ادامداردىڭ ءسىزدى ەزىپ تاستاۋىنا جول بەرمەڭىز
kerey.kz
شەبەر ءبىر سۋرەتشىنىڭ وقۋشىسى ءوز وقۋىن ءتامامداپتى. وقۋىن تامامداعان وقۋشىسىنا ۇستازى بىلاي دەپتى: “ەڭ سوڭعى سالعان سۋرەتىڭدى قالانىڭ ەڭ كوپ ادامدار جينالاتىن الاڭىنا قويىپ قوي.سۋرەتتىڭ قاسىنا دا ءبىر قىزىل ءتۇستى قالام قوي. ادامدارعا سۋرەتتىڭ ۇناماعان جەرىن سىزىپ قويۋىن ءوتىنىپ ءبىر حات قالدىر”، دەپتى ۇستازى.
وقۋشى ۇستازىنىڭ ايتقانىنداي جاساپ بولىپ، بىرنەشە كۇننەن كەيىن سۋرەتتى كورۋ ءۇشىن الاڭعا بارادى. ادامدار سۋرەتتى قىپ قىزىل سىزىپ تاستاعانىن كورەدى دە ادامدارعا رەنجىپ ۇستازىنىڭ جانىنا جىلاپ بارادى. ۇستازى وعان رەنجىمەي سۋرەت سالۋدى جالعاستىرۋىنا كەڭەس بەرەدى.
وقۋشى تاعى دا سۋرەت سالىپتى. ۇستازى تاعىدا ادامدار كوپ جۇرەتىن الاڭعا اپارىپ قويۋىن ايتادى.
بىراق بۇل رەتتە سۋرەتتىڭ جانىنا ءبىر قۇتى تولعان ءتۇرلى ءتۇستى قالام قويۋىن جانە ۇناماعان جەرلەرىن وزدەرى سالۋلارىن ءوتىنىپ ءبىر حات تاستاۋىن ايتادى.
وقۋشى ۇستازىنىڭ ايتقانىن جاسايدى. بىرنەشە كۇننەن كەيىن كەلىپ قاراسا سۋرەت باز باياعى قالپىندا تۇر ەكەن.
قۋانىپ ۇستازىنا بارىپتى.
ۇستازى سول كەزدە بىلاي دەپتى:
«باستاپقىدا، ادامدارعا مۇمكىندىك بەرىلگەندە قانشالىقتى اياۋسىز سىنعا الاتىنىن كوردىڭ. ومىرىندە مۇلدەم سۋرەت سالىپ كورمەگەن ادامداردىڭ ءوزى سەنىڭ سۋرەتىڭدى قىزىلمەن بوياپ تاستادى.
ەكىنشىسىندە، ادامداردىڭ جاعىمدى، مەيىرىمدى جانە ءوز ونەرىن كورسەتۋىن قالادىڭ. ونەرلى بولۋ ءۇشىن ءبىلىم كەرەك. ادامدار سۋرەتتى تۇزەلتۋگە جىگەر تانىتا المادى»
-ومىردە دە ءدال سونداي، ادامدارعا مۇمكىندىك بەرگەن كەزدە ءسىزدى ايامايدى. سىنايدى. بىراق ولار ءسىزدىڭ جاساعانىڭىزدىڭ بىرەۋىن دە جاساي المايدى. ەشقاشان بەرىلمەڭىز. ادامداردىڭ ءسىزدى ەزىپ تاستاۋىنا جول بەرمەڭىز.
اۋدارعان ءلاززات بازارباەۆا
سۋرەت جەلىدەن الىندى.
پىكىر قالدىرۋ