|  |  | 

Жаһан жаңалықтары Шоу-бизнис

Соғысқа “Леопард” араласпақ. Немістің бұл танкісі несімен мықты?


Немістің "Леопард 2" (Leopard 2) танкісі.

Немістің “Леопард 2″ (Leopard 2) танкісі.

Германия билігі Украинаға “Леопард 2″ (Leopard 2) танкісін беруге және басқа елдерге де бұл танкіні Украинаға жеткізуге рұқсат берді. Бұл танкіні Украина билігі Германиядан бұрыннан сұрап келген еді.Бірақ Берлин “Леопард” танкісін Киевке ұзақ уақыт бергісі келмеді. Украина қызыққан бұл танк қаншалықты мықты? Түсіндіреміз. 

“ЛЕОПАРД 2″ ДЕГЕН ҚАНДАЙ ТАНК? 

“Леопард 2″ танкісін Германияның Krauss-Maffei Wegmann компаниясы жасаған. Компания “Леопардты” ату қабілеті, қорғанысы, жылдамдығы, айласы жағынан “әлемдегі ең мықты танк” деп сипаттайды әрі кез келген жағдайдағы шайқасқа жарайды дейді.

55 тонна танкіге төрт адам сыяды, ең жоғарғы жылдамдығы – 68 км/сағат. Бұл танкінің алғашқы нұсқасы 1979 жылы жасалған. Содан бері Германия 3500-ден астам “Леопард” танкісін жасаған. “Леопардтың” снаряд атқаны толық цифрлық жүйемен басқарылады.

Қазір бұл танк 20 елде – соның ішінде Канада, Дания, Финляндия, Польша, Нидерланд, Норвегия, Грекия, Австрия, Испания, Швеция және Түркияда бар.

УКРАИНАҒА ҚАНША “ЛЕОПАРД” КЕРЕК? 

Германия Украинаға 14 “Леопард” танкісін беретінін мәлімдеді. Басқа да елдер жақын күндері нақты санын жариялауы тиіс. Ал Лондонда орналасқан Стратегиялық зерттеулер халықаралық институты “Леопард” соғыста қандай да бір пайда әкелу үшін 100 танк қажет болады” деп жазды.

Украина қорғаныс министрлігі соғыста Ресей шабуылын тойтару үшін 300 танк керек деген, Киевтің бұл сөзін Еуропа одағының лидерлері де қолдайды.

Осы аптада Люксембург сыртқы істер министрі Жан Ассельборн “бізге 300 танк қажет” деп мәлімдеген.

Германия канцлері Олаф Шольц "Леопард 2" танкісінің жанында сөйлеп тұр. 17 қазан 2022 жыл.

Германия канцлері Олаф Шольц “Леопард 2″ танкісінің жанында сөйлеп тұр. 17 қазан 2022 жыл.

Еуропа елдері “Леопард” танкісін Киевке берген жағдайда оны Украинаға жеткізуге уақыт керек. Стратегиялық зерттеулер халықаралық институты украиналық әскерилерге танкіні басқаруды үйретуге үш аптадан алты аптаға дейін уақыт керек деп есептейді.

Германияның Мюнстер қаласындағы танк музейінің директоры Ральф Ратс Украинаның тәжірибелі танкистері “Леопардты” қолдануды жылдам үйреніп алуы мүмкін деп топшылайды.

“Танкінің потенциалын 100 пайыз қолданған дұрыс па әлде қысқа уақытта 80 пайызын қолданған жөн бе деген сұрақ туындаса, украиналықтар екінші вариантты таңдайтыны анық” дейді ол.

“ЛЕОПАРД” СОҒЫСТА НЕ ӨЗГЕРТЕ АЛАДЫ?

Стратегиялық зерттеулер халықаралық институтының әскери сарапшысы Йоханн Мишель мұндай танкілер Украинаға қайта қарымта шабуылға шығуға мүмкіндік береді дейді.

“Мұндай соғыста әртүрлі құрыш сауытты техникалар мен көп танкісіз кең көлемді қарымта шабуыл ұйымдастыру мүмкін емес. Ал мұндай танкілер Украина қолданып жатқан советтің ескі танкілерін алмастырып, жаңа мүмкіндіктер ашады” дейді ол.

Германияның Мюнстер қаласындағы танк музейінің директоры Ральф Ратс “Леопард” және батыстың басқа да танкілері Ресей қолданып жатқан танкілерден әлдеқайда әккі әрі жылдам дейді.

"Леопард 2" танкісі Латвиядағы НАТО-ның әскери жаттығуында. 2021 жыл.

“Леопард 2″ танкісі Латвиядағы НАТО-ның әскери жаттығуында. 2021 жыл.

“Рингіде еркін қозғала алмайтын, бір бағытта ғана қозғала алатын боксшыны елестетіңіз. Ал екінші боксшы барлық бағытта қозғала алады дейік. Демек, “Леопард” рингідегі екінші боксшы” дейді Ратс.

Сарапшы батыс танкілері қаншалықты мықты болса да, әуе соққылары мен қалалы жерлердің ішінде танкіге қарсы жаяу әскердің алдында әлсіз деп санайды. Оның сөзінше, бұл жағынан Украина әуе қорғанысы мен барлау жағынан мықты болуы керек.

Ратс “Украина мен Ресейде танк саны бірдей болса, “Леопард” пен батыстың басқа да танкілері Украинаға басымдық береді” деп есептейді.

Швейцарияның ETHZ политехникалық университетінің қауіпсіздік бойынша зерттеу орталығының зерттеушісі Никлас Мазур “батыстың танкілері бір өзі соғыс бағытын өзгертіп, жеңіс әкеледі деуге келмейді” деген пікірде.

“Танкілер де өте құнды, бірақ оларды жаяу әскер, артиллерия, әуе қорғанысы, тікұшақтармен қатар тиімді қолдану керек” дейді ол.

БЕРЛИН “ЛЕОПАРДТЫ” НЕГЕ ҰЗАҚ УАҚЫТ БЕРМЕЙ КЕЛДІ?

“Леопард” танкісі бар елдер бұл қаруды Германия билігінің рұқсатынсыз бере алмайды. Польша “Леопардты” Украинаға осы айдың ортасында беруге дайын еді, бірақ Берлин келісім бермей келген.

Батыс елдері Украина мұндай танкілерді Ресейдің аумағына шабуылдауға қолданып, НАТО соғысқа араласып кете ме деп те қауіптенеді. Батыстағы кейбір шенділер Ресей мен Қытай Украинаға жіберілген танкілердің жасалу технологиясын біліп алуы мүмкін деп те мәлімдеген.

Ал Мәскеу Батыс елдері Украинаны қарумен қамтамасыз ету арқылы соғысты ушықтырып жатыр деген еді.

БАСҚА ЕЛДЕР УКРАИНАҒА ҚАНДАЙ ТАНКІЛЕР БЕРМЕК?

Соғыс басталғалы Украина негізінен Совет Одағында жасалған Т-72 танкілерін қолданып келген.

Reuters агенттігі Вашингтондағы дереккөздеріне сүйеніп, “Жақын күндері АҚШ Украинаға M1 Abrams танкілерін береді” деп жазды. Вашингтон да бұған дейін бұл танкіні Киевке бермей келген еді.

Ұлыбритания осы аптада Challenger 2 танкісін беретінін хабарлаған. Ал Франция президенті Эмманюэль Макрон қорғаныс министрінен Украинаға Leclerc танкілерін беру жағын қарастыруды сұрады. Чехия мен Польша Украинаға Совет Одағында жасалған Т-72 танкілерін беретінін мәлімдеді.

КРЕМЛЬ НЕ ДЕЙДІ?

Ресей президенті Владимир Путиннің баспасөз хатшысы Дмитрий Песков бүгін 25 қаңтарда “[Батыс танкілері] Украина әскери күштеріне айтарлықтай серпін береді деп ойлау – үлкен жаңылыс. Артық бағалау. Бұл танкілер де өзгелер сияқты отқа оранады” деді.

Германиядағы танк музейінің өкілі Ратс “Батыс танкілері Ресей танкілерінен қаншалықты мықты болса да, бұл танкілер де майданда жойылуы мүмкін екенін ескеруі керек” деп біледі.

— “Леопард” — қоян-қолтық шайқасқа араласатын қару. Сондықтан бұл танкілер де соғыста құртылуы мүмкін, ішінде отырған экипаж мүшелері де қаза табатынын жоққа шығара алмаймыз, – дейді ол.

Азат Еуропа / Азаттық радиосы

Related Articles

  • Алматыда зілзала болса, ең алдымен қандай үйлер қирауы мүмкін? Сәулетші Айдар Ерғалимен сұхбат

    Пётр ТРОЦЕНКО Алматының жоғарғы жағындағы көпқабатты ғимараттар. 18 шілде, 2022 жыл Қазақстандық сәулетші Айдар Ерғали егер күшті жер сілкінісі болса, сейсмикалық қауіпті аймақта орналасқан Алматы қаласы қандай қиындықпен бетпе-бет келетінін, совет кезінде салынған үйлер қазіргі заманғы көпқабатты ғимараттармен салыстырғанда жер сілкінісіне төтеп беруге неліктен әлсіз екенін айтты. 23 қаңтар күні Алматыда жер әдеттегіден қаттырақ сілкініп, елді дүрліктірді. Бұл оқиға кең ауқымдағы табиғи апатқа қала билігі мен тұрғындар қаншалықты дайын деген әңгімені қайта қоздырды. Жұрт әсіресе төтенше жағдайлар жөніндегі департаменттің ерте хабарлау жүйесі дұрыс жұмыс істемегенін, СМС-хабарламалар дер кезінде түспегенін де сынға алды. Жер бірінші рет сілкінген сәтте Алматы тұрғындары жапа-тармағай үйден сыртқа қарай жүгірді, кейбірі тіпті сырт киімін де кимеген

  • АҚШ сенаты Украинаға қаржылай көмек қарастырылған заң жобасын мақұлдады

    АҚШ конгресі.  АҚШ сенаты 13 ақпанда Украина, Израиль және Тайваньға 95 млрд доллар болатын қаржылай көмек беру туралы заң жобасын мақұлдады. Сенатта демократтар басым орынға ие. Енді заң жобасын Республикалық партия басым Өкілдер палатасы қарайды. Өкілдер палатасында жобаның заң статусын алуға мүмкіндігі аз деген болжам да айталады. Президент-демократ Джо Байден біраз уақыттан бері екі палатаны Украина мен АҚШ-тың Үнді-Тынық мұхит аумағындағы серіктестеріне көмек беруді жылдамдатуға шақырып келеді. Украина билігі басты одақтасы АҚШ-тан қолдау азайған тұста қару-жарақ жетпей жатқанын бірнеше рет мәлімдеген. Украина президенті Владимир Зеленский бүгін, 13 ақпанда АҚШ сенатының бұл заң жобасын мақұлдағанына алғыс айтты. Құжатта Киевке 61 млр доллар беру қарастырылған. “Американың көмегі Украинаға бейбіт өмірді жақындастырып, әлемдік

  • Цифрлі теңге “жаңа экономика” құруға көмектеспек

    Блокчейн технологиялары Қазақстанды жемқорлықтан барынша тазартып шыға алады. Бүгін Мемлекет басшысы бюджет қаражатының жұмсалуын бақылау үшін цифрлық теңгені пайдалана отырып, ақшаны таңбалау кілті туралы айтып өтті. Цифрлі теңгенің ең мықты жері осы. Программаланған токен болғандықтан ақша кімнен кімнің қолына өтті, бақылап отыра аламыз. Мысалы, мемлекеттік тендерлердің барлығын цифрлі теңгеге ауыстырып, осы тендерлік цифрлі теңгені қолма-қол ақша ретінде шешіп алу мүмкін болмайтындай жасап қоюға болады. Сонда біз тендер жеңімпазының ақшаны қалай жұмсағанын, кімнен тауар алғанын, кімдерге қанша айлық төлегенін көріп, содан үлкен BIG Data базасын құраймыз. Дәл осы кезде, мемлекеттік ақшаға мүмкіндігінше қазақстандық тауар алынғандығын бақылап, мәжбүрлеп отыруға мүмкіндік бар. Осы арқылы жемқорлықты атымен жойып, отандық бизнеске мықты қолдау көрсете алмақпыз.

  • АҚШ сенаты Украина мен Израильге көмек беру туралы заң жобасын мақұлдады

    Азат Еуропа / Азаттық радиосы АҚШ сенаты Украина мен Израильге 118 миллиард доллар қосымша қаржы көмегін беру туралы екі партия ұсынған заң жобасын және АҚШ-тың оңтүстік шекарасын нығайту туралы заң жобасын мақұлдады. Былтыр қазан айынан бері жалғасып келе жатқан “ұлттық қауіпсіздікке байланысты қосымша қаржыландыру туралы” дауға нүкте қоятын компромистік мәтін АҚШ сенатының сайтына шыққан. Заң жобасы бойынша, сенаторлар 60 миллиард долларды Украинаны қолдауға, 14 миллиардты Израильге көмекке, 20 миллиардтан астам долларды АҚШ-тың Мексикамен шекарасын қауіпсіздендіруге, шамамен бес миллиардты АҚШ-тың Тынық мұхит аймағындағы серіктерін қаржыландыруға, екі жарым миллиардқа жуық долларды “Қызыл теңіздегі” операцияны қолдауға, тағы да сондай қаржыны АҚШ-тың Орталық қолбасшылығына бөлуді жоспарлаған. АҚШ президенті Джо Байден конгресстен Украина, Израиль және Тайваньға

  • Мәскеу Тоқаевтан Пригожиннің бүлігін басуға көмектесуді сұрады ма?

    Елнұр ӘЛІМОВА Қазақстан президенті Қасым-Жомарт Тоқаев және Ресей басшысы Владимир Путин. Бұл аптада Батыс басылымдары маусым айында «ЧВК Вагнердің» жетекшісі Евгений Пригожиннің әскери бүлігі кезінде Ресей Қазақстаннан көмек сұрағанын, бірақ президент Қасым-Жомарт Тоқаев одан бас тартқанын жазды. Сонымен қатар Астана мен Анкара әскери саладағы серіктестікті күшейтіп, 2024 жылы елде дрон шығара бастайтынына тоқталды. Бұдан бөлек Орталық Азия Батыс елдері үшін не себепті маңызды аймаққа айналғанын талдады. ҚАЗАҚСТАН МЕН ТҮРКИЯ ANKA ДРОНЫН ШЫҒАРА БАСТАЙДЫ АҚШ-тағы Jamestown қоры Қазақстан мен Түркия әскери серіктестікті күшейтіп жатқанына назар аударады. Қазақстан 2024 жылдан бастап елде Түркияның Anka дрондарын шығара бастайды. 28 қараша күні қорғаныс министрлігі дрон өндіретін отандық компанияны таңдап жатқанын хабарлады. Мәлімдемеде Түркияның Anka дроны елде

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: