جاڭالىقتار زۋقا باتىر 150 جىل زۋقا باتىر 150 جىل رۋحانيات سۇحباتتار تۇلعالار قازاق حاندىعىنا 550 جىل قازاق شەجىرەسى

زۋقا باتىردىڭ 150  جىلدىق مەرەيتويى قازاق ەلىندە مارەسىنە جەتتى

kerey.kz

 |  Oct 11, 2016

الماتى قالاسى ماڭىنداعى “قازاق ءۇي” سالتانات كەشەنىندە  ارىستان قاجى جانە  اتبال ەل ازاماتتاردىڭ باستاماسىمەن “زۋقا باتىردىڭ 150 جىلدىق مەرەيتويىنىڭ” ءبىر جىلدىق قورىتىندى شارالارى سالتاناتپەن ءوتتى. تويعا الەمنىڭ ونشاقتى ەلىنەن مىڭعا جۋىق قوناقتار قاتىناستى. مەرەيتويلىق شارا جالپى حالىقتىق سيپاتتا ءوتتى.

تاۋەلسىز ەلىمىزدىڭ 25 جىلدىق ۇلىتويىمەن تۇسپا-تۇس كەلگەن شارادا، التى قازاق ءۇي تىگىلىپ جالپى حالىققا اس بەرىلدى.گالا-كونتسەرت قويىلدى. وسى ورايدا نۇر-مۋساحان مەشىتىندە ارۋاقتار رۋحىنا قۇران قاتىم ءتۇسىرىلىپ، سوڭىنان بيىلعى جىلى جارىق كورگەن باياحمەت جۇمابايۇلىنىڭ «رۋحى اسقاق ەر زۋقا» جانە «زۋقا باتىر» اتتى جيناعى، قوعام قايراتكەرى ساعات زاحانقىزىنىڭ «ۇلى كوش:اڭىز بەن اقيقات»، باقىتبەك ءبامىشۇلىنىڭ «زۋقا باتىر – الاساپىران زامانا ارىستانى» كىتاپتارى جانە نۇرلان بيبرال مەن جۇماباي ءمادىبايۇلى قۇراستىرعان «زۋقا باتىر ءسابيتۇلىنىڭ مەرەي تويىنان» اتتى البومنىڭ تۇساۋكەسەرى ءوتتى. باتىر بابا تۋرالى تىڭ دەرەكتەرمەن تولىقتىرىلعان جاڭادان باسىلعان  بەس كىتاپ حالىققا تاراتىلدى.

كىتاپتىڭ تۇساۋىن مەشىتتە وتكىزۋ بۇرىن سوڭدى بولماعان جاعداي. اق باتامەن تۇساۋ كەسەر ءراسىمىن مەشىتتە وتكىزۋ دە تاعىلىمدى بولسا كەرەك. وسى جيىندا ءسوز العان قر ۇعا مۇشە-كوررەسپوندەنتى، فيلولوگيا عىلىمدارىنىڭ دوكتورى، قايراتكەر ءۋاليحان قاليجانوۆ مىرزا «قازاقتىڭ زۋقا باتىرى» اتتى بايانداما جاسادى. دقق ءبىرىشى ورىنباسارى تالعات ماماشوۆ، تالعات قوسجىگىت، ءابدىراحمان  قاتارلى قوعام قايراتكەرلەرى لەبىزدەرىن ءبىلدىردى. قىتايدان ارنايى تويعا اكەلىنگەن كادە سيلار تاراتىلدى. تاڭەرتەڭ باستالعان توي الىستان كەلگەن قوناقتارعا ارنالعان كەشكى قوناعاسىمەن جالعاستى.

7-ءشى قازاندا ەلوردامىز  استانا  قالاسىندىعى ەۇۋ-ءتىنىڭ  “وتىرار كىتاپحاناسى” عىلىمي ورتالىعىندا «زۋقا ءسابيتۇلى جانە قىتاي قازاقتارى: تاريحى مەن تاعدىرى» اتتى حالىقارالىق عىلىمي كونفەرەنتسيا بولىپ ءوتتى. گەرمانيادان ابدراحمان چەتين، ءاليحان جانالتاي، تۇركيادان ءابدىۋاحاب قارا، ەسادۋلاح چەتين، قىتايدان شايسۇلتان قىزىر، باياحمەت جۇمابايۇلى جانە ەۇۋ-ءتىنىڭ  عالىمدارى مەن عىلىمي قىزمەتكەرلەرى مەن “زۋقا باتىر-150 جىل” ۇيىمداستىرۋ القا مۇشەلەرى قاتىستى.

كونفەرەنتسيا جۇمىسى بارىسىندا ايتىلعان ءتۇيىندى وي-پىكىرلەر نەگىزىندە زۋقاتانۋ جانە قىتاي قازاقتارىنىڭ تاريحي ماسەلەلەرىنىڭ كوكەيكەستىلىگىن باسشىلىققا الا وتىرىپ، وعان قاتىسىشىلار قارار قابىلدادى. وتاندىق تاريح عىلىمىنىڭ   دامۋىن ەسكەرە وتىرىپ زۋقا باتىر تۋرالى زەرتتەۋلەردى تەرەڭدەتۋ جانە ونىڭ سىندارلى عىلىمي ناتيجەسىن جالپى حالىقتىق يگىلىككە اينالدىرۋ. تۇلعا تانۋ باعىتىندا زۋقا باتىر تۋرالى ارناۋلى باسىلىمدار شىعارۋ جانە ورتالىقتار اشۋ، «زۋقا ءسابيتۇلى جانە قىتاي قازاقتارى: تاريحى مەن تاعدىرى» اتتى حالىقارالىق عىلىمي كونفەرەنتسيا ماتەريالدارى ۋنيۆەرسيتەت باسپاسىنان ارنايى جيناق تۇرىندە باسپادان شاعارۋ قاتارلى 8 ءتۇرلى قارار قابىلدىدى. كەشكىسىن باتىر رۋحىنا ارناپ اس بەرىلدى.

«رۋحى اسقاق ەر زۋقا» جانە «زۋقا باتىر»، “قازاقتاردىڭ تۇركياعا كوشى”، «زۋقا باتىر ءسابيتۇلىنىڭ مەرەي تويىنان» قاتارلى  كىتاپتار “وتىرار كىتاپحاناسى” قورىنا تاپسىرىلدى.

جىل باسىنان باستالعان توي اياسىندا زۋقا باتىر تۋرالى 1 دەرەكتى فيلىم جاسالىپ رەسپۋبليكالىق الماتى تەلە-ارناسىنان كورسەتىلدى.  استاناداعى قر قارۋلى كۇشتەرىنىڭ اسكەري-تاريحي مۋزەيىندە كورمە ۇيىمداستىرلىدى. 8 كىتاپتىڭ ءتۇساۋى كەسىلدى. وننان اسا عىلىمي-ماقالالار جاريالاندى. قازاقستانداعى جانە شەتەلدەگى تەلە-راديو، گازەت-جۋرنالدار مەن اقپاراتتىق سايىت-پورتالداردا جىل بويى جاڭالىقتار بەرىلىپ، باتىر رۋحى حالىققا ناسيحاتتالدى.

الەمنىڭ وننان اسا ەلىندە، جيرما قالاسىندا اتالىپ ءوتىلدى. قر شەتەلدەگى ەلشىلىكتەرى، حالقارالىق ۇيىمدار، قر ءار قالاداعى اكىمشىلىتەرى مەن جەكە ازاماتتار دەمەۋشىلىك جاساپ ۇيىمداستىردى.

“زۋقا باتىر-150 جىل” ۇيىمداستىرۋ القاسى تويدى وتكىزۋگە اتسالىسقان بارلىق ازاماتتارعا زور العىس ايتادى. قازاق ەلىنىڭ تاۋەلسىزدىگى باياندى بولسى! ەگەمەندىكتىڭ 25 جىلدىعى قۇتتى بولسىن اعايىن!

زۋقا باتىر تۋرالى دەرەكتى فيلىم