ۇلدىڭ بالاسى – نەمەرە! قىزدىڭ بالاسى – جيەن!
ۇلتتىق سالت-ءداستۇردى، ادەت-عۇرىپتى دارىپتەۋدە ورنى ەرەكشە «ءداستۇر» جۋرنالىنىڭ بىلتىرعى ءبىر سانىنداعى «نەمەرە جيەن دەگەن كىم؟ قازاقتا وسىنداي اتاۋ بولىپ پا ەدى؟» دەگەن ماقالا قولىمىزعا ەرىكسىز قالام الدىردى. نەگە؟ سەبەبى، ماقالا «ۇرپاعىنا ات قويىپ، ايدار تاققان قازاق حالقى ءاربىر ءسوزدىڭ ءمان-ماعىناسىنا، اتالۋىنا ەرەكشە ءمان بەرگەن” – دەپ باستالىپ، «… ءداستۇرلى سوزدەردى ءوز ورنىمەن قولدانعانىمىز ابزال. جۇيەلى ءسوز قاشاندا جۇيەسىن تابادى. ايتپەسە، ءسوزدىڭ كيەسىنە قالۋىمىز مۇمكىن» دەپ اياقتالادى. دۇرىس-اق. بىراق، ماقالا سول ايتىلعان سوزگە قاراما-قايشى بولىپ شىققان. ءسوزىمىز دالەلدى بولۋ ءۇشىن «بيسميللا» دەپ، اۆتوردىڭ «…5. نەمەنە. 6. جۇرەجات. 7. تۋاجات»، ارى قاراي جۇراعات، جەكجات بولىپ كەتە بەرەدى» دەگەن ءسوزىن الايىق. «جەكجات» دەپ قۇدالار ەلىن ايتادى. اعايىنعا بارا جاتساڭىز «جەكجاتىما بارا جاتىرمىن» دەي
