ۇلىبريتانيا مەن فرانتسيا ۋكراينامەن بىرىگىپ بەيبىتشىلىك جوسپارىن ازىرلەيدى
kerey.kz
“ۇلىبريتانيا، سونىمەن بىرگە فرانتسيا جانە تاعى ءبىر ىقتيمال تاراپ ۋكراينامەن بىرىگىپ، اسكەري قيمىلدى توقتاتۋ جوسپارىن ازىرلەۋمەن اينالىسادى، ودان كەيىن جوسپاردى اقش-پەن تالقىلايمىز” دەدى ستارمەر.ول BBC-گە سۇحباتىندا “كەلىسىم ءبولۋى كەرەك ەكەنى ءسوزسىز، اسكەري قيمىلدى توقتاتۋ كەرەك، ال ودان كەيىن سول كەلىسىمدى قورعاۋ كەرەك، سەبەبى ەڭ ىقتيمال ناشار ستسەناريلەردىڭ ءبىرى – بۇل ۋاقىتشا ءۇزىلىس، ودان كەيىن پۋتين تاعى دا كەلەدى” دەدى.
ونىڭ سوزىنشە، ەگەر ەۋروپا ۋكراينادا بىتىمگەر وپەراتسياسىن باستاۋعا كەلىسسە، اقش ۋكرايناعا قاۋىپسىزدىك كەپىلدىگىن بەرۋى كەرەك.
ول زەلەنسكي مەن ترامپتىڭ كەرىسۋى جونىندە سۇراعان كەزدە “مۇندايدى ەشكىم باقىلاعىسى كەلمەيدى” دەدى. ول ۋكراينا مەن اقش پرەزيدەنتتەرى اراسىندا “كوپىر” ءرولىن اتقارۋدى ءوزىنىڭ مىندەتى سانايتىنىن جەتكىزدى.
“كەيىنىرەك مەن پرەزيدەنت ترامپ پەن پرەزيدەنت زەلەنسكيگە حابارلاستىم، سەبەبى مەنىڭ تۇسىنۋىمشە، باستى نازار ۋكراينادا تۇراقتى بەيبىتشىلىك ورناتۋ ماسەلەسىندە بولۋى كەرەك” دەدى ستارمەر.
ۇلىبريتانيانىڭ پرەمەر-ءمينيسترى زەلەنسكيدىڭ ۆاشينگتونداعى ارەكەتىن دۇرىس ەمەس دەپ سانامايتىنىن جەتكىزدى.
ول ترامپ پەن زەلەنسكيگە سەنەتىنىن، ال پۋتينگە سەنبەيتىنىن ايتتى.
جەكسەنبى كۇنى لوندوندا ۋكراينانىڭ قاۋىپسىزدىگى ماسەلەلەرى بويىنشا سامميت باستالادى. وعان ەۋروپا ەلدەرىنىڭ بىرقاتار باسشىلارى قاتىسادى. وعان تۇركيانىڭ سىرتقى ىستەر ءمينيسترى حاكان فيدان، ناتو باس حاتشىسى مارك ريۋتتە، ەۋروكوميسسيانىڭ جەتەكشىسى ۋرسۋلا فون دەر ليايەن جانە ەۋروكەڭەس جەتەكشىسى انتونيۋ كوشتا قاتىسادى.
ازات ەۋروپا / ازاتتىق راديوسى
پىكىر قالدىرۋ