سامات ءابىش تەرگەۋ وربيتاسىندا
kerey.kz
ۇقك توراعاسىنىڭ بۇرىنعى ءبىرىنشى ورىنباسارى سامات ءابىش تەرگەۋ وربيتاسىندا. بۇل تۋرالى ۇقك توراعاسىنىڭ ورىنباسارى اسقار امەرحانوۆ مالىمدەدى.
“سامات ءابىش تە تەرگەۋ وربيتاسىندا. ول كۋالىك بەرەدى، ونىڭ مارتەبەسىن بىلمەيمىن. ول قازاقستاندا. مەن ونى ءوزىم كورمەدىم. مەنىڭ ويىمشا، تەرگەۋ ءجۇرىپ جاتىر، ول وسىندا بولۋى ءتيىس”، – دەدى امەرحانوۆ.
ول تەرگەۋ جالعاسىپ جاتقانىن جانە ونىڭ انىق-قانىعى جاريالانبايتىنىن ايتتى.
“بىلەسىزدەر، (قازىر تەرگەۋدە – ەسك.) بۇرىنعى توراعا، ونىڭ ءۇش ورىنباسارى جانە تاعى ءتورت اۋماقتىق دەپارتامەنت باسشىسى – قىزىلوردا جانە الماتى وبىلىستارى، الماتى بويىنشا جانە ءتورتىنشىسى – بەسىنشى دەپارتامەنتتىڭ بۇرىنعى باسشىسى”، – دەپ ءتۇسىندىردى امەرحانوۆ.
ۇقك بۇرىنعى باسشىسى كارىم ءماسىموۆ پەن ونىڭ ءبىرىنشى ورىنباسارى سامات ءابىش قاڭتارداعى تارتىپسىزدىكتەر كەزىندە جۇمىستا بولعان. بۇل تۋرالى ۇقك توراعاسىنىڭ ورىنباسارى اسقار ءامىرحانوۆ مالىمدەدى.
– قاڭتار وقيعاسى كەزىندە سامات ءابىش جۇمىستا بولدى، قانداي تاپسىرمالار بەرىلگەنىن تۇسىندىرە المايمىن، قازىر تەرگەۋ تارماقتارى بويىنشا تالدانىپ جاتىر، – دەپ حابارلادى ۇقك توراعاسىنىڭ ورىنباسارى اسقار ءامىرحانوۆ.
كارىم ءماسىموۆتىڭ ءىسى بويىنشا سوت كۇزدە ءوتۋى مۇمكىن. ۇقك توراعاسىنىڭ ورىنباسارى اسقار ءامىرحانوۆ ايتۋىنشا، ءىس ماتەريالدارى قۇپيا جانە سوتتىڭ اشىق، نە جابىق وتەتىنىن سوت ورگانى شەشەدى.
پىكىر قالدىرۋ