Qayğılı teraktiden soñ «Muzart» tobı Aqtöbege arnayı kelip, tegin koncert qoydı
Terrakt oqiğasınan keyin qazaqstandıq öner jwldızdarınıñ işinde «Muzart» tobı alğaşqılardıñ biri bolıp, Aqtöbege arnayı keldi. Tanımal top halıqtıñ eñsesin köteru üşin tegin koncert qoyıp ketti.
Ortalıq sayabaqqa ağılğan aqtöbelikterdiñ sanında esep joq dep habarlaydı NUR.KZ tilşisi.
«Qazalı otbasılarğa qayğırıp köñil aytamız. Jazıqsız japa şekken jandardıñ barlığına sizdermen birge ekenimizdi bildireyik degen nietimiz bar. Biz sizderdi jılatuğa emes, jwbatuğa keldik, ağayın. Täuelsizdigimizdiñ 25 jıldığı qwttı bolsın! Barşamızğa tınış memlekette ğwmır keşuge näsip etsin. Wrpaqtarımız adaspasın, bolaşağı jarqın bolsın! Közimizden şıqqan jas tek quanıştıñ jası, quanıştıñ tamşısı bolsın degimiz keledi», – dedi Säken Mayğaziev.
Bes mıñnan asa twrğın «Muzart» änderine biledi. Halıqtıñ ıqılası şeksiz. Aq jaulıqtı analar, jastar, büldirşinder beybit künniñ änderin tıñdadı. Jwldızdı top 15 jıldıqtarına arnalğan koncertterin Aqtöbeden bastap jatqandarın ayttı.
«Biıl bizdiñ topqa 15 jıl. Quanışımızdı Aqtöbe qalasınan bastap jatırmız. Sizderdiñ aq batalarıñızdı aluğa keldik. Eñseleriñizdi köteruge, jaqsılıqtı, beybitşilikti nasihattauğa keldik. Islamğa kir keltirip jürgen türli ağımdardan aulaq bolayıq. Ata-babalarımız ter tögip jetken Täuelsizdigimizdi qwrmetteyik»,- dedi “muzarttıqtar”.
Koncertke Berdibek Saparbaevtıñ özi arnayı kelip, «Muzart» tobına aqtöbelikterdiñ atınan alğısın ayttı.
«Eldegi bolıp jatqan jağdayğa bey-jay qaramay, aqtöbelikterdiñ köñilin köteruge kelgen sizderge rahmet. Keşegi oqiğadan keyin bwl jigitterdiñ özderi «Aqtöbe jwrtına tegin koncert jasayıq» degen wsınıs jasadı. «Halıqtıñ köñilin kötereyik, qasında bolayıq» degenderi bizdiñ, eldiñ mereyin ösiredi. Sondıqtan sizderdiñ attarıñızdan osı topqa şığarmaşılıq tabıs tileymiz. Memleketimizdiñ abıroyın arttıra beriñizder. Elimizde tınıştıq, bereket bolsın. Är otbası balalarına jaqsı tärbie, bilim berse, bizde tınıştıq ta, bereket te, abıroy da boladı», – dedi Aqtöbe qalasınıñ äkimi Berdibek Saparbaev.
«Muzart» tobı Oñtüstik Astananıñ jalındı salemin aqtöbelikterge änmen jetkizdi.
Pikir qaldıru