|  |  | 

جاھان جاڭالىقتارى شوۋ-بيزنيس

سوعىسقا “لەوپارد” ارالاسپاق. نەمىستىڭ بۇل تانكىسى نەسىمەن مىقتى؟


نەمىستىڭ "لەوپارد 2" (Leopard 2) تانكىسى.

نەمىستىڭ “لەوپارد 2″ (Leopard 2) تانكىسى.

گەرمانيا بيلىگى ۋكرايناعا “لەوپارد 2″ (Leopard 2) تانكىسىن بەرۋگە جانە باسقا ەلدەرگە دە بۇل تانكىنى ۋكرايناعا جەتكىزۋگە رۇقسات بەردى. بۇل تانكىنى ۋكراينا بيلىگى گەرمانيادان بۇرىننان سۇراپ كەلگەن ەدى.بىراق بەرلين “لەوپارد” تانكىسىن كيەۆكە ۇزاق ۋاقىت بەرگىسى كەلمەدى. ۋكراينا قىزىققان بۇل تانك قانشالىقتى مىقتى؟ تۇسىندىرەمىز. 

“لەوپارد 2″ دەگەن قانداي تانك؟ 

“لەوپارد 2″ تانكىسىن گەرمانيانىڭ Krauss-Maffei Wegmann كومپانياسى جاساعان. كومپانيا “لەوپاردتى” اتۋ قابىلەتى، قورعانىسى، جىلدامدىعى، ايلاسى جاعىنان “الەمدەگى ەڭ مىقتى تانك” دەپ سيپاتتايدى ءارى كەز كەلگەن جاعدايداعى شايقاسقا جارايدى دەيدى.

55 توننا تانكىگە ءتورت ادام سىيادى، ەڭ جوعارعى جىلدامدىعى – 68 كم/ساعات. بۇل تانكىنىڭ العاشقى نۇسقاسى 1979 جىلى جاسالعان. سودان بەرى گەرمانيا 3500-دەن استام “لەوپارد” تانكىسىن جاساعان. “لەوپاردتىڭ” سنارياد اتقانى تولىق تسيفرلىق جۇيەمەن باسقارىلادى.

قازىر بۇل تانك 20 ەلدە – سونىڭ ىشىندە كانادا، دانيا، فينليانديا، پولشا، نيدەرلاند، نورۆەگيا، گرەكيا، اۆستريا، يسپانيا، شۆەتسيا جانە تۇركيادا بار.

ۋكرايناعا قانشا “لەوپارد” كەرەك؟ 

گەرمانيا ۋكرايناعا 14 “لەوپارد” تانكىسىن بەرەتىنىن مالىمدەدى. باسقا دا ەلدەر جاقىن كۇندەرى ناقتى سانىن جاريالاۋى ءتيىس. ال لوندوندا ورنالاسقان ستراتەگيالىق زەرتتەۋلەر حالىقارالىق ينستيتۋتى “لەوپارد” سوعىستا قانداي دا ءبىر پايدا اكەلۋ ءۇشىن 100 تانك قاجەت بولادى” دەپ جازدى.

ۋكراينا قورعانىس مينيسترلىگى سوعىستا رەسەي شابۋىلىن تويتارۋ ءۇشىن 300 تانك كەرەك دەگەن، كيەۆتىڭ بۇل ءسوزىن ەۋروپا وداعىنىڭ ليدەرلەرى دە قولدايدى.

وسى اپتادا ليۋكسەمبۋرگ سىرتقى ىستەر ءمينيسترى جان اسسەلبورن “بىزگە 300 تانك قاجەت” دەپ مالىمدەگەن.

گەرمانيا كانتسلەرى ولاف شولتس "لەوپارد 2" تانكىسىنىڭ جانىندا سويلەپ تۇر. 17 قازان 2022 جىل.

گەرمانيا كانتسلەرى ولاف شولتس “لەوپارد 2″ تانكىسىنىڭ جانىندا سويلەپ تۇر. 17 قازان 2022 جىل.

ەۋروپا ەلدەرى “لەوپارد” تانكىسىن كيەۆكە بەرگەن جاعدايدا ونى ۋكرايناعا جەتكىزۋگە ۋاقىت كەرەك. ستراتەگيالىق زەرتتەۋلەر حالىقارالىق ينستيتۋتى ۋكراينالىق اسكەريلەرگە تانكىنى باسقارۋدى ۇيرەتۋگە ءۇش اپتادان التى اپتاعا دەيىن ۋاقىت كەرەك دەپ ەسەپتەيدى.

گەرمانيانىڭ ميۋنستەر قالاسىنداعى تانك مۋزەيىنىڭ ديرەكتورى رالف راتس ۋكراينانىڭ تاجىريبەلى تانكيستەرى “لەوپاردتى” قولدانۋدى جىلدام ۇيرەنىپ الۋى مۇمكىن دەپ توپشىلايدى.

“تانكىنىڭ پوتەنتسيالىن 100 پايىز قولدانعان دۇرىس پا الدە قىسقا ۋاقىتتا 80 پايىزىن قولدانعان ءجون بە دەگەن سۇراق تۋىنداسا، ۋكراينالىقتار ەكىنشى ۆاريانتتى تاڭدايتىنى انىق” دەيدى ول.

“لەوپارد” سوعىستا نە وزگەرتە الادى؟

ستراتەگيالىق زەرتتەۋلەر حالىقارالىق ينستيتۋتىنىڭ اسكەري ساراپشىسى يوحانن ميشەل مۇنداي تانكىلەر ۋكرايناعا قايتا قارىمتا شابۋىلعا شىعۋعا مۇمكىندىك بەرەدى دەيدى.

“مۇنداي سوعىستا ءارتۇرلى قۇرىش ساۋىتتى تەحنيكالار مەن كوپ تانكىسىز كەڭ كولەمدى قارىمتا شابۋىل ۇيىمداستىرۋ مۇمكىن ەمەس. ال مۇنداي تانكىلەر ۋكراينا قولدانىپ جاتقان سوۆەتتىڭ ەسكى تانكىلەرىن الماستىرىپ، جاڭا مۇمكىندىكتەر اشادى” دەيدى ول.

گەرمانيانىڭ ميۋنستەر قالاسىنداعى تانك مۋزەيىنىڭ ديرەكتورى رالف راتس “لەوپارد” جانە باتىستىڭ باسقا دا تانكىلەرى رەسەي قولدانىپ جاتقان تانكىلەردەن الدەقايدا اككى ءارى جىلدام دەيدى.

"لەوپارد 2" تانكىسى لاتۆياداعى ناتو-نىڭ اسكەري جاتتىعۋىندا. 2021 جىل.

“لەوپارد 2″ تانكىسى لاتۆياداعى ناتو-نىڭ اسكەري جاتتىعۋىندا. 2021 جىل.

“رينگىدە ەركىن قوزعالا المايتىن، ءبىر باعىتتا عانا قوزعالا الاتىن بوكسشىنى ەلەستەتىڭىز. ال ەكىنشى بوكسشى بارلىق باعىتتا قوزعالا الادى دەيىك. دەمەك، “لەوپارد” رينگىدەگى ەكىنشى بوكسشى” دەيدى راتس.

ساراپشى باتىس تانكىلەرى قانشالىقتى مىقتى بولسا دا، اۋە سوققىلارى مەن قالالى جەرلەردىڭ ىشىندە تانكىگە قارسى جاياۋ اسكەردىڭ الدىندا ءالسىز دەپ سانايدى. ونىڭ سوزىنشە، بۇل جاعىنان ۋكراينا اۋە قورعانىسى مەن بارلاۋ جاعىنان مىقتى بولۋى كەرەك.

راتس “ۋكراينا مەن رەسەيدە تانك سانى بىردەي بولسا، “لەوپارد” پەن باتىستىڭ باسقا دا تانكىلەرى ۋكرايناعا باسىمدىق بەرەدى” دەپ ەسەپتەيدى.

شۆەيتساريانىڭ ETHZ پوليتەحنيكالىق ۋنيۆەرسيتەتىنىڭ قاۋىپسىزدىك بويىنشا زەرتتەۋ ورتالىعىنىڭ زەرتتەۋشىسى نيكلاس مازۋر “باتىستىڭ تانكىلەرى ءبىر ءوزى سوعىس باعىتىن وزگەرتىپ، جەڭىس اكەلەدى دەۋگە كەلمەيدى” دەگەن پىكىردە.

“تانكىلەر دە وتە قۇندى، بىراق ولاردى جاياۋ اسكەر، ارتيللەريا، اۋە قورعانىسى، تىكۇشاقتارمەن قاتار ءتيىمدى قولدانۋ كەرەك” دەيدى ول.

بەرلين “لەوپاردتى” نەگە ۇزاق ۋاقىت بەرمەي كەلدى؟

“لەوپارد” تانكىسى بار ەلدەر بۇل قارۋدى گەرمانيا بيلىگىنىڭ رۇقساتىنسىز بەرە المايدى. پولشا “لەوپاردتى” ۋكرايناعا وسى ايدىڭ ورتاسىندا بەرۋگە دايىن ەدى، بىراق بەرلين كەلىسىم بەرمەي كەلگەن.

باتىس ەلدەرى ۋكراينا مۇنداي تانكىلەردى رەسەيدىڭ اۋماعىنا شابۋىلداۋعا قولدانىپ، ناتو سوعىسقا ارالاسىپ كەتە مە دەپ تە قاۋىپتەنەدى. باتىستاعى كەيبىر شەندىلەر رەسەي مەن قىتاي ۋكرايناعا جىبەرىلگەن تانكىلەردىڭ جاسالۋ تەحنولوگياسىن ءبىلىپ الۋى مۇمكىن دەپ تە مالىمدەگەن.

ال ماسكەۋ باتىس ەلدەرى ۋكراينانى قارۋمەن قامتاماسىز ەتۋ ارقىلى سوعىستى ۋشىقتىرىپ جاتىر دەگەن ەدى.

باسقا ەلدەر ۋكرايناعا قانداي تانكىلەر بەرمەك؟

سوعىس باستالعالى ۋكراينا نەگىزىنەن سوۆەت وداعىندا جاسالعان ت-72 تانكىلەرىن قولدانىپ كەلگەن.

Reuters اگەنتتىگى ۆاشينگتونداعى دەرەككوزدەرىنە سۇيەنىپ، “جاقىن كۇندەرى اقش ۋكرايناعا M1 Abrams تانكىلەرىن بەرەدى” دەپ جازدى. ۆاشينگتون دا بۇعان دەيىن بۇل تانكىنى كيەۆكە بەرمەي كەلگەن ەدى.

ۇلىبريتانيا وسى اپتادا Challenger 2 تانكىسىن بەرەتىنىن حابارلاعان. ال فرانتسيا پرەزيدەنتى ەممانيۋەل ماكرون قورعانىس مينيسترىنەن ۋكرايناعا Leclerc تانكىلەرىن بەرۋ جاعىن قاراستىرۋدى سۇرادى. چەحيا مەن پولشا ۋكرايناعا سوۆەت وداعىندا جاسالعان ت-72 تانكىلەرىن بەرەتىنىن مالىمدەدى.

كرەمل نە دەيدى؟

رەسەي پرەزيدەنتى ۆلاديمير ءپۋتيننىڭ ءباسپاسوز حاتشىسى دميتري پەسكوۆ بۇگىن 25 قاڭتاردا “[باتىس تانكىلەرى] ۋكراينا اسكەري كۇشتەرىنە ايتارلىقتاي سەرپىن بەرەدى دەپ ويلاۋ – ۇلكەن جاڭىلىس. ارتىق باعالاۋ. بۇل تانكىلەر دە وزگەلەر سياقتى وتقا ورانادى” دەدى.

گەرمانياداعى تانك مۋزەيىنىڭ وكىلى راتس “باتىس تانكىلەرى رەسەي تانكىلەرىنەن قانشالىقتى مىقتى بولسا دا، بۇل تانكىلەر دە مايداندا جويىلۋى مۇمكىن ەكەنىن ەسكەرۋى كەرەك” دەپ بىلەدى.

— “لەوپارد” — قويان-قولتىق شايقاسقا ارالاساتىن قارۋ. سوندىقتان بۇل تانكىلەر دە سوعىستا قۇرتىلۋى مۇمكىن، ىشىندە وتىرعان ەكيپاج مۇشەلەرى دە قازا تاباتىنىن جوققا شىعارا المايمىز، – دەيدى ول.

ازات ەۋروپا / ازاتتىق راديوسى

Related Articles

  • الماتىدا ءزىلزالا بولسا، ەڭ الدىمەن قانداي ۇيلەر قيراۋى مۇمكىن؟ ساۋلەتشى ايدار ەرعاليمەن سۇحبات

    پيوتر تروتسەنكو الماتىنىڭ جوعارعى جاعىنداعى كوپقاباتتى عيماراتتار. 18 شىلدە، 2022 جىل قازاقستاندىق ساۋلەتشى ايدار ەرعالي ەگەر كۇشتى جەر سىلكىنىسى بولسا، سەيسميكالىق قاۋىپتى ايماقتا ورنالاسقان الماتى قالاسى قانداي قيىندىقپەن بەتپە-بەت كەلەتىنىن، سوۆەت كەزىندە سالىنعان ۇيلەر قازىرگى زامانعى كوپقاباتتى عيماراتتارمەن سالىستىرعاندا جەر سىلكىنىسىنە توتەپ بەرۋگە نەلىكتەن ءالسىز ەكەنىن ايتتى. 23 قاڭتار كۇنى الماتىدا جەر ادەتتەگىدەن قاتتىراق سىلكىنىپ، ەلدى دۇرلىكتىردى. بۇل وقيعا كەڭ اۋقىمداعى تابيعي اپاتقا قالا بيلىگى مەن تۇرعىندار قانشالىقتى دايىن دەگەن اڭگىمەنى قايتا قوزدىردى. جۇرت اسىرەسە توتەنشە جاعدايلار جونىندەگى دەپارتامەنتتىڭ ەرتە حابارلاۋ جۇيەسى دۇرىس جۇمىس ىستەمەگەنىن، سمس-حابارلامالار دەر كەزىندە تۇسپەگەنىن دە سىنعا الدى. جەر ءبىرىنشى رەت سىلكىنگەن ساتتە الماتى تۇرعىندارى جاپا-تارماعاي ۇيدەن سىرتقا قاراي جۇگىردى، كەيبىرى ءتىپتى سىرت كيىمىن دە كيمەگەن

  • اقش سەناتى ۋكرايناعا قارجىلاي كومەك قاراستىرىلعان زاڭ جوباسىن ماقۇلدادى

    اقش كونگرەسى.  اقش سەناتى 13 اقپاندا ۋكراينا، يزرايل جانە تايۆانعا 95 ملرد دوللار بولاتىن قارجىلاي كومەك بەرۋ تۋرالى زاڭ جوباسىن ماقۇلدادى. سەناتتا دەموكراتتار باسىم ورىنعا يە. ەندى زاڭ جوباسىن رەسپۋبليكالىق پارتيا باسىم وكىلدەر پالاتاسى قارايدى. وكىلدەر پالاتاسىندا جوبانىڭ زاڭ ستاتۋسىن الۋعا مۇمكىندىگى از دەگەن بولجام دا ايتالادى. پرەزيدەنت-دەموكرات دجو بايدەن ءبىراز ۋاقىتتان بەرى ەكى پالاتانى ۋكراينا مەن اقش-تىڭ ءۇندى-تىنىق مۇحيت اۋماعىنداعى سەرىكتەستەرىنە كومەك بەرۋدى جىلدامداتۋعا شاقىرىپ كەلەدى. ۋكراينا بيلىگى باستى وداقتاسى اقش-تان قولداۋ ازايعان تۇستا قارۋ-جاراق جەتپەي جاتقانىن بىرنەشە رەت مالىمدەگەن. ۋكراينا پرەزيدەنتى ۆلاديمير زەلەنسكي بۇگىن، 13 اقپاندا اقش سەناتىنىڭ بۇل زاڭ جوباسىن ماقۇلداعانىنا العىس ايتتى. قۇجاتتا كيەۆكە 61 ملر دوللار بەرۋ قاراستىرىلعان. “امەريكانىڭ كومەگى ۋكرايناعا بەيبىت ءومىردى جاقىنداستىرىپ، الەمدىك

  • ءتسيفرلى تەڭگە “جاڭا ەكونوميكا” قۇرۋعا كومەكتەسپەك

    بلوكچەين تەحنولوگيالارى قازاقستاندى جەمقورلىقتان بارىنشا تازارتىپ شىعا الادى. بۇگىن مەملەكەت باسشىسى بيۋدجەت قاراجاتىنىڭ جۇمسالۋىن باقىلاۋ ءۇشىن تسيفرلىق تەڭگەنى پايدالانا وتىرىپ، اقشانى تاڭبالاۋ كىلتى تۋرالى ايتىپ ءوتتى. ءتسيفرلى تەڭگەنىڭ ەڭ مىقتى جەرى وسى. پروگراممالانعان توكەن بولعاندىقتان اقشا كىمنەن كىمنىڭ قولىنا ءوتتى، باقىلاپ وتىرا الامىز. مىسالى، مەملەكەتتىك تەندەرلەردىڭ بارلىعىن ءتسيفرلى تەڭگەگە اۋىستىرىپ، وسى تەندەرلىك ءتسيفرلى تەڭگەنى قولما-قول اقشا رەتىندە شەشىپ الۋ مۇمكىن بولمايتىنداي جاساپ قويۋعا بولادى. سوندا ءبىز تەندەر جەڭىمپازىنىڭ اقشانى قالاي جۇمساعانىن، كىمنەن تاۋار العانىن، كىمدەرگە قانشا ايلىق تولەگەنىن كورىپ، سودان ۇلكەن BIG Data بازاسىن قۇرايمىز. ءدال وسى كەزدە، مەملەكەتتىك اقشاعا مۇمكىندىگىنشە قازاقستاندىق تاۋار الىنعاندىعىن باقىلاپ، ماجبۇرلەپ وتىرۋعا مۇمكىندىك بار. وسى ارقىلى جەمقورلىقتى اتىمەن جويىپ، وتاندىق بيزنەسكە مىقتى قولداۋ كورسەتە الماقپىز.

  • اقش سەناتى ۋكراينا مەن يزرايلگە كومەك بەرۋ تۋرالى زاڭ جوباسىن ماقۇلدادى

    ازات ەۋروپا / ازاتتىق راديوسى اقش سەناتى ۋكراينا مەن يزرايلگە 118 ميلليارد دوللار قوسىمشا قارجى كومەگىن بەرۋ تۋرالى ەكى پارتيا ۇسىنعان زاڭ جوباسىن جانە اقش-تىڭ وڭتۇستىك شەكاراسىن نىعايتۋ تۋرالى زاڭ جوباسىن ماقۇلدادى. بىلتىر قازان ايىنان بەرى جالعاسىپ كەلە جاتقان “ۇلتتىق قاۋىپسىزدىككە بايلانىستى قوسىمشا قارجىلاندىرۋ تۋرالى” داۋعا نۇكتە قوياتىن كومپروميستىك ءماتىن اقش سەناتىنىڭ سايتىنا شىققان. زاڭ جوباسى بويىنشا، سەناتورلار 60 ميلليارد دوللاردى ۋكراينانى قولداۋعا، 14 ميللياردتى يزرايلگە كومەككە، 20 ميللياردتان استام دوللاردى اقش-تىڭ مەكسيكامەن شەكاراسىن قاۋىپسىزدەندىرۋگە، شامامەن بەس ميللياردتى اقش-تىڭ تىنىق مۇحيت ايماعىنداعى سەرىكتەرىن قارجىلاندىرۋعا، ەكى جارىم ميللياردقا جۋىق دوللاردى “قىزىل تەڭىزدەگى” وپەراتسيانى قولداۋعا، تاعى دا سونداي قارجىنى اقش-تىڭ ورتالىق قولباسشىلىعىنا ءبولۋدى جوسپارلاعان. اقش پرەزيدەنتى دجو بايدەن كونگرەسستەن ۋكراينا، يزرايل جانە تايۆانعا

  • ماسكەۋ توقاەۆتان پريگوجيننىڭ بۇلىگىن باسۋعا كومەكتەسۋدى سۇرادى ما؟

    ەلنۇر ءالىموۆا قازاقستان پرەزيدەنتى قاسىم-جومارت توقاەۆ جانە رەسەي باسشىسى ۆلاديمير پۋتين. بۇل اپتادا باتىس باسىلىمدارى ماۋسىم ايىندا «چۆك ۆاگنەردىڭ» جەتەكشىسى ەۆگەني پريگوجيننىڭ اسكەري بۇلىگى كەزىندە رەسەي قازاقستاننان كومەك سۇراعانىن، بىراق پرەزيدەنت قاسىم-جومارت توقاەۆ ودان باس تارتقانىن جازدى. سونىمەن قاتار استانا مەن انكارا اسكەري سالاداعى سەرىكتەستىكتى كۇشەيتىپ، 2024 جىلى ەلدە درون شىعارا باستايتىنىنا توقتالدى. بۇدان بولەك ورتالىق ازيا باتىس ەلدەرى ءۇشىن نە سەبەپتى ماڭىزدى ايماققا اينالعانىن تالدادى. قازاقستان مەن تۇركيا ANKA درونىن شىعارا باستايدى اقش-تاعى Jamestown قورى قازاقستان مەن تۇركيا اسكەري سەرىكتەستىكتى كۇشەيتىپ جاتقانىنا نازار اۋدارادى. قازاقستان 2024 جىلدان باستاپ ەلدە تۇركيانىڭ Anka دروندارىن شىعارا باستايدى. 28 قاراشا كۇنى قورعانىس مينيسترلىگى درون وندىرەتىن وتاندىق كومپانيانى تاڭداپ جاتقانىن حابارلادى. مالىمدەمەدە تۇركيانىڭ Anka درونى ەلدە

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: