قازاقستاننىڭ حوككەيدەن ستۋدەنتتىك قۇراماسىندا ويناپ جۇرگەن بولاشاعى بار جاستاردىڭ ءبىرى سانالاتىن ءاليحان اسەتوۆ شۆەدتەرگە «مۇز قىرعىنىن» جاساپ، ولاردى (5:0) ەسەبىمەن ويسىراتا ۇتقان قازاق كومانداسىنىڭ جەتىستىككە قالاي جەتكەنىن ايتىپ بەردى.
- بەس مينۋتتاي كىبىرتىكتەپ جۇردىك تە، كەيىن سوسىن تىنىسىمىز اشىلىپ كەتكەندەي بولدى. ءبىز بۇل كەزدەسۋگە ارنايى دايىندالدىق. ويىندى تالداپ، قارسىلاستى جەڭۋ ءۇشىن قولدان كەلگەنىن ىستەدىك.
- قازاق كومانداسىنىڭ جەڭىسكە جەتۋىنىڭ قانداي قۇپياسى بار؟
- ءبىز ءبىر ءۇيدىڭ ادامدارى سياقتىمىز. ءار قالادان بولساق تا، قۇراما ءبارىمىزدىڭ باسىمىزدى قوستى. كوماندا كاپيتانى كونستانتين ساۆەنكوۆپەن سويلەسكەننەن كەيىن ءبارىمىز ءوزىمىزدى ءبىر ءۇيدىڭ بالاسى سياقتى سەزىنە باستادىق.
- چەحتاردىڭ قالاي وينايتىنىن كوردىڭىز بە؟
- اراسىندا عانا كوردىم. تاڭعالاتىن تۇگى جوق. جەڭۋگە بولادى.
- ۋنيۆەرسياداعا ءبىرىنشى رەت قاتىستىڭىز عوي. قانداي اسەر الدىڭىز؟
- ەڭ الدىمەن جانكۇيەرلەرگە العىس ايتۋ كەرەك. ءبىزدى قولداپ، قوشتاپ وتىرعاندارىنا راقمەت. ءبىز سولار ءۇشىن بارىن سالامىز. كوماندامىز ەندى ۋنيۆەرسيادانىڭ التىن مەدالىن العىسى كەلەدى.
الماتىداعى 2017 جىلعى قىسقى ۋنيۆەرسيادانىڭ رەسمي سايتى
پىكىر قالدىرۋ