ەۋرازياداعى تۇركى حالىقتارىنىڭ ءبارى اق ناسىلدىگە جاتادى
ءبىر قىزىق ايتايىن. باتىستا وقىپ جۇرگەنىمدە، كەيىن قىزمەت ىستەي باستاعانىمدا ءتۇرلى انكەتا تولتىرۋ بارىسىندا ءبىر ماسەلەگە قاتىستى ۇنەمى داۋلاسىپ، ءالى جەڭە الماي كەلەم. ء“ناسىلىڭىز” دەگەن تۇستا “ازيالىق” دەپ بەلگىلەسەم، قاي جەردە بولسىن، ونىمدى ءوشىرىپ، “اق ءناسىلدى” دەگەن كاتەگورياعا جاتقىزىپ قويادى. “نەگە؟” دەپ باج ەتە قالام. ءار جولى ەستيتىن جاۋابىم بىرەۋ-اق: “ەۋرازياداعى تۇركى حالىقتارىنىڭ ءبارى اق ناسىلدىگە جاتادى”. سوڭعى مارتە انكەتا قابىلداپ وتىرعان قىزمەتكەرگە اتا-بابامنىڭ موڭعول جىلقىسىنا ءمىنىپ، قاراقورىمنان قازىرگى ەۋرازيا دالاسىنا تاريحي تۇسىنىكپەن العاندا كۇنى كەشە عانا كەلگەنىن ايتىپ وتكەن شاققا ەكسكۋرسيا جاساپ كورىپ ەم، بولمادى. “ازيا قىتايدان باستالىپ، وڭتۇستىك-شىعىس ازيامەن اياقتالادى. ال ەۋرازيا دالاسىنداعى تۇركى حالىقتارى – اق ءناسىلدى. نۇسقاۋلىقتا سولاي جازىلعان. كەشىرىڭىز” دەپ تۇرىپ الدى. سوسىن ەرىنبەي باتىستىڭ قازىرگى انتروپولوگتارى مەن ەتنوگرافتارىنىڭ جازبالارىن اقتارىپ، فورۋمدارىن تەكسەرىپ كورىپ ەم، قۇدايدىڭ قۇدىرەتى، ءسىز بەن ءبىز سياقتى ەۋرازيا تۋمالارىن تۇگەل اق ناسىلدىگە الدەقاشان جاتقىزىپ قويىپتى. ەش سۇراماستان:) ويلاپ كورىڭىزدەرشى، مەن تۋعان اۋىل الاكولدىڭ جاعاسىندا قىتاي شەكاراسىنان ون شاقتى شاقىرىم جەردە تۇر. مىنا قيسىنعا سالسا، الگى شەكارانىڭ بەرگى تۇبىندەگى مەن “اق ناسىلدىگە” جاتام دا، ارعى تۇبىندەگى جۇرت “ازيالىق” بولىپ كەتەدى. وسى ماسەلە ويىما تۇسكەن سايىن جەلكەمدى قاسيمىن
عالىم بوقاشتىڭ facebook پاراقشاسىنان الىندى
پىكىر قالدىرۋ