“ۋكرايناداعى سوعىس ونداعان جىلعا سوزىلۋى مۇمكىن”. بريتان گەنەرالىمەن سۇحبات
ۆاجا تاۆبەريدزە ۋكراين ساربازدارى زەنيتتى قارۋمەن اتقىلاۋدا. ارحيۆ سۋرەتى. ۇلىبريتانيا بىرلەسكەن كۇشتەرىنىڭ بۇرىنعى قولباسشىسى، قورعانىس جانە قاۋىپسىزدىك تاقىرىبىندا كەڭەس بەرىپ، ءدارىس وقيتىن گەنەرال سەر ريچارد بەررونس مايدانداعى ايلا-ءتاسىل، وندىرىستىك موبيليزاتسيا جانە ۋكراينا مەن باتىس ەلدەرى تاڭداۋى سوعىستىڭ ونداعان جىلعا جالعاسۋىنا قالاي اسەر ەتەتىنىن ايتىپ بەردى. گەنەرال سەر ريچارد بەررونس ۇلىبريتانيا بىرلەسكەن كۇشتەرىنىڭ بۇرىنعى قولباسشىسى. قازىر Universal Defense & Security Solutions قورعانىس جانە كۇزەت كومپانياسىن باسقارادى. ول ازاتتىقتىڭ گرۋزين قىزمەتىمەن سويلەسىپ، ۋكرايناداعى سوعىس نەگە ۇزاققا سوزىلاتىنىن تالداپ بەردى. ازاتتىق: ۋكراينادا سوعىس باستالعالى ءبىر جىلدان استى. وسى ۋاقىت ىشىندە قانداي ساباق الدىق؟ ريچارد بەررونس: ەۋروپا ءۇشىن جوعارى دەڭگەيدە ساباق الاتىن دۇنيەلەر بولدى. ءبىرىنشىسى، 90-جىلدارى قىرعيقاباق سوعىس اياقتالعاننان كەيىن كوبى “ەندى سوعىسپايتىنداي بولدىق” دەپ ويلاعانىمەن،
