ۋكراينا مەن رەسەي اراسىنداعى سوعىس ارەكەتتەرىنىڭ باستالعانىنا تۋرا ءبىر اي تولدى. بۇگىن ۋكراينانىڭ اقپارات قۇرالدارىندا رەسەي فەدەراتسياسىنىڭ ايگىلى كوسترومسكي-331 اۋە-دەسانتتىق پولكىنىڭ تولىق كۇيرەتىلگەنى تۋرالى اقپارات تارادى. بۇل جايلى orda.kz جازدى.

ەسىمىزدە بولسا، ءدال وسى پولك اسكەريلەرى «قاڭتار قىرعىنى» كەزىندە ەلىمىزدەگى «ماڭىزدى اكىمشىلىك نىسانداردى قورعاۋ» ماقساتىندا ۇقشۇ بىتىمگەرلەرى قۇرامىندا قازاقستانعا كەلگەن ەدى.

Twitter-دە «اسلان» اتتى پاراقشادا رف ارمياسىنىڭ 331 پولكىنىڭ اسكەرى اناسىمەن تەلەفون ارقىلى سويلەسكەنى جاريالانعان. ۆيدەودا رەسەي اسكەرىنىڭ ۇلكەن شىعىنعا ۇشىراپ جاتقانى جانە 331 پولكتىڭ كۇيرەگەنى تۋرالى ايتىلادى.

«ءبىزدى ساتىپ كەتتى. گەنەرالدار بارلىق اقپاراتتى ساتتى. 2 باتالون تولىق جۇمىلدىرىلدى. بۇل – 1 500 ادامنىڭ ۇشتەن ءبىرى. ءبىزدى قىرىپ جاتىر», – دەيدى سوعىس شەبىنەن حابارلاسقان رف اسكەرى.

22 ناۋرىز كۇنى ريازاندا 331 گۆارديالىق ءپاراشيۋتتى-دەسانتتىق سوققى بەرۋ پولكىنىڭ كومانديرى سۋحارەۆپەن قوشتاسۋ ءراسىمى ءوتتى. ۋكراينا دالاسىندا قازا تاپقان كومانديرگە رەسەي باتىرى جۇلدىزى تاعايىندالىپ، رف قورعانىس ءمينيسترىنىڭ ورىنباسارى سادوۆەنكو ونى كومانديردىڭ جەسىرىنە تاپسىرعان.