اقش پرەزيدەنتى دونالد ترامپتىڭ يمميگرانتتارعا قاتىستى ەرەجەلەردى كۇشەيتكەن جارلىعىنىڭ كۇشىن توقتاتۋ جونىندە سيەتل سوتى شەشىم شىعارعاننان كەيىن كوپتەگەن شەتەلدىك جولاۋشىلار اقش-قا باراتىن ۇشاققا وتىرۋعا مۇمكىندىككە يە بولدى. Air France, Qatar Airways, Lufthansa and Swiss Airways ءتارىزدى اۋە كومپانيالارى قولدانىستاعى امەريكالىق ۆيزاسى بار جولاۋشىلارعا اقش-قا ۇشاتىن اۋە رەيستەرىنە وتىرۋعا رۇقسات ەتەتىنى تۋرالى مالىمدەگەن.

اقش ىشكى قاۋىپسىزدىك مينيسترلىگى پرەزيدەنت ترامپتىڭ جارلىعىندا اتالعان ەلدەر ازاماتتارىنىڭ قۇراما شتاتتارعا كەلۋىنە تىيىم سالىناتىنى تۋرالى حابارلاۋدى دوعاراتىنىن جاريالاعان. شەتەلدىك جولاۋشىلاردى تەكسەرۋ قايتادان ستاندارتتى ەرەجە بويىنشا جۇرگىزىلەتىنى حابارلاندى.

ترامپتىڭ جارلىعىنا قارسى سوتقا شاعىم تۇسىرگەندەردىڭ ءبىرى – ۆاشينگتون شتاتى باس پروكۋرورى بوب فەرگيۋسون يمميگراتسياعا تىيىم سالاتىن جارلىقتىڭ كۇشىن توقتاتۋ اقش كونستيتۋتسياسىنىڭ ۇستەمدىگىن پاش ەتەدى دەپ مالىمدەگەن. «ەشكىم دە، ءتىپتى پرەزيدەنت تە زاڭنان جوعارى ەمەس» دەگەن فەرگيۋسون.

پرەزيدەنت ترامپ ءوزى شىعارعان داۋلى جارلىقتىڭ كۇشىن توقتاتۋ تۋرالى سيەتل فەدەرالدىق سۋدياسى دجەيمس روبارتتىڭ شەشىمىن ءجونسىز دەپ سىناپ، سۋديانىڭ كاسىبي بىلىكتىلىگىنە كۇمان كەلتىرگەن.                                                                                                                                       ازات ەۋروپا / ازاتتىق راديوسى