وزبەكستان حالقىنىڭ سانى 1 شىلدەگە دەيىنگى ەسەپ بويىنشا 32 ميلليون 345 مىڭ ادامعا جەتتى. Gazeta.uz باسىلىمىنىڭ وزبەكستان مەملەكەتتىك ستاتيستيكا كوميتەتىنىڭ اقپاراتتىق قىزمەتىنە سىلتەمە جاساپ حابارلاۋىنشا، حالىق سانى 2016 جىلدىڭ سوڭىنان بەرى 224 مىڭ ادامعا (0,7 پايىز) ارتقان. قالا حالقى 16 ميلليون 353 مىڭ (50,6 پايىز), اۋىل حالقى 15,9 ميلليون (49,4 پايىز) ادام بولعان.

2017 جىلدىڭ العاشقى التى ايىندا 311,9 مىڭ بالا دۇنيەگە كەلگەن. 2016 جىلدىڭ العاشقى التى ايىندا تۋعان بالا سانى بۇدان التى مىڭعا از.

قاڭتار-ماۋسىم ايلارىندا 78,8 مىڭ ادام قايتىس بولىپ، 2016 جىلدىڭ العاشقى التى ايىمەن سالىستىرعاندا 4900 ادامعا ارتقان.

قاڭتار-ماۋسىم ايلارىندا وزبەكستاندا 96,3 مىڭ نەكە، 15,6 مىڭ اجىراسۋ تىركەلگەن. ەلدە مىڭ ادامعا شاققاندا التى نەكە، ءبىر اجىراسۋدان كەلەدى. 2016 جىلدىڭ قاڭتار-ماۋسىم ايلارىندا مىڭ ادامعا 5,9 نەكە، 0,9 اجىراسۋ تىركەلگەن ەدى.

العاشقى جارتى جىلدا وزبەكستانعا قونىستانعاندار سانى 82,5 مىڭ، ەلدەن كەتكەندەن سانى 91 مىڭ ادامدى قۇراعان.                         ازات ەۋروپا / ازاتتىق راديوسى