پاريج. 17 قاڭتار. فرانتسيادا تۇرىپ جاتقان قازاقستاندىق قاشقىن بانكير مۇحتار ءابىلازوۆ قازاقستانعا ورالىپ، ۋاقىتشا ۇكىمەتتى باسقاراتىنىن مالىمدەدى. بۇل تۋرالى ريا «نوۆوستي» حابارلادى.

قازاقستاندىق وپپوزيتسيونەر ءوزىنىڭ پرەمەر-مينيستر بولعىسى كەلەتىنىن ايتىپ، باتىستان وسىعان كومەكتەسۋدى سۇراۋ نيەتى بار ەكەنى جەتكىزدى. ونىڭ ايتۋىنشا، فرانتسۋز پرەزيدەنتى ەممانۋەل ماكرونعا بۇل جايىندا بىلدىرگەن.

«ءبىز بيلىكتى اۋىستىرۋدىڭ جوسپارىن جاساپ قويدىق، ءبىز رەجيمنىڭ كەتۋىنە قول جەتكىزەمىز. مەن قازاقستانعا ۇشىپ كەلىپ، جارتى جىلداي ۋاقىتشا ۇكىمەتتى باسقاراتىن بولامىن. سودان كەيىن سايلاۋ جاريالانادى. ەگەر وندا ءبىزدىڭ پارتيا جەڭىپ شىعاتىن بولسا، مەن اشىق تۇردە پرەمەر-مينيستر بولامىن. پرەزيدەنتتىڭ لاۋازىمى بولمايدى. ءبىز بۇل لاۋازىمدى جويامىز»، – دەدى مۇحتار ءابىلازوۆ.

بۇرىنعى بانكير سونداي-اق 2004 جىلى بيزنەستەگى ارىپتەسى ەرجان تاتىشەۆتىڭ قازاسى ءۇشىن قازاقستاندا سىرتتاي ءومىر بويى تۇرمەدە وتىرۋ جازاسىنا كەسىلگەن بولاتىن. ول ءوزىنىڭ ەلگە ورالاتىن شاعى «وتە جاقىن» ەكەنىن ايتتى.

ءابىلازوۆ ءوزىنىڭ جوسپارلارىن جۇزەگە اسىرۋ ءۇشىن باتىس ەلدەرىنىڭ ليدەرلەرىنەن كومەك سۇراعىسى كەلەتىنىن باياندادى.

مۇنىڭ الدىندا ول قازاقستاندا قاڭتاردىڭ باسىندا ورىن العان نارازىلىق قوزعالىسى مەن جاپپاي تارتىپسىزدىكتى ءوزى ۇيىمداستىرعانىن، ونى كيەۆتە ورنالاسقان ءوز پارتياسىنىڭ ورتالىعى ارقىلى جاساعانىن مالىمدەگەن ەدى.

rast.kz