıp, Donbasstı “okkupanttardıñ bassızdığınıñ epicentri” dep atadı.
“Resey künine jüzdegen adamınan ayırılıp jatır. Sondağı Ukrainanıñ baqılauındağı jerler okkupanttardıñ mäyitine tolıp qaldı” dedi ol.
Zelenskiy Pavlovka mañında jürgen reseylik äskeriler öz aymaqtarınıñ gubernatorına şağımdandı dep mälimdedi. 7 qaraşada amerikalıq CNN telearnası Reseydiñ Tınıq mwhit flotınıñ 155-äskeri brigadasınıñ soldattarı Primorsk aymağınıñ gubernatorı Oleg Kojemyakoğa şağımdanğanın habarladı. Telearnanıñ mälimetinşe, reseylik äskeriler Doneckte “tüsiniksiz şayqasqa” jiberilgenin, tört künde 300 soldat qaza tauıp ya jaralanğanın, qarularınıñ 50 payızınan ayırılğanın aytqan.
Zelenskiydiñ sözinşe, Kojemyako äskerilerdiñ şağımın “asıra silteu” dep atap, “şığın sonşalıqtı köp emes” degen.
BWW esebinşe, 24 aqpannan beri Ukrainadağı soğısta kemi 6490 beybit twrğın (onıñ işinde 400 bala bar) qaza tapqan. Al Kiev Reseymen kelissözden qaşpaytının aytadı, biraq kelissöz jürgizu üşin Resey Ukrainadan äskerin tolıq äketui kerek degen şart qoyıp otır.
Pikir qaldıru