استانادا ازياداعى يادرولىق كووپەراتسيا فورۋمىنىڭ 18-ءشى كەڭەسى ءوتتى
11 قازاندا استانادا 12 ەلدىڭ ءىرى لاۋازىمدى تۇلعالارىنىڭ قاتىسۋىمەن ازياداعى يادرولىق كووپەراتسيا فورۋمىنىڭ (FNCA) مينيسترلەر دەڭگەيىندەگى 18-ءشى كەڭەسى ءوتتى. ەكى جىلدا ءبىر رەت وتەتىن شارادا «قورشاعان ورتانى قورعاۋ ءۇشىن يادرولىق عىلىم مەن تەحنولوگيالاردى قولدانۋ» تاقىرىبى قاراستىرىلدى. قازاقستان رەسپۋبليكاسىنىڭ ەنەرگەتيكا ءمينيسترى قانات بوزىمباەۆ كەڭەستى العى سوزبەن اشتى. كەڭەستىڭ جوعارى دەڭگەين اتاپ وتكەن ق.بوزىمباەۆ ازيا ايماعىنىڭ دامۋى ءۇشىن ونىڭ ماڭىزدىلىعىنا توقتالدى. «قازاقستان ازيالىق يادرولىق كووپەراتسيا فورۋمىنىڭ قۇرامىنا 2010 جىلدان بەرى مۇشە. سودان بەرى ەلىمىز ۇيىم جۇمىسىنا بەلسەنە قاتىسىپ كەلەدى. ءبىز اتوم ەنەرگياسىن بەيبىت ماقساتتا قولدانۋ بويىنشا الەمدەگى قوعامداستىقتارمەن ارىپتەستىك ورناتۋعا مۇددەلىمىز»، دەپ اتاپ كورسەتتى ق.بوزىمباەۆ. «فورۋمنىڭ قىزمەتىنە قاتىسۋ قازاقستاندا يادرولىق مەديتسينا سالاسىنداعى جاڭا ادىستەردى جانە اۋىل شارۋاشىلىعىنا ارنالعان جاڭا ماتەريالدار ءوندىرىسىن ىلگەرىلەتۋگە
