بعم ء“بىلىم-يننوۆاتسيا ليتسەيلەرى” تۋرالى مالىمدەمە جاسادى
kerey.kz
قر ءبىلىم جانە عىلىم مينيسترلىگى ء“بىلىم-يننوۆاتسيا ليتسەيلەرىنىڭ” تولىقتاي قازاقستاندىق ءبىلىم بەرۋ مەكەمەلەرى ەكەندىگى تۋرالى، سونداي-اق ولاردىڭ ءوز قىزمەتىن قالىپتاسقان جاعدايدا جالعاستىراتىنى تۋرالى رەسمي مالىمدەدى، – دەپ حابارلايدى Tengrinews.kz ءتىلشىسى قر بعم ءباسپاسوز قىزمەتىنىڭ وكىلدەرىنە سىلتەمە جاساپ.
“تۇرىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى نەۆزات ۋيانىكتىڭ 2 ناۋرىز كۇنى قازاق-تۇرىك ليتسەيلەرىنىڭ (قتل) تۇركيانىڭ ءبىلىم مينيسترلىگى باسقارۋىنا وتەتىندىگى تۋرالى ايتقان بولاتىن. قر ءبىلىم جانە عىلىم مينيسترلىگى مۇنداي شارانىڭ بولۋ ىقتيمالدىعىنىڭ ءوزىن رەسمي تۇردە جوققا شىعاراتىنى تۋرالى مالىمدەيدى. قتل ء“بىلىم-يننوۆاتسيا ليتسەيلەرى” بولىپ قايتا قۇرىلىپ، قازاقستاندىق ءبىلىم بەرۋ ستاندارتتارى بويىنشا جۇمىس ىستەيدى”، – دەلىنگەن مالىمدەمەدە.
سونىمەن قاتار، الداعى ۋاقىتتا قر ءبىلىم جانە عىلىم مينيسترلىگى مەن قر سىرتقى ىستەر مينيسترلىگى وسى ماسەلە بويىنشا بىرىگىپ مالىمدەمە جاسايتىنى ايتىلادى. ال وعان دەيىن قر ءبىلىم جانە عىلىم مينيسترلىگى قازاقستاندىقتاردى تۇركيا ەلشىسىنىڭ جاساعان مالىمدەمەسى بويىنشا الاڭداماۋلارىن سۇرايدى. ء“بىلىم-يننوۆاتسيا ليتسەيلەرى” جۇمىسىنىڭ ادەتتەگى ءتارتىبى وزگەرىسسىز قالادى. ء“بىلىم-يننوۆاتسيا ليتسەيلەرى” - جۇرتشىلىق اراسىندا جوعارى بەدەل مەن قۇرمەتكە يە بولىپ وتىرعان ءبىلىم بەرۋ مەكەمەسى. قازاق-تۇرىك ليتسەيلەرىنىڭ ءبارى 2016 جىلى ء“بىلىم-يننوۆاتسيا ليتسەيلەرى” بولىپ قايتا قۇرىلعان.
tengrinews.kz
پىكىر قالدىرۋ