رەسەي ۋكرايناعا باسىپ كىرسە، “اپاتقا” كەزىگەدى، ۆلاديمير پۋتين مۇنداي جاعدايدا ء“ومىرى كورمەگەن” باتىس سانكتسياسىنا ۇشىرايدى. سارسەنبى كۇنگى ءباسپاسوز ءماسليحاتى كەزىندە اقش پرەزيدەنتى دجو بايدەن وسىلاي دەپ مالىمدەدى.
بايدەن رەسەي باسقىنشىلىق جاساسا، نە بولاتىنىن ءتۇسىندىردى. ونداي جاعدايدا مىسالى، رەسەي بانكتەرى دوللارمەن وپەراتسيا جاساۋدان قالادى.
بايدەننىڭ ايتۋىنشا، رەسەيدىڭ ۋكراينامەن سالىستىرعاندا اسكەري مۇمكىندىگى كوپ جانە قاقتىعىس بولسا، جەڭىسكە جەتۋى دە ىقتيمال. الايدا ونىڭ قىسقا جانە ۇزاقمەرزىمدىك سالدارى بولادى.
بايدەننىڭ ويىنشا، ۆلاديمير پۋتين ۋكرايناعا وپەراتسيادان باس تارتپايدى، بىراق ءىرى قاقتىعىستىڭ بولعانىن دا قالامايدى. اقش پرەزيدەنتى كرەملگە باتىستىڭ جاۋابى رەسەيدىڭ ۋكرايناعا قارسى ارەكەتىنىڭ اۋقىمى مەن سالدارىنا بايلانىستى بولاتىنىن سەزدىرگەن.
رەسەيدىڭ ۋكراينانى ناتو-عا الماۋ تۋرالى تالابىنا توقتالعان بايدەن ۋكراينا جاقىن ارادا وداققا مۇشە بولا المايدى – رەسەي ءۇشىن ەمەس، وداققا مۇشە بولۋعا دايىن ەمەس بولعاندىقتان دەدى.
كەيىنگى كەزدە باتىس ەلدەرىندە رەسەي ۋكرايناعا باسىپ كىرەدى دەگەن بولجام كۇشەيە تۇسكەن. بۇل اسىرەسە ۋكراينامەن شەكارادا رەسەي اسكەرى نىعايىپ، جەنەۆا مەن بريۋسسەلدە تاراپتار اراسىنداعى كەلىسسوز ناتيجەسىز اياقتالعان كەزدە ۇلعايىپ وتىر.
جۇما كۇنى جەنەۆادا اقش مەملەكەتتىك حاتشىسى رەسەي سىرتقى ىستەر مينيسترىمەن كەزدەسەدى. رەسەي ءسىم ماسكەۋ ۋكرايناعا باسىپ كىرۋگە دايىندىق جاساپ جاتقان جوق دەپ مالىمدەگەن.
ازات ەۋروپا / ازاتتىق راديوسى
پىكىر قالدىرۋ