Qalıñ qazaqqa Keyki batır degen atpen tanıs  Nwrmağambet Kökembaywlınıñ bas süyegi  bügin Resey astanasınan Qazaqstanğa äkelindi. Bwl turalı “Egemen Qazaqstan” saytı habarladı.

Osığan deyin belgili sayasatker Berik Äbdiğali mırza “Feysbuk” jelisindegi jeke paraqşasında batırdıñ basın alıp kele jatqandığın jazğan bolatın.

Sayasatkerdiñ aytuınşa Astana uaqıtımen erteñ tañğı sağat 04:50-de 1916 jılğı Wlt azattıq köterilisiniñ qaharmanı Keyki batırdıñ (Nwrmağambet Kökembaywlınıñ) bas süyegi arnayı bortpen Astanağa jetkizildi.

Sonday-aq, jerleu räsimin wyımdastıru üşin Ükimet janınan arnayı komissiya qwrılatını da mälim boldı.

Ayta keteyik, biılğı jıldıñ mamır ayında QR Mädeniet jäne sport ministri Arıstanbek Mwhamediwlı batır babamızdıñ bas süyegi elge qaytarılatını turalı habarlağan bolatın.

“Qazir biz bwl mäseleni şeşe alamız. Reseyden kelisim keldi. Bizdiñ ğalımdar da kerek mälimetterdi jinap qoydı. Tek onı äkeludiñ tehnikalıq proceduraların şeşu ğana qaldı”, – degen bolatın ministr mırza.

Keyin öziniñ reseylik äriptesimen Mäskeude kezdesken eks-prem'er-ministr Kärim Mäsimov te kunskamerada jatqan qazaqtıñ soñğı hanı Kenesarı men Keyki batırdıñ bas süyegin elge qaytaru mäselesin talqılaytının mälimdegen.

Keyin Kärim mırzanıñ Resey prem'erimen kezdesuinde tek Keyki batırdıñ süyegi turalı söz qozğalğanın jäne kelissözderdiñ oñ nätije bergenin aytqanı da esimizde.

Äytse de RF basşıları Keykiniñ basın qaytaruğa sonau mamırda kelisimderin bergenin eskersek, bwl mäselege qatıstı 25 jılda jaq aşpağan eks-prem'erdiñ pärmeni sebep boldı deu qisınsızdau, ras. Degenmen, “azattıq jolında mert bolğan batırdıñ bası elge qaytaramın” degen uağda söz  jwrt işinde bedeli tüse bastağan Kärim Qajımqanwlına wpay jinap berdi desek te jalğan aytpağan bolar ek.

Osığan deyin Qazaqstan tarihşıları babalarımızdıñ bas süyekterin elge qaytaru mäselesin qotara-qotara kötergenimen eş nätije bolmağan edi.

Qos-qosınan odaqtas bolıp otırğan Reseydiñ topırağında endi, Han Keneniñ bası qaldı. Älemdik geosayasatta irgelesip, türli jağdaylarda Reseyge äm onıñ sayasi bastamalarına demeuşi bolıp kele jatqan Qazaqstannıñ jäne onıñ negizin qwruşı qazaq wltınıñ tağı bir wlı Kenesarı  hannıñ bas süyegin qaytaru mäselesi kün tärtibinde boluı talap!

Nwrzat Toğjan

Abai.kz