قاستەر مەن مۇراگەر قىتايعا قايتارىلمايدى
kerey.kz
سوت زايسان اۋدانى ارقىلى (شقو -اۆت.) «شەكارانى زاڭسىز كەسىپ ءوتتى» دەپ ايىپتالعان قاستەر مۇساحانۇلى مەن مۇراگەر ءالىمۇلىنا قاتىستى ۇكىم شىعاردى. ۇكىم وقىلار الدىندا «بوستاندىق» دەپ ايقايلاعان قاستەر مەن مۇراگەردىڭ جاقتاستارى سوت زالىنا باسىپ كىردى، دەپ حابارلايدى Azattyq ءRýhyتىلشىسى.
قازاقستاننىڭ تۇكپىر-تۇكپىرىنەن جينالعان بەلسەندىلەر سوت وتىرىسى ءۇشىن كەڭىرەك زال بەرۋدى تالاپ ەتتى. سوت پروتسەسىنە كىرمەك بولعان ادامداردى پوليتسيا توقتاتپاقشى بولعانمەن، ولار ەسكەرتۋگە قۇلاق اسپادى. ءتىپتى، ايعايعا باسقان ازاماتتار ءتارتىپ ساقتاۋدى تالاپ ەتكەن پوليتسيا قىزمەتكەرلەرىن يتەرىپ، سىرتقا شىعارىپ تاستادى. تۇسكە دەيىن بولعان سوت وتىرىسىندا پروكۋرور ەرجان ازىمباەۆ قاستەر مۇساحانۇلى مەن مۇراگەر ءالىمۇلىن ءبىر جىلعا باس بوستاندىعىنان ايىرىپ، قىتايعا دەپورتاتسيالاماۋدى سۇراعان. ادۆوكات ءلاززات احاتوۆانىڭ ايتۋىنشا، پروكۋروردىڭ جەڭىل جازا سۇراۋىنا ەكى جىگىتتىڭ تەرگەۋمەن اشىق جۇمىس ىستەگەندەرى، ءارى كامەلەتتىك جاسقا تولماعان جاس بالالارىنىڭ بولۋى سەبەپ بولعان.
سۋديا شىنار وسپانوۆا قاستەر مۇساحانۇلى مەن مۇراگەر ءالىمۇلىن ءبىر جىلعا باس بوستاندىقتارىنان ايىرىپ، جازاسىن قاۋىپسىزدىگى تومەن مەكەمەدە وتەۋدى بۇيىردى. بۇدان بولەك، ەكى سوتتالۋشىنىڭ ارقايسىسى مەملەكەتكە 25 250 تەڭگە كولەمىندە ايىپپۇل تولەۋ كەرەك. سۋديانىڭ ايتۋىنشا، قاماۋداعى ءبىر كۇنى ەكى كۇنگە ەسەپتەلىپ، جازانى وتەۋ مەرزىمى 18 قازاننان باستالعان. ۇش ايدان بەرى اباقتىدا وتىرعان ەكى جىگىت قالعان 5 اي، 24 كۇنىن قاماۋدا وتەيدى.
ءامىربولات قۇسايىنۇلى، الماتى
پىكىر قالدىرۋ